*صابنها*
*محمد عبد الماجد*
*المريخاب قالوا انتصار الهلال على الترجي (ذكاء اصطناعي)!!!*
مُنتظر تعليق المريخاب على انتصار الهلال بثلاثية على الترجي التونسي في دار السلام.
مزمل يمكن يقول ليهم (ذكاء اصطناعي)!! أصلو الأيّامات دي في موضة (ذكاء اصطناعي) حايم!!
الكابوس لو جاك في النوم، يقولوا ليك دا ما كابوس، دا (ذكاء اصطناعي).
ناس (ليلى بنت الزرارة) جاهم عريس لي بنتهم، بعد ما عقدوا ليه، العريس طلع (ذكاء اصطناعي)!!
(التوم ود البرجل) قال لي أبوه البرجل، يا حاج لو في يوم قالوا ليك ولدك عرّس في الخرطوم، أوعك تصدِّق، دا (ذكاء اصطناعي)، ولدك ما بعمل كدا في ضهركم.
أبوه (البرجل) قال ليه يا ولدي التوم، أنا لو اقتنعت البقنع أمّك شنو؟ والله إنت بي رأسك الكبير دا، حقيقتك من ذكائك الاصطناعي ما بتفرز!!
يوم داك جانا حرامي، دخل بالباب ما بالحيطة ونحن قاعدين نعاين ليه!!
شال التلاجة، ونحن قاعدين نعاين ليه!!
قفل التلفزيون، شال (الشاشة)، كنا قاعدين نتابع في المسلسل ونحن برضو قاعدين نعاين ليه!!
نزّل (حَلّة اللبن) من النار، شال البوتجاز، ونحن قاعدين نعاين ليه!!
دخل الحمام اتشطّف وطلع ونحن قاعدين نعاين ليه!!
فك الموبايلات من الشاحن، شال ليه خمسة موبايلات، وجدع لينا (ربيكا) ونحن قاعدين نعاين ليه!!
دخل الصالون، وقف أمام الخزنة وقال عاوز المفتاح.. أدّيناه المفتاح وفتح الخزنة وشال الدهب والقروش ونحن قاعدين نعاين ليه!!
قفل المكيّف وفكّاهو سلك سلك ونحن قاعدين نعاين ليه!!
عندنا كان باقي (ملوخية) في التلاجة طلّعها وضربها قِدّامنا، ونحن قاعدين نعاين ليه!!
لا أستغفر الله، قال عاوز (الشطة والليمون)، أدّيناهو الشطة والليمون ونحن قاعدين نعاين ليه!!
قال (ملوخيتكم) دي مالها ملحها كتير كدا؟ قلنا ليه (الملاح) وقت يبيت ملحو بطلع ونحن قاعدين نعاين ليه!!
قال عاوز شاحن الموبايل.. أدّيناهو أربعة شواحن، ونحن قاعدين نعاين ليه!!
أخد ليه صورة (سيلفي) قِدّام الدولاب وطلع فات ونحن قاعدين نعاين ليه!!
طبعاً ح تقولوا لي إنتو ليه قاعدين تعاينوا ليه؟ كان تمسكوه.
ح أقولكم أنا قُمت عليه وكنت عاوز أمسكو، وأقدد ليه عيونو، لكن قعّدوني في الواطة وقالوا لي ما تشتغل بيه دا (ذكاء اصطناعي) ساكت!!
جرّيت (الملاية) ورقدت وقلت والله مع (الذكاء الاصطناعي) دا لو شال (كليتي) ما بشتغل بيه.
هسع مزمل ح يقول ليهم انتصار الهلال (ذكاء اصطناعي) ويجروا (الملاية) ويتغطوا!!
الناس ديل دخّلوا ليهم 15 حاوية، وهم قاعدين يعاينوا.
حفتر دخل الخرطوم اتعشوا معاه في السلام روتانا، وهم قاعدين يعاينوا.
الذكاء الاصطناعي كان وين وقتها؟!!
أنا أول مرّة أشوف لي (ذكاء اصطناعي) يجيب ليه تلاتة أقوان.
بعدين (ذكاء اصطناعي) يسجِّل “هدف عكسي” في مرماه، دي يطرشني بيها.
