• ×
الثلاثاء 13 أبريل 2021 | 04-12-2021
محمد كامل سعيد

هزيمة وطرد.. وكل شئ تمام..!!

محمد كامل سعيد

 11  0  4182
محمد كامل سعيد

# سقط المريخ عصر امس في موزمبيق وخسر امام فيروفيارو بهدف انطونيو بعد عرض باهت تجلت من خلاله كل عيوب اللاعب السوداني والمتعلقة بالسرحان والتوهان وغياب التركيز والعشوائية وضعف استيعاب توجيهات المدرب الذي سيكون كالعادة هو الجهة التي تدفع الثمن غاليا..
# نعم ان (نجوم المريخ الكبار) يعلمون تمام العلم ان هنالك من يبحث لهم - بالانابة عنهم - للاعذار ويبرر لهم الهزيمة ويحملها لجهات اخرى في حين ان اس البلاء (اللاعب) سيبقى في مكانه يتحصل على الاموال ويفشل في المسابقات الخارجية ليعود ويجد الارض مفروشة له بالورود ويعيش في جنة احلامه انتظارا لما سيحدث في العام التالي من تكرار لذات فيلم السقوط..!!
# ان غياب المنطق في تعامل الاسرة المريخية مع الهزائم والنتائج المتراجعة - خاصة من جانب الاعلام وبعض المستسلمين للمخدر - هو الذي يقود القاعدة الحمراء الى مثل صدمة الامس والتي تمثلت في الهزيمة الكارثية امام فيروفيارو الذي وصفه بعض المسطحين عقب اعلان قرعة المجموعات (بفار) المجموعة الاولى.. ويا لها من عقلية (كورالية) منغمسة في التقليد الاعمي..!!
# هل تذكرون ما قيل عقب الهزيمة السابقة امام النجم الساحلي في ام درمان..؟! نعم لقد عاش الجميع - الا القلة القليلة - في وهم سهولة فوز المريخ على (فار) المجموعة ذهابا وايابا الى جانب اكتساح الهلال (الزبون) لان مباراة الجولة الخامسة ستقام في القلعة الحمراء.. وبتلك الكلمات وعلى اوهام السراب عاش جل عشاق المريخ..!!
# وفي لقاء الامس - وبعد تكرار سيناريو السقوط بذات تفاصيله السابقة - استيقظ الحالمون على الواقع المر والحال البائس الذي يعيشه الفريق وغياب الفهم المتعلق بتدعيم الصفوف والعشوائية التي صاحبت التسجيلات التكميلية الاخيرة والتي وصل فيها عدد الاجانب بالكشف الاحمر الى سبعة بالتمام والكمال.. (عادي واكثر من عادي)..!!
# ولان (القماشة هي هي) فان القاعدة المريخية ستكون على موعد مع ذات تفاصيل السيناريوهات السابقة ولتكن البداية بانتظار هزيمة الهلال امام النجم وبعدها سنتحول الى بقية الاسباب المعتادة المحفوظة والتي لا يمل المخدرايتة البحث عنها وترديدها ونسج تفاصيلها بالطريقة العاطفية اياها..
# على شاكلة (السماني الصاوي القلعناهو من الهلال قعد يبكي.. يا حرااام غارزيتو ظلمو ظلم الحسن والحسين.. هسه لو كان دفع بيهو من اول المباراة ما كان ممكن يجيب ليهو قون قونين).. (بعدين عقروب ده كان صائم شكلو كده.. والله الزول ده امكانياتو عالية خالص خالص.. ومؤمن وعلامة الصلاة مرسومة في جبهتو)..!!
# وبعد يوم يومين ح تتحول النغمة وتتبدل ولا مانع من الاستعانة (بالحقيبة) - حقيية الذكريات - ونسمع كم اغنية من الاسطوانة المشروخة اياها البتقول (كاساتنا الجوية حقتنا برانا وما في فريق غيرنا اسمو مكتوب في سجلات الكاف.. هلال شنو كمان) ما نديلا ده الكاس الوحيد المسجل في افريقيا باسم الزعييييم..!!
