• ×
الثلاثاء 22 سبتمبر 2020 | 09-21-2020
شوربجي

وكالعاده شانتير واحد وحي العرب صفر

شوربجي

 25  0  2592
شوربجي




[[[]]] وبشه الصغير يزرع الرعب في نفوس بني دلقون :

وانت لحمك مر علي عدوك كر

وبدأت الاحزان تتهادي عبورا ومن شندي لامدرمان لجده وعبر البحار

وحسرة ما بعدها حسره لمن كانوا يخططون في السر

واحسن الله عزاءكم ايها الكفيل وكل الناطقين بالرحيل

واحسن الله عزاء كل اهل المريخ والصبر الجميل

فالمريخ هو اكثر الناس حزنا بهذه النتيجه

وحقيقه فلقد كان ( بطان ) بشه حارا وشديد

وقد اعقبته زغاريد مهيرات الهلال

ليردوا عليه كل الاسياد ( انا اخو البنات ويحردن المهيرات )

لينتهي بعدها العرس الجميل ويتحقق للاهله ذلك الحلم الكبير

ﻭﺿﺮﺏ ﺍﻟﺴﻮﻁ ﺑﺸﺢ ﻭﺍﻥ ﻣﺎ ﻗﺪﺭﻭ ﺯﺡ

ﻳﺎﺟﻨﺎﻱ ﻣﺎﻧﻲ ﺩﺍﻳﺮﻩ ﻭﻟﺪﻱ ﻳﻮﺡ

ﺍﻧﺖ ﺟﻌﻠﻲ ﺣﺮ ﻭﻣﺎﺑﺘﻬﺎﺏ ﺍﻟﻀﺮ

ﺍﻧﺖ ﻟﺤﻤﻚ ﻣﺮ ﻋﻠﻲ ﻋﺪﻭﻙ ﻛﺮ

ﻗﻮﻡ ﺍﻗﻴﻒ ﺻﻠﺪ ﻭﻣﺎﺗﻬﺎﺏ ﺍﻟﺠﻠﺪ

ﺑﺎﺭﻙ ﺍﻟﺠﻠﺪ ﻗﻮﻝ ﺍﺑﻮﻱ ﻭﻟﺪ

وخطوه وخطوه ويزف الهلال بطلا لكل اهل السودان

وخلاص اهو داك الكاس ايها اسياد وانا شايفه من بعيد

فسيروا اليه وعين الله ترعاكم

وفقط علووا الهمه وكونوا في الموعد وليكم ان شاء الله احلي قمه

فالعدو اخوتي يتربص بنا الدوائر هنا وهناك

وكأني بحكم تلك المباراة وهو يعض اصابعه ندما علي التقصير

وكأني بمقصورة شندي وهي تغلي كالمرجل

وتلفونات ترن كل لحظه

ونرفزه وصراخ وجرسه

وهذا السيناريو من وحي الخيال :

()() الو طمنونا يا جماعه علي نتيجة المباراة

()() مرحب يا ريس كل شىء تمام

()() والمباراة تسير علي مايرام

()() والنتيجه صفر صفر واهلينا رامي قدام

()() والحكم معانا ويا سلام

()() والهدف جاي جاي وفي الوقت المحدد والزمان

()() وبالمناسبه هلالهم تعبان

()() واهلي شندي نار منقد وشعلان

()() ونحن في الدقيقة ٨٠

()() وعال العال الليله والهلال لازم يتغلب

()() و اطمئن يا ريس شديد

()() ويا ريس الهلال مغلوب مغلوب

()() وفجأه .. يا ريس الكهربا قطعت

()() وصراخ وبكاء وعويل وغبار

()() و يا الله فهناك صاروخ عابر للقارات قد دك الحصون

()() ولا حول ولا قوة الا بالله

()() والظاهر هو هدف هلالي ياريس قد قضي علي كل الآمال

()() وارفع صوتك ما سامعك

()() يا ريس داير اقول ليك الهلال جاب قوووون للاسف الشديد

()() وجابه واحد بيقولوا ليهو بشه الصغير من بعيد

()() الله لا كسبكم علي الخبريه الشوم

()() رفعتوا لي الضغط والسكري زي كل يوم

()() ونحن ما اتفقنا علي كده ؟

()() معليش يا ريس وهاردلك والف سلامه ليك

()() والله يا ريس نحن عملنا كل شيئ بس ما في طريقه لضربة جزاء لان دفاع الهلال حريص شديد

()() حسابكم معاي بعدين انت والحكم التعبان

انتهي الحوار ..

