○اول نقاط الموسم أتت كتاج على رأس علي جعفر المجتهد
○وحملت أخبار عروس البحر نبأ أن الزعيم ما كان كالآتي
وده شئ طبيعي جداً
○لأن غرزة لايملك عصا يرميها فتلقف إهمال القطاع ○الرياضي ودائرة الكرة ومن قبلهما المجلس
○الجماعة ديل اهملوا في القبول بهايلات كمعد بدني وهو لاعلاقة له بذلك
○تعين زي مقاولة عامل يومية
○تنقل التراب ده؟
○انقل
○بي كم؟
○مية وخمسين
○كتير
○نديك خمسة وسبعين
○خمسة وسبعين شوية
○خلاص نقسم البحر نصين
○وعندما يبدأ العمل يسأل العامل عن الكوريك والباغة ولو ○عندك بنطلون قديم اشتغل بيهو
○حتى عامل اليومية طلع متسلبط ساي
○بربكم فريق في قامة المريخ يتفق مع اختصاصي بالجهاز الفني بالطريقة دي ؟؟!!
○أيها الناس
○الإهمال بعمل اكتر من كده
○والحمدلله فقدنا لياقة بسببه ولم نفقد عقولنا
○شينة بعد العمر ده الواحد تلقاهو في الشارع بي صلعتو ○دي رافع جلابيتو ومارق سيقانو القادات عربي ديل
○اللهم لا تخولقنا لاتخوزقنا لا تعولقنا
○المهم
○إن هايلات أضاع علينا فترة الإعداد التي لازلنا مدينين فيها بتذاكر الطيران البالغة أربعمائة وكم ستين مليون
○أضاع علينا فرصة اكتساب لياقة تعيننا على موسم مرهق
وأضاع علينا الكثير
○معسكر أطول من مسلسل حريم ونطلع نفسنا قايم
○والسبب الإهمال الشنيع عند تعين هايلات سواء كان من دائرة الكرة أومن القطاع أومن المجلس
○اتنين وتلاتين رجل ما اكتشفوا إنو هايلات ما مدرب لياقة؟ ؟
○هايلات أضاع الزمن والكنجالات لأنهن سايبات
○لا مكابرة مع الأخطاء الشنيعة
○وجل من لا يخطئ
○ولكن الابجديات ما دايرة درس عصر
○وأمانة التكليف تجبر الناس على فتح العين كبييييرة
○وقدسية الانتماء تجبرهم على التفاني
○وحق الجماهير الصابرة المقاتلة التي رفعت شعار لن ندعك تسير وحيداً
○يجب ان يراعى
○أيها الناس
○العيش عند خبازو
○يقول داير خميرة
○تجيبوا خميرة
○يقول داير فرن آلي
○نجيب فرن آلي
○يقول داير دقيق دبل زيرو
○نجيب ليهو زيرو الهلال ونكوس الزيرو التاني وين
عدا الزعيم
○القصة دايرة مجهود وصبر
○وعدم بكاء على المعسكرين المسكوبين على بلاط السلطان وسط دهشة حريمه في جزئين من المسلسل الطويل جداً
○المهم
○الأهلة الشرفاء مخلوعين بي اوكرا
○نجومهم من بواقينا
○زي اوكرا ده نحن بنجدعوا ما بنتجدع بيهو
○ولكن طموحات الناس بتختلف
○والمشتهي الحنيطير يشجع الزناطير
○أيها الناس
○إن تنصروا الله ينصركم
○اها
○نجي لي شمارات والي الخرطوم
○والينا
○حكاية التعليم الخاص المنتشر فينا
○برغم سدها لثغرة تقصير الحكومة فينا
○إلا إنها في احايين كتيرة تسئ إلينا
○تتعامل مع الحرفة كسلعة
○تتجاهل الظرف تفتكروا بدعة
○وتحرج فلذات اكبادنا يا والينا
○كأنهم مجرمين وفي التمام جوه سجنا لينا
○وتتعنيف يا والينا
○وكلام سخيف قالوا لينا بتقال لينا
○الميراث الوحيد الممكن نخليهو لي شفعا لينا
○هو أنهم يتعلموا يا والينا
○لا بنورثهم فلل يا والينا
○وهو فضل فيها فلل
○لا بنورثهم مصانع يا والينا
○هو خلوا لينا مصانع
○لابنورثهم مزارع يا والينا
○هم فضلوا لينا فيها مزارع
○ولا قروش يا والينا
○إعلامنا الشرعي فقط لإثبات الوفاة يا والينا
سلك كهرباء
ننساك كيف والكلب قال إسمها تربية ولا تيرقة والتعليم؟ معليش نظري ضعيف و ما سمعت كويس،
والي لقاء
سلك
بعدين فريقك كلو مشاكل - ما دخل الهلال بذلك؟؟؟؟
جيبوا جهاز فنى متخصص وما يخدعكم بعدين تعال بنتناقش معاك!!!
○نجومهم من بواقينا
○زي اوكرا ده نحن بنجدعوا ما بنتجدع بيهو
○ولكن طموحات الناس بتختلف
○والمشتهي الحنيطير يشجع الزناطير( فعلا طموحات الناس تختلف وكمان انتم فرحتوا قبل كدا بي بكري والباشا وطراوري وعلاء الدين واكرم ومحمد عبد الرحمن وهثم مصطفي وعمر بخيت والمعز وووووووووو