• ×
الجمعة 29 مارس 2024 | 03-28-2024
شوربجي

كاس لقيمات محمولة جوا

شوربجي

 24  0  2786
شوربجي


((())) مبروك للمريخ كاس اللقيمات :

وبهذا الكاس المجانيه يدخل المريخ موسوعة غينس للارقام القياسيه

انه حدث خارق للعادة فعادة الكاسات صنعت لكي يتنافس عليها المتنافسون

ولا يمكن ان تمنح هباء" ودون تنافس بين الفرق

في دنقلا تكرر المشهد القبيح وتم منح المريخ كأسا دون منافس

ابتعاد الهلال بخس كثيرا هذه الكاس الباردة

ورغم ذلك سنراهم ينعقون علي الملأ بأتهام الهلال بعدم الوطنيه

وعدم مشاركته في وجود نائب رئيس الجمهوريه

وقد لوثوها بالكذب والتزوير والافتراء دون رحمة للوطنيه

كاس ( مسيخه )فقدت محتواها الحقيقي ويا ليتهم يستحون

وقد ارتفعت اصواتهم من دنقلا وكأنهم جابوا الديب من ديله

فما فائدة ان تقهقهوا وتهللوا وتكبروا وصوت الحق يتحرك في دواخلكم رافضا الظلم الذي وقع علي الامل

ما فائدة ان تدبجوا المقالات الجوفاء والمليئة بالنفاق لترضوا غرورا

ما فائدة ان تدافعوا عن ظلم انتم تعرفونه زورا وبهتانا

ما فائدة ان تغضبوا الله والرسول وترضوا الشيطان في سبيل احراز نصر وهمي علي الهلال

ما فائدة ان تحصلوا علي نقاط حرام بقلب الحقائق وفي قرارة انفسكم جرس الحقيقة يدق بقوة

ما فائده الاحتفال بهذه الكاس الذي حوله الاتحاد ( فطيسا ) بالسمكره

مشهد الفساد ظل حاضرا في كل مكان

في دنقلا الكيزان الحمراء كانت تلون المشهد

وقد تفرغ الكثير من الوزراء لخدمة المريخ

وحال الوطن تدعو الي الحزن

وفي الدمازين كان مشهد الفساد حاضرا

وما حديث رئيس اتحاد الدمازين حسين عيسي زايد وأتهامه لللجنة العليا لكاس السودان بالتصرف في المال العام

يعني في الدمازين سفو قروش الحفله

وراحت في ستين داهيه

والحمد الله ان الهلال لم يشارك تلك الكاس

والحمد لله انه كان بعيدا عن مسرح الجريمه

والظاهر قالوا لنفسهم فريق الشعب ما جاي نضرب القروش

ما اروع ان يحفظ الهلال نفسه من التلوث المالي في تلك النواحي

الآن اقاموا حفل جديد في دنقلا

والحمد ان الهلال لن يشارك حتي لو زعل نائب رئيس الجمهوريه

واذا كان رب البيت للدف ضارب فشيمة اهل البيت كلهم الرقص

ان ما يهم هذه العصابة ان يفوز المريخ بكاس

وياريت اتحاد اللقيمات ريح المريخ من عناء السفر وسلمه الكاس في القلعة الحمراء

في الدمازين لعبوا ضد منتخب الدمازين

وفي دنقلا سيلعبوا ضد اهلي شندي

ودون ادني احترام لمنتخب دنقلا او اهل دنقلا

و الدوله كلها تعمل للمريخ حتي يجمع ما بين الدوري والكاس

وياسبحان الله فلقد فضحهم الله وعلي لسان رئيس اتحاد القضارف

ولكنهم لا يريدون تعطيل فوز المريخ بالكاس الفطيس

انه ليس بكأس السودان

ولن يكون واتحاد المريخ ينظمه


((())) كلمة سر المتآمرين ( لقيمات ) :

