• ×
الأحد 19 سبتمبر 2021 | 09-19-2021
بابكر سلك

كديس بوليسي،ومدرب

بابكر سلك

 24  0  2691
بابكر سلك

* طبعا زمااان قلت ليكم جيمي مربي كديس في فداسي
* كديس بوليسي،ومدرب
* مهمتو يمشي برج الحمام يجيب الفيها الشيه ويجينا
* آخر خطفه للكديس كانت العقرب
* والجماعه حاولوا يردوها
* الحاجه البتتخت في كيس النفايات الشماسه كان شالوها مابتوجع يا روشا
* البوجع الشماسة يبعزقوها ويشتتوها في الشارع
* المهم
* قام الكديس ركب من فداسي مع الكاس المحمول بصا
* زول شافو مافي
* وجس ليك الحمام
* بعد ضربة محمد عبدالرحمن وعودة ناس روشا لنظرية المشلعيب
* كانت ضربة السماني اقوي
* من جوه الجك
* كديس خطير جاب السماني بي اقرار الصاوي بالاستلام
* ولسه عندو فردتين حمام منشل عليهن
* سمعتوا بي اعارة شاد !!!!
* السنه دي بتشوفوها
* المهم ضربة السماني دوشت ناس روشا ودخلتهم في هضربة تاني
* روشا عينو للسماني يطعن في يوسف السماني
* دكتور يوسف السماني دخلوا شنو في تهريب السماني يا روشا ??
* انت سيد العارفين يا روشا
* لو دسيتو لاعب مننا تحت الكسكته بنشيلو من تحت الكسكته وبنشيل معاهو الجته التحت الكسكته لو درناها
* ولو خزن كردنه اولادو في بيتو
* بنصلهم لو درنا
* كديس فداسي خطير
* بنصلهم جوه بيت كردنه
* وكردنه جوه بيتو يقول يا آدم اجيهو انا
* كديس فداسي خطير
* وقالوا عندو كلام مع قط
* واتقططي
* لكن وجع السماني ليس مبررا للهجوم علي اذاعة يوسف السماني
* فالرياضة في شعارها انها اذاعة قومية
* و كونها تستضيف رئيس نادي المريخ ده ماشي غريب وغير طبيعي
* فياما استضافة رؤساء الهلال
* وكردنه ده زاتو لما استضافتو ماكان رئيس ولا شئ
* كان هلالابي ساي
* وبقول للاهله كمان
* قودوين بجي بكرة وبجي بعد بكره
* ولاقودوين جا ولا حاجه
* واستضافة الرياضيه اشرف سيد احمد الشاعر
* انت شاغر بي حاجه يا روشا جراء تغيير مسار السماني !
* طيب شنو الدخل اذاعة يوسف السماني ?
* اظنك لخبطت يا روشا بين السماني ويوسف السماني
* ركز شويه عشان كديس فداسي خمشتو الجاية رهيبه
* حمام رقاص يا روشا
* ووقتها لو ماركزت ماحاتفرق بين الحمام الرقاص وقناة الشروق
* تقوم تهاجم الشروق
* المهم
* الرياضية ماخسرت لانها قررت ياروشا عدم نقل تكريمات كردنه بكردفان ودنقلا
* يبقي كم مليون حايكونوا بعيدين عن تكريم كردنه الذي كان يشرفه ان يتابع تكريمه الملايين عبر الاذاعه القوميه الحيادية الرياضيه مية واربعه الاي زول بسمعها
* السماني ليس هو يوسف السماني يا روشا
* اذاعه عالم تاني خبر يجيك في ثواني
* و تنتظر الرياضية اعتذار كردنه لتعود المياه لمجاريها
* او شوفوا ليكم تلغراف يباريكم في الولايات
* المهم
* المريخ يعلن عن وظائف
* مدير تنفيذي
* مدير اداري
* مدير كره
* معد بدني
* كم انت كبير يا مريخ
* خطوة عالمية من نادي عالمي لا يفصله من العالميه الا شوية علميه
* كده نقطع الشك بان المطار في القزاز
* و الامور منظمه ومنضبطه
* ومن يشغل الوظائف المعلن عنها لاعلاقة له ببقاء مجلس او ذهابه
