ﺃﻛﺘﺮ ( ﺩﻳﻚ ) ﺗﻌﺐ ﻣﻌﺎﻧﺎ ﺇﺣﻨﺎ ﻓﻲ ﺍﻟﺴﻮﺩﺍﻥ ﻫﻮ ( ﺩﻳﻚ ﺍﻟﻤﺴﻠﻤﻴﺔ ) ..
ﻭﻟﻌﻞ ﺍﻟﺸﻬﺮﺓ ﺍﻟﺘﻲ ﻭﺟﺪﻫﺎ ( ﺩﻳﻚ ﺍﻟﻤﺴﻠﻤﻴﺔ ) ﻟﻢ ﻳﺠﺪﻫﺎ ( ﺩﻳﻚ ﺃﻱ ﻗﺒﻴﻠﺔ
ﺳﻮﺩﺍﻧﻴﺔ ﺃﺧﺮﻯ ) ..
ﻭﺳﺒﺐ ﻫﺬﻩ ﺍﻟﺸﻬﺮﺓ ﺇﻧﻮ ﺩﻳﻚ ﺍﻟﻤﺴﻠﻤﻴﺔ ﻛﺎﻥ ( ﺑﻌﻮﻋﻲ ﺑﻴﻨﻤﺎ ﺑﺼﻠﺘﻮ ﻓﻲ
ﺍﻟﻨﺎﺭ ) ..
ﻭﻃﺎﺭﻕ ﺍﻟﻌﺸﺮﻱ ﻫﻮ ﺃﻛﺜﺮ ﻣﺪﺭﺏ ( ﺑﺼﻠﺘﻮ ﻗﻌﺪﺕ ﻓﻲ ﺍﻟﻨﺎﺭ ) ﺭﻏﻢ ﺇﻧﻮ
(ﻣﺼﻠﺤﺔ ﺍﻟﻬﻼﻝ ﺑﺘﻌﻮﻋﻲ ) ..
( ﺑﺼﻠﺔ ﻛﺎﻓﺎﻟﻲ ) ﻟﻢ ﺗﻤﺾ ﺳﻮﻯ ﺳﺎﻋﺎﺕ ﻣﻌﺪﻭﺩﺓ ﻓﻲ ﺍﻟﻨﺎﺭ ..
ﻭﻟﻜﻦ ﺑﺼﻠﺔ ﺍﻟﻌﺸﺮﻱ ﻃﺎﺏ ﻟﻬﺎ ﻗﻌﺎﺩ ﺍﻟﻨﺎﺭ ..
ﺃﻧﺎ ﺃﺧﺸﻰ ﺃﻥ ﺗﺤﺘﺮﻕ ﺑﺼﻠﺔ ﺍﻟﻌﺸﺮﻱ ﻭﻳﺤﺘﺮﻕ ﻣﻌﺎﻫﺎ ﺍﻟﻬﻼﻝ ﻭﻧﺤﺘﺮﻕ ﻧﺤﻦ
ﻣﻦ ﻛﺜﺮﺕ ( ﺍﻟﻌﻮﻋﺎﻱ ) ..
ﻓﻲ ﻣﻮﺍﻗﻊ ﺍﻟﺘﻮﺍﺻﻞ ﺍﻻﺟﺘﻤﺎﻋﻲ ﻇﻬﺮ ﺭﺋﻴﺲ ﺍﻻﺗﺤﺎﺩ ﺍﻟﺴﻮﺩﺍﻧﻲ ﻣﻌﺘﺼﻢ ﺟﻌﻔﺮ
ﻭﻫﻮ ( ﻓﺮﺣﺎﺍﺍﺍﺍﺍﻥ ) ﺑـ ( ﺍﻟﺴﻴﻠﻔﻲ ) ﻣﻊ ﺭﻭﻧﺎﻟﺪﻭ ﻭﺑﻨﺰﻳﻤﺔ ..