وبعمل ليه (ضربة جزاء)!!
ناس الأهلي المصري الموسم الماضي أتوا للخرطوم عشان يلعبوا في أم درمان أمام الهلال.
ناس الأهلي قالوا: الجمهور!!
قلنا ليهم الجمهور مالو؟
قالوا نحن مع جمهور الهلال دا ما بنلعب والله مرة إتزرّينا جنس زَرّة!! أرواحنا كانت عاوزة تطلع.
شلنا الجمهور برّه.
المباراة اتلعبت بدون جمهور والهلال غلب 0/1.
قالوا: الشمس!!
قلنا ليهم: أها الشمس دي نعمل ليها شنو؟ موضوع الشمس دي ما في إيدنا.
قالوا: موية الصرف الصحي!!
قلنا ليهم: كمان جابت ليها موية (صرف صحي)، دخلنا ليهم في ضفورنا!!
السنة دي شلنا الجمهور.. وشلنا الشمس.. وشلنا موية الصرف الصحي.. ومشينا نلعب في دار السلام.
مرقنا برّه البلد.
وعشان ما نسمع كلام كتير (ليليبو) ذاتو ودّيناهو فرنسا.
المساكين ما عارفين جان كلود!!
الأهلي قال ما بيلعب مع الهلال تاني في مجموعة واحدة.
جابوا لينا الترجي التونسي.
الترجي ما عارف حاجة.
وما عندو ذنب، أخد تلاتة.
الترجي في ربع ساعة شال هدفين!!
وعشان ما في زول يقول لينا (الشمس) أو (موية الصرف الصحي) الهدف الأول كان هدف عكسي.
وعشان الكلام الكتير، الهدف التاني (ضربة جزاء).
وعشان نقطع ليهم لسانهم، انتظرنا الواطة لامن مغربت، وسجّلنا الهدف الثالث.
المُعلِّق بتاع “بي ان سبورت” قال دي تيكي تاكا.. قلنا ليه دي ما تيكي تاكا، دا (ذكاء اصطناعي).. انقروا المُعلِّق ما نطق سوداني وقال: كدا كدا يا ترلة!!
يا متعلمين يا بتوع المدارس، دا ذكاء اصطناعي والّلا ما ذكاء اصطناعي؟!
قالوا ناس الترجي التونسي بعد هدف الهلال الثاني طالبوا يجيبوا ليهم حمزة داؤود.
قلنا ليهم حمزة داؤود ذنبو شنو؟!
نجيبوا ليكم من وين في البرد دا؟!
باقي نحن ما بنحب الحقارة، وما بنرضى كلمة في حمزة داؤود.
بعد خسارة الهلال في الجولة الأولى خارج قواعده أمام بترو أتلتيكو في ناس استعجلوا وهاجموا فلوران.
وفي ناس هاجموا المُحترفين.
الجماعة نسوا (الحرب) ودوّروا في الهلال.
الهلال في 7 شهور لعب ليه 4 مباريات.
المُحترف الأجنبي في الدنيا كلها عشان يقدِّم حاجة عاوز ليه فترة.
على الأقل يعني يلعب ليه عشرين أو خمسة وعشرين مباراة متتالية وهذا الأمر كان يتحقّق لمحترفي الهلال من خلال الدوري المحلي.
قودوين وكلتشي وسادومبا وكل الفطاحلة الذين تألقوا مع الهلال تألقوا بعد أن حدث التجانس والتفاهم من خلال مباريات المنافسات المحلية.
مُحترفو الهلال الآن بيلعبوا أفريقياً طوالي، وبيلعبوا كمان في مرحلة المجموعات وأمام أندية كبيرة مثل بترو أتلتيكو والترجي التونسي وكلاهما كان يلعب قبل أيام في بطولة السوبر الأفريقي.
في الهلال الآن 12 مُحترفاً أجنبياً، ديل عشان يحدث بينهم تجانس وتفاهم عاوزين وقت.
عاوزين مباريات تنافسية على المُستوى المحلي.
الأهلي المصري بيلعب هذا الموسم في 8 بطولات.
الهلال بيلعب في بطولة واحدة وفي مرحلة المجموعات التي وصلها من خلال مباراتين فقط.
فهمنا والّلا أعيد؟!
