الهلال مولع نار.
دا الكلام.
عايزين فوز كاسح.
الوصيف بس ما يهرب.
عارفين الفارق بين كبير.
بس سمعنا انو الوصيف يتحدي سيد البلد.
دا اسمو كلام.
انت اتحدي ليك زول قدرك.
شوف الفارق بقي كم.
وبعد داك تعالو اتكلموا عن التحدي.
تدريبات الازرق شرسة للغاية.
تألق جماعي للنجوم.
ما خايفين من حاجة.
بتلقونا قدامكم في الاستاد.
ح نجي من بدري.
أنسوا الخوف دا وتعالوا.
عايزنها رباعية.
دي اقل حاجة.
لو بسيطة نزيدها شوية.
علي حسب طلب الجماهير.
بتستاهل اكتر من كدا.
ساندت اللاعبين كتير في الدوري.
الجماهير سبب الفوز بالدوري.
ساندت الازرق في اصعب اللحظات.
حتي والهلال ودع البطولة الافريقية.
كان في زعل.
بس مساندة اللاعبين في محلها.
عايزين ختام يليق بمكانة الجماهير دي.
***
الوصيف عايز ينقذ موسمه.
طبعا ح يعمل علي الفوز علي الازرق بأي طريقة.
قدموا اسوأ موسم في التاريخ.
هزائم ومشاكل ادارية وهروب بالجملة.
نحن لازم نكون مفتحين.
فوز الوصيف علي الهلال ح يقلب احزانه الي افراح.
حتي اذا ما شال الدوري.
ممكن الاحزان تتحول للهلال.
الحرص اهم حاجة.
لازم نتعامل مع المباراة بالشكل المطلوب.
ما نقول الوصيف دا تعبان وخلاص.
ح يظهر بمستوي مختلف.
ما زي مستوي هلال الابيض.
الاخد فيها خمسة في استادو.
الوصيف في المباراة ديك كانت حالتة حالة.
المستوي داك انسوه.
ح يجي مختلف.
الحذر واجب يا اهلة.
بعمل اي حاجة عشان يفوز.
ما عايزين دا يحصل.
***
عودة الكاردينال تعني الكثير.
الرئيس عندو دور كبير في المباريات المهمة.
حافز معنوي مهم.
ومادي كمان.
دا الديربي.
تاني عارفين انو الوصيف ما زي زمان.
بس المباريات دي بتختلف شوية.
الوصيف عايز يستعيد جزء من اراضيه.
اراضيه المفقودة.
الشالوها ناس سادومبا وشيبولا في الدورة الاولي.
هم بتذكروا كدا كويس.
خاصة هدف شيبولا.
بتذكروا جااء من وين.
صاروخ رهيب.
بس استعادة الاراضي دي ما علي حسابنا.
الهلال بطل الدوري.
حسموا من زمان.
المباراة من اجل تأكيد الزعامة.
برضو الزعامة محسومة.
***
شباب الهلال خسروا في الدوري بالامس.
امام الخرطوم الوطني.
أول حاجة عايزين معرفة اسباب الخسارة.
اكيد عندها اسباب.
معالجتها اهم حاجة.
الهزيمة موجودة في عالم كرة القدم.
الخسارة جاءت امام الخرطوم الوطني.
فريق اصبح يقدم اجمل العروض.
الشباب ديل مستقبل الهلال.
المطلوب معالجة الخلل بهدوء.
بدون انفعالات.
وممكن عادي نستفيد منها في المستقبل.
وفي المباريات القادمة.
ما تنسوا الشباب ديل قدموا عروض قوية.
بقيادة المدرب هيثم مصطفي.
البرنس وسيدا.
هزيمة واحدة لا تعني نهاية الدنيا.
***
نركز مع الوصيف.
ما يطلع من احزانو.
واستقالاتو وهروبو.
الهزيمة بتزيد عليه الاوجاع.
الهلال الافضل حاليا.
وبفارق كبير.
بس دا ما مقياس في المباريات دي.
اللعب بجدية وقوة مهم.
انسوا انو الوصيف بقي ما وصيف.
الثلاثي افضل منو في اي حاجة.
اهلي شندي وهلال الابيض والخرطوم الوطني.
ونحن عندنا ثلاثي رهيب.
فوزي وطارق ومبارك.
ثلاثي الرعب للوصيف.
بعروفوا فوزي كويس.
المتواليات الستة.
بتذكروها كويس.
فوزي اسد حقيقي.
بخافوا منو اكتر حاجة.
لا سادومبا ولا كاريكا.
فوزي بس.
***
ازمة الورق مازالت مستمرة.
والناس بتشيل الطعمية في اليد.
رغم السخانة.
الاستقالات قالوا سحبوها.
مش ح يكتبوا انهم رجعوا.
رجعوا من الاستقالة.
اكيد في ورق.
وعمك بتاع الطعمية احتار.
ما تحتار يا عمك.
مع الوصيف مافي حيرة.
لكن مع سيد البلد سعادة اكيدة.
نحن الهلال بنريدو جد.
الهلال مفخرة داخل وخارج الجوهرة.
( صمت اخير) ..
الأربعة ما كتيرة علي الوصيف.
ادمن الاعلام الهلالي و المدرب المحترم فوزي المرضي استفزاز المريخ و السخرية و التقليل من شانه ، و هذه سقطة كبيرة لمن يعرف تاريخ مباريات الديربي بين الفريقين و التي لا تخضع لاي معايير ، وانما تخضع للظروف داخل الملعب و مدى الثبات النفسي و احترام الخصم ، بل ربما تغير مجرى المباراة تماما بسبب لقطة واحدة في المباراة او المبادرة بهجمة خطرة ، و ايضا قد يتقدم الفريق الاسوأ عن طريق الصدفة فيؤثر ذلك في الفريق الافضل و الاكثر جاهزية فتنقلب عليه الطاولة و بخسر المياراة . فكبف فات عليكم هذا يا اعلامنا المحترم؟ الا تعلمون ان التصريحات والكتابات المستفزة ستزيد من عزيمة المريخ و لاعبيه لرد الاعتبار و اثبات الذات؟. هل نسيتم ان اداء اللاعبين يختلف في مباريات الديربي و كذلك في نهاية الموسم حيث يسعى اللاعبون لاثبات الجدارة وتفادي سيف الشطب؟ الا تعلمون ان الغرور اكبر عيوب اللاعب السوداني و ان ما يكتب في الاعلاميمؤثر عليه سليا ؟
افيقوا با هؤلاء حتى لا نصحو على نكسة واحزان في ختام الموسم . ونسال الله الا نتحسر في ضحى الغد؟!!!