ﺭﺋﻴﺲ ﺍﺗﺤﺎﺩﻧﺎ ﺗﺎﺑﻊ ﻛﻼﺳﻴﻜﻮ ﺃﺳﺒﺎﻧﻴﺎ ﻣﻦ ﺩﺍﺧﻞ ﺍﻹﺳﺘﺎﺩ ﻭﻋﻘﺐ ﻧﻬﺎﻳﺔ ﺍﻟﻤﺒﺎﺭﺍﺓ
( ﻃﺎﺭﺩ ) ﺭﻭﻧﺎﻟﺪﻭ ﻭﺑﻘﻴﺔ ﺍﻟﻨﺠﻮﻡ ﻣﻦ ﺃﺟﻞ ﺻﻮﺭﺓ ..
ﻣﻌﺘﺼﻢ ﻛﺎﻥ ﺑﻴﻀﺤﻚ ﻟﺤﺪﻱ ﺿﺮﺳﻮ ﺍﻷﺧﻴﺮ ﻭﻣﻦ ﺣﻘﻪ ﺃﻥ ﻳﻀﺤﻚ ﻷﻥ ( ﺻﻮﺭﺓ
ﻣﻊ ﺍﻟﺪﻭﻥ ) ﺗﻌﻨﻲ ﺍﻟﻜﺜﻴﺮ ..
ﻭﻗﻄﻊ ﺷﻚ ﺭﻭﻧﺎﻟﺪﻭ ﻟﻤﺎ ﻭﺍﻓﻖ ﻋﻠﻰ ﺍﻟﺼﻮﺭﺓ ﻣﺎ ﻛﺎﻥ ﻋﺎﺭﻑ ﺇﻧﻮ ( ﺩﻩ ﻣﻌﺘﺼﻢ
ﺟﻌﻔﺮ ﺑﺘﺎﻉ ﺍﻻﺗﺤﺎﺩ ﺍﻟﺴﻮﺩﺍﻧﻲ ) ..
ﻣﺎ ﻛﺎﻥ ﻋﺎﺭﻑ ..
ﻭﻳﺎﺭﻳﺘﻮ ﻟﻮ ﻋﺮﻑ ..
ﻳﺎ ﻣﻌﺘﺼﻢ ﺻﺪﻗﻨﻲ ﺭﻭﻧﺎﻟﺪﻭ ﻟﻮ ﻛﺎﻥ ﻋﺮﻑ ﺣﻜﺎﻳﺔ ( ﺍﻟﻠﻘﻴﻤﺎﺕ ) ﺩﻳﻚ ﻣﺎ ﺑﺘﺼﻮﺭ
ﻣﻌﺎﻛﻢ ..
ﻭ ﻟﻮ ﻋﺮﻑ ﺣﻜﺎﻳﺔ ﺳﻤﻴﺮ ﻓﻀﻞ ﻭﻟﺠﻨﺔ ﺍﻻﺳﺘﺌﻨﺎﻓﺎﺕ ﻣﺎ ﻛﺎﻥ ﺍﺗﺼﻮﺭ ﻣﻌﺎﻙ ..
ﻭﺍﻟـﻠﻪ ﺻﺤﻲ ..
ﺑﺲ ﺍﻟﺤﻤﺪ ﻟﻠـﻪ ﻣﺎ ﻋﺮﻑ ..
ﺃﺗﻮﻗﻊ ﺍﻟﻜﻼﺳﻴﻜﻮ ﺍﻟﺠﺎﻱ ﻣﺤﻤﺪ ﺳﻴﺪ ﺃﺣﻤﺪ ﻳﻤﺸﻲ ﻳﺘﺼﻮﺭ ﻣﻊ ( ﺑﻴﺒﻲ ) ..
ﺃﺗﻮﻗﻊ ﻛﺪﻩ ..
ﻭﺃﻱ ﺯﻭﻝ ﻃﺒﻌﺎً ﺣﺮ ﻓﻲ ( ﺗﻮﻗﻌﺎﺗﻮ ) ..
ﺍﻟﻤﻬﻢ ..
ﻣﺸﺎﻛﻠﻨﺎ ﻓﻲ ﺍﻟﺴﻮﺩﺍﻥ ﻫﻲ ﺯﻱ (ﺍﻟﺸﻌﺐ ﺍﻟﺼﻴﻨﻲ ) ﺑﺘﺘﺸﺎﺑﻪ ﻓﻲ ﻛﻞ ﺷﺊ
..
