• ×
السبت 31 يوليو 2021 | 07-30-2021
بابكر سلك

ثعلب بى فيزة قرد

بابكر سلك

 9  0  2531
بابكر سلك






> إعارة ثعلب الهلال الموهوب لفريق سعودي نكرة فيها ألف استفهام
> الشايفو القصة ما إعارة
> القصة شغل إدارة
> واذا بحثنا عن المدير الحقيقي للهلال سنفهم معني الإدارة بدون شطارة
> إعارة بدون كدارة؟
> الخوف يا الثعلب يا ولدي تبقى عليك قصة الاسد المشى السعودية وشبكوهوا ليك موز
> الاسد احتج وقال ليهم كلو يوم موز طال عمرج
> مافي لحمة؟
> أنا اسد ياخ
> حرس الصيد بتاع جنينة الحيوانات في السعودية راجع الاوراق وقال للاسد
> الفيزة تبعك مكتوب فيها قرد
> وأنا اتعامل مع الأوراق والمستندات
> أكل موزك واتطلب الله
> آها
> أخاف على ابننا الثعلب يكون احترافو ده بفيزة قرد
> راجع الورق كويس يا ولدي
> الموز الكتير بشق الزول يا ثعلوب
> ولكن
> هل يقبل أهل الثعلب بهذا المقلب؟
> ومن المستفيد؟ الثعلب ام الفيحاء ام الككو ام الموز؟
> المهم
> غرزة يعمل في صمت
> لا وقت للكلام
> ولو نقطناهوا بي سكاتنا يكون أحسن
> أيها الناس
> نعم كنا سيئين يوم جيبوتي
> وأسوأ يوم شرطة القضارف
> لكن ده دخلو شنو في نجاح معسكر الهلال؟
> فجأه كده ناس فطومة أختي بقوا ينضموا في نجاح معسكر الهلال
> وناس محمد عبد الماجد بقوا يقولوا باي تشكيلة دفاع الهلال بلعب
> مع العلم بان الهلال بي رديفو مافيهو مدافع واحد
> خاص صفحة الأحمر الوهاج
> هلالكم ده شفناهو يوم التجربة الإفريقية الأولى
> ويوم قورماهيا
> واقتنعنا بان الاعداد كان للحكام
> أعدوا أنفسهم جيداً لموسم جديد
> وكان الهدف الأول في شباك مريخ كوستي تسلل أوضح من الشمس لأكثر من لاعب
> ماتفرحوا ساي
> والله نحنا لو عندنا في دفاعنا صيني وبخاري وبويا ثيردباك نقفل النادي حداداً سنة كاملة
> ولانعشم في رابطة ناس ابو مرين
> ولكن من بعدها عدوا بس
> أيها الناس
> في كورتنا في كسلا ضد القضارف ظهرت قفة كبيرة جوار بنشنا
> تبعنا دي يا حسين؟
> وهل ده مظهر بشبه مريخنا؟
> المهم
> غرزة يربط في العضلات ويفكفك
> الخواجة عارف شغلو
> ونوصيك ياغرزة لما تربط العضلات ربط معاها المعضلات
> معضلاتنا كتييييرة
> أيها الناس
> إن تنصروا الله ينصركم
> آها
> نجي لي شمارات والي الخرتوم
> أكان شفت يا والينا
> البلد اتملت مستوصفات علينا
> كترت مرض عاد نسوي شنو يا والينا
> بنفرز المستشفي الخاص من الحكومي بالريحة البتهب فينا
> فلعطر المستشفيات الحكومية افتضاح يا والينا
> مجاري طافحة وصرف أبداً ما صحي يا والينا
> والمستشفيات الحكومية والخاصة يا والينا
> هل هي نافعة ام جالبة الضرر لينا؟
> بالتأكيد ضارة جداً لينا
> خاص صفحة الأحمر الوهاج
> الكارثة في النفايات الطبية يا والينا
> مفروض تتحفظ بطريقة معينة
> مفروض تتحفظ في غرفة مخصصة
> مفروض تتشال في مدة محددة
> مفروض تتباد بطريقة مؤكدة
> مفروض تتعامل باي طريقة بس ما كده
> ونحنا في المستشفي، وجمبو بناكل ونشرب ونبيت
> في ناس بتجي تمارض من بعيد
> زي ديل مع النفايات الطبية مرضى جداد أكيد
> أخطر أنواع النفايات الطبية البقيل والببيت
> والضبان أكتر من الإنسان و يزيد
> هو ينقل ونحنا ناكل كما نريد
> والأخطر المشوي منها يا والينا
> حرق الدموم والهدوم والأورام والمستأصل بي عملية والبلاستيك في وسط قعدة لينا
> ونحنا نشيل ونشم يا والينا
> ونرشف في الشاي زي الفاكين بخور فينا
> وواحدة ترضع طفلا جاع
> وواحدا لي ألف ساندوتش، باع
> ناكل في حتة تقرف من الأكل فيها الضباع
> موضوع. النفايات الطبية موضوع ذو أهمية يحتاج توعية واسعة يومية ويحتاج لقلوب نظيفة وأيدي

