معقوله بس قروبات واتساب بالعشرات والمئات وحضور مخجل اين جمهور المريخ ياجماعه الحاصل شنو من مباراه لمباراه والعدد يقل
دا جمهور عايزين تدخلو بيهو البطوله الافريقيه ياناس صحصحو شويه
خلو خلافاتكم مع التسيير وعاينو للكيان
الالتراس ماتمين ٢٠٠شخص
الناس دي ماتنضم للالتراس وتشجع معاهم
قروبات تنضم سااااااكت وقاعده تحلل فنيا
لادايرين يدخلو المباريات وعاملين فيها مدربين قروبات
الناس نست دور الجمهور ودور التشجيع بالله ياجمهورنا العزيز شوفو جمهور الاتحاد السعودي جمهور اقل حضور في كل المباريات اكتر من عشره الف متفرج
والدنيا لسه في اول الموسم حضور مخجل
هو الناس دي قايله اللاعبين ديل بيقرو الواتس اب ولاشنو اللاعبين ديل دايرين حناجركم
لو كل قروب مشو منو خمسين شخص شوفو المدرجات حتكون شكلها كيف
معقوله بس عايزين ترجعونا نقطه الصفر
وتخلونا ذي ناس شلعوها الكرادنه
العاشق والمحب للكيان
المدرجات تناديكم خلو تنظير الواتساب وادعمو الكيان
مساهمتنا في القروبات قلت وفي المدرجات حضور مخجل
ادونا اعزاركم عشان الناس تتناقش
كل الناس محللين في الواتساب ماخلو ليهم زول ماجابو سيرتو فضل بتاع تجميع الكور ومسؤول المعدات
الناس نست دورها
وخلت المدرج يعاني وخلت المدرج خلا
اول مباريات عزرنا الناس قلنا الجو بارد
اسه الجو مالو عيبوه لينا
صوتك بدل توصلو في الواتساب ومافي زول بيقراهو غيرك وصلو لي المدرج
خلو اللاعبين ديل يسمعوكم
معقوله تجتمع علينا الاتنين
هبوط مستوي اللاعبين
وهبوط مستوي الجماهير
انا اصلا قلبي موجعني من كترت المسميات
خلونا في مسمى واحد شفوت المريخ ولا اسود المريخ
ارجعو للمدرج وخلونا نعيد الماضي
تدخل اي قروب تلاقي الكل بوزن مورينهو
ويمسك ليك الفريق من الدفاع للهجوم
لو سالتو مامشي مالو ماتلاقي اجابه
هووووي ياشفوت الشغله بعد دا دخلت اللحم الحي
والمستوى ماشي لي تراجع
حنجرتنا وحضورنا للمدرج هو الدي سيعيد المستوي
مانبقي زي ناس شلعوها الكرادنه
الزعيم يناديكم
والمدرج يناديكم
عودو للمدرج عشان يعود الاداء
عودو كما عهدناكم
مادايرين لي فرقه في المدرجات
بدل تكتب اطلع شجع
لو كلنا بقينا مدربين من كتابنا للمشجعين
المدرج دا مابيضربو الهواء ويملاهو الغبار
يعني ماشين بسياسه غارزيتو جادعين الممتاز وعينكم علي الابطال
لكن كدى مادي العوجه زاتها
ارجعو لمدرجكم يرحمكم الله
والتحليل دا خلوه لناس قناه النيلين
لو دايرين تبقو مدربين خلاص تعالو الاستاد لابسين بدل وختو التشكيله من المدرج
لكن في الواتساب دي ماشبهنا
دي شغله ناس شلعوها الكرادنه
والله البنعرفو المشجع مشجع والاداري اداري والكاتب كاتب وشغله المحلل دي لو كل الناس اشتغلتها ناس الساده وخالد احمد المصطفي مابلاقو ليهم شغله
كمان الزحمه تبقي في وظيفه واحده
المغتربين معزورين لعدم الحضور
شفوت الداخل وينكم
ومشرفي القروبات ذي مانديتو للدعم المالي نادو للحضور للمباريات
عايزين مستوي واداء تعالو نشجع
لكن كمان لو خلينا التشجيع الاداء يجي من وين
ماتخلو اللاعبين ديل نفسهم تنسده
تعال للمدرج ومعك اخرون
عندنا استاد طابقين يعني استاد يطمن
عايز الحضور عشان اللوحه تكتمل
تحليل القروبات دا مابيودي لقدام
ومابياكل عيش
والحضور الضعيف دا للناس التحت وناس الوصيف
ختاما
اتحدو يرحمكم الله
ونحن علي المدرج ونتفرج لكن ماممكن نكون نفرين تلاته في المدرج المدرج دا داير الناس الناس مالا مابياهو ارجعوا الي مدرجكم يرحمكم الله وخلو شغلانيه التحليل الفني والتنظير للناس البتشبهم
ناس شلعوها الكرادنه
اسه لو المدرج مليان شغله الكمامات ماكانت ظهرت
تريد ان تعرف سبب هجران المشجعين للمدرجات وعزوفهم عن مشاهدة فريقكم الاحق امات طه ؟
السبب واضح يشجعوا شنو ويتفرجوا فى منو فى على جعفر ولا عمربخيت ولا علاءالدين شلاليت ولا فى عنكبة كورة بين الخشبات و15 فى الكشافات يتفرجوا فى منو هو على جعفر خلى ليهم نفس يتفرجوا بيها وعليك الله الواحد يدفع ليه مليم وخسران مواصلات ومدافرة وضياع وقت يجى عشان يتفرج فى على جعفر وعمر بخيت 00000