ﻣﺜﻼً .. ﻧﺎﺱ ﺍﻟﻤﺤﻠﻴﺔ ﻛﻞ ﺳﻨﺔ ( ﺍﻟﺨﺮﻳﻒ ﺑﺒﺎﻏﺘﻬﻢ ) ﻣﻊ ﺇﻧﻮ ﺯﻣﻨﻮ ﻣﻌﺮﻭﻑ ..
ﻭﻧﺎﺱ ﺣﻠﺘﻨﺎ ﻛﻞ ﺳﻨﺔ (ﺑﻴﺪﻗﻮ ﺍﻟﺴﺘﺎﻳﺮ ﻓﺠﺮ ﺍﻟﻌﻴﺪ ﺍﻟﺴﺎﻋﺔ ﺃﺭﺑﻌﺔ ﺻﺒﺎﺣﺎً ) ﻣﻊ
ﺇﻧﻮ ﺗﺎﺭﻳﺦ ﺍﻟﻌﻴﺪ ﻣﻌﺮﻭﻑ ( ﺧﺎﺻﺔ ﻋﻴﺪ ﺍﻷﺿﺤﻰ ) ..
ﻭﺃﻧﺎ ﻻﺣﻈﺖ ﺣﺎﺟﺔ ..
ﺃﻱ ( ﺳﺘﺎﺭﺓ ) ﺑﻴﺪﻗﻮﻫﺎ ﻓﻲ ﺍﻟﺰﻣﻦ ﺍﻟﻮﺍﻗﻊ ﺑﻴﻦ ( ﻟﻴﻠﺔ ﺍﻟﻮﻗﻔﺔ ﻭﺻﺒﺎﺡ ﺍﻟﻌﻴﺪ )
ﺑﺘﻘﻊ ﺗﺎﻧﻲ ﻳﻮﻡ ﻓﻲ ﺍﻟﻌﻴﺪ ..
ﺃﻱ ﺳﺘﺎﺭﺓ ﺑﻴﺪﻗﻮﻫﺎ ﻳﻮﻡ ﺍﻟﻮﻗﻔﺔ ﺑﻌﺪ ( 12 ) ﻟﻴﻼً ﺑﺘﻘﻊ ﺑﻌﺪ ( 48 ) ﺳﺎﻋﺔ ..
ﻟﻴﻪ ؟؟ ﺃﻧﺎ ﺫﺍﺗﻲ ﻣﺎ ﻋﺎﺭﻑ ..
ﺍﻟـﻠﻬﻢ ﺃﻧﻬﺎ ﺑﺘﻘﻊ ..
ﻓﻲ ﺍﻟﺮﻳﺎﺿﺔ ﻟﻤﺎ ﺗﺠﻲ ﺗﺸﻮﻑ ﻣﺸﺎﻛﻠﻨﺎ ﺑﺘﻠﻘﺎﻫﺎ ( ﻣﺘﺸﺎﺑﻬﺔ ﺟﺪﺍً ..
ﻭﻫﻲ ﻻ ﺗﺨﺮﺝ ﻣﻦ ﺍﻵﺗﻲ : ( ﻣﺤﺘﺮﻓﻴﻦ ﻛﻌﺒﻴﻦ ) ، ﻭﺍﻟﻔﺮﻕ ﺗﺸﺘﻜﻲ ﺍﻟﻤﺮﻳﺦ
ﻭﺍﻻﺗﺤﺎﺩ ﻳﺮﻓﺾ ﺍﻟﺸﻜﻮﻯ ﻭﻣﻨﻊ ﻃﺎﻗﻢ ﺍﻟﺘﻠﻔﺰﻳﻮﻥ ﻣﻦ ﻧﻘﻞ ﺍﻟﻤﺒﺎﺭﺍﺓ ) ..
