بعد افتتاح القناة الفضائية والفريق ماشي كويس.
بنفكر جد جد نمشي نلعب في الدوري الانجليزي
مع ناس الآرسنال ومان سيتي ومان يونايتد وليفربول.
معقولة فريق عندو جوهرة زرقاء وتلفزيون واذاعة وفريق عالمي يلعب مع ناس باسكال ديل.
انتو عارفين كورة باسكال دي بتعمل تشويش في الارسال.
يااخ دي بعمل في خرمجة غريبة.
بعرفها هو براه.
عليكم الله دي كورة.
انتو عارفين ناس الاتحاد السكندري خلوا الكورة كلو كلو وقعدوا يتفرجوا علي باسكال.
ما عشان هو لعاب .. لا ابدا في البعمل فيهو الزول دا.
أسي كدي قولو لعبنا مع الوصيف.
المباراة كانت منقولة في قناة الهلال الفضائية.
اكيد عشاق الهلال في كل مكان في العالم.
وتاني ما اظن يتحركوا من قدام شاشة الهلال.
عظمة الهلال .. شوفوا بالله الكاردينال ودانا وين.
قناة فضائية واذاعة وجوهرة.
ما شاء الله تبارك الله.
المهم .. عشاق الهلال ديل خارج وداخل بلدنا الحبيب.
وح يتابعوا المباراة دي بشوق كبير.
اها قووم يا باسكال خرم ليك خرمجة من إنت البتعرفا.
أكيد الخرمجة دي ح تعمل تشويش في الارسال.
قناة الهلال كمان بتنقل المباراة بكاميرات حديثة.
ما زي كاميرات العادية دي.
والكاميرات الحديثة اكيد بتلتقط المستوي الفني الرفيع.
ابداعات ناس اوكرا وشيبولا وبشة.
يقوم يجي باسكال يخرمج اكيد الكاميرات دي طوالي ح تتعطل عشان الفايروس دا.
ومن اسي يا ناس الوصيف باسكال دا ما يلعب قدام سيد البلد. عارفين غيابو ح يكون خسارة للهلال.
كلنا عارفين خطورتو قدام مرمي الوصيف.
الزول دا تقول عايز منكم قروش.
طوالي لاعب ضدكم في اي مباراة.
عشان كدا اليوم داك ادوه راحه شويه.
بس عشان اجهزة قناة الهلال الحديثة.
ما عايزين الارسال يقطع.
عندنا ملايين من عشاق الازرق في انتظار مبارياته الهامة.
وعندنا حل تاني للقصة دي.
زي ما قلت نمشي نلعب في الدوري الانجليزي الممتاز.
***
نشكر الكاردينال علي هذه المشاريع.
نتمني ان يتوج مجهوداته بالحصول علي البطولة الافريقية.
اشرف يستحق ان يهديه اللاعبين كأس افريقيا.
الكاردينال جعل الحلم واقعا معاشا.
رئيس يستحق ألف تحية علي مجهوداته.
فريق الكرة ماشي تمام التمام.
مازالت اصداء ثلاثية تيتيه ترعب الوصيف.
قلنا ليكم مليون مرة.
اللاعب دا تعاقدنا معاه عشان دوري الابطال.
ما عشان نغلب بيهو الوصيف.
الوصيف دا ما بستحق دا كلو.
الوصيف اصبح في خبر كان.
كان وأخواتها.
نحن الهلال بنريدو جد.
(صمت اخير) ..
خرمجة باسكال دي بتعمل تشويش في قناة الهلال