ما عاوز اتكلم عن الحرب، عشان الكلام في الحرب فترنا منو.
ولا عاوز أقول إنّ الهلال بيلعب مبارياته في تنزانيا.
عاوز أقول بس إنّ غياب المنافسات المحلية سوف يؤدي إلى غياب التجانس والتفاهم والجاهزية البدنيّة، رغم أنّ الهلال قدّم مباراة رائعة أمام الترجي وفاز عليه بنتيجة كبيرة.
برضو هذه المباراة ليس حكماً.. زي ما رفضنا الهجوم والانتقاد للهلال بعد الخسارة أمام بترو أتلتيكو، بنقول ليكم مع فرحتنا الكبيرة إنّ انتصار الهلال على الترجي ليس مقياساً، وإنّ الهلال في حاجة إلى مُضاعفَة الجهود من أجل التأهُّل.
إذا تأهّل الهلال سوف نكون سُعداء، وسوف نعتبر ذلك إنجازاً يُحسب للهلال في هذه الظروف، وإذا لم يتأهّل الهلال لا قدّر الله، لن نهاجم المُحترفين ولن نذبح المُدرِّب.
الكلام دا كدا واضح والّلا أعرج ليكم على (الذكاء الاصطناعي)؟!
اللعب (تريس الأسود) منو؟
علاقة تريس الأسود بالكلام دا شنو؟!
كذلك لم يقف الناس عند الطيب عبد الرازق الذي يتعرّض للهجوم بعد أيِّ هزيمة للهلال، حتى لو كان غير مُشارك في المباراة!!
الطيب عبد الرازق لعب الكرة الطويلة والذكية لاستيفن ايبويلا الذي عكس الكرة بصورة أكثر روعة للغربال وجاء هدف الهلال الأول بعد مجهود كبير من الغربال.
الشئ الغربب أنّ الكرة الطويلة التي لُعبت لياسر مزمل وحدثت معه ضربة جزاء كانت أيضاً ملعوبة من استيفن ايبويلا.
دفاع الهلال الذي كُنّا نتخوّف منه بعد إصابة إرنق، ساهم بشكل كبير في أهداف الهلال الثلاثة.
مباراة الهلال أمام الترجي دخلت قائمة المباريات التاريخية في تاريخ الهلال، مثل مباراتي الهلال أمام الأهلي التي فاز الهلال في الأولى بثلاثة أهداف، وفي الثانية بهدف الشمس المُحرقة، إلى جانب مباراة الهلال التي انتصر فيها الهلال بهدف ريتشارد في القاهرة.. انتصار الهلال على الترجي تاريخيٌّ مثل انتصاره على الهلال السعودي في القاهرة، وانتصار الهلال على مازيمبي في الكونغو.
انتصار الهلال على الترجي تاريخيٌّ لأنّ الانتصار حَدثَ في ظروف صعبة، تمر بها البلاد ويمر بها الهلال.
والانتصارات التّاريخيّة تبقى مُفرحةً وخالدةً في الذاكرة.
ما عاوز أكتب فنيّاً عن المباراة، لأنّي في مثل هذه المباريات بكون في حالة تانية وبكتفي بالفرحة قبل الفرجة، لكن من حين لآخر سوف نعود للمباراة وسنقف عند بعض الإشارات.
في مباراة الهلال أمام الترجي لا أستطيع أن أتجاوز الجمهور التنزاني، وقد ذكرت من قبل أنّ الشعب التنزاني من أروع الشعوب في أفريقيا وفي العالم، شعبٌ مُسالمٌ وراق ومُتحضِّرٌ.
أقف أيضاً عند شعار الهلال (البديع).. في اعتقادي أنّ زي الهلال الجديد شارك في الأهداف الثلاثة.
زيّ الهلال الجديد صنع الانتصار.. حاجة تخبل.. الازرق يليق بكم.
الانتصار يليق بالازرق.
قلت ليكم (ذكاء اصطناعي) قعدتوا تغالطوا!!
….
متاريس
في اتفاق عام أنّ نجم المباراة كان الحارس العاجي فوفانا.
والهلال صبر على فوفانا حتى وصل لهذا المستوى.
