همس الهتاف
انا بحب غارزيتو
اول هام رمضان كريم وكل سنة وانتو طيبين ولامين كل السودانين الغبش السمحين ابان قلوباً طيبة ووناسين هلالابيات وهلالابيين بيض القلوب زرق الحنين .
تاني هام عشان حبي للسيد غارزيتو ما يكون حب اعمى...ولا حب طائش..ولا مراهق...ولا حب انفعالي..فانا بضم صوتي للبقولوا انو العجوز الفرنسي ده مما جاء كورتنا السمحة زاغت من الشاشة وحصل ليها تشويش غير متعمد.وربما متعمد ..واذكر ان صديقاً لي من ناس قاسو واخد مقاسو قال لي هلالنا ده اصلو ما بسمح لوما غارز يتو....غار بيتو ...
لكن كدى النذكركم حقيقة هامة...اصلوا من ابتدعوا الكورة في السودان..لما ناسنا حاكوا الخواجات ابان عيوناً زرق..وبقوا يلعبوا الكورة زي الخواجات...واتعمل تيم عباس نحن كورتنا سمحة وفنانة وبديعة .
انتو قايلين القسم تيم عباس ده شنو ؟؟؟
ما انقسموا ناس الدافوري والسك سك الخرخارين..ولمت فيهم سيدة فرح واخوها ود عبد السيد وسموهو المريخ...اها والحرفاء الفنانين اللعابين...البلونوها زي لوحات دافنشي...وتابلوهات بتهوفن...ومسرحيات شكسبير ..انقسموا براهم وشافوا اجمل منظر في سماء الكون فكان الهلال الخصيب .
طيب النسعلكم من سعال ؟؟؟
القاعد يعايرنا منو بالصفر الدولي...والكابس وعافر كورة شينة محلوبة فوقا ليمونة خرخرة جاب بيها سيكافا الما قيافة منو موش المريخاب .
والبقولو عليهم ناس الصفر الدولي منو ..موش نحن المنقطنها ؟؟؟
وهسة الموسم الفات ده موش الوصيفاب لما لعبنا كورة سمحة واتغلبنا من هلال كادوقلي شالو الكاس الغايبة وهيصوا ونططوا .
اها غارزيتو ده اول اسباب محبتي ليهو انو زول عملي وبحب النقاط .
المستوى ده ملحوق على قول الخواجة .
السبب التاني من اسباب محبتي لغارزيتو ...انو رسمي وما بجامل...ولا عندو كبير...ولا يهضم فقه الطبطبة...ولا يمر عنده ميكانزم الواسطة .
والسبب التالت انو بعرف يقرا مستويات لاعبيه..ومن يلعب ومتى .
اها الزاد محبتنا..وخلى غارزيتو من ناس محبتنا...الما بنريد غيرهم ..وان شاء الله ما يرحلوهو الجماعة اياهم بي قرفهم وتكسير التلج لعنيدهم...انو زول منضبط وما بقبل أي تغيير لاي ثابت ..ولا عندو مجال لملاوة الاتحادات وصنع العراقيل .
غارزيتو قال نحترم البرمجة ...ونسير على البرنامج....واحترمها...وسار على برامجها ...رغم نحنة المتنحنحين....وتخوف المشفقين .
غارزيتو ....لاعب النسور الامدرماني وانتصر عليه رغم العنف القانوني...والغير قانوني..بفرقة لم تنفض بعد غبار الرحلة المالية المرهقة .
امس تمرن على استاد الخرطوم...واليوم يلاعب به اهلي الخرطوم واثق باذن الله في انتصار كبير على فرقة الفرسان التي لا قبل لها بمواجهة اعصار غارزيتو بفرقته المنضبطة المنظمة المجيهة .
انا بحب غارزيتو شديييييييييييييييييييييد
غارزيتو...يمضي بالهلال نحو العالمية...نحو مصاف الفرق المنضبطة الملتزمة..بكل ضوابط الاحتراف وادبياته الجادة .
غارزيتو ...رجل من عصر متقدم يحلق بنا بمركبة فضاء نحو افق العالمية .
الكورة السمحة بنريدا.... ونحن ناسا... ناس الرشيدين استرليني والمهدية...ناس احمد ابو الجاز وفائز نصر الدين والديبة والقائمة تطول...
اها شن رحنا جبنا ؟؟؟؟
اها شفتو مع العجوز الفرنسي...انا متفائل بالكونفدرالية...
