• ×
الخميس 22 أبريل 2021 | 04-21-2021
بابكر سلك

شهر العيد

بابكر سلك

 7  0  1959
بابكر سلك

* دخلنا ديسمبر
* ديسمبر بالنسبة لينا ما ساهل
* طبعاً ناس محمد عبدالماجد قايلين نحنا بنحب ديسمبر عشان راس السنة
* إبداً يا خالد عزالدين
* بنحب ديسمبر يا روشا
* لأنه شهر العيد
* الشهر البجى فيهو عيدنا
* عيد مانديلا
* العيد البخلى أحلامكم جزء من ماضينا
* مانديلا الميزنا على الجميع
* إنجاز مانديلا الذى جعلنا فوق برانا والبقية بتشابهوا
* فيهم اربجى وتريعة البجا جبل اولياء وهلال زرقان وحى الوادى نيالا كلهم بتشابهوا
* زول فيهم كده عندو عيد زى عيدنا مافى
* لذا نحب ديسمبر حد الثمالة
* ونحتفل به بكل ثقالة
* ما بيهمنا منو البزعل بقدر ما بيهمنا الإحتفال بإنجازنا وإعجازنا الذى هو احلام غيرنا
* وعلى ذكرى مانديلا
* أمس إستمتعت بالبارسا والريال
* نعمل شنو عاد المريخ ما لاعب
* وقد كانت مباراةً جميلة
* وتذكرت فيها المريخ حينما مر نيمار على طريقة عيسى صباح الخير ولكنه اضاعها
* فعيسى حينما يمر بتلك الطريقة لا يضيعها
* ولكن فارق المهارة بين عيسى ونيمار هو ما دفع نيمار للتسديد برعونه
* بس برضو بارك الله فى نيمار الذكرنا عيسى البذكرنا مانديلا
* المهم
* نحن الآن نعمل بجدٍ فى المعسكر وننشد الإستقرار
* ولكن هنالك أمور لا تتحمل التأجيل
* الأمر الأول شكوى شيبوب
* حملت الأنباء أن لجماعه ديل طالبوا بمستندات إضافية
* وحددوا زمناً
* والزمن ماشى
* ليه ما قمنا بإرسال تلك المستندات المطلوبة؟؟
* هل أهملنا القضية ؟؟؟
* أم بعنا القضية ؟؟؟
* أم أساساً ما عندنا قضية؟؟؟
* وإذا ما عندنا قضية
* من الأول منسحبين ليه؟؟؟
* أم أننا نتخذ مواقف بإسم المريخ لتحقيق إستراتيجيات لا علاقة للمريخ بها ؟؟؟
* القصة لا تحتمل التسويف ولا الإهمال ولا المماطلة ولا المكابرة
* والجماهير المتمسكة بالقضية والمتابعة لها تراقب الموقف وتنتظر ردود منطقية مقنعة
* دى واحدة
* الثانية الإستثمار بتاع الشركة الصينية القطرية الحصل فيهو شنو وشنو ولييه !!!!
* دى الثانية
* التالتة الحصل شنو فى موضوع الوظائف التى أعلن عنها المجلس
* بتاعت المدير التنفيذى ولمعد النفسى والمدير المالى وكده
* الحصل فيها شنو؟
* ففى مثل موقف بتاع إرسال المستندات
* مفروض المكتب التنفيذى يكون رسلها فى يومها
* يا جيمى
* لن نكبر مالم يكبر المكتب التنفيذى
* وحتى لا تضيع المجهودات والأموال والآمال والطموحات والأحلام
* يجب الإهتمام بمثل هكذا أمر
* فالمريخ مؤسسة ضخمة سيدى الرئيس وأنت سيد العارفين
* المهم
* متأكدين إنو الهلال فى مصر؟؟
* مصر الواحدة دى
* مصر التى إرتبطت بشهر العسل والعلاج وتجارة الشنطة والرحلات النقابية
* مصر مصر
* لأنى شفت لى صورة فى الواتس فيها ناس الهلال
* المحل ما مصر غايتو
* وما عارفين نسأل منو
* تفتكروا نسأل الرئيس
* ولا رئيسة الرئيس على حد تعبير الجماعة القاعدين خلف الكى بوردات؟؟؟
* أيها الناس
* إن تنصروا الله ينصركم ويوفر دواكم ويجيب ليكم عقود عمل وإقامات لى أولادكم
* أها
* نجى لى شمارات والى الخرتوم
* والينا سؤال فارض نفسو علينا
* البندول داخل التأمين يا والينا
* ولا نشوف دلقان نربط ريسيننا !!!!!

سلك كهرباء

** ننساك كيف والكلب قال وجع الراس مرض مبروك على الأقل يثبت انك لسه عندك راس ؟

والي لقاء

سلك
امسح للحصول على الرابط
بواسطة : بابكر سلك
 7  0
التعليقات ( 7 )
الترتيب بـ
الأحدث
الأقدم
الملائم
  • #1
    جون سينا 12-05-2016 02:0
    الزول بعد يخرف ويخترف كعب- يا حاج تنقو يا عجوز- إحترم سنك وإنت زول بلغت من الكبر عتيا شايف نفسك فى التلاتينات ولا شنو- قلنا ليك الهبالة والعوارة للزول الكبير ما كويسة- ماتبقى مضحكة للقراء- وخاصة إنت زول عجوز وكبير. ملك الهبالة والعوارة- الخرف المبكر جاك يا جدو تنقو.
  • #3
    الامين محمد نور 12-05-2016 09:0
    ( فالمريخ مؤسسة ضخمة سيدي الرئيس وانت سيد العارفين ؟) .(يا جيمي . لم نكبر ما لم يكبر المكتب التنفيذي ) . شوف بالله الدهنسة و الانبراشة و الخضوع . الدهنسة ايضا مرتبطة بمصر مع شهر العسل وتجارة الشنطة و.....و يقول الكاتب ( تفتكروا نسال الرئيس واللا رئيسة الرئيس ؟) .طيب . جيمي برضو عندو رئيس اللي هو مرشدكم . طبعا كلام زي دا ما بتقدر تقولوا .عشان اكل العيش و كدا . استحي يا حاقد .
  • #4
    ابو لين 12-05-2016 09:0
    الي الان استغرب كيف انت اصبحت كاتب وذلك لانك بالجد لا تفهم شي وتدعو في كتاباتك الي العصبية والكراهية وتدعو الي اثارة الفتن واسال الله ان يعافيك من هذه الاشياء ويشفيك منها . وان يحفظ بلادنا من امثالكم .
  • #6
    بكرى النيلين 12-05-2016 08:0
    اصحى يا بريش.....
    .الهلال عسكر بانطاليا 2007 وانت يا دوبك مشيت تعسكر فيها بعد 9 سنه...
    ومصر دى قبلى كده عسكرتيو فيها مرات ومرات وياما قلتو وياما قلتو...هسى بقيت علاج وشنط وترفيه...
    الله يشفيك من مرض الهلال يارب ويريحك من الهضربه بالهلال....
  • #7
    بكري عبده 12-05-2016 03:0
    هههههههههههه ، اول مره اشوف لى دلقان دار يفتش دلقان عشان يربط راسو .. هو وينو الراس ذاتو !؟ مُش الزي الكوريك المكفى ده ؟
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019