((())) انا قاعد وما مستقيل :
انا قاعد وما مستقيل حتي ابني هلالا مشرفا
وهديتي هي اكاديمية نادي الهلال
والزلزال هو عدم مساهمة اقطاب الهلال ولا بقرش واحد ما عدا طه مليارين
والمعوقات هي اكيد من المريخاب في الحكومه وليه القندرانات ما شغاله في تعدين الذهب
وعدم مطابقة الاسمنت او الخشب او السيخ للمواصفات
رجل يبني مشروعا عملاقا للهلال بمفرده تريدونه ان يستقيل
من بمقدوره اكمال هذا المشروع العملاق
انهم يريدون القلعة اشبه بالمدينه الرياضيه
لا فليبق هذا الرجل وليذهب هؤلاء الي الجحيم
((())) قالوا انكم فضلتم هلال الكشافات عن الهلال الفريق :
قالوا ان ادارة الهلال قد فضلت هلال الكشافات عن الفريق الاول فكانت الكارثه
قلنا لا فالهلال هو متصدر الدوري وفي ٢٠١٥ كان قاب قوسين او ادني من المربع الذهبي
وقالوا ان الكاردينال زول شعر وثقافه واستثمار وما زول كوره
قلنا هل هناك لاعب كرة قدم رئيس نادي طبعا لا
قالوا مين ديل زولا بنضارات واصلع
وزولا لابس بنطلون جينز بنشوفه دائما في الكنغو وفي المطارات والفنادق
هؤلاء هم من يقودون الهلال في كل شيى والكاردينال غير موجود
وفي المريخ قالوا انهم عارفين عبد الصمد وهمد وابوجريشه شخصيات محترمه ترافق الفريق اينما ذهب
وفي الهلال ما عارفين مين هو رئيس الفرقه المهاب ذات الشخصيه القويه
هل هو ابو بنطلون جينز ام ابو نضاره وصلعه ؟
والواتساب قايم بالواجب
والهلال يدار بالواتساب فضاع الهلال كثيرا
والفريق يقوده هيثم مصطفي بكل مرارات الماضي
ومن وراءه بعض الصحفيين الرشيد وفاطمه
مدير الكرة لا وجود وان كان موجودا
اسماء غريبه وعجيبه سماهم الكاردينال شباب هم من اضاعوا الهلال
لا حل للهلال الا في قدامي لاعبيه
وكلها انتقادات قد تفيد الهلال في مقبل الايام
((())) عندنا فضلات كتيره للجماعه :
لماذا يحب المريخ فضلات الهلال ؟
انفرجت اسارير اهل المريخ حين اعلن عن شطب الهلال لثلاثه لاعبين
ومن خلي عادتو قلت سعادتو
ومشاطيب الهلال هم من يقودون المريخ الآن
وهم من جلبوا كاس سيكافا للمريخ
وهم من عبروا بالمريخ من التمهيدي بعد طول غياب
ناس عبد جابر وعلاء الدين وبكري والمعز وعمر بخيت
الآن عين المريخ علي مشاطيب الهلال الجدد
دايرين سيسيه الفاشل الذي لم يستفيد منه الهلال اطلاقا
ودايرين نيلسون الفاشل الذي لفظه الخرطوم الوطني يوما
ودايرين ابيكو الذي سجل الفوز علي الهلال واخرجه
وممكن كاريكا وممكن نزار وممكن بشه في الطريق
الكاردينال خلاص في يده القلم الاحمر يشطب من يريد
وقال انه بيشاور ناس قاقارين والدحيش
وكتاب المريخ تركوا فريقهم المهزوز ماليا واتجهوا نحو مشاطيب
والآن ربما تدور المفاوضات
في السودان الواحد يقول ليك ( انا ما بآكل الفضله )
فلا يرضي احد ان يآكل الفضله
الحكايه عيب شديد
ولكنهم اهل المريخ وحدهم من يهرولون وراء الفضلات الهلاليه
ويعشقونها معصوره عليها ليمونه
وهي عادة في غاية القبح فقط ليكيدوا اهل الهلال في صحفهم البايره
وللمزيد من البيع لتلك الصحف الصفراء
((())) الحمد لله المنتخب لم يهزم ثلاثه :
الحمد لله لم نهزم هذه المره بالثلاثيه المازديه المشهوره
في شوط المباراة الاول استغل لاعبو الكون دفوار ارتباك الدفاع وخاصة علي جعفر
ورغم الهزيمه فقد لعب المنتخب شوطا ثانيا رائعا
ونجح اكرم الهادي مباراة كبيره
ولعب نزار ولعب ابوعاقله ولعب اطهر
واخفق علي جعفر كالعاده
هذه المباراة اثبتت ان اللاعب السوداني ضعيف جدا امام اللاعبين الافارقه المحترفين
وكوت دفوار تمتلك ثلاثي هجوم خطير جدا
الامنيات ان يقدم المنتخب مباراة قويه في الخرطوم
ويتأهل المنتخب بعد تعادل الجابون وسيراليون اليوم
في الاخبار ان منتخب كوت دفوار سيصل بطائره خاصة قبل منتخبنا
يا اخي ما تركبوا معاهم شماعه
وعود لينا يا ليل الفرح داوي القليب اللي انجرح
((())) حكمه :
عود الثقاب يشتعل للحظه وينطفي للابد وهكذا هم التافهون والمتفلتون والغوغاء اصحاب الالفاظ البذيئه
((())) لا للسدود :
لا للسدود ولا للتفريط في ارض الجدود
محمد حسن شوربجي
هو فى الدنيا دى فى فضلات أكثر من هذا
ود الحاج