*الايام دي ايام خصبة جدا للاشاعات
*تنمو فيها الاشاعه بسرعة الصاروخ
*بل ويبني الكثير منا افكارة علي تلك الاشاعات
*كلو زول يكون رأي
*ويتمسك بذلك الراي
*ويعتقد فيها
*تاني مابغيرو حتي ولو عرف انو ما استند عليه في تكوين الرأي ليس الا اشاعه
*ناس يقولوا ليك غرزه قال جايب فلان وعلان
*ومتمسك بيهم شديد
*ناس تانيين يبحثوا ليك عن سيرة فلان وعلان ديل
*وهاك يا نتف
*وهاك يا راي
*ويكون غرزه زاتو ما سمع بي فلان وعلان ديل
*ناس تانيين يجوك بي اشاعه جديده
*غرزه قال لي اوكرا يا انا يا انت في المريخ ده
*يطلعوا عليك ناس تالتين بحبوا اوركا شديد
*يطلعوا ليك بكراهية لغرزه لدرجة التحريم
*لا لشئ سوي ان غرزه قال لي اوكرا يا انت يا انا
*وبعد يطلع الكلام اشاعه
*مابغيروا رايهم
*بتكون كراهية غرزه عندهم نمت وكبرت وتاصلت
*ده كلو كوم
*الناس البحبو غرزه
*قولت غرزه هدد اوكرا
*يكهروا ليك غانا زاتها
*يا ناس
*نحنا في وكت حرج جدا
*لايتحمل مع وضد
*فقط مع المريخ
*والانطباعيه ممكن تهدر لينا موسم لسه ما بدأ
*والاشاعات ممكن يكون مصدرها عدو
*غالبا ما بكون حبيب
*يا عدو
*يا حبيب صاحب اجنده
*والحبيب صاحب الاجنده اخير منو العدو العديل ده
*ايها الناس
*غرزه يفترض انو مدرب كبير وخبير وبعرف الفريق محتاج لي منو ولي شنو
*يفترض فيه ذلك
*ويفترض فيه ايضا انو النجاحات بتاعت الفريق بتنسب ليهو في المقام الاول
*وبتعلي سعرو
*يبقي قصة يبيع كورة ويفقد لقب دي ما منطقيه
*فيها زيادة محلبيه شويه
*ايها الناس
*نحنا علي المدرجات ما بنعرف الحاصل للاعبين شنو
*نشوف فلان لعااااااااب
*ويكون فلان ده مابقوم بالمطلوب منو حسب توجيهات الجهاز الفني
*ونشوف فلان زي الحصان
*ويكون فلان ده اقل الناس لياقة
*ونطالب بعلان اساسي
*وعلان ده يكون بزوغ من التمارين وبساهر وغير منضبط
*يبقي حقو ما نفتي ولا نكون راي في زول مالم نلم بكل تفاصيلو
*اوكرا لعاب مافيها نقاش
*حريف مافيها نقاش
*ولكن اسألوا عادل ابو جريشه عن لياقة اوكرا قبل اربعه ايام من مقابلة مازيمبي
*اذا سمعتوا الاجابه من عادل
*بتعرفوا ليه غرزه استبعدوا من التشكيله
*ايها الناس
*نحنا في مرحلة حرجه
*حقو نهيئ الجو للناس عشان تعمل
*للمجلس عشان يعرف يخرجنا من عنق الزجاجه دي
*للجهاز الفني عشان يعرف يكمل النواقص ويفاضل بين المتاحين
*ومجلس ونسي مجلس يفتح احضانه لمن يريد ان يقدم للمريخ
*عندك راي هات
*عندك قروش جيبها
*عندك فكرة اشرحها
*لا لأقصاء اي فرد
*لا لأنكار اي جهد قدم
*لا للكيمان وتبع المان وعنصرية الالمان
*ايها الناس
*ان كان غرزه يري ابعاد ايمن لكبر السن
*يبقي ماممكن غرزه نفسو يرشح موبوتو للمريخ
*الا اذا كانت السنه في مصر بي سنتين في الكنغو
*ايها الناس
*نحتاج اجانب
*ومع اشكالية التجنيس
*بتبقي فرصة الاجانب ضيقه جدا
*لازم زول يصنع الفارق
*لاننا بنحتاج لخانة ليهو من خانات اجانبنا القاعدين
*واجانبنا القاعدين هم كوفي واوكرا وديدي
*اذا كان كوفي خط احمر
*واوكرا له انصار ومريدين بالكوم
*وديديه بدا في تثبيت اقدامو
*يبقي اي بديل ليهم مفروض يكون خارق
*والا سيصاب بلعنة الجماهير عليه
*الحته دي دايره تروي شديد
*تروي دي قريبه لي تراوري موش !!!!
*المهم
*ياخد مجراهو عشان نقفل الباب ده
*ياخد مجراهو عشان الناس تحترمو
*ياخد مجراهو عشان نقفل باب التفلتات والعنتريات
*ياخد مجراهو عشان نحنا دولة محترمه
*دولة قوانين
*لازم ياخد مجراهو
*ياخد مجراهو عشان الزول يملي الكسكته مويه ويشرب ما يروي
*ياخد مجراهو عشان شخصية البراس نادي في البلد دي تتحدد من بدري
*عشان الخطوط العريضه للشخصية الرئاسيه تترسم
*عشان يسود الاحترام والوئام الوسط الرياضي
*عشان نتفرغ لتطوير المستوي وتعظيم المحتوي
*لازم ياخد مجراهو
*ايها الناس
*كان لازم يعني غرزه يركب عربيه في الكنغو قدام الناس ويمشي لي كاتومبي ؟؟؟
*موش كان كاتومبي ممكن يرسل ليهو الشيك مع اي شماسي كنغولي ولا حدي شاف ولا حدي دري ؟؟؟
*حبكة القصه ماكانت دقيقه
*وحكاية غرزه صفق بعد الكورة لي جمهور الكنغو دي
*حقو نقارنها بي ميشو الصفق لينا بعد كورة يوغندنا معانا
*فهل يا تري ميشو كان قابض مننا في عوضيه للاسماك قبل الكورة ؟؟؟؟
*احذروا الاشاعات والشائعات عشان ما تكونوا راي ساذج
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*في ناس محتاجه للادويه المنقذه للحياه بينا
*ادوية معدومه وغاليه يا والينا
*ولان الخير لسه فينا
*شباب قرروا يمدوا الايادي لي اهالينا
*قرروا يوفروا تلك الادويه لينا
*من خلال منظمة صدقات يا والينا
*مبادرة بنك الدواء الخيريه تصدت للموضوع ده تصدت لينا
*وفروا قدر ما قدرو يا والينا
*لحظه كتابة هذه الاسطر بكون ماتوا سته يا والينا
*ولحظة قراءة هذه الاسطر بكون سته تاني فارقوا الفانيه الحنينه
*واسي برضك ماتوا سته يا والينا
*والشعار المرفوع لينا
*ابن حلال يفتح الباب لينا
*فهل تكون اول من يفتح الباب يا والينا ؟؟؟؟
*للاتصال والتفاعل والانفعال 0912243914 دكتور محمد مالك بدري
سلك كهربا
ننساك كيف والكلب كتب التلفون وماشي يت