((())) المريخ ليس بطلا ل ٢٠١٥

فكل بطولات ٢٠١٥ تم دفنها في ردهات القصر الجمهوري

وممنوع منعا باتا الحديث عن هذه البطولات التي كانوا يريدون تزويرها

وممنوع الاحتفالات والهجيج والنفخات الكدابه

وممنوع حتي القاء القصائد الممجده للبطولات المغشوشه

وممكن يمنعوا الدكتور المحترم عمر خالد من ان يقرأ قصيدته المعروفه :

العصر والتاريخ يشهدان والأرض والسماء يعرفان

المجد والمريخ توأمان

والنصر فوق صدره الفسيح

والفخر فوق هامت النجوم يستريح

والأمن مستتب والأمان

وأنت يا مريخ تصنع التاريخ

وممنوعه انصاف مدني او حرم النور من اغنية :

وبسجل اعجابي للتيم المريخابي

وجوبا مالك عليا

وانت زيك وين يا مريخ السعد

مريخنا زيك مين يا نجم السعد

يا صباح الخير يا العين ام رعد

غنت فيك ام زين قالت انت صباحا

انت يا المهيوب والخصوم جماحة

انت مونتنا والعزة شلت وشاحها

يا نجدة المحروم الفي العتامير وااحة

انت زيك وين يا مريخ السعد

مريخنا زيك وين يا نجم السعد

يا صباح الخير يا العين ام رعد

الله لي المريخ ياولد

وجوبا مالك عليا

وانت يا مريخنا يا نجم السعد

ويعني ما في دوري ولا كاس يعني ما في دوري وكاس

ولو سمحتوا رجعوا كاس فتحي خليل

وخسارة رحلة دنقلا والملايين التي صرفت هناك

بكري حسن صالح رغم انه كان في دنقلا الا انه كان زعلان لظلم سيد البلد

والراجل سلم المريخ كاس السودان وهو زعلان شديد

وعشان كده هو من امر بعدم التفكير في بطولة دوري او كاس

فالاتفاق الرئيسي ان يتم نسيان دوري وكاس ٢٠١٥

والاتفاق الرئيسي ان لا يتحدث احد عن بطولات ٢٠١٥

والاتفاق الرئيسي ان لا تفتح سيرة بطولات ٢٠١٥

والاتفاق الرئيسي انه لا بطل في ٢٠١٥

ولكن جات قضية الوك لتزيد الطين بله

وناس اسامه ما دايرين يجيبوها البر

ولا حل لها الا في لوزان كما قال قرن شطه

والشاكي ليس الهلال بل اتحاد جنوب السودان

والمحامين ممكن الكاردينال يتولاهم

نحن دايرين نطبق القانون وبس

مش قلتوا انتو والجكومي انكم ناس قانون

فلن ينجح المريخ حتي وان قام باستخراج رقم وطني وجواز لللاعب

ووالد اللاعب الآن في الخرطوم ومعاه كل مستندات جنوب السودان

يعني المريخ ومريخ كوستي مزورين الرقم الوطني والجواز

وما جزاء المزور في قوانين السودان

السنه دي الهلالاب حالفين يدفنوا كل بؤر الفساد الاحمر في مقابر احمد شرفي

وكل اشباه سمير فضل واسامه عطا المنان سيختفوا من الخارطه الرياضيه

ابو كسكيته راجل مرعب شديد

وفات ناس كاتومبي في سيطرته علي كل مرافق الرياضه

والمريخاب بقوا يتراجفوا لامن يشوفوا اي كسكيته في الشارع

والمريخاب بقوا يهضربوا لامن يتفرجوا فيلم كاوبوي

والهلال كذلك بقي مرعب

وحقوا الهلالاب يلبسوا كسكيتات في الشوارع

الغريب ان اللقيمات اتعدمت نهائيا في الاسواق

وهناك ازمة صاج شديده

واسامة داود قالوا حيقفل كل مصانع الدقيق وحيسيب البلد خلاص

الظاهر الامور حتولع من جديد

اختفت لقيمات ٢٠١٥ وظهرت لقيمات ٢٠١٦



((())) قال ايه مزمل خايف علي الكاردينال ؟؟؟؟؟

مزمل قال خايف علي الكاردينال والصرف الضخم علي الهلال

الكاردينال يا مزمل ما بيقتنع بطابق او حيطه ( طابق شاخور )