شفتوا نتيجة الصبر؟
وفي اتفاق عام أيضاً أنّ تمريرة جون مانو التي جاء منها الهدف الثالث كانت أجمل من الأهداف الثلاثة، بل الأهداف الأربعة، بما في ذلك هدف الترجي.
بس في الحتة دي عاوز أقول كلمة في حق مدرب الهلال فلوران الذي يُراهن على جون مانو ويمنحه الفرصة في كل مباريات الهلال.
فلوران قدّم جون مانو بصورة زاهية وبديعة.
الغربال يستاهل أيِّ قرش يدفع له.. لاعبٌ كبيرٌ وقائدٌ مُحترمٌ ومحبوبٌ من كل لاعبي الهلال.
أطراف الهلال رجعت تعزف من جديد.
الصيني يحتاج للمزيد من المشاركات.. وجود هذا اللاعب في تشكيلة الهلال أمرٌ لا بُدّ منه.
روفا الكنبة تزيده بريقاً.
وأبو عاقلة شارك في الشوط الثاني وأحدث الإضافة المطلوبة.
لماذا لم تتحدّثوا عن تبديلات فلوران العبقرية؟
أدعموا فلوران في كل الظروف وكل الأحوال.
التعامُل مع المدرب أو اللاعب بالقطعة أمرٌ غير أخلاقي.
مباراتا الهلال ذهاباً وإياباً أمام النجم التونسي يومي 8 و19 ديسمبر في تونس ودار السلام أقل شئ الهلال يشيل منهما 4 نقاط.
وعشان نضمن حقّنا، انتصروا في تونس، عشان نلعب في دار السلام بدون ضُغُوطٍ.
النجم التونسي سوف يعمل ألف حساب للهلال بعد انتصار الأخير على الترجي.
الهلال إذا تجاوز هذه الفترة سوف يكون أكثر جاهزيةً بعد عودة المنافسات الأفريقية عقب نهائيات الأمم الأفريقية في يناير المُقبل.
سوف يكون الهلال أكثر روعةً، إذا حدث بعض التجانس في الهلال، إلى جانب عودة إرنق، مع احتمالية إضافة لاعب أو لاعبين جُدد لكشوفات الهلال.
على الهلال أن لا يهمل الإضافات الوطنية.
الهلال محتاج إلى مدافع إلى جانب الطيب وديوف وإرنق وأحمد يحيى.
هذا العدد من المدافعين غير كافٍ.
ما في زول اتكلم عن بوغبا.
بس فالحين في الشناف والتنظير.
الاتحاد السوداني من أجل المنتخب ومن أجل الهلال يجب أن يعيد المنافسات المحلية في يناير المُقبل.
الجماعة بتاعين الاتحاد العام ديل لقوا السفر والمعسكرات الخارجية من منتخب إلى منتخب ما أظن يجوكم راجعين تاني.
أبو جيبين بقي بتاع مُؤتمرات.
أنا أول مرة أشوف لي نادي إدارته مجتمعة ومعسكرة، ولاعبيه مُفرّقين في الأرض.
خجلنا ليكم.
علاقة استقالة ابوجيبين بهدف الهلال الثالث شنو؟
ما في اي علاقة ، شبه ساكت.
اقصد ذكاء اصطناعي!!
فرحة أحمد النور في الكنبة، ذكّرتنا فرحته عندما وصل الهلال لنهائي البطولة العربية.
أحمد النور قبل أن يكون إضافةً (فنيةً) هو إضافة (روح) للهلال.رصد ابوسبأ
لا أدري لماذا لم يتحدّث الناس والخبراء والما خبراء عن استحقاق حارس الترجي التونسي للبطاقة الحمراء، فقد كان الحارس آخر لاعب، وكان مدافع الترجي بعيداً ولم يكن أمام مرمى الترجي ولاعب الهلال ياسر مويس غير الحارس.
اللاعب كان يستحق الطرد من الدقيقة 12.
وكان الترجي إذا فقد الحارس يمكن أن يخسر ستة أو خمسة!!
لكن الحكم كان رحيماً بالترجي!!
مالي زي الفكيت موضوع (الذكاء الاصطناعي) دا؟
….