* موظف ليهو شغلو وبس
* شكرا مجلسنا الموقر علي هذه الخطوة الجريئه التي انتظرناها طويلا
* ووقت المعاينات والتعيين يجب التزام الحيده والخبت بالحته الفيها الحديده لنختار الافضل والافيد والافهم
* المهم
* ناس روشا شتاره عينه
* يعملها فيهم السماني يزعلوا من يوسف السماني
* المهم
* اخبار تسجيلاتنا تبشر بالخير
* يعيبها عدم السريه
* غرفتنا ما بتبله في خشمها لاعب
* الامور دي بتحتاج لي سرية شديده
* يمكن الجماعه الجننهم كديس فداسي يربوا ليهم كديس مضاد * عشان كده سكتم بكتم
* والسريه في تسجيلاتنا بتذكرني قصة بتاع المباحث النقلوهوا الدويم
* وصل هناك اجر بيت وعلق عليهو لافته
* احمد سيد احمد بوليس سري
* بدري الكلام ده
* زماااااان
* السرية يا غرفتنا والبعد من النشر
* اها
* قايلني الليله نسيت !
* ما نسيت
* احلامكم جزء من ماضينا
* كان طرتوا السما
* احلامكم جزء من ماضينا
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* شهر عشرة ده تاني اقسموهوا لينا
* ياخ ده طلع عينا يا والينا
* وماراضي يكمل لينا
سلك كهربا
ننساك كيف و الكلب قال لو قسموا شهر عشرة ببقن تلطاشر شهر .. الشهر الزايد سموهوا شهر العسل .. هو جنس صرف اسكت بس ..وحك اضانو بي رجلو الورا ونام تاني
والي لقاء
سلك
امسح للحصول على الرابط
بواسطة : بابكر سلك
 24  0
التعليقات ( 24 )
الترتيب بـ
الأحدث
الأقدم
الملائم
  • #3
    عماد عبدالخير عبدالله سعيد 10-31-2016 09:0
    انت اقعد كسر في التلج كده لمن تلقو نفسكم في الكونفدرتليه نحن لا السماني بهمنا ولا اي لاعب بهمنا الهلال علامة جوده افريفيه تطرب ويطرب لها كل متابع رياضي محايد خارج دائرتكم البغيصه والساهد على ذلك بيييين سبورت ومذيعيها وضيوفها فهم المقياس الحقيقي لعظمة ذلك الكوكب الذي يستقي بهاؤه من ضوء الشمس اقعد انت عظم في فريقك المتهالك ده لمن تلقى روحكم وصلتو الخامس وده متوقع انت ومن على شاكلتك حتضيعوا المريخ اصلا هو مترنح وضعيف ومتهالك تسجيلات شنو وقايمين وقاعدين ونفسكم قايم بطلوا استغفال الجماهير والكلام الممجوج واللزج ده وانتقدوا بمهنيه وحرفيه مش كلام بتاع عنقالي
  • #4
    مصطفى 10-31-2016 09:0
    اخونا سلك ضربات كردنه كبيرة وبتوجع وتسبب فحوصات وكده .. والتقيل ورا .. جهزوا فحوصات 2017
  • #5
    abdulbagi 10-31-2016 09:0
    الحق ماعليك الحق على الجرايد التى تسمح بنشر هكذا كلام خارم بارم . لايمت للصحافه يصله لا من قريب ولا من بعيد . يااخى انتقد وقول رأيك فى مين ما كان ولكن هناك اسلوب لذلك . ذى كلامك دا وامثالك كثير هو ما يجب ان يمنع من النشر. والله من وراء القصد
  • #6
    ابو خالد 10-31-2016 08:0
    انت يالفرحان بالسماني ,,,قول لي عمل شنو زولك ده لهلال الابيض ,,, قولينا حاجة واحدة فقط عملها زولك ده والهلال بقى في العلالي او بقى من الفرق التي يشار اليها بالبنان في افريقيا ... يا سلك ما تطمن نفسك المريضة خليك واقعي ...وادي الزول قدر حجمه ...