الراجل شغال في الدور الثاني والثالث

وياربي هل في رابع وخامس وسادس دور

انه يبني القلعة الزرقاء التي ستكون حديث الشرق والغرب

القلعة التي ستشرف السودان عالميا

القلعة التي ستجعل السودان دوله فيها كورة جد

القلعة التي سترفع رأسنا عاليا بعد ان نسخر من سوق القش والحفرة

القلعة التي ستزيل نهائيا كل رؤوس الفساد من الاتحاد الاحمر واعوانه

القلعة التي ستجعل الحفرة خرابة بالجد

طابق شاخور جزء منه اتهدي ووقع

عليكم الله يا ناس المريخ وانتوا ماشين جنب القلعه تصلوا علي النبي

وتقولوا ما شاء الله

وعين يا عنيه يا كافرة يا نصرانيه

ويا عين يا عنية .. يا كعبى يا ردية

يا كافره يا نصرانية .. عرضتك اللدية

اخرجى يا ما تخافى الله

وتب دبيتك بالله

النبى طلق ناقتو ولحق رفاقتو

بعد ما كانت كسيرى بقت جبيرى

أخرجى يابيضه زى الشحمه

وياسوده زى الفحمه أخرجى

قهرناهم بالقاهر والنبى الطاهر

بخرناك من عين عمتك بت جد أبوك

ومن عين العزبه البتقد العتبه

عين الراجل فيها مناجل

وعين المرة فيها الترة

وعين الفتاة تقد الواطة

وعين الصبى شرا غبى

عين الجار احر من النار

وعين المزاح أحر من السلاح

وعين الضيف احر من السيف

وعين العجوز القنفزوز

البتفك الريق فى طرف الفريق

اخرجى من القلعه الزرقاء ،

عين العجوز الكافوت اللافوت القاعدة غرب البيوت ،

عين من فكر وذكر فيها الفلفل الضكر ،

ويا عينى يا عينية يا كافرة يا نصرانية

يا مقطوعة الذرية

اخرجى خصمتك بي تقيه .. كان فيه وفي البقية ..

اخرجى أخرجى.........

اللهم احفظ القلعه الزرقاء من كل عين حمراء



((())) ﻭﺍﻟﻲ ﺍﻟﺨﺮﻃﻮﻡ ﻳﺒﻜﻲ ﻭﻳﻘﻮﻝ :

