*المتتبع للاحداث يلاحظ ان هناك مؤامرة تحاك للايقاع بين جمال وغرزه
*صحيح ان جمال الآن خارج المجلس
*ولكنه رمز كبير يجد المحبه من غالبية اهل المريخ
*وغارزيتو لا زال مدربا للمريخ
*ولكن المؤامره دي بتؤدي الي ان تنمو عداوة بين غرزه والجماهير المحبه لجمال
*ايها الناس
*جمال اداري له من الخبرات الكثير
*طلطاشر سنه خبره
*يبقي بعرف يعمل شنو
*وجمال نفسه هو من اتي بغارزيتو للمريخ
*وباصرار كبير
*وغارزيتو مدرب كبير وخبير
*يعرف كيف يتعامل مع الاداري واللاعب والجمهور والاعلام
*لذا
*لا يمكن ان يخطئ جمال في حق غرزه
*ولانتوقع تفلتا من غرزه تجاه جمال
*ولا يوجد ماء عكر في المريخ تصيدوا فيه يا هؤلاء
*ايها الناس
*العرفتو انو غرزه حزين جدا لفقد جمال لكاس البطولة الافريقيه
*لانه يري ان رئيس نادي في قامة جمال يستحق البطولة تتويجا للجهود الكبيره التي يقوم بها
*وعندما ينتقد غرزه شأن اداري
*فان ذلك لا يعني عداوته لذلك الاداري صاحب الشان المنتقد
*وانا اري ان مجلس المريخ في التكميليه الفاتت
*لو عمل بي كلام غرزه وسجل ناس الياسو وايزيك كان حصل علي البطولة براحه
*ولكن اعداء المريخ في الداخل وقفوا سدا منيعا امام تلك التسجيلات
*فأفشلوا علينا ضم الياسو والتشادي ايزيك
*وبي عين قوية كانوا بقولوا لي الياسو يا تقسم مع وكيل اللاعبين ده يا موضوعك ما بتم
*جايبين ليهم وكيل لاعبين قاطعنوا من راسهم
*والياسو رفض والموضوع ما تم
*زي ديل هم من يحارب المريخ وجهود جمال من الداخل
*فقط يستندون علي ثقة جمال فيهم
*زي ديل لازم نكشفهم بالاسم
*عشان يا فاتوا المريخ ومشوا يسترزقوا في مكان تاني
*يا الجماهير عرفت تمشيهم كيف
*ايها الناس
*شفتوا ايزيك التشادي اول امس ضد مصر ؟؟؟
*ده زول عيان ده ؟؟؟
*زول قدر البطاح ماشاء الله تقول لي عيان
*امال انا اكون شنو ؟؟؟
*اكيد نصيح لكن المريض من عمل سرا علي افشال صفقة انضمامه للمريخ
*فالكبد الوبائي معدي وخطير
*ولكن الاخطر منه الفساد الوبائي المسيطر علي المريخ
*ناس ياتقسم يا تتفكفك ديل
*ايها الناس
*علي مجلس ونسي تقع اعباء كتيره
*اولها حسم الكتير من التدخلات في عمليات الاحلال والابدال من تجار ادمنوا تركيبنا مواسير
*تانيها وضع سيستم يسير عليه دولاب العمل بالنادي في كل القطاعات
*تالتا يجيبوا سته عربات تلاته تسعات تراقب الموقف
*ولو جبنا تلاتة تسعات من بدري
*كان شلنا تسعه بطولات افريقيه تاني
*همتكم يا ونسي
*وبمناسبة همتكم دي
*همت يجب عليك الانخراط في العمل فورا
*المرحله لاتتحمل استقالات وانسحابات وزعل
*المريخ فوق الجميع
*ونداء المريخ يلزمكم بمواصلت جهودكم لاجل الكيان
*انت صاحب تاريخ نعترف لك به ويجب عليك الحفاظ عليه
*زعله وتفوت عشان المريخ يعيش ومايموت يا همت
*فاهمني !!!
*ونسي
*لاتعطني سمكه بل علمني كيف اصطاد
*اهدي لينا سناره وورينا كيفنجيب الصارقيل وكيف نختوا في السناره وزح بعيد
*بنجيب سمكنا برانا
*الاستثمار يا ونسي الاستثمار الاستثمار الاستثمااااار
*المهم
*غالبا ابو الهل يتراجع ويلعب مباراة الممتاز
*لكن مكسيم مافي
*اتوقع ان يلعب ابو الهل بلولي بدل مكسيم
*والقوصي برضو كويس
*الوجبة زاتها مشكوره
*جهزوا اي نوع بيرقر خلونا نتعشي
*المهم
*سوبرمان في السودان
*وتراجع سوبرمان وارد
*ارجعوا بدون خجله ما بنشغلها ليكم
*كأننا ما سمعنا
*عودوا الي حيث اللقيمات والشاي باللبن
*القعده فاقداكم
*نكررها
*العضويه يا هواري
*عضوية عندها راس ما عضويه بالراس يا ناس
*المهم
*كالعاده خرج المنتخب
*خرج المنتخب لان ناس كاريكا في السعوديه
*وقبل كده قلق اتوقف واتعاقب واتغرم عشان تصرف بسيط تجاه المدرب
*وابعد احمد الباشا من المنتخب
*فماذا فعل الاتحاد للناس المشوا السعوديه ديل ؟؟؟
*هل مشوا وهم ماعارفين استحقاقات زامبيا ؟؟؟
*ولا مشوا وهم عارفين لكن ماشايلين الحصه دي ؟؟؟
*والبحصل ليهم شنو ؟؟؟؟
*قلت لي لقيمات ؟؟؟؟؟
*امسكوا في اتحادكم ده قوي يا كردنه وبطلوا حركات مسلحه متمرده يا زول
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*البلد محتاجه لينا
*يجب ان نشترك في ادارتها جميعنا يا والينا
*ما ممكن يدوروا الموضوع ناس وسياساتهم تقع علي ريسينا
*ماقادرين ندفع التمن يا والينا
*كملت كل الاموال الموجوده لدينا
*دفعنا الثمن زمن طويل وسنينا
*حقوا نقعد في الواطه دي يا والينا
*نعترف لي بعضنا باخطائنا الخلت حياتنا حزينه
*حقو نسامح بعضنا ونبدا في مشوار المحبه البتجمع بينا
*حقو نلحق المركب قبل الموج يلعب بيها ويغرقها بينا
سلك كهربا
ننساك كيف والكلب راقد يغني . يا بلد عريان مسولب رغم خيرك وغيرك اللابسين هدومك
والي لقاء
سلك