*كلمناكم
*قلنا ليكم بياخد مجراهو
*ماسمعتوا كلامنا
*قويتوا راسكم ولبستوا الكسكته فيهو
*اها جابت ليها كمان ليق ودرجة تالته
*كنا قايلين الموضوع درجة اولي
*طلع كمان فيهو ليق
*ومباريات الليق بتبدأ اتنين ونص الضهر
*يعني كمان فيها سحائي
*وكان نزلتوا الليق تاني ما بتطلعوا يا روشا
*يطلع الضغط
*يطلع الجنيه ويجيب عشره دولار
*كلو جائز
*لكن ابو الهل يطلع !!!!
*دي المستحيله
*اقول ليكم
*بيعوا امل عطبره
*اصلكم بياعين
*بيعوهوا واعملوا فيها شاهد ملك
*فتوهوا فتاه شنو اقول ياربي !!!!
*المهم ابقوا شاهد ملك
*الامل ينزل وتقعدوا انتوا
*وتاني ما تكرروها
*القانون لازم كان ياخد مجراهو
*بس بنعيب علي الاتحاد شئ
*الاتحاد زي الابو الفاكي اللعب للشفع
*ماشغال بيهم الشغله
*مرقوا دخلوا مشوا وين
*ماشغال بيهم
*اصحابهم منو
*ماشغال بيهم
*بمشوا المدرسه ولا ما بمشوا
*ماشغال بيهم
*ولما واحد في الشفع يجيب ليهو قليله
*الابو يتنفخ ويصدر من القرارات مايقيد به سكنات وحركات البيت كلو
*مابحمل نفسو جزء من الحصل
*برميها كلها في الشفع
*ده حال الاتحاد
*مجاملاتو الكتيره
*وتبريراتو الواهيه الوهميه زي بتاعت اللغه البرتغاليه والصلوي
*زي قصة سيدي بيه الاتسجل وطني قبل استخراج الجنسيه
*وزي حركات يخطئ ولا يظلم الكتيره والمسيخه دي
*الحاجات دي كلها الطلعت للاتحاد الجماعه في راسو
*ووصلوا لدرجة يتحدوا الاتحاد كمان
*ايها الناس
*الامور تحل بالحكمه والقانون
*حركات الكاوبويات تعقد الموضوع اكتر
*وبتودي اكتر من الليق
*بتودي جبال الروكي يا عمك
*والهنود الحمر ما برحموا
*الهنود ابان حصين مبرقعات ابيض واسود ديك
*ابان حصين فريزيان
*ما بتفاهموا
*يولعوا بخورهم داك
*ويرقصوا ليك رقصة المطر
*الواحد تلقاهو لابس عقد من سنون الحيوانات ناسجو
*وبعد داك عينك ما تشوف الا النور
*ايها الناس
*بطلوا حركات الكاوبويات والعنتريات واحتكموا للعقل قبل كل شئ
*احتكموا للقانون
*لانو بياخد مجراهو بياخد مجراهو وان طال السفر يا محمد عبدالماجد
*المهم
*كلنا شاهدنا نهائي افريقيا
*وزدنا حسره
*الكاس حقنا لكن فرطنا فيه بعد لبنت
*والتباكي عليهو ما الحل
*الحل نسد الثغرات ونستفيد من التجربه عشان نشيل الكاس القادم ان شاء الله
*ايها الناس
*مجلس التسيير يحتاج لوقفة قوية تدعمه
*لاتعتبروهوا مجلس مؤقت سيذهب بعد تلاته اشهر
*تعالوا نصنع منه مجلسا يضع الخطط والاستراتيجيات
*مجلس يفكر في الاستثمار ويبدأ في المشاريع الداعمه
*تعالوا نطالب بمد فترته ولانجري خلف الكراسي ونستعجل الانتخابات
*لنصنع منه مجلسا بعون الله وبعوننا وافكاره وافكارنا نضع دستورا نسميه كيف يحكم المريخ
*وبعده لن يهمنا من يحكم المريخ
*لان الدستور سيكون رقيبا يقيم العمل بالنسبه لاي مجلس يجينا
*ايها الناس