  • #7
    ودعقيده خلف 10-31-2016 08:0
    هههههههههههههههههههههههههههه احيك والله بحراره
  • #8
    عباس عبدالرحمن بشير 10-31-2016 08:0
    خلاص صحيت من كدمة جمع الكاسين. . كدي يا وليد اتكلم لينا عن مشاركة المريخ في البطولة العربية والتمهيدي وابقى قابلني يا ابو أحلام من ماضيكم
  • #9
    محمد زمراوي 10-31-2016 07:0
    اي انتصار يا عمك تنقو لاعب مفكوك وتركناه لبغاث الطير الخطف الجو الجك هي عملية الزارع الطويلة ما تكون نسيتها دي بسموها من جوة جوة لا بكري ولا محمد عبد الرحمن وحتى السماني لاعب مفكوك ام جو الكشف دي لعبة كبيرة عليك يا دلقون ما تمت من قبل إلا في شيبوب ولو حتتكرر بنعملا نحن تاني
  • #11
    مصطفي محمد عبدالحي 10-31-2016 02:0
    طيب يا استاذ شيبوب دا ما كان جوووووووة الكسكتة ما لكم ما شيتلوه !!!!!!!!!
  • #13
    Mustafa Ali 10-30-2016 11:0
    سبحان الذى يحى العظام وهى رميم
    والله الحقيقة انتو مغصكم يشق،،
    السنة دى طبعا مرقتو من المولد بدون حمص
    يا كافى البلا كاس الترضية مالميتو فيهو
    فى الموقف تحننوا وجوه البص تجننوا
    اهو فترة التسجيلات فرصة للتنفيس والتفريقة
    روح روحك افرحه ،،،
    اها اخدو راحتكم للطيش سيد البلد حدد اتجاهو
    من بدرى خلا ليكم الجرى والجقلبة بس انتو ابقو
    قدر البتسو فيهو ده وادفعو ،، فففففلللللس ،، المال العام نهى ...!!!
  • #14
    bushar 10-30-2016 09:0
    ليك وحشة الظاهر يادوب صحيت من صدمة الدوري وكأس السودان طبعاٌ زي ما قالوا بطولة التسجيلات بغرض التخدير أنتو اسيادا مبروك عليكم بطولة التسجيلات نفس الملامح والشبه كل سنة بتكرر بالمناسبة جمهور المريخ خلاص المخدر فك منو يعني زي كلامك دا ما يبأكل عيش عند شعب المريخ يا أخي والله صحفيين سبب البلاوي وتدهور الكرة السودانية بالمناسبة زيك كتير في صحفي الهلال يا أخي أكتب وطالب بإدارات واعية للقمة تهتم بفرق الشباب والبراعم لتكون رافد للفريق الأول سنين طويلة مريخ هلال يعتمدون علي اللاعب الجاهز من الأندية الأخري ما هي الحصيلة للأسف بكاتابتك الهايفة دي تربي عليكم جيل جاهل كروياٌ
  • #15
    bushar 10-30-2016 09:0
    ليك وحشة الظاهر يادوب صحيت من صدمة الدوري وكأس السودان طبعاٌ زي ما قالوا بطولة التسجيلات بغرض التخدير أنتو اسيادا مبروك عليكم بطولة التسجيلات نفس الملامح والشبه كل سنة بتكرر بالمناسبة جمهور المريخ خلاص المخدر فك منو يعني زي كلامك دا ما يبأكل عيش عند شعب المريخ يا أخي والله صحفيين سبب البلاوي وتدهور الكرة السودانية بالمناسبة زيك كتير في صحفي الهلال يا أخي أكتب وطالب بإدارات واعية للقمة تهتم بفرق الشباب والبراعم لتكون رافد للفريق الأول سنين طويلة مريخ هلال يعتمدون علي اللاعب الجاهز من الأندية الأخري ما هي الحصيلة للأسف بكاتابتك الهايفة دي تربي عليكم جيل جاهل كروياٌ
  • #16
    عاطف البدوي 10-30-2016 08:0
    لهذا سيظل الهلال الاصل والمريخ هو الظل الظليل
    حتي في استكشاف المواهب ولان الهلال ريادي يقيم
    كل موهبة حسب حجمها ولايغالي لانه هو الاغلي
    ومفخرة لكل نجم يرتدي شعاره وهذا هو سر تفوقه
    عليكم في الميدان مبروك عليكم كل الذين ساوموا الهلال
  • #17
    Hajjam 10-30-2016 08:0
    التغزل في مشاطيب ونفايات سيد البلد ليس بجديد علي كتاب الدلاقين. اما الهلوسة بروائح المطار دي زودتها شوية. انت الظاهر عليك نسيت علقة مازمبي ياعمنا تنقو.
