• ×
السبت 31 يوليو 2021 | 07-30-2021
بابكر سلك

إحترامى للحرامى

بابكر سلك

 4  0  2400
بابكر سلك



* قرار مجلس المريخ بمنع الإعلام المريخى من مرافقة الفريق لمعسكر تركيا،مع إحترامى للمجلس

قرار غير موفق وذلك من عدة نواحٍ
* أولاً%3A لايفوتنا دور الإعلام الإيجابى فى إعداد الفريق نفسياً ومعنوياً وفى إعداد الجماهير لموسمٍ ننتظر

فيه من الجماهير الكثير
* وعندما أتحدث عن الدور الإيجابى للإعلام لا أقصد بالطبع الإعلام الذى ينشر المشكلات ويخلق من

حبتها قبه ويبحث عن مشاكل لا وجود لها أساساً من اجل الترويج والكسب من خلفها من شاكلة بكرى

ضرب فلان بونيه وبكرى سكه علان وشمس الفلاح قال والمدرب زعلان
* لآخر مرة عسكر فيها المريخ بأوروبا كانت سنة 89
* بعد هذا العمر لا أعتقد أن أوروبا تعرفنا
* فلولا مباراة البايرن ومن بعدها شالكه لأقسمت أوروبا أن فى هذا البلد لا تمارس كرة القدم
* الآن أتت فرصة أوروبا من خلال معسكر تركيا
* ومن العيب ان نذهب اليها كفريق حارة لقى حق التذاكر وفحط كما فعل إخوتنا الأهلة
* إنها فرصةٌ للتعريف عن أنفسنا
* وفرصة للإستثمار فى إسم المريخ الكبير لايحققها إلا الإعلام المرافق
* كنت أتوقع ان تضم البعثة قنوات فضائية وصحفاً وإذاعات مع الهدف بأن يكون دور الإعلام كبيراً

جداً فى فتح القنوات مع المنابر الإعلامية التركية وفى إرسال رسالة مصورة لشفوت الداخل يوميه عن

المهرجان
* كان بإمكان الإعلام المرافق أن يفتح آفاقاً رحبه مع نظيره التركى فى التعريف بالمريخ حاضره

ومستقبله وماضيه الذى هو قمة حلم بقية الأندية السودانية
*فالأتراك لم يعرفوا السودان إلا مرتين
* الأولى حينما غزاه محمد على باشا
* والتانية لما مشى الوفد الضخم مهنئاً بفشل الإنقلاب
* كانت فرصة كبيره ومكاسب يحققها الإعلام الممنوع من السفر بأمر المجلس
* أشطح ليكم أكتر ؟؟؟
* كنت أتوقع فى نهاية المعسكر أن يقام بواسطة الإعلام يوم ثقفى سودانى بحت نورى فيهو الأتراك

حاجه
* معارض وغناء وفنون شعبية
* ولكنها فره أضعناها ما داير أقول بقرار أرعن لأننى أحترم المجلس
* الرياضة سفاره
* ودى واحده من فرص فتح سفاره بواسطة الرياضة
* بعد ده لو فى شى ملحوق حقو نلحقوا
* المهم
* قنبلة كردنه بقت زى خبر وجود قنبله فى طيارة
* ينزلو الناس ويفتشوا الطيارة وتطلع القنبله إشاعه وتدور الطيارة وتطير
* خاص صفحة الأحمر الوهاج
* إنتهت التسجيلات
* وطلع الأهلة من مولدها بأبوسنه وتلتين سنه
* وردد كردنه عبارة فطومة الشهيرة
* شطّبنا
* الأهلة زعلانين من كردنة لكن ما قادرين يقولو شى
* لو حاربوا الراجل وإبتعد
* الإستاد ده إلا يقفلوهوا بالخيش
* بلحق المدينة الرياضية
* عشان كده صابرين على الراجل
* وعشان كده الراجل ما داير يشطب عشان ما يقولوا ليهو شطبنا
* مع العلم بأن البناء هين
* صعب التشطيب
* فطومة دى أختى وأنا بفهمها وبتفهمنى شديد
* فطومة لما تقول شطبنا
* قصدها اللاعبين
* الشغيل ومساوى وفداسى وفى الطريق بويا وكاريكا وبشه
* بعد بشه ما حاتكتب ليكم شطبنا
* حتكتب ليكم سجلنا وفشلنا وللتانية نزلنا
* وبعد داك تعود لمريخها عشقها الأول والأخير
* تنقل فؤادها زى ما دايره
* لكنها مقتنعة ما الحب إلا للحبيب الأول
* المهم
* زمان قلنا البقعد مع الوالى ما بقوم
* اسى البقعد مع كردنه يقوم بى طيارتو الجابتو
* بالطريقه دى مفروض نقعد سودانير مع كردنه عشان تقوم
* يمكن يرجع لينا خط هيثرو
* خاص صفحة الأحمر الوهاج
* يمكن جنيهنا يعود لى مكانو الخسرو
* لكن حكاية الجنيه دى ما ظنتيها
* لأنو الجنيه قاعد فى امانة الله مستور
* من كردنه جاتو القريشات فقدت قيمتها والجنيه لحق امات حبوبات طه
* هلالابى قال لى جدى فجأة إتعقل وبقى ما بقوم
* قلت ليهو قعدوا مع كردنه والله يقوم قومه
* يقوم بى طياره بعد ساعه
* البقعد مع كردنه بقوم بدون جواز
* وإتقومى
* أيها الناس
* إن تنصروا الله ينصركم ويوفر دواءكم ويسهل غداءكم وفى الشتاء ينعم غطاكم وتقر عويناتكم وفى