# وهكذا.. يوم وراء يوم الناس بتنسى وبعد ما (المخدر يعمل عمايلو) نفتح ليهم ملف البطولات المحلية التي يتفوق فيها المريخ على كل منافسيه بما فيهم الهلال.. هلال شنو كمان الداير يتكلم معانا كمان في عدد البطولات المحلية..؟!
# وعلى طريقة الدعاية اياها: (الفرحة) الجاية وين.. نتساءل (هزيمة المريخ التالية وين)..؟! ولا ولن نتحدث عن معطيات التراجع ولا اسباب تكرار الفشل في كل عام وتحديدا في المشاركات القارية.. وهنا نشير ونؤكد ان الزوبعة والتهرب من الواقع وتحميل الهزائم لجهات اخرى لا ولن يعني ان الاشكاليات التي تجاصر المريخ قد تلاشت بل على العكس لان سياسة الطناش هذه هي التي تمهد لاعادة مسلسل الفشل مرة اخرى..!!
# كونوا سادتي على موعد مع اعلان الحرب على الفرنسي غارزيتو ولن يتحدث احد عن تواضع مستوى علاء الدين او اسباب طرده.. ولن يسال احدهم عن لماذا تراجع اداء رمضان الى تلك الوضعية التي ظهر بها بالامس وما اذا كان للاموال - واعادة التعاقد مع بكري بذلح المبلغ الخرافي دور في ذلك ام لا..؟!!
# للاسف فان غارزيعو سيتحمل لوحده المسئولية وسيواصل اصحاب المصالح لعبتهم في تدوير القرارات بالطريقة التي تروق لهم.. وسيبقى باسكال رغم سوء الاحوال.. اما كونلي فقط استعيدوا معي ما قلناه عنه عقب تسببه في الهزيمة امام الاهلي بشندي والنجم بام درمان.. والبقية خلوها مستورة..!!
# تخريمة اولى: خسر المريخ للمرة الثانية على التوالي وتجمد رصيده في نقطة واحدة تذيل بها المجموعة الاولى ومنح (الفار) فرصة التقدم الى الامام واعاد اليه الامل في المنافسة.. ولن يجد عشاق الكرة الافريقية اي مانع من اطلاق لقب (حصالة المجموعة) على المريخ.. ولا عجب في (رمضان)..!!
# تخريمة ثانية: لا نستبعد ان يتمدد المشهد العاطفي الذي عرض عقب اعلان هزيمة المريخ الثانية وبصورة رسمية والمتمثل في البكاء الهستيري (الكاتم) للسماني الصاوي جالسا على الارض (وهو بيتخجا) في مساحات (اعمدة المستشفيات).. وعينك ما تشوف بعد داك الا (ميدو) و(اب قلبا ميت) و(باسكال) و (سي جمال)..!!
# تخريمة ثالثة: دفع مريخ (السودان) بالامس - كالعادة - بستة اجانب هم: جمال- باسكال - كونلي - مارسيل - تالا - وكلتشي امام (الفار).. يعني باقي ليكم مامادو بتاع الوادي ويبقى الاجانب سبعة.. ولو عايزين الحقيقة ده والله لا مريخ السودان ولا علاقة له بالاحمر الذي عرفناه وعشقناه وشجعناه.. (منكم لله).
امسح للحصول على الرابط
بواسطة : محمد كامل سعيد
 11  0
التعليقات ( 11 )
الترتيب بـ
الأحدث
الأقدم
الملائم
  • #1
    السما الأحمر 06-05-2017 06:0