ﻫﺬﻩ ﻣﺸﺎﻛﻞ ﺗﺘﻜﺮﺭ ﻓﻲ ﺍﻟﺪﻭﺭﻱ ﺍﻟﺴﻮﺩﺍﻧﻲ ﻛﻞ ﻋﺎﻡ ﻭﺑﺎﻟﻜﺮﺑﻮﻥ ..
ﻭﺍﻟـﻠﻪ ﺻﺤﻲ ..
ﻧﻔﺲ ﺍﻟﻤﺸﺎﻛﻞ ..
ﻭﺍﻟﻤﺮﺓ ﺩﻱ ﺍﻟﺘﻼﺗﺔ ﺣﺎﺟﺎﺕ ﺩﻱ ﺣﺼﻠﺖ ﻣﻦ ﺍﻟﺪﻭﺭﺓ ﺍﻷﻭﻟﻰ ..
ﺍﻟﺘﻼﺗﺔ ﺩﻳﻞ ﻇﻬﺮﻭﺍ ﻣﻦ ﺍﻟﺪﻭﺭﺓ ﺍﻷﻭﻟﻰ ..
ﺍﻟﻔﺮﻕ ﺍﺷﺘﻜﺖ ﺍﻟﻤﺮﻳﺦ ﻓﻲ ( ﺍﻟﻨﻌﺴﺎﻥ ) ﻭﺍﻻﺗﺤﺎﺩ ﺭﻓﺾ ﺍﻟﺸﻜﻮﻯ .. ( ﺣﺼﻠﺖ
ﻭﻟّﺎ ﻣﺎ ﺣﺼﻠﺖ ) ؟
ﺍﻻﺗﺤﺎﺩ ﺃﺻﺪﺭ ﻗﺮﺍﺭﺍً ﻭﻣﻨﻊ ﻃﺎﻗﻢ ﺍﻟﺘﻠﻔﺰﻳﻮﻥ ﻣﻦ ﻧﻘﻞ ﻣﺒﺎﺭﻳﺎﺕ ﺍﻟﻤﻤﺘﺎﺯ ..
( ﺣﺼﻠﺖ ﻭﻟّﺎ ﻣﺎ ﺣﺼﻠﺖ ) ؟
ﻭ (ﺍﻟﻤﺤﺘﺮﻓﻴﻦ ﻛﻌﺒﻴﻦ )ﻭﺍﻟﻬﻼﻝ ﺷﻄﺒﻬﻢ .. ( ﺣﺼﻞ ﻭﻻ ﻣﺎ ﺣﺼﻞ ) ؟
ﺍﻟﻜﻼﻡ ﺩﻩ ﻛﻠﻮ ﺣﺼﻞ ﻗﺒﻞ ﻧﻬﺎﻳﺔ ﺍﻟﺪﻭﺭﺓ ﺍﻷﻭﻟﻰ ..
ﻳﻌﻨﻲ ﻟﻤﺎ ﺗﺠﻲ ﺍﻟﺪﻭﺭﺓ ﺍﻟﺘﺎﻧﻴﺔ ﺍﺣﺘﻤﺎﻝ ﻛﺒﻴﺮ ( ﺍﻟﺪﻭﺭﻱ ﻳﺘﻠﻐﻲ ) ..
ﻭﺍﻟـﻠﻪ ﺻﺤﻲ ..
ﻭﺍﻟﺴﻨﺔ ﺍﻟﺠﺎﻳﺔ ﻧﻔﺲ ﺍﻟﺤﺼﻞ ﺍﻟﺴﻨﺔ ﺩﻱ ﺡ ﻳﺤﺼﻞ ..
ﻷﻧﻮ ﺍﻟﺤﺼﻞ ﺍﻟﺴﻨﺔ ﺩﻱ ﺣﺼﻞ ﺍﻟﺴﻨﺔ ﺍﻟﻔﺎﺗﺖ ﺑﺮﺿﻮ ..
ﻭﺡ ﻳﺤﺼﻞ ﺍﻟﺴﻨﺔ ﺍﻟﺠﺎﻳﺔ ﻭﺍﻟﻠﺒﻌﺪﻳﻬﺎ ..
ﺑﺲ ﺧﻠﻴﻜﻢ ﻣﺘﺬﻛﺮﻳﻦ ..
