* قريت في الواتس كلام ضحكني لما اتفنقلت
* قلت اضحكم معاي
* اصلو الزمن ده العلاج في الضحك
* العلاج كلو بره التأمين
* وعلاج الضحك مجاني
* الضحك بقروش
* بس الخوف الجماعة كان سمعوا بي مجانية الضحك دي
* يعملوا لينا رسوم ضحك
* القرقره بي عشرة جنية وجنيه دمغه وجنيه دعم طلاب برغم ان مجانية التعليم كلام فارغ
* ضحكه ومعاها صنقعه لي ورا بي خمسطاشر جنيه بدون الضرائب
* ضحكه فاجره من نوع هاها هاااااااااي خمسة وعشرين جنية وتصديق من النظام العام
* ضحكة آخرتها واااااي ممنوع
* وبرغم ان تبسمك في وجه اخيك صدقة الا اننا في هذا البلد نفرض رسوما حتي علي الصدقات
* لذا رسوم البسمات علي النحو التالي
* بسمة ساي حسب الخشم البسم
* التلاليش ستة جنية زائد الدمغه والضريبه
* بسمة الخشيم القدر الزراره مجااااني ومعفيه من الدمغات و الضرائب
* عاد دي بسمة بدفعوها !
* بسمة صفراء خبيثة معفية لانها تدخل ضمن مخصصات الجماعه
* ضحكة بصوت عالي اربعين الف
* هييييي يكا مية جنية زائد الضرائب والدمغات وتصديق المحلية
* ضحكة من شر البلية اعدام
* ضحكة ومعاها فرفرة كرعين وبحتي سبعين جنية و الضرائب والدمغات ورسوم نفايات
* الفرفره وجديع الشباشب تدخل ضمن عمل النفايات الواجبة السداد حتي ولو العربية ماجات
* ضحكة في تصريح او كلام زول نافذ مؤبد والدمغات
* في حالة عدم الدفع ستة شهور بعد المأبد
* المهم
* الضحك برغم مجانيته الا انو ممكن يكلفنا رسوم ودمغات في دولة اهم مصادر ايراداتها المواطن
* ولكن المواطن بندا من بنود نفقاتها وبعزقة تلك الايرادات
* اها
* الكلام الضحكني في الواتس
* واحد هلالابي كاتب علي صفحتو في الفيس الآتي
* الهلال سيد افريقيا
* خشة عليهو واحد مصري كتب ليهو ازاااااي
* نحسبها ازاااااي !
* الاهلي خمسة كاسات ابطال واتين كؤوس وواحد كونفدراليه
* الترجي تلاتة ابطال وواحد كؤوس وواحد كونفدرالية
* الزمالك تلاته ابطال
* مازيمبي تلاتة ابطال وواحد كونفدرالية
* المريخ واحد كاس كؤوس وتلاتة سيكافا
* انت ياحبة عيني عندك ايه !!! واحد ملوخية ???
* عليكم الله ماياهو البضحك !
* قال سيد افريقيا قال
* سيد الملوخية يا عمك
* نجيب كسرتنا ونجيكم يا روشا ولا عواسة فطومة اختي عاجباكم ???
* غايتو يافطومة وقعتك وقعة
* تديري وتسجلي وتشطبي (دي من زمن الارباب ) وترأسي البعثة وتمشي علي رأس وفد تسليم التبرع وبعد ده تعوسي يافطومة ??