ﺍﻟﻠﻪ ﺑﺴﺄﻟﻨﺎ ﻋﻦ ﺍﻟﺠﻮﻋﻰ

ﺍﻋﺘﺒﺮ ﻭﺍﻟﻲ ﺍﻟﺨﺮﻃﻮﻡ ﺃﻥ ﺍﻻﻫﺘﻤﺎﻡ ﺑﺎﻟﺨﺪﻣﺎﺕ ﻳﻌﺪ ﻭﺍﺣﺪﺍً
ﻣﻦ ﺍﻷﻫﺪﺍﻑ ﺍﻷﺳﺎﺳﻴﺔ ﻟﺤﻜﻮﻣﺘﻪ ﻣﻌﺘﺒﺮﺍً ﻭﺟﻮﺩ 8 ﻣﻼﻳﻴﻦ ﻣﻮﺍﻃﻦ ﺑﻬﺎ
ﻳﺠﻌﻠﻬﺎ ﺫﺍﺕ ﺗﺄﺛﻴﺮ ﻓﻲ ﺭﺳﻢ ﻣﺴﺎﺭ ﺍﻟﺒﻼﺩ، ﻭﺃﻛﺪ ﺃﻫﻤﻴﺔ ﺍﻟﺪﻳﻦ ﻭﺍﻟﻌﺠﻴﻦ
ﻓﻲ ﺇﺷﺎﺭﺓ ﻟﻠﻤﺤﺎﻓﻈﺔ ﻋﻠﻰ ﺍﻟﺘﺪﻳﻦ ﺍﻟﻌﺎﻡ ﻭﺗﻘﺪﻳﻢ ﺍﻟﺨﺪﻣﺎﺕ ﺍﻟﻀﺮﻭﺭﻳﺔ،
ﻭﺍﻋﺘﺒﺮ ﺍﻟﻮﺍﻟﻲ ﺃﻥ ﺃﺟﻬﺰﺓ ﺍﻹﻋﻼﻡ ﺗﻤﺎﺭﺱ ﻗﺘﻼً ﻣﻌﻨﻮﻳﺎً ﻭﻣﻤﻨﻬﺠﺎً ﻟﻤﺸﺎﺭﻳﻊ
ﺍﻻﻧﻘﺎﺫ ﺍﻟﺮﻭﺣﻴﺔ ﻭﺩﻋﺎ ﺍﻟﻰ ﺇﺣﻴﺎﺀ ﻗﻴﻢ ﺍﻟﺤﺮﻛﺔ ﺍﻹﺳﻼﻣﻴﺔ ﻭﺯﺍﺩ : ﺍﻹﻧﺸﺎﺩ
ﺍﻟﺬﻱ ﺳﻤﻌﺘﻪ ﺫﻛﺮﻧﻲ ﺑﺄﻳﺎﻡ ﺍﻹﻧﻘﺎﺫ ﺍﻷﻭﻟﻲ ﻋﻨﺪﻣﺎ ﻛﺎﻧﺖ ﺍﻟﺪﻋﻮﻯ ﺣﻴﺔ
ﻭﻣﺘﻘﺪﺓ ﻭﺍﻟﻨﻔﻮﺱ ﻣﺘﻮﺣﺪﺓ، ﻭﻗﺎﻝ ﺍﻥ ﺗﻔﻘﺪ ﺍﻟﺠﺎﺭ ﺍﻟﺠﺎﺋﻊ ﻭﺍﻟﻤﺤﺘﺎﺝ ﺗﻤﺜﻞ
ﻗﻴﻢ ﺍﻻﺳﻼﻡ ﺩﺍﻋﻴﺎً ﺍﻟﻠﻪ ﺃﻥ ᥾ﻜﻮﻥ ﻗﺪﺭ ﺍﻟﻤﺴﺆﻭﻟﻴﺔ ﺍﻟﺘﻲ ﺗﺤﻤﻠﻬﺎ، ﻭﻗﺎﻝ :
ﻫﻢ ﻛﻞ ﻣﻮﺍﻃﻦ ﺑﺎﻟﺨﺮﻃﻮﻡ ﻭﻛﻞ ﻣﺮﻳﺾ ﻭﺫﻭ ﻣﺴﻐﺒﺔ ﻭﻣﻦ ﻻ ﻳﺠﺪ ﻗﻮﺕ
ﻳﻮﻣﻪ، ﻭﺑﻜﻰ ﻋﺒﺪ ﺍﻟﺮﺣﻴﻢ ﻟﺪﻯ ﻣﺨﺎﻃﺒﺘﻪ ﺍﻟﻤﺆﺗﻤﺮ ﺍﻟﺘﻨﺸﻴﻄﻲ ﻟﻠﺤﺮﻛﺔ
ﺍﻻﺳﻼﻣﻴﺔ ﻗﺎﺋﻼً : ﺍﻥ ﺍﻟﻠﻪ ﻳﻤﺘﺤﻨﻨﺎ ﺑﻬﺬﻩ ﺍﻟﺴﻠﻄﺔ ﻭﻋﻠﻴﻨﺎ ﺃﺩﺍﺀﻫﺎ ﺑﺤﻘﻬﺎ.

((())) تعليق :

يا حنين انت ايه التقوي دي كلها وايه الايمان ده كله

يا اخي الناس ما لاقيه انبوبة غاز وزهجانه شديد

وانتو ليكم الاستثمار وتطلبوا منا الاستغفار

هل يملك هذا الوالي قصورا وشركات واموال في البنوك

ام انه والي زاهد في الحياة ينام تحت شجرة في شارع النيل متوسدا حذائه كما لفاروق رضي الله عنه

اللهم اجعله صادقا في بكائه ولا تجعله كاذبا في دموعه



((())) من اشهر اقوال الإمام الشافعي رحمه الله :

يخاطبني السفيه بكل قبح .... فأكره أن أكون له مجيباً

يزيد سفاهة فأزيد حلمـاً .... كعودٍ زاده الإحراق طيباً

و قال أيضاً :

إذا نطق السفيه فلا تجبه .... فخير من إجابته السكوت

فإن كلمته فرجت عنـه .... وإن خليته كمداً يمـوت

وقال أيضاً :

إذا سبني نذلٌ تزايدت رفعةً .... وما العيب إلّا أن أكون مُساببه

ولو لم تكن نفسي عليّ عزيزةٌ .... لمكّنتها من كل نذل تحاربه

وقال ايضا :

يخاطبني السفيه بكل قبح .... فأكره أن أكون له مجيباً

يزيد سفاهة فأزيد حلماً .... كعود زاده الاحراق طيباً


محمد حسن شوربجي