• ×
الأربعاء 28 يوليو 2021 | 07-27-2021
معاذ ابو مؤيد

رحيل مر للمجتمع المريخي والمريخ رافع راية شبابية جديدة وانضباطية

معاذ ابو مؤيد

 0  0  876
معاذ ابو مؤيد


جمعة مباركة للجميع اخر جمعة في رمضان ربنا يتقبل كل صيامنا وقيامنا

صباح الخميس والكل نيام
وفي لحظة تظهر رسالة الرحيل المر
لاحد كابتن الكرة السودانية والمريخية
رسالة ظهرت والكل مكذب بسبب كثرة الشائعات لنجوم المجتمع
لكن كانت الرسالة هذة المرة حقيقة
طافت علي المجتمع المريخي وهي تنعي المدرب القدير ومكتشف المواهب واحد ركائز البطولات المحمولة جوا
سيد سليم
رجل خدم المريخ من كل المواقع حتى وهو خارج المنظومة الفنية
كثير من الرؤساء خاطبوة بالاستشارة لم يرد اي احد منهم
كان سفيرا لمدينة ودمدني في العاصمة
رحل من كوكب المريخ راجل جميل ومدرب قدير
ان الموت حق
ولا نقول انا لله وانا اليه راجعون
ربنا يتقبلة قبولا حسن ويسكنة فسيح جناتة
رحل في ايام مباركات
واخرة عتق من النار
ربنا يرحمك كوتش سيد سليم
ابناء المريخ ينعوك وابناء ودمدني يزكرون محاسن موتاهم
ربنا يغفر لك ويرحمك

المريخ يؤدي مباراة اما السرطة القضارف
ابرز ملامحها التسجيلات الجديدة والوجوه الشابة
نتمنى تكثيف المباريات في مقبل الايام
ونتمني ارتفاع رتم المباريات وتكون من العيار الثقيل مع اندية الدوري الممتاز
الاحتكاك للشباب مهم
والمطلوب من المجتمع المريخي الصبر عليهم
سياسة الادارة الجديدة
نيو لوك
شباب وانضباط
طالما كل واحد بيعمل في مجال ادارتو وتخصصوا وكل زول عارف المهام
يبقي نقول تعظيم سلام
القادم اجمل بعون الله
نقول يارب
وطالما الموضوع اصبح شبابي بحت وانضباطي
ياريت الشعاري يتغير ويكون بروح الشباب
مناي اشوف شعار مواكب وحديث ومزيج من اللونين الاصفر والاحمر
عايزين كل شي جديد
سامعني يا لجنة التسيير
الشعار والمظهر مهم
وسياسة البدري في الهندام
لاذالت بصمتها حتى اليوم

مسك الختام
كل زول ماسك ملف ياريت يعطيه عناية خاصة
وكل واحد من ناس الادارة يعاين في ملفوا
الايام جارية ونحن جارين وراها
الخوف مدتكم تكمل قبل مانطمن
عشان كدة الانجاز والدقه في المواعيد سبيل للنجاح

ونحن علي المدرج ندعم ونشجع ونتفرج
دعمنا سيتواصل ماليا واداريا
ماليا الناس شغالة لنفرة الشهر القادم
واداريا
الكل شايف التأيد للقرارات
يعني الكل متفق
بس بعد دا بردوا بطن المدرج
وريحوهم من ناحية المدرب الاجنبي
وسمعونا الاستقرار الفني
تكونوا ماقصرتو

همسة اخيرة
ماتنسوا وصية امس
كلفوا ثلاثه من قدامى اللاعبين بمتابعة ابطال افريقيا والكونفدرالية
الموضوع لايكلفكم عشرة مليون
عشان مانقع في محترفين ابو مليون !!!!
كروت BN تعالج مشاكلنا
كل مدرب من الثلاثه يمسك خط من الخطوط
مثال زيكو خط الهجوم
وخالد احمد المصطفي الوسط
فاروق جبرة للدفاع
كل مدرب يرشح لاعبين او ثلاثه
ونهاية الموسم يكون الخيارات موجودة ومفحوصة
كدى تتحركوا من بدري للمفاوضات
وماتنتظروا السماسرة والCD
الموضوع بسيط لكن تنفيذو واجب ومتابعتوا مهمة
اخر الموسم كلو حيكون شايت علي كلو
الشغل المدروس والمؤسس
يريح الاعصاب ذي شراب الكركدي والليمون
ريحوا اعصابنا من بدري
عشان ناس الشتل والاشاعات
مايلاقوا باب لترويجهم شتلاتهم
والسماسرة مواسيرهم تصدي عندهم

خارج النص
افطارات مجموعات المريخ تشكل اضافة حقيقة للترابط الاجتماعي
وافطار التراس الجوارح امس في شارع النيل اجمل مافيه توزيع الافطار للمارة وهم يرتدون شعار المريخ،،
كم طفل شاهد المنظر وتعلق قلبة بحب المريخ للمشهد
حاجه بسيطة ممكن تولد لينا الف ثائر غدا
وطفل اليوم سيكون من ناس المدرج غدا
شكرا التراس الجوارح
وافطارات المجموعات مستمرة
وقبلهم الساساب
والتراس الاسود
وشبكة الزعيم
وكثير من القروبات
انها والله لسنة حميدة في مجتمع المريخ
نتمني مذيد من المبادرات في المجتمع المريخي
نحن دائما الرواد والسباقون
شكرا انو الواحد مريخابي
والي تغريدة جديدة غدا ان امد الله العمر

المريخ يحتاج الي الجميع
ونحن نحتاج الي عودة المريخ
هل الجميع متفق علي ذلك
ماذا ستقدم للعودة البنتمناها
اسال نفسك قبل ان تسال غيرك
قدمي ماعندك حتي تكتمل اللوحة بتقديم كل فرد منا روحة للمريخ
المريخ مريخ الشعب
والشعب هو الجمهور
شارك تفاعل وكن ايجابي في
وطن المريخ

# تغريدة طبية:
اللحوم والبقوليات والبيض ومنتجات الحليب غنية بالبروتينات. تأكد بأن تتناول هذه المصادر عند كل وجبة خلال شهر رمضان المبارك. إذ إن البروتينات ضرورية لتجديد خلايا الجسم وتمنح الشعور بالشبع وبالتالي تخفف من الرغبة في تناول كميات كبيرة من الحلويات.
وربنا ينعم علي الجميع بالصحة والعافية

# تغريدة مرورية:
وراء كل حادث مخالفة مرورية
والموبايل يشكل نسبة كبيرة من الحوادث المرورية
اصل واتصل
اتصالك مهم لكن حياتك اهم
لاتسرع فالموت اسرع،،،،،
وربنا يكتب السلامة للجميع
هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية........
التغريدة لن تخرج خارج نطاق المجتمع المريخي نهائيا الا ماندر
نقد الذات يوصلنا الي الامام والي المنصات باذن الله ،،،،،
ادعمونا بالنصح والارشاد وصححونا إن اخطأنا في يوم من الايام ،،،،،،،،
امسح للحصول على الرابط
بواسطة : معاذ ابو مؤيد
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019