ﻫﺴﻪ ﺃﻗﻮﻝ ﻟﻴﻜﻢ ﺣﺎﺟﺔ ..
ﻭﺍﻟـﻠﻪ ﻟﻮ ( ﻛﺸﻜﺸﺖ ) ﺳﺖ ﺍﻟﻮﺩﻉ .. ﺍﻟﻮﺩﻉ ﺃﻟﻒ ﻣﺮﺓ ﻟﻦ ﺗﺘﻮﻗﻊ ﺃﻥ ﻳﺸﻄﺐ
ﺍﻟﻬﻼﻝ ﻣﻮﻛﻮﺭﻭ (ﺍﻷﺳﺎﺳﻲ ) ﻭﻳﺠﺪﺩ ﺍﻟﺜﻘﺔ ﻓﻲ ﺇﻳﺸﻴﺎ ( ﺍﻻﺣﺘﻴﺎﻃﻲ ) ..
ﺧﻠﻴﻚ ﻣﻦ ﺳﺖ ﺍﻟﻮﺩﻉ ..
ﺇﻳﺸﻴﺎ ﻧﻔﺴﻪ ﻣﺎ ﻛﺎﻥ ﻳﺘﻮﻗﻊ ﺃﻥ ﻳﺴﺘﻤﺮ ﻫﻮ ﻭﻳﻐﺎﺩﺭ ﻣﻮﻛﻮﺭﻭ ..
ﻭﻣﺎ ﺣﺪﺙ ﻓﻲ ﻫﺬﻩ ﺍﻟﻨﻘﻄﺔ ﺑﺎﻟﺬﺍﺕ ﻳﺆﻛﺪ ﺃﻥ ﺍﻟﻜﺎﺭﺩﻳﻨﺎﻝ ﻣﺤﺘﺎﺝ ( ﺩﺭﺱ
ﻋﺼﺮ ) ﻓﻴﻤﺎ ﻳﺘﻌﻠﻖ ﺑﺎﻟﻤﺤﺘﺮﻓﻴﻦ ﻭﻋﻤﻠﻴﺔ ﺍﻟﺸﻄﺐ ﻭﺍﻟﺘﺴﺠﻴﻞ ..
ﻏﺎﻳﺘﻮ ﺟﻨﺲ ﻏﺎﻳﺘﻮ !!
ﺍﻷﻳﺎﻡ ﺩﻱ ﻟﻮ ﻋﺎﻳﺰ ﺗﻤﻮﺕ ﻣﻦ ﺍﻟﻀﺤﻚ ﺍﻗﺮﺃ ( ﺻﺤﻒ ﺍﻟﻤﺮﻳﺦ ) ..
ﺇﻋﻼﻡ ﺍﻟﻤﺮﻳﺦ (ﺍﻟﺴﺎﻟﺐ ) ﻛﻤﺎ ﺃﻃﻠﻖ ﻋﻠﻴﻪ ﺟﻤﺎﻝ ﺍﻟﻮﺍﻟﻲ ﻫﺬﺍ ﺍﻟﻠﻘﺐ ﻳﺘﺤﺪﺙ
ﻋﻦ ( ﺗﺨﺮﻳﺐ ﺇﺳﺘﺎﺩ ﺍﻟﻤﺮﻳﺦ ﻣﻦ ﻗﺒﻞ ﺟﻤﻬﻮﺭ ﺍﻟﻬﻼﻝ ) ..
ﻭﻣﺠﻠﺲ ﺇﺩﺍﺭﺓ ﺍﻟﻤﺮﻳﺦ ﻗﺎﻝ ﻓﻲ ﺣﺪﻳﺜﻪ ﻟﻠﺼﺤﻒ ﺍﻟﻬﻼﻟﻴﺔ ﺇﻥ ﺟﻤﻬﻮﺭ ﺍﻟﻬﻼﻝ
ﺑﺮﺉ ﻣﻦ ( ﺣﻜﺎﻳﺔ ﺍﻟﺘﺨﺮﻳﺐ ﺩﻱ ) ..