* مشكلتك مشكلة غايتو
* ايها الناس
* نجاحات فطومة في الهلال نصر للمرأة السودانية
* وانا من اعجابي بنجاحات فطومة في الهلال امس حلمت بمجلس الهلال الجديد وجهازه الفني علي النحو التالي
* فطومة اختي رئيسا
* سعاد سادومبا نائبا للرئيس
*كوتش سلمي المدربة مديرا فنيا
*افكار وداعة للمناشط
* غادة عبد الهادي عضوا
* غادة الترابي عضوا
* ميرفت عبده مستشار الرئيسة للاعلام والمنسقة
* سكرتيرة كردنة امينا عاما
* مني زكريا خير السيد ممثلة لقدامي اللاعبات عضوا
* اخت فاطمة الصادق الكبيرة عضوا
* اخت فاطمة الصادق الصغيرة عضوا
* ليلي ادريس عضوا
* ندي القلعة عضوا
* ايمان لندن عضوا
* هاجر كباشي رئيسا للقطاع الثقافي عضوا
* الرشيد علي عمر ممثلا لقطاع الرجل
* ايها الناس
* دخلت الرشيد للمجلس دي عجبتني
* النسوان ديل دايرات ليهن راجل
* اسي لو ما دخلت الرشيد دي الزول يقول ده مجلس ولا داخلية
* ونرجوا من الاخ روشا عدم الاستقاله لانو مني بدر الهادي وشاهندا عثمان في الاحتياطي وماسكات قطاع الدكاكين لتلقيط الايجارات رغم انها مدفوعه لي سنة 3000 ميلادية
* كانت حلمة
* واحلامكم اعلامكم
* كان بقيتي رئيسة يافطومة يا اختي ماتنسي اخوك
* دكان في الشرقية ناصية
* ودكان فاتح علي الاحفاد والاسلامية اشغلو مركز تجميل
* وماتنسي يافطومة
* تعيني المهندسة ريم ام النور لقطاع الكشافات
* البت دي متخصصة كشافات حدائق وكده وكهربة عربات
* اصلو كشافاتكم زي نور الطبلون
* لكن دخلة روشا في المجلس ده انتصار للرجل الهلالي
* اها
* امس قالوا خسرنا تجربتنا الاعدادية
* ان شاء نكون استفدنا
* ما تكون الخسارة مدفوعة الاجر مقدما للنقد الشديد الذي وجه لضعف الفرق التي قابلناها علي شاكلة شفخانة التركي
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* الشجر في وسط شارع العرضة بحجب الرؤية علينا
* ياقصوهوا يا والينا
* يا بودينا
سلك كهربا
ننساك كيف والكلب قال اليومين دي ايام قص الناس ما ايام قص شجر
والي لقاء
* قلت اضحكم معاي
* اصلو الزمن ده العلاج في الضحك
* العلاج كلو بره التأمين
* وعلاج الضحك مجاني
* الضحك بقروش
* بس الخوف الجماعة كان سمعوا بي مجانية الضحك دي
* يعملوا لينا رسوم ضحك
* القرقره بي عشرة جنية وجنيه دمغه وجنيه دعم طلاب برغم ان مجانية التعليم كلام فارغ
* ضحكه ومعاها صنقعه لي ورا بي خمسطاشر جنيه بدون الضرائب
* ضحكه فاجره من نوع هاها هاااااااااي خمسة وعشرين جنية وتصديق من النظام العام
* ضحكة آخرتها واااااي ممنوع
* وبرغم ان تبسمك في وجه اخيك صدقة الا اننا في هذا البلد نفرض رسوما حتي علي الصدقات
* لذا رسوم البسمات علي النحو التالي
* بسمة ساي حسب الخشم البسم
* التلاليش ستة جنية زائد الدمغه والضريبه
* بسمة الخشيم القدر الزراره مجااااني ومعفيه من الدمغات و الضرائب
* عاد دي بسمة بدفعوها !
* بسمة صفراء خبيثة معفية لانها تدخل ضمن مخصصات الجماعه
* ضحكة بصوت عالي اربعين الف
* هييييي يكا مية جنية زائد الضرائب والدمغات وتصديق المحلية
* ضحكة من شر البلية اعدام
* ضحكة ومعاها فرفرة كرعين وبحتي سبعين جنية و الضرائب والدمغات ورسوم نفايات
* الفرفره وجديع الشباشب تدخل ضمن عمل النفايات الواجبة السداد حتي ولو العربية ماجات
* ضحكة في تصريح او كلام زول نافذ مؤبد والدمغات
* في حالة عدم الدفع ستة شهور بعد المأبد
* المهم
* الضحك برغم مجانيته الا انو ممكن يكلفنا رسوم ودمغات في دولة اهم مصادر ايراداتها المواطن
* ولكن المواطن بندا من بنود نفقاتها وبعزقة تلك الايرادات
* اها
* الكلام الضحكني في الواتس
* واحد هلالابي كاتب علي صفحتو في الفيس الآتي
* الهلال سيد افريقيا
* خشة عليهو واحد مصري كتب ليهو ازاااااي
* نحسبها ازاااااي !