ترس أخير: الرسالة وصلت من دار السلام.. بس إن شاء الله يفهموها
*محمد عبد الماجد*
*المريخاب قالوا انتصار الهلال على الترجي (ذكاء اصطناعي)!!!*
مُنتظر تعليق المريخاب على انتصار الهلال بثلاثية على الترجي التونسي في دار السلام.
مزمل يمكن يقول ليهم (ذكاء اصطناعي)!! أصلو الأيّامات دي في موضة (ذكاء اصطناعي) حايم!!
الكابوس لو جاك في النوم، يقولوا ليك دا ما كابوس، دا (ذكاء اصطناعي).
ناس (ليلى بنت الزرارة) جاهم عريس لي بنتهم، بعد ما عقدوا ليه، العريس طلع (ذكاء اصطناعي)!!
(التوم ود البرجل) قال لي أبوه البرجل، يا حاج لو في يوم قالوا ليك ولدك عرّس في الخرطوم، أوعك تصدِّق، دا (ذكاء اصطناعي)، ولدك ما بعمل كدا في ضهركم.
أبوه (البرجل) قال ليه يا ولدي التوم، أنا لو اقتنعت البقنع أمّك شنو؟ والله إنت بي رأسك الكبير دا، حقيقتك من ذكائك الاصطناعي ما بتفرز!!
يوم داك جانا حرامي، دخل بالباب ما بالحيطة ونحن قاعدين نعاين ليه!!
شال التلاجة، ونحن قاعدين نعاين ليه!!
قفل التلفزيون، شال (الشاشة)، كنا قاعدين نتابع في المسلسل ونحن برضو قاعدين نعاين ليه!!
نزّل (حَلّة اللبن) من النار، شال البوتجاز، ونحن قاعدين نعاين ليه!!
دخل الحمام اتشطّف وطلع ونحن قاعدين نعاين ليه!!
فك الموبايلات من الشاحن، شال ليه خمسة موبايلات، وجدع لينا (ربيكا) ونحن قاعدين نعاين ليه!!
دخل الصالون، وقف أمام الخزنة وقال عاوز المفتاح.. أدّيناه المفتاح وفتح الخزنة وشال الدهب والقروش ونحن قاعدين نعاين ليه!!
قفل المكيّف وفكّاهو سلك سلك ونحن قاعدين نعاين ليه!!
عندنا كان باقي (ملوخية) في التلاجة طلّعها وضربها قِدّامنا، ونحن قاعدين نعاين ليه!!
لا أستغفر الله، قال عاوز (الشطة والليمون)، أدّيناهو الشطة والليمون ونحن قاعدين نعاين ليه!!
قال (ملوخيتكم) دي مالها ملحها كتير كدا؟ قلنا ليه (الملاح) وقت يبيت ملحو بطلع ونحن قاعدين نعاين ليه!!
قال عاوز شاحن الموبايل.. أدّيناهو أربعة شواحن، ونحن قاعدين نعاين ليه!!
أخد ليه صورة (سيلفي) قِدّام الدولاب وطلع فات ونحن قاعدين نعاين ليه!!
طبعاً ح تقولوا لي إنتو ليه قاعدين تعاينوا ليه؟ كان تمسكوه.
ح أقولكم أنا قُمت عليه وكنت عاوز أمسكو، وأقدد ليه عيونو، لكن قعّدوني في الواطة وقالوا لي ما تشتغل بيه دا (ذكاء اصطناعي) ساكت!!
جرّيت (الملاية) ورقدت وقلت والله مع (الذكاء الاصطناعي) دا لو شال (كليتي) ما بشتغل بيه.
هسع مزمل ح يقول ليهم انتصار الهلال (ذكاء اصطناعي) ويجروا (الملاية) ويتغطوا!!
الناس ديل دخّلوا ليهم 15 حاوية، وهم قاعدين يعاينوا.
حفتر دخل الخرطوم اتعشوا معاه في السلام روتانا، وهم قاعدين يعاينوا.
الذكاء الاصطناعي كان وين وقتها؟!!
أنا أول مرّة أشوف لي (ذكاء اصطناعي) يجيب ليه تلاتة أقوان.
بعدين (ذكاء اصطناعي) يسجِّل “هدف عكسي” في مرماه، دي يطرشني بيها.