وظني ان هذا الفوز الغالي قد قتل آمال الكثيرين

ومن بشه الكبير الي بشه صغير وكل المحبين

فالهلال قد اصبح قاب قوسين او ادني من بطولته المحببه

وقريبا جدا سيحتفل الاسياد بالبطوله الجميله

وعشت يا هلال شامخا موفور القيم

وشكرا كل الهلال


[[[]]] وكالعاده شانير واحد وحي العرب صفر :

وكالعاده اختار عامر عثمان شانتير لادارة المباراة لضمان فوز الدلاقين

وكالعاده شانتير الخدير ماني حي ولي اﻻكلو الطير ماني حي في الموعد

وكالعاده كان الحسم في الدقيقة ٩٤

وكالعادة تم احتساب ٧ دقايق بدل ٤ دقايق التي وصي بها الحكم الرابع الذي رفع اللافته

وكالعاده ضربة ثابته لا وجود لها قرب خط مرمي حي العرب

وكالعاده لم يطرد شانتير خالد النعسان الحاصل علي كرت بعد ان لمست الكرة يده

وكالعاده نقض شانتير هدف حي العرب وهو صحيح ١٠٠٪

وكالعادة خدع الدلاقين حي العرب باجتماع تصالحي ناعم لتمرير اجندتهم الخبيثه

وكالعادة كانت قناة الملاعب في فشلها وقبحها

وكالعادة كان شمس الدين الذي ظل يتمني ضربة جزاء للدلاقين

وكالعادة يستمر الدعم القبيح للدلاقين من لجنة عامر

وكالعاده سيلهث الدلاقين وفي الآخر يرفعوا المنديل الابيض استسلاما

وكالعاده سيصبح سيد البلد هو البطل المتوج وبدون منازع


[[[]]] من هنا وهناك :


**** اتمني وبعد مباراة الهلال في بورتسودان والابيض وانتصار الهلال بأذن الله تعالي ان تتكرم لجنة عامر عثمان بالمزيد المزيد من ضربات الجزاء المجانيه للمريخ - فهذا لن يضر الهلال كثيرا فقط سيضمن للمريخ مرافقة الهلال في الافريقي


**** نصر الهلال بالامس علي اهلي شندي هو نصر علي كل المعارضه ونصر علي كل ارحل ونصر علي كل الارباب ونصر علي كل البرير ونصر علي كل الدلاقين


**** ويوما بعد يوم يصبح الهلال صعب المراس وهذا ما يقلق الدلاقين ومباراة القمة قد اقتربت وكل يوم يظهر في الهلال نجم جديد يحير الحاقدين ومن وليد الشعله الي بشه الصغير وبشه الكبير وجيوفاني ومحمد موسي وفارس وولاء الدين وشلش وتوماس وفي الجوهرة سيتم دفن كل الدلاقين وكل التحكيم وكل الحاقدين


**** لن نبالغ في الاشاده بمدرب الهلال السنغالي حتي يفوز الهلال ببطولة الدوري رغم ان هذا المدرب يسير بخطوات ثابته وييبدي نجاحا باهرا في شوط المدربين فالتحيه للرجل وللزعفوري وكفي


**** لست اخوتي مع الذين ينتقدون اللاعبين فلكل مباراة ظروفها فلم يكن اليوم يوم شيبوب وغدا سيكون يومه ولا يوم بشه وغدا سيكون يومه وكان اليوم يوم يونس الطيب وريما غدا لن يكون يومه هي حال الكوره وظروفها في الملعب


**** عروض الهلال الجميله اصبحت تخجل كل الحاقدين الذين ظلوا يصطفون لحرب الهلال هنا وهناك ولا ادري ماذا سيحدث لهم ان اصبح للهلال تيما ناريا يدك كل الحصون والناس اصلا دايره كوره ومقصوره والا كيف


**** ما زال الناس يتساءلون من سينفذ ضربات الجزاء المريخيه غدا ضد حي العرب في بورسودان - وانا اقترح ان ينفذها الحكام حتي تكون مضمونه ١٠٠٪


**** قال صديقي ما احلي ان يفوز الانسان بدون ضربات جزاء - فهذه الضربات بصراحه تنزع كل جماليات اللعبه من مضامينها - وبالمناسبه فوز الهلال جميل والهدف جميل واللاعب جميل وكم هو قبيح فوز المريخ في كل المباريات بضربات الجزاء