قوية تتعامل معاهو بخوف من الله وبجدية
> في حلقة تلفزيونية عنو بروجوا ليها
> وكتر خير أستاذتنا الرائعة
> تسابيح عز الدين حميدة التي تناولت النفايات الطبية وخطورتها مرتين
> مرة على أثير الإذاعة الطبية في العام الماضي خلال برنامجها الناجح
> أنا والمستمع
> والمرة التانية من خلال أثير هوى السودان و برنامجها الجميل
> استديو خمسة
> والموضوع بحتاج للحلقة الألف يا والينا
> بحتاج لتوعية شديدة لينا
> بحتاج لإدارات شايلة الهم وشغالة بأيدينا
> بحتاج لوزارة مرة واحدة في عمرها تحس بينا
> خاص صفحة الأحمر الوهاج

سلك كهرباء

>> ننساك كيف والكلب قال لو إستمر هكذا الحال ما تستغرلو حرقوا الجثث فى كوش

المستشفيات..وبعد ده العلاج بالشى الفلانى والزيارة بعشرة !؟؟؟


سلك




شبكة
امسح للحصول على الرابط
بواسطة : بابكر سلك
 9  0
التعليقات ( 9 )
الترتيب بـ
الأحدث
الأقدم
الملائم
  • #2
    alisheikh mohamed 01-30-2017 06:0
    شوف يا سلك مشاكل الدلقون بتاعك المتلتلة خليك من اسيادك ديل عال العال
    شوف شوارع باسكال نظفها ( جمعة عمل فيكم عملية وطبق نظريات جديدة في مجلس الاباء حقكم ده ناس كلتشي واخوته
  • #3
    ودالقيد 01-29-2017 10:0
    يازول ماتشوف مريخك ين وفك سيرة سيد البلد .بنج مزمل ماشى فى خيرو ات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟والباق تمو خيال ههههههههههههههههههه
  • #4
    Hajjam 01-29-2017 10:0
    صعود وحيد لدوري الأربعة الكبار خلال مائة عام وبعد ده مصحوب بطولة لسان. فعلا الحيلة قليلة والخشم بليلة.
  • #9
    جون سينا 01-29-2017 07:0
    شوف بالله حاج تنقو العجوز مضروب الشرطة- كمان عندو النية يتفاصح- إنت فريقك فى المركز ال16 بدل تكتب عن إعارة الثعلب أكتب عن حالكم المزرى وصراعاتكم ومشاكلكم وفلسكم الضاربكم- أكتب عن فريقك الزى يسير على خطى الموردة- عمودك دة يا قرد أولى بيه ناس على جعفر وأمير كمال- الحمد لله الإمور كلها ماشة تمام فى الهلال وجابسون وتيتيه وأوكرا أخر تألق- كلم مرشدك يشوف ليكم حاجة يخارجكم بيها السنة دى يا ككو- إنت ككو عندو صلعة.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019