وبعمل ليه (ضربة جزاء)!!
ناس الأهلي المصري الموسم الماضي أتوا للخرطوم عشان يلعبوا في أم درمان أمام الهلال.
ناس الأهلي قالوا: الجمهور!!
قلنا ليهم الجمهور مالو؟
قالوا نحن مع جمهور الهلال دا ما بنلعب والله مرة إتزرّينا جنس زَرّة!! أرواحنا كانت عاوزة تطلع.
شلنا الجمهور برّه.
المباراة اتلعبت بدون جمهور والهلال غلب 0/1.
قالوا: الشمس!!
قلنا ليهم: أها الشمس دي نعمل ليها شنو؟ موضوع الشمس دي ما في إيدنا.
قالوا: موية الصرف الصحي!!
قلنا ليهم: كمان جابت ليها موية (صرف صحي)، دخلنا ليهم في ضفورنا!!
السنة دي شلنا الجمهور.. وشلنا الشمس.. وشلنا موية الصرف الصحي.. ومشينا نلعب في دار السلام.
مرقنا برّه البلد.
وعشان ما نسمع كلام كتير (ليليبو) ذاتو ودّيناهو فرنسا.
المساكين ما عارفين جان كلود!!
الأهلي قال ما بيلعب مع الهلال تاني في مجموعة واحدة.
جابوا لينا الترجي التونسي.
الترجي ما عارف حاجة.
وما عندو ذنب، أخد تلاتة.
الترجي في ربع ساعة شال هدفين!!
وعشان ما في زول يقول لينا (الشمس) أو (موية الصرف الصحي) الهدف الأول كان هدف عكسي.
وعشان الكلام الكتير، الهدف التاني (ضربة جزاء).
وعشان نقطع ليهم لسانهم، انتظرنا الواطة لامن مغربت، وسجّلنا الهدف الثالث.
المُعلِّق بتاع “بي ان سبورت” قال دي تيكي تاكا.. قلنا ليه دي ما تيكي تاكا، دا (ذكاء اصطناعي).. انقروا المُعلِّق ما نطق سوداني وقال: كدا كدا يا ترلة!!
يا متعلمين يا بتوع المدارس، دا ذكاء اصطناعي والّلا ما ذكاء اصطناعي؟!
قالوا ناس الترجي التونسي بعد هدف الهلال الثاني طالبوا يجيبوا ليهم حمزة داؤود.
قلنا ليهم حمزة داؤود ذنبو شنو؟!
نجيبوا ليكم من وين في البرد دا؟!
باقي نحن ما بنحب الحقارة، وما بنرضى كلمة في حمزة داؤود.
بعد خسارة الهلال في الجولة الأولى خارج قواعده أمام بترو أتلتيكو في ناس استعجلوا وهاجموا فلوران.
وفي ناس هاجموا المُحترفين.
الجماعة نسوا (الحرب) ودوّروا في الهلال.
الهلال في 7 شهور لعب ليه 4 مباريات.
المُحترف الأجنبي في الدنيا كلها عشان يقدِّم حاجة عاوز ليه فترة.
على الأقل يعني يلعب ليه عشرين أو خمسة وعشرين مباراة متتالية وهذا الأمر كان يتحقّق لمحترفي الهلال من خلال الدوري المحلي.
قودوين وكلتشي وسادومبا وكل الفطاحلة الذين تألقوا مع الهلال تألقوا بعد أن حدث التجانس والتفاهم من خلال مباريات المنافسات المحلية.
مُحترفو الهلال الآن بيلعبوا أفريقياً طوالي، وبيلعبوا كمان في مرحلة المجموعات وأمام أندية كبيرة مثل بترو أتلتيكو والترجي التونسي وكلاهما كان يلعب قبل أيام في بطولة السوبر الأفريقي.
في الهلال الآن 12 مُحترفاً أجنبياً، ديل عشان يحدث بينهم تجانس وتفاهم عاوزين وقت.
عاوزين مباريات تنافسية على المُستوى المحلي.
الأهلي المصري بيلعب هذا الموسم في 8 بطولات.
الهلال بيلعب في بطولة واحدة وفي مرحلة المجموعات التي وصلها من خلال مباراتين فقط.
فهمنا والّلا أعيد؟!