**** في الاخبار ان شداد قد طلب اجتماعا عاجلا بلجنة الانضباط لمناقشة كل الظواهر السالبه التي بدأت ترتفع وتيرتها في الملاعب ولعل اخطرها حادثة ضرب الحكم في مباراة نيل حلفا والدمازين - كذلك قد يعرض علي المجتمعين فيديو مباراة القمة وما كان من ارهاب لحكم المباراة من لاعبي المريخ - وربما يتخذ شداد قرارات قوية وخاصه انه قد اصبح في موقف قوي بعد اقالة والي الخرطوم وحاشيته اها وفي الاخبار ان جماهير شرطة القضارف هي ايضا تعتدي علي لاعبي كوبر في القضارف في حادثة جديده تؤكد فشل لجنة عامر المريخيه التي اصبحت خميرة عكننه لكل الوسط الرياضي


محمد الحسن شوربجي





امسح للحصول على الرابط
بواسطة : شوربجي
 25  0
التعليقات ( 25 )
الترتيب بـ
الأحدث
الأقدم
الملائم
  • #2
    السما الاحمر 09-23-2018 01:0
    يا المحصن في الغرف ذات ذات كفر ووتر ..بختك يا عمي كفر ووتر زرقاء الهوى سوق عيشية المنشأ كردنية الود والثقافة.. لذلك اهنا بطول حماية يا شوربه
  • #3
    هاشم هاشم 09-22-2018 07:0
    الفيفا جات بي الجو.......
    صواريخا فوق في الجو..........
    ياشوربة كلم عبدالرحيم يشوفا ليكم بي النظر
    خصم النقاط حار.... لاشانتير لا ابوشنب
  • #4
    جلابي الدوحة - قطر 09-22-2018 06:0
    طول عمرك مدعوم زي هلالك والقائمين علي كفر ووتر عاملين ليك حمايه غير مبررة
    عموما ما مهم تحجب تعليقاتنا المهم انه غيري وصل المعلومه والي الدرجه الادني باذن الله انت وفريقك وصحيفتك كفر ووتر
  • #5
    أبو محمد 09-22-2018 04:0
    انت يا حاقد يا شوربة
    المريح لحمو مر بيجيب حقو بضراعو
    اركز انت في بورسودان وميادين غربنا الحبيب
    عشان تشوف السوط الصح واوعك تقوم جاري وتقول الحكام سبب الالام يا شوربة
    اركز اركز وبطل رجفة ما عندط شغلة غير الزعيم
    الزعيم ده يا شزربو عالم جميل ووفوق وفوق وفوق ما بتلحقوع لو المريخ بطل الكورة عشرة سنوات
    با طيش طيش الكنفدرالية
  • #6
    ابو احمد 09-22-2018 01:0
    والله انت مريض نفسى ربنا يشفيك جارى وراء المريخ لمن وقعت فى حفرة الفيفا ارجع لى ارشيف كتاباتك وكان من الاجدى لك ان توجه ادارة ناديك التى لاتعرف الف باء الادارة بدل تشتم المريخ وطالما كتاب الهلال على شكاكلتك والموقع يسمح لامثالك بالكتابة والاساءة للناس سوف نضحك كثيرا والغريق قدام ياشوررررررررررربة
  • #7
    ايمن حريقة 09-22-2018 01:0
    ترتيب فرق دورى النخبة 2018
    المريخ في المركز الاول يشارك في دورى الابطال
    هلال الابيض في المركز الثاني وايضا يشارك في دوري الابطال
    اهلي شندى في المركز الثالث يشارك في الكونفدرالية
    مريخ الفاشر في المركز الرابع وايضا يشارك في الكلفدرالية
    الهلال في المركز الخامس ويشارك في سيكافا
  • #8
    roshdy55 09-22-2018 12:0
    أصبحت ممل والله **** عارف قبل نفتح كفر ووتر بنكون عارفين مقالك كلمة كلمة وحرف حرف عشان كدة بقول ليك اصبحت شخص ممل زياده عن الحد ..... ياخي اتلهي.... واصبحنا نشفق عليك
  • #9
    الضكر 09-22-2018 12:0
    اب كسكته عمل يافكيك

    دا اب لويس دا يمسك فيك تاني متنفك

    بني زرقان حايعانوا دا الا يفكهم منو الله بس

    بالموت لكن هو حي دا رئيس الهلال لي 50 سنه قادمة

    اجعروا يابني جعران
  • #10
    هاشم هاشم 09-22-2018 12:0
    الفيفا جااااااااتكم
    برضو التحكييييييييييييييييييييييم
    هههههههههههههه
  • #11
    الضكر 09-22-2018 08:0
    اللحق بني زرقان السنة دي لا ابطال لا جعران