ﻭﺟﻤﻬﻮﺭ ﺍﻟﻬﻼﻝ ﻣﺴﺘﺤﻴﻞ ﻳﻜﺴﺮ ( ﺍﻟﻤﻤﺘﻠﻜﺎﺕ ﺍﻟﻌﺎﻣﺔ ) ﻭﻫﺬﺍ ﺍﻹﺳﺘﺎﺩ ﻫﻮ
ﺇﺳﺘﺎﺩ ﺍﻟﺤﻜﻮﻣﺔ ..
ﺇﺳﺘﺎﺩﻛﻢ ﺩﻩ ﺯﻱ ﺇﺳﺘﺎﺩ ﺍﻟﺨﺮﻃﻮﻡ ﻭﺍﺣﺪ ..
ﺇﻋﻼﻡ ﺍﻟﻤﺮﻳﺦ ﻳﺒﻜﻲ ﻋﻠﻰ ( ﺍﻟﺴﻮﺭ ﺍﻟﻤﻨﻬﺎﺭ ) ..
ﻭﺍﻟﺒﻌﺾ ﻣﻦ ﻛﺘﺎﺏ ﺍﻹﻋﻼﻡ ﺍﻟﺴﺎﻟﺐ ﻳﺒﻜﻮﻥ ﻣﻦ ﺃﺟﻞ ﺟﻤﺎﻝ ﺳﺎﻟﻢ ..
ﻭﺍﺣﺪﻳﻦ ﺑﺒﻜﻮﺍ ﻋﻠﻰ ( ﺍﻟﺴﻮﺭ ) ﻭﻭﺍﺣﺪﻳﻦ ﺑﺒﻜﻮﺍ ﻋﻠﻰ (ﺟﻤﺎﻝ ﺳﺎﻟﻢ ) ..
ﻭﺃﺑﻮ ﺟﺮﻳﺸﺔ ﻟﻤﺎ ﺳﺄﻟﻮﻩ ﻣﻦ ﻣﻮﺿﻮﻉ ﺳﺎﻟﻢ ﻗﺎﻝ : ( ﺍﻟﺰﻭﻝ ﺩﻩ ﺃﻧﺎ ﺃﺩﻳﺘﻮ
ﺃﻟﻔﻴﻦ ﺩﻭﻻﺭ ﻭﻭﺻﻠﺘﻮ ﻟﺤﺪﻱ ﻏﺮﻓﺔ ﺍﻟﺴﻼﻣﺔ ﺑﻤﻄﺎﺭ ﺍﻟﺨﺮﻃﻮﻡ ) ..
ﺃﺑﻮﺟﺮﻳﺸﺔ ﻗﺎﻝ : ( ﺃﻧﺎ ﺃﻭﻝ ﻣﺮﺓ ﺃﻭﺩﻉ ﻻﻋﺐ ﻟﺤﺪﻱ ﻏﺮﻓﺔ ﺍﻟﺴﻼﻣﺔ ) ..
ﺃﺑﻮﺟﺮﻳﺸﺔ ﻧﺴﻰ ﻟﻤﺎ ﻛﺎﻥ ﺑﻴﺴﺎﻓﺮ ﻳﺠﻴﺐ ( 17 ) ﻣﺤﺘﺮﻓﺎً ﺩﻓﻌﺔ ﻭﺍﺣﺪﺓ ..
ﻧﺴﻰ ﺯﻣﻦ ﺷﻴﻜﻮﺭﺍ ﻭﺷﻴﻜﻮﺯﻱ ﻭﻏﻴﺮﻫﻤﺎ ﻣﻦ ( ﺃﺷﺒﺎﻩ ﺍﻟﻤﺤﺘﺮﻓﻴﻦ ) ..
ﺟﺮﻳﺸﺔ ﻗﺎﻝ : (ﺟﻤﺎﻝ ﺳﺎﻟﻢ ﺩﺍﻳﺮ ﻣﻨﻨﺎ ﻣﺮﺗﺐ ﺷﻬﺮ ﻭﻧﺺ ) ..