ما عاوز اتكلم عن الحرب، عشان الكلام في الحرب فترنا منو.
ولا عاوز أقول إنّ الهلال بيلعب مبارياته في تنزانيا.
عاوز أقول بس إنّ غياب المنافسات المحلية سوف يؤدي إلى غياب التجانس والتفاهم والجاهزية البدنيّة، رغم أنّ الهلال قدّم مباراة رائعة أمام الترجي وفاز عليه بنتيجة كبيرة.
برضو هذه المباراة ليس حكماً.. زي ما رفضنا الهجوم والانتقاد للهلال بعد الخسارة أمام بترو أتلتيكو، بنقول ليكم مع فرحتنا الكبيرة إنّ انتصار الهلال على الترجي ليس مقياساً، وإنّ الهلال في حاجة إلى مُضاعفَة الجهود من أجل التأهُّل.
إذا تأهّل الهلال سوف نكون سُعداء، وسوف نعتبر ذلك إنجازاً يُحسب للهلال في هذه الظروف، وإذا لم يتأهّل الهلال لا قدّر الله، لن نهاجم المُحترفين ولن نذبح المُدرِّب.
الكلام دا كدا واضح والّلا أعرج ليكم على (الذكاء الاصطناعي)؟!
اللعب (تريس الأسود) منو؟
علاقة تريس الأسود بالكلام دا شنو؟!
كذلك لم يقف الناس عند الطيب عبد الرازق الذي يتعرّض للهجوم بعد أيِّ هزيمة للهلال، حتى لو كان غير مُشارك في المباراة!!
الطيب عبد الرازق لعب الكرة الطويلة والذكية لاستيفن ايبويلا الذي عكس الكرة بصورة أكثر روعة للغربال وجاء هدف الهلال الأول بعد مجهود كبير من الغربال.
الشئ الغربب أنّ الكرة الطويلة التي لُعبت لياسر مزمل وحدثت معه ضربة جزاء كانت أيضاً ملعوبة من استيفن ايبويلا.
دفاع الهلال الذي كُنّا نتخوّف منه بعد إصابة إرنق، ساهم بشكل كبير في أهداف الهلال الثلاثة.
مباراة الهلال أمام الترجي دخلت قائمة المباريات التاريخية في تاريخ الهلال، مثل مباراتي الهلال أمام الأهلي التي فاز الهلال في الأولى بثلاثة أهداف، وفي الثانية بهدف الشمس المُحرقة، إلى جانب مباراة الهلال التي انتصر فيها الهلال بهدف ريتشارد في القاهرة.. انتصار الهلال على الترجي تاريخيٌّ مثل انتصاره على الهلال السعودي في القاهرة، وانتصار الهلال على مازيمبي في الكونغو.
انتصار الهلال على الترجي تاريخيٌّ لأنّ الانتصار حَدثَ في ظروف صعبة، تمر بها البلاد ويمر بها الهلال.
والانتصارات التّاريخيّة تبقى مُفرحةً وخالدةً في الذاكرة.
ما عاوز أكتب فنيّاً عن المباراة، لأنّي في مثل هذه المباريات بكون في حالة تانية وبكتفي بالفرحة قبل الفرجة، لكن من حين لآخر سوف نعود للمباراة وسنقف عند بعض الإشارات.
في مباراة الهلال أمام الترجي لا أستطيع أن أتجاوز الجمهور التنزاني، وقد ذكرت من قبل أنّ الشعب التنزاني من أروع الشعوب في أفريقيا وفي العالم، شعبٌ مُسالمٌ وراق ومُتحضِّرٌ.
أقف أيضاً عند شعار الهلال (البديع).. في اعتقادي أنّ زي الهلال الجديد شارك في الأهداف الثلاثة.
زيّ الهلال الجديد صنع الانتصار.. حاجة تخبل.. الازرق يليق بكم.
الانتصار يليق بالازرق.
قلت ليكم (ذكاء اصطناعي) قعدتوا تغالطوا!!
….
متاريس
في اتفاق عام أنّ نجم المباراة كان الحارس العاجي فوفانا.
والهلال صبر على فوفانا حتى وصل لهذا المستوى.