* الاهلي خمسة كاسات ابطال واتين كؤوس وواحد كونفدراليه
* الترجي تلاتة ابطال وواحد كؤوس وواحد كونفدرالية
* الزمالك تلاته ابطال
* مازيمبي تلاتة ابطال وواحد كونفدرالية
* المريخ واحد كاس كؤوس وتلاتة سيكافا
* انت ياحبة عيني عندك ايه !!! واحد ملوخية ???
* عليكم الله ماياهو البضحك !
* قال سيد افريقيا قال
* سيد الملوخية يا عمك
* نجيب كسرتنا ونجيكم يا روشا ولا عواسة فطومة اختي عاجباكم ???
* غايتو يافطومة وقعتك وقعة
* تديري وتسجلي وتشطبي (دي من زمن الارباب ) وترأسي البعثة وتمشي علي رأس وفد تسليم التبرع وبعد ده تعوسي يافطومة ??
* مشكلتك مشكلة غايتو
* ايها الناس
* نجاحات فطومة في الهلال نصر للمرأة السودانية
* وانا من اعجابي بنجاحات فطومة في الهلال امس حلمت بمجلس الهلال الجديد وجهازه الفني علي النحو التالي
* فطومة اختي رئيسا
* سعاد سادومبا نائبا للرئيس
*كوتش سلمي المدربة مديرا فنيا
*افكار وداعة للمناشط
* غادة عبد الهادي عضوا
* غادة الترابي عضوا
* ميرفت عبده مستشار الرئيسة للاعلام والمنسقة
* سكرتيرة كردنة امينا عاما
* مني زكريا خير السيد ممثلة لقدامي اللاعبات عضوا
* اخت فاطمة الصادق الكبيرة عضوا
* اخت فاطمة الصادق الصغيرة عضوا
* ليلي ادريس عضوا
* ندي القلعة عضوا
* ايمان لندن عضوا
* هاجر كباشي رئيسا للقطاع الثقافي عضوا
* الرشيد علي عمر ممثلا لقطاع الرجل
* ايها الناس
* دخلت الرشيد للمجلس دي عجبتني
* النسوان ديل دايرات ليهن راجل
* اسي لو ما دخلت الرشيد دي الزول يقول ده مجلس ولا داخلية
* ونرجوا من الاخ روشا عدم الاستقاله لانو مني بدر الهادي وشاهندا عثمان في الاحتياطي وماسكات قطاع الدكاكين لتلقيط الايجارات رغم انها مدفوعه لي سنة 3000 ميلادية
* كانت حلمة
* واحلامكم اعلامكم
* كان بقيتي رئيسة يافطومة يا اختي ماتنسي اخوك
* دكان في الشرقية ناصية
* ودكان فاتح علي الاحفاد والاسلامية اشغلو مركز تجميل
* وماتنسي يافطومة
* تعيني المهندسة ريم ام النور لقطاع الكشافات
* البت دي متخصصة كشافات حدائق وكده وكهربة عربات
* اصلو كشافاتكم زي نور الطبلون
* لكن دخلة روشا في المجلس ده انتصار للرجل الهلالي
* اها
* امس قالوا خسرنا تجربتنا الاعدادية
* ان شاء نكون استفدنا
* ما تكون الخسارة مدفوعة الاجر مقدما للنقد الشديد الذي وجه لضعف الفرق التي قابلناها علي شاكلة شفخانة التركي
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* الشجر في وسط شارع العرضة بحجب الرؤية علينا
* ياقصوهوا يا والينا
* يا بودينا
سلك كهربا
ننساك كيف والكلب قال اليومين دي ايام قص الناس ما ايام قص شجر
والي لقاء
