اذاعة هوي السودان المحترمة
التي فرضت وجودها كواحدة من أفضل اذاعات الاف ام في البلاد ان لم تكن افضلها.
اذاعة حيدة شديد
اذاعة مهنية بدرجة رفيعة
الواحد منهم قبل يقعد خلف المايكرفونبقون قلع عباءة الانتماء ولبس ثوب المهنية الراقي
اذاعة لاتجامل ولاتداهن ولاتتطوطأ اطلاقااذاعة تحترم المستمع لذا تجد منه كل الاحترام.
المهم
امس في مداخلة لقرن شطه مع الاذاعه.ً..
في برنامج يقدمه الرائع محمد الخير
قرن شطه فتاهو وحتاهو
واستنكر مايتداوله الزناطيرعلي موقع التواصل الاجتماعي
قالوا قرن شطه بشتري للمريخ
طبعك الفيك بدربو ده مثل قديم
واذا ساءت افعال المرء ساءت ظنونه ده بيت شعر فيه حكمة
فمستو المريخ لايحتاج لشراء
وقيم المريخ لا تعرف الشراء
والتاريخ لم يسجل في صحيفة المريخ سقطة اتنين البقت بي قدرة قادر اطناشر
لذا الفي الزناطير مبدرين بيه طوالي
لانهم عرفوا كل ذلك ممارسة عبر التاريخ
ولكن ممارسة كتلك فهي عند المريخ شينه
والشينه منكورة
الشينة تشوف محل بمارسوها
عندنا منكورة ومادايرين نعرفها زاتو
المهم
قرن شطة قال المريخ مامحتاج يشتري
لانو افريقيا كلها تشهد ليهو بانو فريق مميز
وكل المحللين والقناة الناقلة والنقاد يتفقون.ان المريخ افضل الفرق في دوري الابطال
وقال المريخ لعب تلاته مباريات في دور المجموعات بمستوي واحد
وطيلة التسعين دقيقة.
ولما الناس شكو وتشككوا وقالوا القصه فيه منشطان
كان الرد عليهم بان الخمساشر لاعب البشاركوا في المباره ماممكن كلهم يكونوا منشطين
ودي ميزة تميز المريخ
وقال القصة ماكلها راجعه للمدرب
انما نوعية اللاعبين المميزين بالمريخ ليهم القدح المعلي
وقال المريخ ماغريب عليهو ماوصل اليه
وماصدفة
الحكاية فيها شغل
فالمريخ في٢٠١١ كان الاحق بالبطولة لدرجة ان الكاف كان جهز للنهائي باستاد المريخ
وفي٢٠٠٧ وصل النهائي
وفي٢٠٠٨ كان قريب من النهائي
وما وصل للمراحل دي بالصدفة
بل بجدارة واستحقاق
قرن شطه قرب يقول ماوصل للمراحل دي بضربات محل الحقنة
لكن احتراما للممبر الذي يتحدث من خلاله ما افصح عن ذلك
ايها الناس
سماح يا بيه
عبارة ماساهله
سماح ياهانم
يستخدمها المصريون للعفو والعافية
وخبر الشوم وارد
ولما يتناقلوا الحروم في مصر
ياهو الوصل الدنيا كلها
أيها الناس
لينا شهر قاعدين في دور الاربعة خالفين رجل في رجل
نحمد الله
وغيرنا لسه في الحسابات
وبقيف الحساب عند احتمال
لوسموحة غلب ومازمبي والتطواني درنو
قول مازمبي والتطواني مادرنو
التطواني اتغلب
خبر الشوم
ايها الناس
بالامس تم تدشين مشروع٢٨٧٠ من جديد
الشفوت مابتوصوا
والاستفاده من سلبيات المرحله الماضيه هي دوافع نجاح هذه المرحله
ويلا كلنا
اتبع الخطوات ورسل
قرشك البتحولوا بوديك المطار
وريحة المطار فاحت
ايها الناس
جاتكم صورة ريحة المطار في الواتس؟؟
احزروا التقليد
اصليه ماتركيب
في صنف احمر
وفي صنف اصفر
وفي صنف اخضر
وفي تري ان ون
ده الارضيه حمراء
ومخطط بالاصفر والاسود والاخضر
ده بتاع الفي آي بي
احجز من الليله
الكميه محدوده
اربعين مليون قارورة فقط
قدر الشفووت
روووشا
مابتشموها
تشمها قدحة
جربوهاولو ماعجبتكم
مرجوعة في مسماها
استاذتنا ميرفت بترجعها ليكم
وبتديكم حقها
قالت انا ستو
ستو وستوت يا ميرفت
واتوقع في البحث عن هدف
يكون الموضوع قريبا
هدف بكري الشلنا بيه الكاس
ايها الناس
علينا ان نشكر هوي السودان علي تفردها
علينا ان نستمع لهوي السودان فهو هوان
علينا ان نقارنها بازاعات التحيز التي اثبتت عدم المهنية مع ضربة البداية
علينا ان نتعامل معها في اي شئ
باعلاناتنا وابداعاتنا ومتابعاتنا
شكرا هوي السودان الرائعة
هوي السودان شعللت نار الزناطير
ايها الناس
ان تنصروا الله ينصركم
اها
نجي لشمارات والي الخرتوم
والينا
من قصة الجقر خلينا
من الخريف البفاجئكم طوالي خلينا
من كيلو الطماطم الوصل اربعين خلينا
الطماطم نزل ياوالينا
بقي اربعين بس ياخينا
من الضبان البجي قبل المطر خلينا
المدرسه ياوالينا
سمعنا كلام ماراق لينا
صحي المابدفع رسوم الامتحان الشهري مابمتحن ياوالينا
طبعا لما سمعنا ماصدقنا ياوالينا
لكن كي تقر عيني افتي لينا
سلك كهرباء
ننساك كيف والكلب لم يشوف الشفع ماشين المدرسه يبكي
والي اللقاء.
سلك
.وضربات جذاء فى اى مباره ليه...هسى مباره الوفاق دى لوجابو زول من الخلاء مابقول الحكم متحامل.
مبرووووك تاهلكم لدور الاربعه.لكن فريقكم معتمد على نفرين بكري وعلا الدين العلمناهم الكوره وشلتوهم بنفس اسلوب جمااال الحفاااار
قالت وكالة الأنباء الأسبانية ضمن استعراض مطول لها للمسابقات الأفريقية الجارية أن الهلال يصحب معه المريخ لإعادة صياغة الكرة السودانية في البطولات الأفريقية .. وذكرت أن الهلال الذي ظهر عدة مرات في نصف النهائي وربع النهائي بدوري أبطال أفريقيا يعود للمسابقة هذا الموسم ومعه جاره المريخ .. وأمام الفريق فرصة كبيرة للوصول إلى نصف النهائي وتسجيل انجاز كبير للسودان ..
وأشارت أيضاً إلى نصف نهائي 2011م وصعود الهلال ثانياً في مجموعته خلف اينمبا النيجيري في وجود الرجاء المغربي .. ونوهت إلى رغبة الفريق السوداني في تكرار نتائجه اللافتة
استحوا ياطيشاب.....معزومين وتتفاصحوا كمان
سمج