شفتوا نتيجة الصبر؟
وفي اتفاق عام أيضاً أنّ تمريرة جون مانو التي جاء منها الهدف الثالث كانت أجمل من الأهداف الثلاثة، بل الأهداف الأربعة، بما في ذلك هدف الترجي.
بس في الحتة دي عاوز أقول كلمة في حق مدرب الهلال فلوران الذي يُراهن على جون مانو ويمنحه الفرصة في كل مباريات الهلال.
فلوران قدّم جون مانو بصورة زاهية وبديعة.
الغربال يستاهل أيِّ قرش يدفع له.. لاعبٌ كبيرٌ وقائدٌ مُحترمٌ ومحبوبٌ من كل لاعبي الهلال.
أطراف الهلال رجعت تعزف من جديد.
الصيني يحتاج للمزيد من المشاركات.. وجود هذا اللاعب في تشكيلة الهلال أمرٌ لا بُدّ منه.
روفا الكنبة تزيده بريقاً.
وأبو عاقلة شارك في الشوط الثاني وأحدث الإضافة المطلوبة.
لماذا لم تتحدّثوا عن تبديلات فلوران العبقرية؟
أدعموا فلوران في كل الظروف وكل الأحوال.
التعامُل مع المدرب أو اللاعب بالقطعة أمرٌ غير أخلاقي.
مباراتا الهلال ذهاباً وإياباً أمام النجم التونسي يومي 8 و19 ديسمبر في تونس ودار السلام أقل شئ الهلال يشيل منهما 4 نقاط.
وعشان نضمن حقّنا، انتصروا في تونس، عشان نلعب في دار السلام بدون ضُغُوطٍ.
النجم التونسي سوف يعمل ألف حساب للهلال بعد انتصار الأخير على الترجي.
الهلال إذا تجاوز هذه الفترة سوف يكون أكثر جاهزيةً بعد عودة المنافسات الأفريقية عقب نهائيات الأمم الأفريقية في يناير المُقبل.
سوف يكون الهلال أكثر روعةً، إذا حدث بعض التجانس في الهلال، إلى جانب عودة إرنق، مع احتمالية إضافة لاعب أو لاعبين جُدد لكشوفات الهلال.
على الهلال أن لا يهمل الإضافات الوطنية.
الهلال محتاج إلى مدافع إلى جانب الطيب وديوف وإرنق وأحمد يحيى.
هذا العدد من المدافعين غير كافٍ.
ما في زول اتكلم عن بوغبا.
بس فالحين في الشناف والتنظير.
الاتحاد السوداني من أجل المنتخب ومن أجل الهلال يجب أن يعيد المنافسات المحلية في يناير المُقبل.
الجماعة بتاعين الاتحاد العام ديل لقوا السفر والمعسكرات الخارجية من منتخب إلى منتخب ما أظن يجوكم راجعين تاني.
أبو جيبين بقي بتاع مُؤتمرات.
أنا أول مرة أشوف لي نادي إدارته مجتمعة ومعسكرة، ولاعبيه مُفرّقين في الأرض.
خجلنا ليكم.
علاقة استقالة ابوجيبين بهدف الهلال الثالث شنو؟
ما في اي علاقة ، شبه ساكت.
اقصد ذكاء اصطناعي!!
فرحة أحمد النور في الكنبة، ذكّرتنا فرحته عندما وصل الهلال لنهائي البطولة العربية.
أحمد النور قبل أن يكون إضافةً (فنيةً) هو إضافة (روح) للهلال.رصد ابوسبأ
لا أدري لماذا لم يتحدّث الناس والخبراء والما خبراء عن استحقاق حارس الترجي التونسي للبطاقة الحمراء، فقد كان الحارس آخر لاعب، وكان مدافع الترجي بعيداً ولم يكن أمام مرمى الترجي ولاعب الهلال ياسر مويس غير الحارس.
اللاعب كان يستحق الطرد من الدقيقة 12.
وكان الترجي إذا فقد الحارس يمكن أن يخسر ستة أو خمسة!!
لكن الحكم كان رحيماً بالترجي!!
مالي زي الفكيت موضوع (الذكاء الاصطناعي) دا؟
….
ترس أخير: الرسالة وصلت من دار السلام.. بس إن شاء الله يفهموها
