* الزعيم اعد العده لموقعة سطيف
* تيفو زي التيفو
* اولتراسات جاهزين مويه ونور
* واسود المدرجات علي احر من الجمر في انتظار السبت الاغر
* حناجرنا فيها آكوله
* داير نهتف
* نزأر
* بالطول بالعرض مريخنا يهز الارض
* آآآي ده الشغل ده الشغل
* برانا برانا نشيل الشيله
* برانا برانا نسوي السيره
* وطق طرق طق طق
* سوداننا
* ايها الناس
* نريد من الشفوت خمسين الف
* شفت يسند شفت
* نقفل الدخل مليار دعما للمسيره
* ونملأ الاستاد هتافا يدفع المسيره
* وشفوت الولايات المتاخمه والمدن القريبه مابقصروا
* شارع مدني يشتاق لرايات الزعيم علي الحافلات والبصات
* وشارع كوستي يشتاق لشفوت النيل الابيض
* كوستي ربك الدويم ناس لعوته الكوه القطينه ود الزاكي يلحقنا وينجدنا
* وبهناك لي كوستي
* تندلتي العظيمه وناس العليقه وانت ماشي لي الابيض
* شفوت الجبل وما حوله
* ناس الماحي الشفت الكبير
* يشتاق الشارع للتاكسي البيجو ياماحي
*وشريان الشمال بجيب شفوت الشمال
* شلوخ لا ورا ورايات ترفرف لا قدام والبلح زواده
* ومن عطبره وام الطيور والفاضلاب وانت ماشي شندي وما حولها وللجيلي
* الشارع يتشرف بكم جميعا
* شفوت كردفان بي طريق النهود ومن كادوقلي،والدلنج حضوركم يقوينا
* اما شفوت دارفور بولاياتها الخمس
* معقل المريخاب الفاشر نيالا كاس زالنجي كتم وانت ماشي للضعين
* حضوركم يشرفنا
* البلد دي لازم تتقلب قلب يوم المعركه
* البلد بلدنا ونحنا اسيادها
* ومن غيرنا يهدي لهذا الشعب معني ان يعيش وينتصر
* بل من غيرنا اهدي لهذا الوطن العزيز سجلا بلوح الشرف الافريقي
* عملناها قبل كده وحانعملها تاني
* كعب العدم واحساس،الندم
* نتوقع من ناس روشا وفطومه مساندتنا من منطلق وطني وقومي
* بالذات وهم يدعون الوطنيه كما ظل يردد خالدونا دوما
* ورونا وطنيتكم يوم السبت ياخالد
* قدموا السبت ياروشا عشان نرد ليكم الاحد في سيكافا
* بطولة سيكافا لاندية العالم
* البطوله التي تغيرت من بطولة المجاعه لبطولة ابطال الكون
* اقيفوا معانا لنثأر لكم من سطيف الذي هربتم منه قبال سنين بدون خجله
* ولو مادايرين تقيفوا معانا
* اقيفوا ارجوا المواصلات
* المهم
* ممكن تتفرجوا في كورتنا يا فطومه بدون تقيفوا معانا
* سامحين ليكم
* غيروا حبه من النيلين دي
* سنه حا تصاقروها
* الله ريحكم من ديكودر البي ان سبورت
* النيلين دي بي دش بتاع زمان داك بتجي
* ارضي بتجي
* بي ركشه بتجي
* بي كرعينا بتجي
* غيروا منها حبه سامحين ليكم
* عاملين كشافاتكم اللمباتها زي القراد في اضان الكلب دي
* وانا اقول الكلاب ديل بقن مابقردن ليييه
* المهم
* اليوم نصلي جمعتنا ونزبط دعواتنا ونجهز للسبت
* دايرين نجي بالشعار بقدر الامكان
* دايرين ننافس بعضنا في فنون التشجيع والتفاني
* دايرين نعود لمنصات التتويج الافريقيه تاني
* قلنا نعود ماقلنا نصل
* نعود لاننا كنا فيها وعليها
* لكن لما نقول نصل بنكون يادوبك بنتحسس الخطوات عشان نصل اليها ونصعد عليها
* نحمد الله كنا عليها وحانعود اليها
* مازي ناس روشا
* عاملين كشفاتكم الزي البتاعه البعلقوها للباعوض في السقف وفيها لمبه بنفسجيه ديك
* اسي عليكم الله ديل كشافات تقابلوا بيها الككو التنزاني??
* المهم
* فطومه اختي تناولت بالمقارنه الوالي وكردنه
* وقالت المقارنه معدومه
* وفي دي صدقت
* وقالت فيما تعني ان جمال صنيعة حزب وحكومه
* ونعرف ان فطومه في نفس الشجره مع جمال
* بل وجاهرت بانها شجرة
* في الحته دي تكون نست انها شجره
* أه ياشجره يانسايه
* يعني دايره تقولي ان حزبك وحكومتك بصنعوا اعضائهم بحق الشعب وعلي حساب الشعب!!!!
* ولا عايزة تقولي انك يادوب عرفتي كده???
* علي كل صدقتي يافطومه في انعدام المقارنه
* مجنون من يقارن اسد بفهد
* ومخبول من يقارن نسر فداسي بصقر قريش
* اما عن عصامية كردنه
* فنتفق معك علي الجزء الاول في تعريف العصامي
* وهو الانسان الذي يكون في حالة عدم
* وكردنه شأنه شأن غيرة ابن موظف دولة محترم
* وبالتالي لم يرث المزارع ولا المصانع ولا طواحين الهواء
* ثم
* بعد ثم دي بنختلف في تعريف العصامي
* لان الفقره دي تعريف العصامي عندنا ليهو اوصاف تانيه حامياني
* لذا نسر فداسي لا يشبه صقر قريش ولا ابو لهب زاتو
* المهم
* كل القوة القلعه جوه
* ايها الناس
* ان تنصروا الله ينصركم
* اها
* نجي لي شمارات والي الخرتوم
* والينا
* ليييه هم بجوا يمتحنوا هنا عندينا!!!
* مالاقين اجابة تقنعنا يا والينا
سلك كهربا
ننساك كيف والكلب قال ماضروري تلقي اجابه علي كل سؤال بس الضروري تطرح سؤالك علي كل مسئول ويحلها الحلال
والي لقاء
سلك
كلآمك دا بيقول لي عديل كدا شجع وفاق سطيف وحنشجع وفاق سطيف وحتطيروا
كلآمك دا بيقول لي عديل كدا شجع وفاق سطيف وحنشجع وفاق سطيف وحتطيروا
عمك تنقو طلع ماسورة************ مابعرف حاجة فى الكورة
عمك تنقو وجع قلب *********** كاتب فطومة والوالى والكلب