    مبروك عليك والفرحة الجاية وين ..حسبنا الله ونعم الوكيل.. انت اكبر معول هدم في تاريخ الكرة السودانية لا يعجبك شي لكن سياتي يوم وتعرف غلطاتك في حق المريخ ونحن برضو بنعشق المريخ لو نزل لفرقةالروابط وان نبدل حبه ابدا وعاجبنا كدا وباكر نغلب الهلال ونجمكم الذي تقاسم النقاط على عينك يا تاجر وانت فاكر دا مستوى هلالك هههههه غدا ستدور الكرة وستندم على تفريطك
  • #2
    abojeddo 06-05-2017 05:0
    عوووووووووووووووووووووووووووووووووووووووووووووووووووووووووووووووووووع
  • #3
    ابوتبيان 06-05-2017 08:0
    المشكله الليله قالو غاريزيتو قال نحن في قلب المنافسه واي لاعب ما بيؤمن بالتسعه نقاط الجايه ليس له مكان في التشكيله وما بنتظر نتائج الفرق الاخري ياخ في بعض من اللعيبه (غير المسلمين طبعا)ما بيؤمنو بالله عز وجل خليها التسعه نقاط ويلا الكورال اشتغل وراهو وبكره نسمع ما بنطير برانا
  • #4
    سوار 06-04-2017 11:0
    نعم لا عبو المريخ مدللين ومدلعيين اكتر من اللازم وفاكرين انفسهم هم الصانعين الكوورة وكيف رمضان بيهدر في الاهداف وضفر ما قادر يوقف المهاجم لا روح ولا مسؤلية و المشجع الغلبان يموت من المغص والوجع .. لازم يعلم اللاعب السوداني انو محترف ودي وظيفة و اكل عيشو وهو مسئول ولازم يؤدي واجبو تجاه النادي... و لو يشوفو غيره لاعبي الهلال وحماسهم ودفاعهم عن شعارهم....
  • #5
    أبو احمد 06-04-2017 10:0
    الله يعطيك قدر نيتك ايها الشامت اللعين....خلينا في حالنا وبطل الشماتة...انت مجرد حاقد تكره المريخ وكل المريخاب...
  • #6
    ياسر عبداللطيف الحسين 06-04-2017 07:0
    وين المعلقين المخدررين الماعندهم غير كلمة عوووووووع !!؟
  • #7
    ياسر عبداللطيف الحسين 06-04-2017 07:0
    وين المعلقين المخدررين الماعندهم غير كلمة عوووووووع !!؟
  • #8
    baco 06-04-2017 07:0
    تحياتي استاذ محمد
    انت من يتحدث بواقعية
    الم تلاحظ اختفاء تعليقات ناس عووووع
    تقبل احترامي
  • #9
    النوبى 06-04-2017 07:0
    الهمز واللمز فى رمضان يا (فار) الشخص الذى تقصده انت الأسبوع الماضى فقد من أكثر من نصف أسرته والناس.تعزى وانت شغال هماز لما

    وكفى. نحنا المريخاب غالب مغلوب نحواه في كل الظروف
  • #10
    سيد البلد 06-04-2017 06:0
    تعالوا ياناس - عوووووووووووووع - قولوا حاجة.

    حتى احسن لعيبة المريخ والسودان *بكري والعجب ما عملوا حاجة*.

    - رغم ان المريخ كان من حقه على الاقل التعادل بهدف العجب الصحيح في الثواني الاولى من المباراة. ولكنه استحق العقاب لاضاعة حوالى اربعة اهداف.

    * المهم هاردلك للمريخ ومبروك للهلالين المظلومين ايضا.. وخاصة هلال امدرمان الذي ترصده الحكم وحرمه من فوز تاريخي باربعة اهداف .....

    ++ واصل استاذ محمد كامل في فك مفعول المخدر عن ناس - عوووووووووع - مين عارف يمكن يصحوا
  • #11
    abojeddo 06-04-2017 05:0
    عوووووووووووووووووووووووووووووووووووووووووووووووووووووووووووووووع
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019