  • #18
    Hajjam 10-30-2016 08:0
    فعلا شغل الدلاقين شغل كدسة وكلاب ضالة والحمد لله الجات منكم.
  • #19
    علي المعيلق 10-30-2016 08:0
    اول مرة اقرا ليك عمود ويا ريتني ما قريت ليك حرف
    شنو دا دا الهبل والملل وتقل الدم وكديس وكلب دا مقال اتنشر وقسما انت وامثالك سبب انهياروانحطاط الكرة في سوداننا الحبيب قال كديس قال
  • #20
    نمر 10-30-2016 08:0
    يا أخي أسألك بالله أن تتقي الله فينا بأن لا تضيِّع وقتنا ، نحن نقرأ لنتزود بمعلومة أو خبر ، ومقالك هذا يؤسفني أن أقول إنه كلام مشجع ليس إلا ، نحن في ونستنا هلالاب ومريخاب بنقول نفس الكلام ، أرجو أن ترتقي بمقالاتك حتى نرتقي نحن ، والله من وراء القصد .
  • #21
    نمر 10-30-2016 08:0
    يا أخي أسألك بالله أن تتقي الله فينا بأن لا تضيِّع وقتنا ، نحن نقرأ لنتزود بمعلومة أو خبر ، ومقالك هذا يؤسفني أن أقول إنه كلام مشجع ليس إلا ، نحن في ونستنا هلالاب ومريخاب بنقول نفس الكلام ، أرجو أن ترتقي بمقالاتك حتى نرتقي نحن ، والله من وراء القصد .
  • #23
    زاهر جعقر 10-30-2016 06:0
    اهااا يا عمك تنقو الجديد شنو نغمة كل موسم بتسجل فضلات الهلال وتكتبو عنها المنشت في الجرايد من طمبل - كلتشي -علاء الدين طيارة - عبدو جابر - تراوري - بكري المدنية الان محمد عبدالرحمن والنتجية الوصافة الدائمة وصلت بكم الحال للتقليد الهلال حتي الانسحاب وبعدين ضربة شيبوب من جوه الكشف تسجيل لاعب من الهلال بنسبة لك دوري وممتاز مسكين جمهور المريخ بتاعين النفرات والتخدير السنة الجاية ح ركزو علي مهند الريدة .
  • #24
    محمد عروة الرياض 10-30-2016 06:0
    اسلوب ركبك لا علاقة له البت بالمقال الرياضي والله استغرب كيف لصحيفة لها قراءها واحترام الكلمة وقدسية اللغة وهي اللغة الوحيدة في العالم فيها التعبير اللغوي الذي يجذب القاريء ان ياتي شخص ضعيف اللغة والنحو والصرف والبلاغة ومايحويها من فن اللغة يسمحون لناس فواقد تربوية لتكتب وتلغي الكلام على عواهنه ويقول ليك صحفي رياضى وكمان باصم فيه بالصورة اضحت الصحافة الرياضية مرتعا لفاقدي العمل عطالة مقنعة
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019