• ×
الأحد 13 يونيو 2021 | 06-11-2021
بابكر سلك

يا نتشفتن يا نتبشتن الطبعة الثانية..الليلة يوم الرجال

بابكر سلك

 0  0  7469
بابكر سلك


* نواجه الأخوة الأهلة اليوم فى منطقى غير صالحة حيث الأنقاض تتكاثر والدراب يتبعثر
* وهى منطقة غير آمنه
* ولا تصلح لتواجد البشر
* وقد تحدث إنهيارات كبيرة نتيجةً للضغط الجماهيرى
* سيما ونحن قد عايشنا تصدع وإنهيار القاعة التى بناها كردنة بجامعة الأحفاد للبنات

والتى نال يموجبها الدكتوراة الفخرية من جامعة البنات
* كنا نتوقع تنازله عن الدكتوراه لفطومة أختى لأنو الجامعة جامعة بنات وكده
* ولكنه تمسك بالدكتوراة الفخرية برغم إنهيار القاعة
* فلو زول بنى قاعة صعيرة وإنهارت
* يبقى لو بنى إستاد أكيد بلحق النس أمات طه
* المهم المنطقة منطقة أنقاض وسط المنطقة الصناعية
* وبالإضافة لذلك الضلمة كابسه شديد
* فالكشافات التى تشبه كشافات موقف الشهداء دى لا تصلح للعب
* وحتى تلك التى أضافوها فى كل حديدة مما يسمى بالمظلة تشابه الى حد بعيد كشافات

صيوانات بيوت البكا
* تلقاها ضاربة فى الدكان ومحل الفاتحة ضلمة
* بالمناسبة المظلة كسوتها بى مشمع الضل بتاع المشاتل
* تراكم بتاعين مشاتل يا روشا ..
* أتاريكم شتالين كده
* أيها الشفوت
* إنه يومكم
* إن نصرنا بكم
* فمدرجات أئمتها جوارح أولمبيوس وأسود وتورنيدو
* وفرسانها روابط تشجيعية من كل فجاج الأرض
* وقادتها يؤدون أدوارهم فى سرية تامة
* مدرجات تنافس بعضها حباً وألقاً وإبداعاً وتتمتع بكل تلك الصفات
* بالتأكيد هى مدرجات تصنع النصر والفرح والتأهل
* وعندما يوصى الشفوت بتطبيق الحنة
* بتطبق الحنة ولو فطومة أختى زادت المحلبية
* حنة عيد الطلاب لسه بترقش
* لكن نطبقا اليوم لنزيدها رونقاً وألقاً ونورة
* أيها الناس
* أعددنا لهم ما إستطعنا من قوة
* وإستعنا بالله على الأنطنة
* والله لا يصلح عمل المفسدين
* ولسنا على الأعقاب تدمى كلومنا
* نقاتل ولا نفر
* ولكن نكر لنكر ونكر
* فنقرط المواسير ببعضها وننعم بإنسياب المياه نقطة نقطة داخل المواسير الحبيبة ..

ولنا من السباكين الكثير
* بكرى والمعلم كلتشى
* وده كمان بعرف للمواسير اربعة بوصه
* محمد عبدالرحمن للنبل
* السمانى يقلوظ
* عاشور بيكبس الفايبر فى بعضو
* وباسكال للقطع
* المصنع السودانى لقطع المواسير
* أما رمضان فشغلو كوع بس
* على جعفر بدفن الماسورة فى المنهول
* كونلى وأمير للتقريض والمراجعة
* فريق سباكين دولى
* ولكن كل ذلك لن يحدث
* إذا لم تثق المدرجات بنفسها وتقوم بواجبها
* وإذا لم يحترم السباكون كل المواسير حد الإحترام
* عشان نبدأ القلوظة
* وإتقلوظى
* أيها الناس
* أقولها بصوتٍ جهور نيابةً عن الجمهور لتصل مسامع فوزى المرضى
* بتغلبونا يا شيخ فوزى فى حالة واحدة وبس
* إذا خلق الدنيا دى أنطون
* عرفت يا شيخهم ليه إنتوا مغلوبين اليوم ؟؟
* أيها الناس
* بحول الله إنه يومنا
* نجى كلنا
* لنساهم فى نصرٍ يستحقه الزعيم
* ما نجى نتفرج
* نجى نقوم بواجبنا كاملاً نناصر ونساند ونشجع
* حتى بعد ان يتحقق النصر إن شاء الله
* نشجع بنفس القوة
* ولا نستعجل نصراً لأنه مضمون
* فقط نحترم المواسير
* والمواثيق
* والقوانين
* لا نأتِ بفعلٍ يحسب على أخلاقنا أو يخصم من المريخ عند الكاف درجات
* ولكن نصل لما نريد بأدب وشفتنة
* لانوتر أولادنا
* فهم أسلحتنا
* لاننقاد لتفلتات الجهة الأخرى
* ولكن يمكن ان نلجمهم بترديد عبارة معينة
* المطار بى وين
* المطار بى جاى
* والصفر بى وين
* الصفر بهناك (مع التأشير على جهة الصفر)
* وبالقرآن مريخنا مصان يا ود المرضى
* أيها الناس
* كتب الشفت محمد لعوته من الدويم قصيدة أقل ما توصف به أنها رائعة
* وستلقى حظها من النشر على الصفحة الإحتفالية إن شاء الله
* أيها الفارس
* يا صديقى عراقى
* الزيك ما بوصوهوا
* والمتلك ما بحرد بيتو
* وما بتقصر فى مريخك عارفك
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* السخانه زادت علينا
* عملنا تسته فى رجب يا والينا
* ما عرفنا نقول شنو
* لكن النسوان خففن لينا
* لمن قالن وووووووب علينا

سلك كهرباء

✯✯ ﻧﻨﺴﺎﻙ ﻛﻴﻒ والكلب لما سخن قال أريتنى كان كلب البحر ?!!!!
امسح للحصول على الرابط
بواسطة : بابكر سلك
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019