• ×
الخميس 22 أبريل 2021 | 04-21-2021
بلل

الوصيف لو تعاقد مع فريق مدربين كامل ح يعمل شنو مع ناس تيتيه ديل شنو

بلل

 3  0  759
بلل


الجماعة لسه بتكلموا عن مدرب الفريق.
ناس الوصيف قالوا هاي ما قدر الوصيف.
احسن لينا غارزيتو.
البرازيلي ح يضيعنا.
ويمكن كمان الفريق يطلع بدري من البطولة الافريقية.
ونفقد كأس الممتاز وكأس السودان.
طيب كلام جميل.
الموسم الماضي هاي دا كان موجود.
الوصيف فقد كل حاجة.
خرجتوا من المولد بدون حمص.
والموضوع كان عندكم اكتر من عادي.
بالعكس كنتو مبسوطين.
عشان هربتو من سيد البلد.
معقولة في زول بفرح بالهروب.
دا ما شفناه إلا عندكم إنتو.
حيرتونا معاكم.
وأسي الجديد شنو عشان تطالبوا بالفرنسي.
سيد البلد مش قاعد.
وطيب.
والحيحصل شنو يعني.
بالعكس انتو كدي حاولوا حافظوا علي الوصافة.
احسبوا براكم.
الاتحاد السكندري الجرسكم دا.
اهلي شندي غلبوا زي ما حصل حاجة.
بالعكس اذا كان جاهز ميه ميه كانوا لحدي الليله بحسبوا في الاهداف.
هلال الابيض نظم دورة ناجحة.
استفاد منها اكتر من معسكرات البوبار.
انتو عاملين زي الزول ساكن بالإيجار ومشي اجازة في دبي.
اسي عليكم الله كان شاركتوا في الدورة مالوا فيها شنو.
عشان كدا شوفوا ليكم حل للوصافة دي.
يعني عايزين تقنعونا إنكم عايزين تنافسوا الهلال.
الازرق اسي حاليا عندو جوهرة وقناة فضائية واذاعة.
مش في فرق كبير .. طيب مالكم عايزين تجيبوا لينا صداع.
بس عليكم تاني ما تلعبوا لينا باسكال.
خايفين علي قناتنا من التشويش.
الزول دا بعمل في خرمجة بعرفا براه.
والاوضاع بقت عندكم كيف.
قالوا لسه القتال متواصل.
بين انصار هاي وانصار غارزيتو.
انصار البرازيلي حاليا مسيطرين علي الوضع.
انصار غارزيتو غايتو اخدوا ليهم دقه كاربه.
قالو متمسكين بالبرازيلي.
يا أنصار الفرنسي كدي روقو المنقة.
أدوا الراجل دا فرصة لحدي بداية الممتاز.
بس الاسابيع الأولي.
كان ما نفع معاكم طوالي اعلنوا الاحتجاج.
*** اقتربت مباراة قورماهيا الودية.
عايزين الفريق يظهر بمستوي جيد.
الهلال اقترب من الجاهزية المطلوبة.
مباراة الفريق الغاني اكدت صحة ذلك.
اللياقة ما شاء الله والمستوي كان رائع.
وحتي الهجوم قدم مباراة كبيرة.
وتألق تيتيه واحرز الثلاثية.
الهلال يسير في الطريق الصحيح.
الجهاز الفني وجد المناخ الملائم فأبدع.
والأهم من كدا نريد تجهيز جميع اللاعبين للموسم الجديد.
نحن الهلال بنريدو جد.
(صمت اخير) ..
الوصيف لو تعاقد مع فريق مدربين كامل ح يعمل شنو مع ناس تيتيه ديل شنو.

امسح للحصول على الرابط
بواسطة : بلل
 3  0
التعليقات ( 3 )
الترتيب بـ
الأحدث
الأقدم
الملائم
  • #1
    صلاح ابراهيم محمد 01-18-2017 06:0
    ومن منكم يستطيع إيقاف ميدو ، العقرب ، رمضان ، وعاشوا ودفاعكم مهلهل لاحق أمات طه أن شاء الله حتكون عليكم سنه كبيسة ويحيينا الله لنرى الفضائح والمهازل
  • #2
    صلاح ابراهيم محمد 01-17-2017 06:0
    ومن منكم يستطيع إيقاف ميدو ، العقرب ، رمضان ، وعاشوا ودفاعكم مهلهل لاحق أمات طه أن شاء الله حتكون عليكم سنه كبيسة ويحيينا الله لنرى الفضائح والمهازل
  • #3
    صلاح ابراهيم محمد 01-16-2017 06:0
    ومن منكم يستطيع إيقاف ميدو ، العقرب ، رمضان ، وعاشوا ودفاعكم مهلهل لاحق أمات طه أن شاء الله حتكون عليكم سنه كبيسة ويحيينا الله لنرى الفضائح والمهازل
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019