والله ماعارف الزمن قصر ولااتغير ولا الحاصل شنو زمان عالم الرياضه من شده الزمن بيكفي ويزيد يتموه بفقرات تلي ماااتش
اسه المزيع يقابض في الزمن مقابضه معقول لايوجد معد برنامج يوزع زمن البرنامج علي عدد فقراتو وفواصلو
الشغله مادايره درس عصر عارف عدد فقراتك ادي كل فقره زمن معين ولو حسيت الزمن مابكفي خلاص اشتغل بفقه كل اسبوع طلع فقرتين يعني الفقرات تكون متعاقبه كل اسبوعين بي كده تضمن الانصاف للفقرات
لو الحل مانفع ممكن تشتغل بفهم تسجيل الفقرات كالفقره التحليليه الفنيه يعني ماضروري محمد عطا يطلع مباشر يعني يسجل فقرتو الاسبوعيه عقب انتهاء المباريات بي كده تقدر تعمل كنترول علي التسجيل وتتحكم في زمنو بدل تتوقف في التحليل كل مره بسبب المخرج او فني الفيديو
الموضوع بسيط ياناس
عالم الرياضه في الاذاعه يوميا ماشفناهم مجهجهين ونستمتع بالي اللقاء
الفهم شنو نقص كوادر قله خبره ولا في شغلانيه مقصوده وماتتناوله المجالس صحيح
شغله التلفزيون دي زي لاعب الكوره لومافيها موهبه ومابتعرف كوره جلطاتك تكون ظاهره وتكون كيشه من اول تمرين
ياخي برنامجكم ماخد احسن وقت وفي يوم مميز وبرعايه مميزه الناقصكم شنو بالله عليكم
البرنامج كان جاذب وحاليا طارد
يارضا صحصح شويه وخليك مواكب والشغل التقليدي دا ماينفع في قناه مشاهده فضائيه
حتي الاستديو زااااتو الوانو ماياها تكون مقصوده ماتمشي بعيد مقصوده بالوان سوداني وخليك سوداني
شغلكم دا لو كان يبث ارضي ولامحلي كنا نقول معليش
لكن فضائي وتلفزيون دوله رسمي
ياجماعه الخير الاختشو ماتو ارحمو التلفزيون حبه من التكرار والوجوه المكرره والمعديين المبتدئين
نجي لسوداني الراعيه للبرنامج
معقوله بس دعايتكم تقول محل تحويل رصيد ملصقين ليكم استيكر زي لصقه الضهر في لابتوب
معقوله شركه رائده في مجال التكنلوجيا ماقادره توفر دعايه اجمل من دي
ياخي اصرفو علي الاستديو وخلو شكلو جاذب البرنامج دا من ضمن خدماتكم
معقوله تسوقو منتجكم بلصقه ضهر والله لكن كلام
ياخي ختو بتاعين الكرتون بتاعين الدعايه خلوهم مجسمات في الاستديو بدل لصقه الضهر دي ياخي قدر مانشوفها نمسك ضهرنا
ويارضا فيصل سيحه زاتو ماعارف شايت وين يتلفت تقول سايق تاكسي ياخي وروه مكان كميرتو يعاين فيها وحركو المونتير بتاع التحليل جنب كمرتو الزول دا رقبتو حتتحلج ويفتش في اللقطات وخلو ناس سوداني يجيبو ليه لابتوب بدل الورق الكتير بتاع الحصص دا
وانتو زاتو قسمو الفقرات للرعايه عشان كل شركه راعيه تهتم بفقرتها بدل الجوطه دي
يعني فقره الامبراطور برعايه شركه كده
وفقره التحليه برعايه الشركه الفلانيه
وتشترطو علي الشركات الاهتمام من والي يعني حتي لبس مقدم الفقره يكون من ضمن بنود العقد
والاستديو زاتو تقول كشك بيع تلج
حاشرنو في ركن يكون مالاقين ليكم مكان
التلفزيون دا مش من الحيشان الثلاثه
ياناس التلفزيون ادو الخبز لخبازه وخلو المجاملات وتعيين الواسطات
احترمو جهاز الدوله لانو ناس الغربه بعاينو ليه قناتهم الرسميه وكل مغترب تلاقيه خاتي قنوات السودان بالترتيب اول القنوات في الدجتال ياخي احترمو تعب الناس دي في رص القنوات وماتحبطوهم بصوره رديئه وديكورات تجيب الطمام ياخي افتحو نفسنا حبه
غايتو زمان كان الدعايات ممله لكن اسه الدعايات اجمل من البرامج
محتوي فقير وضيوف مافي داعي احسن نسكت
ختاما
ارحمونا يرحمكم الله
ونحن علي المدرج ونتفرج والبتفوتو حاجه يقول يحضر الاعاده في التلفزيون لكن يجي يلاقي التلفزيون زاتو فايتهو اللقطه
عاد دا كلام فني التسجيل نشي يسجل مباراه تاني
ياربي كل فيديو وجهاز تسجيل في بلد ولاشنو ماياهم مكنتين في نفس المكان
اعمل تسجيل وابقي مارق
رجعو لينا التلفزيون بجهاز انعاش متمكن وخلو حاله الغثيان دي
حالتو دا تحليل لعالم الرياضه الباقي كيف
يا رضا قبل ان يصفر لك المشاهدون الحق نفسك والحق البرنامج انت عار السودانى ملول ولا يصبر على طعام واد
ديل بجيبوهم لينا من وين
شكرا لك بالنيابة عن الشعب الصابر وكتر الله من امثالك