* ايها الناس
* ونحن نستبشر خيرا بمخرجات الحوار الوطني
* خرج علينا قرار ايقاف برنامج الاستاذ محمد الامين نور الدائم
* الاجراس
* ما داير اقول فقدنا الامل
* لانه أخر الامال فينا
* فمخرجات الحوار الوطني محاورها آدمية الانسان ومحاربة الفساد والمفسدين والفاسدين والذين فسدووووووا
* فان ضعف احد المحورين اعلاه نكون في انتظار السراب مثلما انتظرنا الخطط الخمسية والعشرية والعشرينية دون جدوي ودون مخرجات تفرج ازمة الوطن الاقتصادية التي يتحمل تبعات اخطاء الفوقيين الذي يمارسون تلك الاخطاء مواطن بسيط اعياه الانتظار وبيارق الامل التي يشعلها مع كل اشراقة شمس لتخمدها في مهدها ممارسة تعود ببوارق الامل لمرحلة اعادة الامل من جديد بدون تأمل
* لان في التأمل فتح لجروح يغطيها الصمت وصوت الانين مبحوح
* ايها الناس
* منظومة الرياضه حلقات ان فسدت احداها فسدت بقية الحلقات
* وبرنامج الاجراس الذي يطل علينا من خلاله الاخ محمد الامين برنامج ناجح ورائع و مشاهد
* والسبب في ذلك ان محمد الامين استطاع ان يخلع العباءه الزرقاء التي يتشرف بالانتماء اليها و يضعها خارج الاستوديو بمهنية عالية و حيادية يحسده عليها القضاء
* وبرنامج بهذه الدرجة من النجاح و الانتشار امر ايقافه ينشئ الف سؤال
* اول الاسئله لماذا يحارب النجاح في هذا البلد !!!!
* وتدور في مجالس المدينة مساجلات تطرح اسئله صعبه !!
* هل القرار فوقي !!!
* هل فعلا الزول الفوق اتخذ القرار ارضاءا لرجل المال والاعمال !!!
* والقصة دي كلفت كم !!!!
* ومجالس المدينة لسه في اجتماعاتها المتواصله قتلا للموضوع بحثا للوصول للحقيقه و مقارنتها بابسط مخرجات الحوار الوطني
* وسنوافيكم اول باول لاننا لن نبيع لاغالي ولا رخيص
* ايها الناس
* اخاف ان يكون ما فينا من تفاؤل بوطن يحترم الجميع ويحارب الفساد ويحاسب بشده مجرد احلام تجعل الشعوب الاخري تسخر منا بقولها احلامكم جزء من ماضينا
* احلامكم مرحلة تخطيناها زمااااااان
* ايها الناس
* هذا الزمن يختلف
* انتهي زمن المغني ونحن نعيش زمن الاغنيه
* راح زمن المغني الفنان المفضل
* واتانا زمن الاغنية الذي يجعلك تطرب لكم اغنية من فنانين مختلفين غير مقيد بان تطرب لفنان معين في كل اغانيه
* لذا ما يهمنا كيف يحكم وطننا لامن يحكم وطننا
* اثق في مخرجات الحوار الوطني
* واثق اكتر فيها اذا خرجت علينا السلطات بالتحقيق في موضوع الاجراس ده
* حقو ندق جرس عشان الناس ماتدق جرس
* المهم
* البطيخ بلموهوا في رواكيب
* و تلقي الخفير راقد قدام الراكوبه مكوع ومطمئن علي بطيخو
* والراكوبة فاتحه بي اربعه جهات ومغطية بالخيش
* ممكن براااحه تجي باي جههه وتعزل احسن بطيخه بطيختين وتشيلم
* صاحبنا الخفير يكون ماجايب خبر
* متهنقط في الهمبريب وعامل روحو سادي خدمة
* الصباح يلقي البطيخ الاحمر ونجيض كلو مافي
* يلقي في راكوبتو غير البطيخ الابيض المسيخ القدر التبش مافي شئ
* اها راكوبة البطيخ دي عندنا كمريخاب هي غرفة الهلال
* من بدري الكلام ده
* من زمن اسامه ام دوم وابو عنجه وباكمبا وفيصل العجب وفيصل موسي وفاروق جبره
* واستمر الموضوع لي زمن السماني وواحد تاني
* راكوبة بطيخنا دي لو حرسها ( الاسد ) لو رسلنا قرد بدقسو ويجيب لينا منها البطيخ الاحمر الكباااااااار الحلو
* واتروكبي
* القرعة بتاعت كاس العالم العربي اتعملت
* ده شعرا ما عندكم ليهو رقبة يا خالدونا
* فاحلامكم لا زالت جزء من ماضينا
* لمن تحققوا احلامكم ( وده بعدكم ) نكون عملنا انجاز جديد ترجعوا تحلموا بيهو من جديد
* عشان تحلموا بكل ماضينا جيبوا ليكم فاليم
* فاليم ماخرشه
* الخرشه بتخليكم تتخيلوا انكم حققتم ماحققناهو في ماضينا
* و بكره تجونا تقولوا لينا
* لما شلنا مانديلا صديق منزول جاب القون
* وسيكافا الاولي هدافنا كان جكسا
* وسيكافا التانيه مصطفي النقر جاب القون الاهلنا للنهائي
* وسيكافا التالته جات براها تفتش في استاد الهلال
* والطامه الكبري لما تستفزونا وتقولوا لينا كنغو شنو وكضب شنو
* قلت ليكم فاليم ما خرشه
* ايها الناس
* الشفافية في برنامج الاجراس هي حلقة من حلقات اعادة تأهيل الكرة السودانية
* اذا قمنا بفض هذه الحلقة سينفرط عقد اللولي وتتناثر من جديد حبيبات العلاج المنشود
* نأمل ان تجد مجالس المدينة ما يشفي غليلها
* والاخ محمد الامين ليس بالخاسر
* لان برنامجه مرغوب في مليون فضائيه ( خاصه )
* دوسة علي الريموت ونكون معاك يا ابو الاجراس في عرب سات او نايل سات او جمب الاستاد
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كلنا في انتظار مخرجات الحوار تطلع لينا
سلك كهربا
ننساك كيف و الكلب يغني ساااي طال انتظاري ليلة السبت . ويشيل ويعتذر الاغنيه
والي لقاء
سلك
كان الاولى ايقاف كتاباتك الغير منضبطه وارسالك الى معسكر خدمة وطنية!!!!!!!!!