الصيف يشغل إسبليتاتكم وفريوناتكم ويرخس كهربتكم ويوفر موياتكم ويحميكم من البختها ليكم فى

حنانكم
* أها
* نجى لى شمارات والى الخرتوم
* أكان شفت يا والينا
* الليلة عندنا هديه
* قصيدة للشركات الوهمية
* والجهات الزايغة وهى المعنية
* قصيدة إحترامى للحرامى
* للشاعر الكبير والأمير
* عبدالرحمن بن سعد
* إحترامى للحرامى صاحب المجد العصامى
* صبر مع حنكه وحيظه
* إبتدى بسرقة بسيطة
* وبعدها اتعدى محيطه
* وصار فى الصف الأمامى
* إحترامى للحرامى
* خاص صفحة الأحمر الوهاج
* صاحب النفس العفيفه
* وصاحب اليد النظيفة
* جابها الثروة المخيفة
* من معاشه فى الوظيفة
* إحترامى للحرامى صار فى الصف الأمامى
* يولى تطبيق النظام
* أولوية وإهتمام
* ما بيقرب للحرام
* إلا فى جنح الظلام
* صار فى الصف الأمامى
* إحترامى للحرامى
* يسرق بى همة دؤوبة
* يكدح ويملى جيوبه
* يعرق ويرجى المثوبة
* ما يخاف من العقوبة
* صار فى الصف الأمامى
* إحترامى للحرامى
* إحترمى للنكوص عن قوانين ونصوص
* إحترامى للفساد وأكل أموال العباد
* والجشع والإزدياد
* والتحول فى البلاد
* من عمومى للخصوص
* إحترامى للحرامى
* خاص صفحة الأحمر الوهاج

سلك كهرباء

** ننساك كيف والكلب قال معقولة الأمير شاعر القصيدة دى ما عندو رقم وطنى معانا؟!!!
والي لقاء
سللللللللللك
امسح للحصول على الرابط
بواسطة : بابكر سلك
 4  0
التعليقات ( 4 )
الترتيب بـ
الأحدث
الأقدم
الملائم
  • #1
    الامين محمد نور 12-03-2016 10:0
    عبت او لمت مجلس المريخ لانو مفروض مايمنع الاعلام من مصاحبة الفريق لرفع المعنويات ونقل ايجابيات المعسكر وكنت تتوقع ان تضم البعثة قنوات فضائية و صحف واذاعات لنقل صورة لشفوت الداخل بعد فتح منابر مع قنوات فضائية تركية . كلام جميل بس ممكن تورينا مساهمتك كم يا شفت ؟ و اللا فصاحة بس .
  • #2
    كردنة 12-03-2016 12:0
    فطومة علي الأقل عندها رأي. الكلام ناس سلك الجارين ورا البص ومافي زول شغال بيهم. كردنة با حارقهم. كتب تكون مستغل وباجدو اتزكر القبر.
  • #3
    بكري عبده 12-02-2016 09:0
    هههههههههههه .. قال اعلام قال !! هو انت اعلام عشان يسوقوكم تركيا ؟ تركيا الفيها مهند ونور !!!!! اسه البتكتب فيهو ده اعلام !؟؟عامل راسك زي تنك الموتر .
  • #4
    ياسر الأمين ابراهيم 12-02-2016 08:0
    والله من ما قبلت علي الاساءه ،،،،،،، والحقد
    ما حتقوم ليك قايمه ابداً بالدارجي ،،،،، اي كلام
    والله المستعان
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019