* عل إهمالنا المتعمد للثقافة والفنون جعلنا فى حوجة لإظهار بعض من مواهبنا المسرحية
* فكانت تمثيلية الأحد التى تم عرضها مساءً على خشبة مسرح الشأن ذى المقصورة المكلفة
والميزانية التى لا يشوبها فساد ولا شبهة فساد
* التمثيلية طلعت بايخه والأداء كان يظهر عليه السوء
* وذلك لأن المؤلف كتبها دون دراية بالواو الضكر ولا معرفة بنون النسوة
* فجاطها لدرجة حللت المحرمات من النساء وحرمت المحللات منهن وجمعت بين الصبية فى
المضاجع
* السينارست عديم خبرة ولا يدرى كيف ترقم المشاهد
* أما الممثلون فأعتقد أن المنتج لقطهم لقيط ساى
* لذا كانت تمثيلية عمدة وشيخ غفر وأطيان أبيخ تمثيلية فى تاريخ الحركة المسرحية فى السودان
* ونحن كصعايدة لا صالح لنا فى العمدة لا شيخ الغفر
* فعراك العمده وشيخ الغفر سيفقدنا قيراطين الأرض حيلتنا وحا يضيع علينا كورتنا
* ولما تضيع القيراطين الحيلتنا إلا نغسل عربات
* صعايدة عاد بدون زراعة وجاموسة نعيش كيفن بس عاد ؟ّ!
* المهم
* العمدة بى ناسو
* وشيخ الغفر بى ناسو
* والكفر برضك بى ناسو
* وحقو ناس الكفر يقلبوها فى رأس العمدة وشيخ الغفر عشان يحافظوا على كفرهم وقيراط
الأرض حيلتهم من أجل جاموستهم
* يا أهل كفر الجاموسة لا تنتخبوووووووووووووا
* أيها الناس
* أعتقد أن النجاحات التى اصابتها كرتنا فى عهد معتصم جعفر هى السبب الأول فى ترشيح
الرجل وإتحاده لأنفسهم لدورة جديدة يقودون فى أهالى كفر الجاموسه
* وأيضاً أعتقد أن النجاحات الكبييييييره التى أصابها المدهش كوزير للدفاع وكوالٍ للجزيرة
وكسفير لبلادنا فى دولٍ عديدة وكرئيس للهلال كانت تلك النجاحات هى السبب الأساسى لترشيحه
لنفسه لينقذ كورتنا من حالتها الفيها دى ويقود منتخبنا لكأس العالم الجاى أسى فينا ده
* تلك الصفات المتوفرة فى الرجلين وتوابعهما لا تتوفر فى زول من ناس كفر الجاموسه
* خاص صفحة الأحمر الوهاج
* لذا يريد كل واحد منهما أن يقود الجاموسة بالطريقة البشوفها وما على الجاموسة إلا أن تتبع
من يضع الحبل عليها
* المهم
* أطياننا مبلوله
* وزادوها بله
* وبالخمج ده إلا نزرعها رز
* نلبس كسكتة قش ونزرعها رز
* أيها الناس
* التمثيلية كانت بايخة جداً
* لكن للأمانة أعجبنى فيها مشهدٌ أضحكنى لمن وقعت فى واطات إستاد الخرطوم دى
* المشهد كالآتى :
* ممثل (أ) ملتفتاً على ممثا (ب) الذى تبدو عليه الحيرة
* (أ) حقو نخاطب الكاف
* (ب) نخاطبهم نقول ليهم نحنا منو ؟؟؟
* فعلاً ياهو البضحك
* نحنا منو؟
* ما قلتوا...
*ما قلتوا فزتو
* خاص صفحة الأحمر الوهاج
* أيها الناس
* تانى أيها الناس
* الفندق الأول فى عطبره قلوا بنزلوا فيهو الناس الماشين الدهب ؟؟
* فعلاً ضهب
* الترحيل من الفندق للإستاد ببص المشجعين
* يمثل مجلس المريخ رسمياً على المقصورة مشجع جا يشجع وبس
* لكن غياب الإتنين وتلتين عضواً عن البعثة أجبر الرجل على تمثيل المريخ
* ده ياتو مريخ ده يا ناس ؟!!!
* وإذا كان عبدالصمد خلافى حسب زعم البعض
* يبقى عبد الصمد أفضل من الإتنين وتلتين الما خلافيين
* فعبد الصمد بعد خلافو ده بقود البعثة وبمثل المريخ وبجهز أفضل فندق فى لمنطقة وبوفر أفخم
ترحيل من الفندق للإستاد وما بستنى بص المشجعين عشان يرحل بيهو اللاعبين وبدى البعثة
هيبتها وهى داخلة للمدينة فى مشهدٍ يليق بالمريخ
* وبدفع
* جمال فى جمال مافى عندو واحد
* ولا أعتقد أنه إعتمد يوماً فى الصرف على مال مجلس الشرف المكون من أموال الشرفاء كدعم
للمريخ
* فهو أساساً فى زمنو ما كان فى مجلس شرف
* يبقى الزول الخلافى ده إنجازه لا يقارن بالزول الخرافى
* وحتى علائق اللاعبين معه لا تقارن بوضعهم النفسى الحالى
* ولسه بنسأل بكرى مالو ؟
* طيب ضفر مالو ؟
* طيب رمضان بلعب لعب الخمسين ليييه؟
* أيها الناس
* الحال لا يسر
* هل لنا أن نقارن الإستاد اليوم بالإستاد الذى إستقبل فاصلة مصر والجزائر؟
* هل الملعب هو الملعب ؟
* هل المقاعد هى المقاعد ؟
* خاص صفحة الأحمر الوهاج
* هل البوابات هى البوابات ؟
* هل النجيل هو نفس النجيل ؟
* هل الطلاء هو الطلاء ؟
* أيها الناس
* أفخم البنايات بدون إهتمام وصيانة وتجديد ومتابعة تصبح أطلال والسعيدة فيها متاحف
* يبقى إذا ده حال الإستاد وده حال البعثات إتنين وتلتين راجل فوق شنو..وشنو..ولييه ؟
* أيها الناس
* إعادة قيد العقرب قبل يتشقلب مسئولية منوووو ؟؟
* المجلس الحالى ؟؟
* ولا الوالى ؟؟
* أبقوا معنا
* أيها الناس
* إن تنصروا الله ينصركم ويقوى شكيمتكم ويكفيكم شر (فيفتكم)
* أيها الناس
* نحمد الله على سلامة والدة أخونا الشفت القطب والمشجع المريخى عبدالوكيل عثمان عقب
العملية التى أجريت لها مع تمنياتنا بدوام الصحه للحاجة عبدو
* أها نجى لى شمارات والى الهرتوم
* أكان شفت يا والينا
* تمثيلية مثلوها عهلينا
* قبل البروفة عرضوها لينا
* طلعت زى وشهم يا والينا
* خاص صفحة الأحمر الوهاج
سلك كهرباء
✯✯ ﻧﻨﺴﺎﻙ ﻛﻴﻒ والكلب قال ما كل ممثل بدخل قلوب المشاهدين .. كلاكيت تانى مرة ?!!!
