> نسوان كتااار حكمن في الدنيا دي
> غير يحكمن في الحكومات
> في بيوت البعض بحكمن وبتحكمن
> عشان كده الزول البخاف من مرتو بسميها الحكومه
> لن ينسي التاريخ بلقيس
> ولن ينسي انديرا غاندي
> ولن ينسي بناظير بوتو
> وبناظير الزناطير ماشه تمام عيني باااارده
> كليوباترا مصر والملكه فكتوريا سجلن حضورا مميزا علي صفحات التاريخ
> وملكة جانسي برضك ماقصرت
> التاريخ عرف نساء كتاااار قادن كيانات اممهن
> وطبعا بحصل ده بعد تلاشي الاسره الاميه لضعف في اب احمد
> ولما يكون اب احمد يا مشغول يا قاعد قرعوبه ساكت
> وكردنه ماعارف يا ربي مشغول ام الكسكته تحتها قرعوبه
> لانو بناظير الزناطير متمدده بقوه
> قريبا حانسمع ببناظير الخربت سوبا ورمت الكسكته ومرقت القرعوبه
> فريق الست اليومين دي بتمشدق بالفكه
> الفكه بتخلع الماشافها وكت شكاوي المدربين ملت فايلات الفيفا يا روشا
> ولما دعاوي مؤخر الصداق ونفقة المتعه ملت محاكم الفيفا
> والماشفتو قبل كده اكيد بخلعك
> يحدثنا روشا عن التسول
> وعن مكاتب الانقاذ
> وهم السباقون علي تلك الابواب من زمن المقصوره بتاعت 1992
> وبيان الجوع
> ومجلس عطا المنان لسه ميزانية دعمو لم تبارح كمبيوترات مكاتب الانقاذ يا روشا
> واسال قائدتكم بناظير الصادق
> اقصد فطومه بوتو
> اقصد فطومه اختي
> هي كبيرتكم وعارفه اكتر منكم
> لكن لي سؤال لفطومه
> الفرنساوي ده يا فطومه اخد حقو وسافر
> ولا برضك ماشي من باريس للفيفا ؟؟
> والتذكرة الرجعتو اهلو اديتوها ليهو بي اخوي واخوك ولا بعد تدخل جهات نافذه واخري دبلوماسيه ؟؟
> للعلم فقط
> وسنعود لنساء علي صفحات التاريخ
> المهم
> اكتب قبل مباراة الهلال والرابطه
> رابطة ناس ابو مرين
> ماقاعدين نهتم بتمارين الهلال
> لذا نكتب قبل المباراه
> لكن الاسبوع القادم لو ربنا احيانا
> سنكتب بعد مباراة الرهيب
> ايها الناس
> الشباب احبطنا شديد اول امس
> وعرفنا من الاخ طارق والاخ عصام طلب
> ان الاهتمام في المرحلة السابقه كان بالرديف
> وان فريق الشباب معظم لاعبيه وجدوهم بالكشف
> وان الفريق الذي شاهدناهوا اول امس
> ينقص سته اعمده اساسيه
> تلاته بسبب عدم اكتمال اجراءاتهم لدي الاتحاد
> وتلاته للاصابات المختلفه
> طارق المعتصم يعتذر للجمهور عن المستوي المتواضع الذي ادي به لاعبو الشباب
> ويعدهم بالافضل
> ويعد بتجديد التيم بما يليق بالزعيم في التكميليه
> ايها الناس
> كلنا في خندق واحد مع ادارة المراحل السنيه
> وكلنا خلف طلب وطارق وغيرهم
> فان اصابوا نجاحا نحن شركاء فيه ونشكرهم عليه لتصديهم للمسئوليه
> وان اصابوا فشلا لاقدر الله
> نقتسم معهم وزره
> ولهم اجر المحاوله وثواب دقة الصدر وتحمل التبعات
> ايها الناس
> ان تنصروا الله ينصركم
> اها نجي لي شمارات والي الخرتوم
> كان شفت يا والينا
> المويه زادوها لينا
> زادوها في الفواتير ما في المواسير يا والينا
> يبقي يا ماسورة الزادها لينا
> يا نحنا المواسير يا والينا
سلك كهربا

ننساك كيف والكلب لما يسمع قولة يا ماسوره بضحك علينا ويضحك فينا ويحك اضانو بي كراعو الورا ويرقد ينووووووووم
والي لقاء
سلك