* حلقه إذاعية رائعه جمعتنى بالحبيب محمد الأمين نورالدائم والأستاذ أيمن
أمس
* عبر أثير إذاعة المساء FM 101 وعبر برنامج المساء الرياضى إلتقينا فى
رحاب الأستاذ أيمن حسب الرسول
* كانت حلقة فى تقديرى رائعه أجبرت المخرج على زيادة زمنها خمسه دقائق
كل خمسة دقائق تلاته مرات
* وكان دليل روعتها الوعد الذى قطعه الأستاذ أيمن حسب الرسول فى ختام
الحلقة لعشاق برنامجه باللقاء الثلاثاء القادم عند الثانية ظهراً لنواصل الحديث
عن الإعلام المرتشى والإعلام السالب
* أبقوا معنا
* أها
* روشا الحبيب مع وعد إفتتاح الجوهرة الإتغير مية مره ده
* ومع مباريات الهلال ضد الكوكا كولا والبزيانوس والشيبس الطلعت كلها
درون دى
* ومع خروج الهلال من التسجيلات محلياً بكيس فاضى وأفربيقياً بدون كيس
* ومع صور الواتساب الجابت معسكر الهلال والبصل فحول
* ومع تفرغ الأرباب للموضوع
* ومع وضع عقال صلاح الى جانب عمامة الحكيم طه على البشير كمهددات
للكسكته
* مع كل الحاجات دى ما عارف روشا يكتب شنو
* فنشر لنا مقالاً رائعاً للرائع مهند إسماعيل المريخابى
* ونشكر روشا على إعترافه بأن الإبداع دائماً مريخى
* ولو ما كان الإبداع مريخى يبقى شنو يعنى يا روشا ؟؟
* مرحباً بالشفت المبدع مهند إسماعيل مبدعاً فى ساحات المريخ على المدى
الطويل وفى جميع المجالات
* وبريمه ما عندو إحتياطى يا روشا
* وأسأل جميع حراس الهلال القعدوا على كنبة المنتخب لما إعتزلوا بيتفرجوا
على بريمة
* لكن سؤال برئ يا روشا
* المبدع مهند إسماعيل أخو المرسل محمد إسماعيل ولا أسم على مسمى؟؟؟
* تحياتى للرائع محمد إسماعيل البرسل رسائل معسكر مصر
* وبوصيك يا أبوحميد ما تتقل فى البصل
* لازم تعمل ليك وجبتين خارج معسكر البصل ده عشان رسائلك تصل
* ومرحب بالمبدع مهند المريخى فارساً مبدعاً متألقاً فى سماوات الزعيم
* أها
* موضوع مهند إسماعيل ده روشا بكون نشروا زعلان
* إنت يا روشا لو زعلان عشان أديناك عضوية مجلس الهلال القادم ممثلاً
لقطاع الرجل يا روشا إستقيل
* ونعين بدلك أخت فطومه الوسطانية ويا دار ما دخلك شر
* ولو إستقلت يكون أحسن
* خاص صفحة الأحمر الوهاج
* لأنو النسوان ديل ممكن يجتمعن فى مركز تجميل
* فى الحالة دى لو داير تحضر الإجتماع إلا بإذن من النظام العام
* أما نحنا
* فإجتماعاتنا فى مكان غير
* إجتماعاتنا حاتكون فى البرلمان
* لأنو قاعة بتشل العدد ده فى البلد دى مافى
* وبعدين نحنا ما عندنا مجلس
* عندنا برلمان عديل كده
* ناس قامة وإستقامة
* والمجلس بكون حده الأقصى تلتين
* مجلس شعبى مجلس محلى مجلس بلدى مجلس الهلال
* حده الأقصى تلتين عضواً
* ولما يزيد عدد اعضاء عن تلتين يبقى برلمان
* ممكن تعملوا برلمان يا روشا
* المجلس بتاعكم الأنا حلمت بيهو الفيهو فطومة أختى رئيساً وسعاد سادومبا
نائباً للرئيس وأفكار وداعه للمناشط وأخوات فطومة أعضاء وسكرتيرة كردنه
أميناً عاماً وروشا ممثلاً لقطاع الرجل عضواً (مستقيل)
* المجلس ده ممكن يبقى برلمان
* تجيبوا ليكم عليهن طمنطاشر مرة(تسعطاشر فى حالة قبول إستقالة روشا عن
العضوية ممثلاً لقطاع الرجل) يبقى عددهن فوق للتلتين
* هوشة حريم ونعمة كريم
* تعليمه بس
* وفى الحالة إتصل على صديقك الحبيب جمال حسن سعيد يجيب ليكم تنازل
من المسرح القومى عن اسم مسرحية برلمان النسوان
* أو شوفوا المبدع حسن يوسف سيد جرسه يتنازل ليكم عن اسم مسرحيتو
الساخرة (رجال آخر زمن) والتى تنتقد قيادة النسوان لدفة الأمور لدرجة ان
البت بتخطب الولد من أمو
* قاعدات خالفات كرعينن وينفاوضن والبو فى المطبخ بيعمل فى الشريات
والتورتات
* وكان فطومة أختى الرئيسة وسعاد سادومبا نائبة الرئيسة إختلفن وإتشاكلن
وإتماعطن
* ممثل قطاع الرجل طبعاً لايجوز له شرعاً أن يحجزن
* ممثل قطاع الرجل يخلى العضوات الباقيات يحجزن وياصل فوراً على
الأستاذ عماد الدين عشان يتنازلوا ليهم عن اسم مسرحية عنبر المجنونات
* وإذا رفض يا روشا
* وسط ليهو جمال حسن سعيد
* بس فى اللخمة ديك ما تقوم كمان تتصل بجمال حسن سعيد بتاع الأمل
* خاص صفحة الأحمر الوهاج
* أيها
* تفقد الحياة طعمها حين يكون شعارها
* عيش نملة تأكل سكر
* نمله ليه ؟
* ماسمعتو الشاعر لما قال
* لاتسقنى كأس الحياة بذلةٍ
* بل إسقنى بالعز كأس الحنظل
* كأس الحياة بذلة كجهنم
* وجهنمٌ بالعزِ أفضل منزلِ
* تقول لى نمله
* أيها الناس
* والله العظيم إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* اليومين دى النسوان قايمات علينا
* قالن تلاتين الف جنيه يختها الراجل مصاريف لينا
* ويفطر سمك بى خمسين الف يا والينا
* ده غير لما يغشى يتسمم فى قندهار وأولاد أمدرمان يا والينا
* يرجع البيت يلقانا كأسرة خاتين سليقه وراجينا
* يتعذر ويقول ما عندو نفس يا والينا
* وشايل همنا وجارى لينا
* عشان ناكل نحنا وهو ما بحس بالجوع وشايل هماً لينا
* كشفن نومتنا ومكنتنا يا والينا
* رجعنا البيت قلنا سلام
* ولا ردن علينا
* حتى السليقه ما ختوها لينا
* مويه بارده مافى زول كب لينا
* دخلن مع شفعن وإعتصمن يا والينا
* بعد داك قامن سقننا وأكلننا وردن السلام علينا
* لكن أفتكر إعتصامن نجح يا والينا
* لأنو صحا الضمير الفينا
* خاص صفحة الأحمر الوهاج
سلك كهرباء
** ننساك كيف والكلب قال عيش نملة تظل نملة وتموت نمله ولو أكلت كنانه
كلها ؟؟!!
والي لقاء
سللللللللللك