هتاف اخير
اتغرزتي
انا بحب غارزيتو
اول هام رمضان كريم وكل سنة وانتو طيبين ولامين كل السودانين الغبش السمحين ابان قلوباً طيبة ووناسين هلالابيات وهلالابيين بيض القلوب زرق الحنين .
تاني هام عشان حبي للسيد غارزيتو ما يكون حب اعمى...ولا حب طائش..ولا مراهق...ولا حب انفعالي..فانا بضم صوتي للبقولوا انو العجوز الفرنسي ده مما جاء كورتنا السمحة زاغت من الشاشة وحصل ليها تشويش غير متعمد.وربما متعمد ..واذكر ان صديقاً لي من ناس قاسو واخد مقاسو قال لي هلالنا ده اصلو ما بسمح لوما غارز يتو....غار بيتو ...
لكن كدى النذكركم حقيقة هامة...اصلوا من ابتدعوا الكورة في السودان..لما ناسنا حاكوا الخواجات ابان عيوناً زرق..وبقوا يلعبوا الكورة زي الخواجات...واتعمل تيم عباس نحن كورتنا سمحة وفنانة وبديعة .
انتو قايلين القسم تيم عباس ده شنو ؟؟؟
ما انقسموا ناس الدافوري والسك سك الخرخارين..ولمت فيهم سيدة فرح واخوها ود عبد السيد وسموهو المريخ...اها والحرفاء الفنانين اللعابين...البلونوها زي لوحات دافنشي...وتابلوهات بتهوفن...ومسرحيات شكسبير ..انقسموا براهم وشافوا اجمل منظر في سماء الكون فكان الهلال الخصيب .
طيب النسعلكم من سعال ؟؟؟
القاعد يعايرنا منو بالصفر الدولي...والكابس وعافر كورة شينة محلوبة فوقا ليمونة خرخرة جاب بيها سيكافا الما قيافة منو موش المريخاب .
والبقولو عليهم ناس الصفر الدولي منو ..موش نحن المنقطنها ؟؟؟
وهسة الموسم الفات ده موش الوصيفاب لما لعبنا كورة سمحة واتغلبنا من هلال كادوقلي شالو الكاس الغايبة وهيصوا ونططوا .
اها غارزيتو ده اول اسباب محبتي ليهو انو زول عملي وبحب النقاط .
المستوى ده ملحوق على قول الخواجة .
السبب التاني من اسباب محبتي لغارزيتو ...انو رسمي وما بجامل...ولا عندو كبير...ولا يهضم فقه الطبطبة...ولا يمر عنده ميكانزم الواسطة .
والسبب التالت انو بعرف يقرا مستويات لاعبيه..ومن يلعب ومتى .
اها الزاد محبتنا..وخلى غارزيتو من ناس محبتنا...الما بنريد غيرهم ..وان شاء الله ما يرحلوهو الجماعة اياهم بي قرفهم وتكسير التلج لعنيدهم...انو زول منضبط وما بقبل أي تغيير لاي ثابت ..ولا عندو مجال لملاوة الاتحادات وصنع العراقيل .
غارزيتو قال نحترم البرمجة ...ونسير على البرنامج....واحترمها...وسار على برامجها ...رغم نحنة المتنحنحين....وتخوف المشفقين .
غارزيتو ....لاعب النسور الامدرماني وانتصر عليه رغم العنف القانوني...والغير قانوني..بفرقة لم تنفض بعد غبار الرحلة المالية المرهقة .
امس تمرن على استاد الخرطوم...واليوم يلاعب به اهلي الخرطوم واثق باذن الله في انتصار كبير على فرقة الفرسان التي لا قبل لها بمواجهة اعصار غارزيتو بفرقته المنضبطة المنظمة المجيهة .
انا بحب غارزيتو شديييييييييييييييييييييد
غارزيتو...يمضي بالهلال نحو العالمية...نحو مصاف الفرق المنضبطة الملتزمة..بكل ضوابط الاحتراف وادبياته الجادة .
غارزيتو ...رجل من عصر متقدم يحلق بنا بمركبة فضاء نحو افق العالمية .
الكورة السمحة بنريدا.... ونحن ناسا... ناس الرشيدين استرليني والمهدية...ناس احمد ابو الجاز وفائز نصر الدين والديبة والقائمة تطول...
اها شن رحنا جبنا ؟؟؟؟
اها شفتو مع العجوز الفرنسي...انا متفائل بالكونفدرالية...
هتاف اخير
اتغرزتي