• ×
الخميس 13 مايو 2021 | 05-12-2021
بابكر سلك

ختم وعدم فهم

بابكر سلك

 0  0  7976
بابكر سلك



على الشاشه الما غشاشه تابعنا الفريق المدهش
فعلاً هذا الرجل مدهش
شخصياً أدهشنى الرجل بالأمس
الراجل قال إتصلنا بالفيفا
الفيفا بقت بت إتصالات أو بت ريسيبشن
أى زول يتصل ترد عليهو وتأخد وتدى معاهو
البنعرفو عن الفيفا إنك لما تتصل بيها ما بتقول ليك ألو
لما الفيفا ترفع السماعه بتقول المعاى منو
لكن الفيفا لما إتصلت عليها يا مدهش وقالت ليك معاى منو قلت ليها منو ؟
ساحر الجرو ولا ساحر الجرة ؟؟
لو قلت ليها معاك المدهش رئيس الإتحد السودانى
حاتقول ليك ما عندنا إسم بالشكل ده
رئيس الإتحاد السودانى البنعرفو هو عزيزى مستر معتصم
ومن الأشياء التى أدهشتنى زى الفريق المكون من ألوان علم الفريق الذى يمثله المدهش
فما عرفنا الأبيض والأزرق هما شعار ليأتوا فريق
هل للفريق أم الفريق ؟
دى دقسة واضحه أدهشتنا يا مدهش
وزى ما قال المثل
ختم وعدم فهم

#أيها_الناس

حسب وجهة نظرنا المتواضعة
لا خير فى إتحاد المدهش ولا خير فى إتحاد معتصم
فالأخير شفنا منو الويل والميل الفاضح والمجاملات المخجلة لفريقٍ بعينه* تلك الأمور ولدت فى عهد إتحاد شداد حيث كان معتصم نائباً ومجدى يا هو مجدى وأسامه ياهو
أسامه
ولجنة صلاح ياها لجنة صلاح
أما المدهش
فالجواب بان لينا من عنوانو من بدرى
وحتى طوابع الجواب كانت باللونين الأبيض والأزرق
يبقى لا خير فى هذا ولا ذاك
ولعل وضعنا لإختيار واحد من الرمضاء للنار هو إهمالنا لإنتخابات
اللجان والإتحادات منذ سنين
وحقو نستفيد من الحتة دى
ولكننا مع إتباع القوانين واللوائح وعدم الألتفاف عليها
نريد إتحاد بنزاهة دون أدنى تدخلات من تلك التى ترفضها لوائح الفيفا
وأن تجرى الإنتخابات وفقاً للوائحنا التغير مخالفة للوائح الفيفا لتتمتع بالشرعية
وأن تجرى الإنتخابات وفقا لقوانيننا بدون الإلتفاف عليها
فقدنا كل شئ
دعونا نتمسك بحاكمية القانون

#أيها_الناس

فى عهد من كانت الإعارات المكندشة؟
فى عهد من كانت لغة جواز غابيتو البرتغالية ؟
فى عهد من إحترف الصلوى بالهلال وعمره أقل من سبعطاشر سنه ؟
فى عهد من من الولاة كانوا دايرين يسموا أكبر شوارع مدنى بإسم الهلال ؟
ومنو الزول الأصر يحضر تتويج الهلال بالبطولة الأخيرة برغم أنف المريخ وبرغم أنف موقف المريخ ؟؟؟
فكونا ياخ

#أيها_الناس

إن تتنصروا الله ينصركم

#أها

نجى لى شمارات والى الخرتوم
أكان شفت يا والينا
أمس ما إتعشينا
نلغيهو مع شاى الصباح وشاى المغربيو يا والينا
ولا نفتح ليهو زى ما تحنا للفطور والغدا
بقينا ما بناكل يا والينا

#سلك_كهرباء

ﻧﻨﺴﺎﻙ ﻛﻴﻒ والكلب قال يعنى البلد كلها تاكل ! كفاية الناس البياكلوا ؟
امسح للحصول على الرابط
بواسطة : بابكر سلك
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019