ﺧﻠﻴﻚ ﻣﻦ ﺷﻬﺮ ﻭﻧﺺ ﻳﺎ ﺃﺑﻮ ﺟﺮﻳﺸﺔ
ﺩﻩ ﺣﻖ ﻭﻻ ﻣﺎ ﺣﻖ ؟
ﺷﻬﺮ ﻭﻧﺺ ﻭﻻ ﺃﺳﺒﻮﻋﻴﻦ ﻓﻲ ﺍﻟﻨﻬﺎﻳﺔ ﺍﻟﺰﻭﻝ ﻗﺎﻝ ﺩﺍﻳﺮ ﺣﻘﻮ ..
ﻭﺑﺼﺮﺍﺣﺔ ﺟﻤﺎﻝ ﺳﺎﻟﻢ ﻣﺎ ﻋﻨﺪﻭ ﻓﻴﻜﻢ ﺛﻘﺔ ﻋﺸﺎﻥ ﻛﺪﻩ ﺩﺍﻳﺮ ﻳﻀﻤﻦ ﺣﻘﻮ ﺑﻌﺪ
ﺩﺍﻙ ﻳﺮﻛﺐ ﻳﺠﻴﻜﻢ ..
ﻭﺑﺎﻟﻨﺴﺒﺔ ﻟـ ( 2000 ) ﺩﻭﻻﺭ ﺍﻷﺩﻳﺘﻬﺎ ﻟﻴﻬﻮ ﺑﺎﻟﻤﻄﺎﺭ ﻃﻮﺍﻟﻲ ﺗﺨﺼﻤﻬﺎ ﻳﺎ ﺃﺑﻮ
ﺟﺮﻳﺸﺔ ..
ﺃﺩﻳﻬﻮ ﻣﺮﺗﺐ ﺷﻬﺮ ﻭﻧﺺ ﻧﺎﻗﺺ ﺃﻟﻔﻴﻦ ﺩﻭﻻﺭ ..
ﻭﺟﻤﺎﻝ ﺳﺎﻟﻢ ﻟﻮ ﻋﺮﻑ ﺇﻧﻚ ﺫﻛﺮﺕ ﻓﻲ ﺍﻟﺼﺤﻒ ﺣﻜﺎﻳﺔ ﺍﻷﻟﻔﻴﻦ ﺩﻭﻻﺭ ﺩﻱ
ﺗﺎﻧﻲ ﻣﺎ ﺑﺠﻲ ﺭﺳﻤﻲ ..
ﻳﻌﻨﻲ ﻋﺸﺎﻥ ﺃﻧﺖ ﺃﺩﻳﺘﻮ ﺃﻟﻔﻴﻦ ﺩﻭﻻﺭ ﻳﻘﻮﻡ ﻫﻮ ﻳﺨﻠﻲ ﻟﻴﻜﻢ ﻣﺮﺗﺐ ﺷﻬﺮ ﻭﻧﺺ
ﻭﻻ ﻛﻴﻒ ؟
ﻣﺎ ﺻﺎﺡ ﻛﺪﻩ ..
ﺃﻧﺎ ﻭﺑﺼﺮﺍﺣﺔ ﻣﺴﺘﻐﺮﺏ ﻓﻲ ﺣﺎﺟﺔ ﻭﺍﺣﺪﺓ ﺑﺲ ..
ﺇﻧﺘﻮ ﺟﻤﺎﻝ ﺳﺎﻟﻢ ﺍﻟﺬﻱ ﻫﻮ ( ﺍﻟﻤﺮﻳﺦ ) ﻣﺎ ﺃﺩﻳﺘﻮ ﻗﺮﻭﺷﻮ ﺩﺍﻳﺮﻳﻦ ﺗﺪﻭﺍ ﻣﻨﻮ
ﻃﻴﺐ ؟
ﺇﺫﺍ ﻛﺎﻥ ﺟﻤﺎﻝ ﺳﺎﻟﻢ ﻣﺎ ﺻﺮﻑ ﻳﺒﻘﻰ ﺍﻟﺒﻴﺼﺮﻑ ﻣﻨﻮ ؟
ﺍﻟﻜﻼﻡ ﺩﻩ ﺑﻴﻌﻨﻲ ﺇﻧﻮ ﻓﻲ ﻟﻌﻴﺒﺔ ﻓﻲ ﺍﻟﻤﺮﻳﺦ ﻟﻴﻬﻢ ﺳﺘﺔ ﺷﻬﻮﺭ ﻣﺎ ﺻﺮﻓﻮ ..