*لاتبخلوا علي المجلس بالسند المادي والمعنوي والفكري
*شخصيا التمست فيهم مصداقيه وتفاني ورغبة قويه في تقديم الجهد والفكر للمريخ
*مجلس لا مع ولا ضد ولا يحب ان يقصي مريخيا
*بل يهدف الي تفعيل كل طاقات الشفوت لتتبلور وتتمحور وتغير واقعنا الي واقع افضل
*المريخ يا ناس يحتاج فقط لتنظيم وتكاليف محدده وتقييم لكل فرد بعمله
*جمعتني جلسه بالصدفه بالكابتن هواري
*فازدت قناعة بهذا المجلس
*وفرحت جدا للروح والفكر الذي تعمل به لجنة التسيير
*نسأل الله ان يساعد ونسي ورفاقه علي تسطير اسمائهم باحرف من نور في سماوات انجازات المريخ
*المهم
*تنحي جمال
*وبرغم ذلك ساهم في اعادة امير كمال بمليار
*لله درك يا اخ العرب
*ولكن قل لي
*من اي الكواكب اتيت انت !!!!!
*علي اليمين جيمي ده لو حضر زمن ناس ابو لهب واللاتي والعزه
*كان عملوا ليهو تمثال اكبر من هبل زاتو
*وكان لو قابلوا عربي مبرطع بي حصانو في الخلا داك
*وسألوهوا من اي القبائل انت ؟؟؟
*لو قال ليهم واليابي مضاربنا في فداسي
*علي اليمين كان ضبحوا ليهو نياق الجزيره العربيه كلها
*كان الجزيره العربيه قعدت عدمانه الناقه
*وكانوا قالوا ليهو احضر ربعك كلهم واجعل لهم مضارب جوار مضارب بني هاشم جمب ابي سفيان لزم
*اعطاك الله اخي جمال بقدر الجمال الذي حملته بين ضلوعك
*ايها الناس
*غرزه بي شروط اخير من يخلينا ويفوت
*نخت شروطنا
*ونحدد ليهو الميس وين واللين وين والجكو ما ينطو
*صدقوني ده الحل الامثل
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*ما بعتذر الا الزول الشجاع فينا
*الليله دايرين نعتذر لي وزراة تربية ولايتنا يا والينا
*قبل كده كتبنا عن شهادة الاساس ووأد الفرحه فينا
*لكن بصراحه اتضح لينا
*انو مافي قرار صدر من الوزاره يحرم حضور احتفال شهادة الاساس علي معلمينا و علي اهالينا
*وانو سفر الوزير لتركيا لا علاقه له بتأخير اعلان النتيجه لينا
*وانو كل الحاصل انو اجراءات يا والينا
*نعتذر يا والينا
*لانو للشجاعه معني فينا
سلك كهربا
ننساك كيف والكلب قال كمان جابت ليها ليق !!!!
والي لقاء
سلك
يبقي عندك موضوع وتتعلم تكتب ممكن
تحلم بسيكافا معقول
تتعلم تخلي الضحك علي متابعيك يحتمل
الهلال ينزل من الممتاز مستحيل
هو في عرس بتم بدون عريس
ولا في محاضرة بدون استاذ او دكتور
كان علي تصريح جكومي الحبة دي مابتحصل
كان علي الاتحاد هو البمشي
الحق هو المنتصر
والايام بيننا
افرح اصلكم بتفرحوا مخلوعين
وصلتوا المجموعات حلمتو اكثر وجبتو ليها ريحة
طلعت ريحة بت السودان ولامزيل ماعارف
خليك رزين التاريخ بعيد كتاباتك
وبكرة نشوف
*مجلس يفكر في الاستثمار ويبدأ في المشاريع الداعمه جيمى جلس قى حلوقكم 13سنه ولا استثمار واحد عملو مافى داير ديل فى 3شهور يعملو اللى عجز من جيمى يااخى بتبالغ هههههههههههه