((())) والله ما وقتها ايها الاباب :

وما عارفين نقول شنو

نقول حلو نقول جميل

ما هو الجمال مكملو

كاس الممتاز ختوا بجاي

وكاس السودان بختوا جاي

وبصراحه نحن ما فاضيين للاحزان والنكد والزعل

ولا اظن انو في زول فاضي يقرأ من يكتبه صاحب الاجراس عن صقر قريش و كفارها الملاعين

او ما يكتبه خالد اماسا عن اخطاء الكاردينال وعثراته وهل الجوهره دين علي الهلال

او ما كان من حديث لرئيس هلالي سابق يستكثر القاء التحية علي جماهير الهلال والتي كانت تحبه وفي يوم من الايام

بل ويتجرأ لمغازلة لاعب الهلال لكي يستميله للمريخ او الاهلي شندي

وبصراحه لم تحرك كل تلك الخزعبلات جماهير الهلال ولم تحرك جفن الرئيس الشعبي

بل المفاجأة ان الرئيس مد يده للجميع وللمرة العشرين كما قال

واصلا نحن مالنا ومال قصة ابو عمر و ما قاله صديقه عبد العليم في صقر قريش

وما قاله عبد العليم لصديقه ابو عمر وكلام فارغ غير مفهوم وغير مفيد

وكأني استمع لمقولة عادل إمام الشهيرة :

«رب قوم ذهبوا إلي قوم، فلما القوم الأولانيين ذهبوا إلي القوم التانيين..

مالقوهومش.. خدوا تاكس ورجعوا تاني!»،

كلام خارم بارم لا يتناسب والحراك الكبير في الهلال

فالوقت ليس الوقت والزمان ليس الزمان والمكان ليس المكان

والناس فرحانه ومسلطنه ولا مكان للاتراح وشقي الحال وخاصه بعد رفع الاسعار والزهج الحاصل

ويكفي ردا علي هذه الخزعبلات مطالبة الجماهير وبالصوت العالي ( ما دايرين انتخابات ) وده ناديها وهي حرة فيهو

انها كتابات ولقاءات كل الهدف منها الهجوم علي رئيس الهلال

وبعدين ياريت ديلا يكونوا مستعدين لاكمال الجوهرة الزرقاء اذا الزول ده في اي وقت قال انا حارفع يدي

والا هي فصاحه علي الفاضي وحق رصيد واكلة سمك

وكلام مجالس وبعدين ( تفك البيرك وتسيب الهلال غرقان في ديونه ) وكما حدث من قبل

واول طياره ويا فكييك علي بره البلد


((())) السلام عليكم اسياد البلد :

لم يقصد الرئيس انه نادم لفراق بكري المدينه

ولا اظنه يقصد ذلك لان المذكور لم يسجل سوي اهداف قليله جدا

ولم يصنع فارقا في المريخ بل كان خصما عليه وفريقه يخسر النقاط ويتمرمغ في الهزائم

ويخسر الدوري ويخسر الكاس

ولكن كردنه يقصد الخداع ونقض العهد

وهذا ما فتح الباب بمصرعيه امام عمليات الانتقامات الكارديناليه

وبصراحه لقد فتح المريخ علي نفسه باب جهنم

فالكاردينال قالها بوضوح شديد

والبادي اظلم

ولو دقستوا شويه يا ويلكم

ويا سواد ليلكم

و الهلال لم يكن البادي

وعلي المريخ التحمل

وانه لن يتوقف او يتواني في تسجيل اي لاعب مميز بالمريخ

و اكد انه تلقى اتصالا من صديق مريخابي طالبه بايقاف حربه ضد المريخ و عدم تسجيله لاعبيه

وبصراحه المريخ اصبح في خطر شديد

وما تستبعد ان يغالبهم النوم

ويمّه النوم أبا وجافاني!!!

وأصبحت داجّي ساهر

وين حتى الطيف رحل خلاني

ما طيّب لي خاطر

وخوفي ان يستعينوا بالمناظير الليليه لمراقبة من تبقي من لاعبيهم

وقد بدأ النادي ضعيفا وقد ضم في جنباته لاعبون عاديون

وقد قالوا عنهم ما قالوا ولكنهم بموازين بطولات افريقيا لاعبون مغمورون

وقد خلت قوائمهم من العناصر الشبابيه

واكتظت بكبار السن ظنا منهم ان الخبرة وحدها تكفي

وبعكس الهلال الذي امن الفريق بحراسة مميزه ودفاعات قويه وهجوم قد تكتمل اركانه في قادم الايام وباسماء ارعبت الكثيرين وفي وجود كاريكا وشيبولا وبشه ونزار وساماتا ومن هو اخطر من ساماتا

ولا مقارنه ما بين هلال ٢٠١٧ ومريخ ٢٠١٧

واليكم الشروط الجديده للاعب المريخ :

** ان يكون طاعنا في السن

** ان يكون حاملا لشهادة ميلاد اصليه وليست تسنين

** ان يكون دفعة هيثم مصطفي وفيصل العجب

** ان لا يطالب مستحقاته المتراكمه من الاداره

** ان لا يقترب من نادي الهلال او شركة الكاردينال

** ان لا يشتري اي كاسكيته من السوق

هذا وقد أوضح الأستاذ مزمل أن ناديه وضع شروطا محددة يجب توافرها في اللاعب وهذه المعايير المعتمدة للمريخ الجديد ترتبط بالموهبة والانضباط والرغبة في خدمة النادي والسعي لوضعه على منصات التتويج


((())) نيران الكاردينال للهرابه :

*** سجلنا سلمون ويكفينا نعاين في ركبته المصابة ( وكل لحظه حنطل عليهو في الكنبه ونسأل عن ركبته ونحن حريين )

*** المريخ هو البادي والبادي اظلم ( ولازم يا مريخاب تحترموا سيد البلد )

*** ساماتا والاخطر من ساماتا جايين الهلال ( من هو الاخطر من ساماتا يا تري )

*** الاخبار الحلوه يوم الخميس ( ويا يوم بكره ما تسرع تخفف ليا نار وجدي )

*** رئاستي للهلال حتي ٢٠١٨ ( والجوهره هديه مني لجماهير الهلال )



محمد حسن شوربجي