    دي سنة الرمادة وانا اقول شداد مالو بهضرب الايام دي

    وباني مالو حردان

    شوربا والله رحتوا شمار في ورقة اسف مرقة
  • #14
    كمال وديدي 09-22-2018 05:0
    طبعآ ما قريت كلامك لأنو مابيستحق...شكلك متأزم كالعادة..خليك مع هلالك المترنح..عشان ماتقع من البلكونة يافتحية
  • #15
    ياسر الشيخ 09-22-2018 12:0
    لا يحيق الفعل السيء الا باهله .. هاك السته نقاط دي .. شابكننا غارزيتو و انتو ماكلين حق الزول و نايمين..
    يمهل ولا يهمل ..
  • #16
    حلبى من حلفا 09-21-2018 11:0
    يا ابن عمى خلينا من الكلام الفاضى ده
    وقول لينا طيش النخبه منو ؟ حكيم اخوك كان بيطرد من حصة الحساب
  • #17
    جلابي الدوحة قطر 09-21-2018 10:0
    مريض وتعبان بالمريخ ...موت كمد ..جاينك في الطريق
    والفيفا خصم ٦ نقاط شوفو ليكم طريقة انسحاب..كالعاده
  • #18
    Hajjam 09-21-2018 10:0
    حصلت المشاهد على الاسباب الحقيقة التي وقفت حائلا امام تحويل ثنائي المريخ محمد عبد الرحمن وبكري المدينة الى لجنة الانضباط لتوقيع عقوبة ضدهما جزاء لما بدر منهما مع احد الحكام, وكانت لجنة المسابقات قد حصلت رسميا على شريط مباراة المريخ محل الواقعة من قناة الملاعب الا ان الاجتماع الذي نظر القضية لم يضم سوى ثلاثة فقط من اعضاء لجنة الانضباط وهم سامي فتح الرحمن وحسين ابوقبة ورمزي يحيى وباستعراض الفيديو رأي اثنين من الثلاثة بان الحالة لا تستدعي تحويل اللاعبين الى لجنة الانضباط, وتشير المعلومات الى ان سامي فتح الرحمن وحسين ابوقبة من غلاة المريخاب لذلك نجا الثنائي من عقوبات لجنة الانضباط على الرغم من حادثة عبد اللطيف بوي ووتارا قادتهما الى الايقاف عن ممارسة النشاط بواسطة الفيديو.

    شوفوا شغلكم يااعلام الهلال...........يجب عليكم تنوير مشجعي الهلال عن هذه اللجان القذرة ذات الانتماء الاحمر والتي تستهدف الهلال.
  • #19
    الهلالابي 09-21-2018 10:0
    ياشويرجي.اكتب.في.عامودك.الجاي.لحكام.مباراة.القمه.نحنان.الهلالاب.ماعيزين.مساعداء.من.حكم.لكن.حقنا.المردي.بنكتل.عديل.والله.اظلمنا.الحكم.ندفنو.فيمقبرتنا.والباقي.ابقا
  • #20
    Mars 09-21-2018 09:0
    أطمئن والى الخرطوم الجديد أحمر الهوى كان جارنا فى بورسودان وقرض على كدة على رأى محمد عبدالماجد
  • #21
    س 09-21-2018 07:0
    كتاباتك بقت زى رمضان احمد السيد كالعادة والكالعادة 13 مرة حاجة ممله
  • #23
    ابوعكر 09-21-2018 05:0
    شوربة كفارة قالوا بعد قون رمضان عجب نقلوك مستشفى ابراهيم مالك
    شوربة قول وه وه وه
  • #24
    بكرى كرمه 09-21-2018 04:0
    والله انت ماعندك شغله حقدك دفين للزعيم لكن حالفين الا نطبق الحنه يوم ٢٩ ونقطع الرحط كمان عشان تجيك جلطه ونرتاح من عفنك الدفين
  • #25
    العالمى 09-21-2018 04:0
    ادانى تحيه...والمنام ابى لى انا....

    ...امسك يا عمك الضرب فى بورتسودان والالم فى العرضة شمال...

    اركز يا شوربه اركز
أكثر

للمشاركة والمتابعة

جميع الأوقات بتوقيت جرينتش +3 ساعات. الوقت الآن هو 04:0 الثلاثاء 22 سبتمبر 2020.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019