ﺍﻟﻤﺮﻳﺦ (ﻋﺒﺎﺭﺓ ﻋﻦ ﺟﻤﺎﻝ ﺳﺎﻟﻢ ) ، ﻭﻟﻤﺎ ﺟﻤﺎﻝ ﺳﺎﻟﻢ ﺍﻟﺬﻱ ﻫﻮ ( ﺍﻟﻤﺮﻳﺦ ) ﻣﺎ
ﻳﺼﺮﻑ ﻳﺒﻘﻰ ﺍﻟﺒﺎﻗﻴﻦ ﻟﻴﻬﻢ ﺯﻣﻦ ﻃﻮﻳﻴﻴﻞ ﻣﺎ ﺻﺮﻓﻮﺍ ..
ﺍﻟﻤﻨﻄﻖ ﺑﻴﻘﻮﻝ ﻛﺪﻩ ..
ﻭﺑﺈﺫﻥ ﺍﻟـﻠﻪ ( ﻭﻗﻌﺖ ﺍﻟﻤﺮﻳﺦ ﺡ ﺗﻜﻮﻥ ﺳﻮﺩﺍﺀ ) ..
ﺍﻟﻤﺮﻳﺦ ﺩﻩ ﺍﻟﺴﻨﺔ ﺩﻱ ﻳﺠﻴﺐ ﻟﻴﻜﻢ ﻛﺎﺭﺛﺔ ﺃﻛﺒﺮ ﻣﻦ ﻛﺎﺭﺛﺔ ﺍﻟﻮﺣﺪﺍﺕ ﺍﻷﺭﺩﻧﻲ
..
ﻭﺇﺣﻨﺎ ﺑﻨﺘﻔﺮﺝ ﻭﻣﻤﻜﻦ ﻧﺴﺎﻋﺪﻛﻢ ﺑﺎﻟﻤﻮﻳﺔ ﺍﻟﺒﺎﺭﺩﺓ ..
ﺍﺍﺍﺍﻱ ﻃﺮﻧﺎ ..
ﻃﺮﻧﺎ ﻭﺷﺒﻌﻨﺎ ﻃﻴﺮﺍﻥ ..
ﺑﺲ ﺇﻧﺘﻮ ( ﺍﺭﻛﺰﻭﺍ ﻟﻠﺠﺎﻳﺔ ) ..
ﻗﺎﻝ ﺃﺩﻳﺘﻮ ﺃﻟﻔﻴﻦ ﺩﻭﻻﺭ ﻗﺎﻝ !!
ﺩﻭﻻﺭ ﺑـ ( ﺍﻟﻨﺎﺀ ) ..
ﻭ ..ﻭ ..
ﻭﻟﻮ ﺍﻟﻘﺪﻳﻢ ﻓﺎﺗﻨﺎ ﻭﺃﺩﻟﻊ ﻧﺠﻴﺐ ﺍﻟﺠﺪﻳﺪ ﻳﻠﻤﻊ .
زول بمسك الكورة يحاور لمن بشيلوها منو نلقاها فجاة تحولت لهجمة معاكسة داخل شبكتنا رغم تحزيرات المدربين له
أولا، من الذي حطم طابق شاخور (بالكامل)
ثانيا، أستاد المريخ هو ملك جماهير المريخ وتم بناؤه بملاحم (قبل ان تدخل الستائر حلتكم)، واظنك تعني استاد الهلال لان المقصورة الحالية تم بناؤها باموال الدولة رسميا ايام وزير الشباب والرياضة ابراهيم نايل ايدام بحجة ان نهائي ابطال افريقيا سيقام باستاد الهلال، حتى ان بعض الصحيفيون يومها كتبوا عن ان بناء المقصورة كان على حساب حليب الاطفال والادوية المنقذة للحياة