* اشكر لمزمل احرفه الجميلة النبيلة التي سطرها عن قلمي الساخر ومريخيتي التي لايشق لها غبار واعتزازي قبل اعتزازه بخوتنا الكريمة وصداقتنا العزيزة
* ما سطره قلمك الشفيف ياميزو عني قلادة شرف
* برغم ان البعض قد يعتبر شهادتي عنك مثل شهادتك عني مجروحه لعمق المحبة التي تربطنا
* واحب ان ابين اكثر
* لا مجلس الشرف ولا استثمارات السعودية بامريكا تعني استغناء المريخ عن الوالي
* وحتي ولو زهد جمال واستغني فنحن لن نستغني ولو عن ذكره بالخير دوما وفاءا له
* ولسه بقولها البقعد مع الوالي ما بقوم
* لو قعد لغم مع جيمي ما بقوم
* وديمقراطية المريخ ماعنيت بها عدم وجودها بل ذكرتها للتأكيد علي وجودها
* وان لم تكن موجودة فايدتنا شنو !!! ماننتحر
* واعود لمقولة مزمل الرائعة
* ويبقي الحبيب مزمل صديقا صدوقا صادق الوعد عزيزا واخا كريما ومريخيا شفتا لايشق له غبار
* ايها الناس
* مجرد رأي
* اذا القروب جمع العشرين مليون لمجلس الشرف
* اليس من الظلم ان يسجل بمجلس الشرف عضو من ذلك القروب دون الآخرين ???
* فالحق الادبي هنا هو القيمة الكبيرة لاعضاء القروب الذين شاركوا في جمع المبلغ
* ولذا يكون من العدل قبول تسجيل اسم القروب بمجلس الشرف حتي يوزع الحق الادبي بين اعضاء القروب وبعد ذلك ان كان الامر يحتاج لممثل للقروب لاجتماع او تشريف او غيره يبقي ناس القروب يختاروا ممثلهم ولو بالانتخاب بينهم
* مجرد رأي ارجو ان يجد التمحيص من القائمين علي الامر
* اها
* في نكتة 2017 جديدة لنج
* ناس روشا قالوا كردنة ينافس ستة رؤساء اندية
* والغريبه خاتين صورهم
* بنافسهم في كاسات جوية ???
* طبعا لا وابدا لأ
* بنافسهم في تسجيل ساماتا والاحسن من ساماتا ???
* طبعا لأ وابدا لأ
* بنافسهم في عدد المباريات الدولية اللعبتها انديتهم ???
* بس كيف وكردنة طاير من اهلي ليبيا من عصرا بدري !
* طبعا لأ وابدا لأ
* يبقي بنافس ناس كاتومبي في شنووووو + وشنووو ياروشا ???
* لا لا لا
* طبعا لأ وابدا لأ
* يبقي بنافسهم في الكسكتة يا انت
* روشا ما داير يبطل شطحات
* وشطحات زي دي ياروشا بتخلي الناس يقولوا انك من التمنين في المية لا سمح الله
* لكن يا روشا بيني وبينك ومع زيادة الحاجات في البلد دي من يوم تصريح كردنة دحين التمنين ما زادت !!!
* العشرين زاتها ما لحقت التمنين ???
* بالمناسبة ياروشا
* اعترافكم بان كردنة هو احد الراشين لبعض من التمنين في الميه بعمودكم الجميل
* وبما ان صحيفتكم هي من اجري الحوار مع كردنة
* يبقي نستنج ان كردنه هو من اقر لكم بانه قام برشوة البعض
* والاقرار دليل اثبات قوي
* وينصرف للمقر حيث لا ينسحب علي الآخرين الا اذا كانت هناك بينات اخري تعضده
* فمثلا في جريمة الزنا (حمانا الله واياكم )
* اذا اقر زيد من الناس بارتكابه للزنا مع ( عبيده) من الناسات وانكرت (عبيده )ذلك ولم توجد بينات علي (عبيده) من الناس
* فان المحكمة تدين زيد باقراره وتقضي ببراءة (عبيده) لعدم كفاية الادلة
* لكن هناك مخرج وحيد لزيد وهو الرجوع عن اقراره طالما كانت الجريمة ثابته بالاقرار وحده سيما وهي حدية
* ياروشا
* دليل علي (عبيده ) مافي
* كردنه يلحس كلامو ويرجع في اقراره ويا (دار ) ما دخلك شر
* المهم
* يمضي معسكرنا
* ونسأل الله ان نجني ثماره عروضا قوية اثناء الموسم وبطولات داخلية وجوية آخر الموسم
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* طارت لينا
* قام واحد قال لينا
* طارت ليكم يا والينا
* قلنا ليهو التطير
* موش اخير من سودانير في الواطه قاعده لينا ???
سلك كهربا
ننساك كيف والكلب راااقد في الحوش قال المارق ليها شنو كرته مافي مرقة بدون كرته اخير منها الرقده يا انت
والي لقاء
سلك