كل المؤامرات التي حيكت ضد الهلال سرها اللقيمات

وكل الهزائم التي تلقاها الهلال من فرق ضعيفة سرها اللقيمات

وكل العراقيل التي يجابهها الهلال سرها اللقيمات

كل لاعبي الهلال الذين تم خطفهم كانوا بسبب اللقيمات

انتقال بكري المدينه وخداع الكاردينال كان سببه اللقيمات

التجاوز عن اخطاء بكري في ضربه للحكام سببه اللقيمات

تسجيل شمس الفلاح وتزوير الاسم لمازن كان سببه اللقيمات

فضيحة مساوي قيت وزامبيا سببها اللقيمات

كل الهزائم الثلاثيه للمنتخب اليتيم سببه اللقيمات

بصمة علاء الدين في الاتحاد سببها اللقيمات

مطلوب التحقيق في مكونات لقيمات الاتحاد

هل هي لقيمات مسحورة

مطلوب القبض عن الفكي الذي يمتلك الخلطة السريه لهذه اللقيمات

لقيمات تحرز انتصارات ورقيه للمريخ

لقيمات تحرز انتصارات كرويه للمريخ

لقيمات تجعل المريخ يفوز علي وفاق سطيف والترجي

لقيمات تجعل المريخ يفوز بكاس سيكافا

لقيمات تجعل المريخ يخطف لاعبي الهلال

لقيمات تجعل لاعبي المريخ (يتبولون) في مباني الاتحاد ولا احد يسألهم

لقيمات تجعل لاعبي المريخ يعتدون علي الحكام

لقيمات تجعل المريخ يتجاوز التمهيدي بسهولة ويسر

لقيمات تجعل المريخ بطلا دون ان يلعب مع الهلال

لقيمات تجعل المريخ يحصل علي ٥ نقاط باردة

انها لقيمات خارقة للعاده



محمد حسن شوربجي


امسح للحصول على الرابط
بواسطة : شوربجي
 24  0
التعليقات ( 24 )
الترتيب بـ
الأحدث
الأقدم
الملائم
  • #1
    11-02-2015 07:0
    كيف يمكن للهلال الخروج من قاع الصفر الدولي الذي بلغ عمقه ال 86 عام ؟؟؟ ربما بعد أن يطير النعام
  • #2
    11-02-2015 07:0
    كيف يمكن للهلال الخروج من قاع الصفر الدولي الذي بلغ عمقه ال 86 عام ؟؟؟ ربما بعد أن يطير النعام
  • #3
    Mustafa Ali 11-02-2015 01:0
    اللخو كل كوارث الهلال سببها اللقيمات الا ما قلت لينا دحين اللقيمات دي ماها سبب في الصفر العمره 86 سنة؟
  • #4
    Mustafa Ali 11-02-2015 01:0
    حديثك يعبر عن أنط تربية شوارع زي كردنة والبرير والله هانت ما كنت لارض لفريق مثل الهلال يتربع على رئاسته أمثال الكاردنال والادهى أن لغته الشوارعية أصبحت نبراس يهتدي به كتاب الهلال شئ لقيمات وشئ سندوتشات طعمية روح لقيمات تخنقك.
  • #5
    خالد الفاتح 11-02-2015 01:0
    كاس سيكافا-
    كاس السياحة اما كمبالا ببورتسودان
    كاس السودان
    كاس والي دنقلا
    وبعد ايام كاس الدوري الممتاز
    ده غير المستوي الباهر االدي قدمه الفريق في ابطال افريقيا
    5 كووس في عام واحد دقر ياعين -الصفر كاساتو صفر
    شفتا كيف ياللمبي ابورياله
  • #6
    نصرالله 11-02-2015 12:0
    هروب وخوف مرتين واحده في الدمازين وواحده في دنقلا اقولو عليكم شنو عاوزين احنسوكم عشان تلعبوا زمن المحاباه واخذ كاس الدوري بالدفرة خلاص ولا
       الرد على زائر
    • 6 - 1
      نصر فرحات 11-02-2015 01:0
      بالله ده مستوي صحفي الناس تقراء ليه ياناس كفر ووتر الناس بتمشي لي قدام ونحنا بامثال شوربجي بنرجع للوراء عموما اذا لفريق الهلال قضيه مايهرب من الميدان يلعب ويدافع عن قضيته لكن الانسحاب ده حيلة الجبناء والخوف يابتاع الليقيمات خليك ماسك فيها لمن تروح في خبر كان
  • #7
    عماد عثمان - جدة 11-02-2015 11:0
    الزول ده ذي الببغاء من ماالجاهل الكاردينال قال اللقيمات و هو يردد فيها
    يا أخي احترم سنك و هات من عندك شيئ جديد و مفيد بدل اللقيمات و بول الحصاحيصا ... الجهل مصيبة.
  • #8
    أيمن مشو 11-02-2015 11:0
    ياربى متزكر آخر ثلاثة أخدتها من المريخ فى آخر كاس ، ياناس قريعتى راحت
    شوربة ولا لقيمات ، هروب من الدمازين وهروب من دنقلا وهروب من الخرطوم هاك الخوف ده ، بلا قضية لا لمة ، كان تلعب معانا فى الميدان راس بي راس
    لاكين فعلاً الكاردينال طلع واعيى وإنسحب
    ( لقيمات تجعل لاعبي المريخ (يتبولون) في مباني الاتحاد ولا احد يسألهم )
    ياخي يبول فيك قرد
  • #10
    مريخابي حكيم 11-02-2015 11:0
    مستواك اقل من هؤلا المعلقين هنا ،، مستوي مشجع عادي وليس كاتب وصحفي يقود امه .. اسفي علي الصحافه الرياضيه التي صارت وكرا للابتذال والتعصب والانحطاط اللفظي والسقوط المهني .. هو ذات السقوط الذي اتي بالكاردينال ليكون رئيسا لفريق كبير كالهلال السوداني ،، دا زمن بئيس للاسف لانه اتي بالراسماليين والحزبيين علي راس ادارات الانديه العظيمه في الوطن المنكوب ..
    لهذا لاتستغربوا للفوضي العارمه التي تجتاح الرياضه في السودان
    الكاردينال في ظل رئاسته سيقود الهلال الي الهلاك ومنذ متي كان الانسحاب من الدوري عملا قانونيا ومسلكا للفرق المظلومه ..
    يحفظ التاريخ العديد من التهديدات من المريخ او الهلال لنفس الظروف الذي نعيشه الان كل فريق يبكي علي انحياز الاتحاد والحكام والصراخ والعويل وثورة الصحفيين السخفاء .. ولم يحدث ان انسحب فريق من الدوري وواصل فيه ولان الكاردينال مشجع متعصب وليس اداري حكيم حدث ما حدث وسيحدث ماهو اسوا والله المستعان
  • #11
    عماد عثمان - جدة 11-02-2015 11:0
    الزول ده ذي الببغاء من ماالجاهل الكاردينال قال اللقيمات و هو يردد فيها
    يا أخي احترم سنك و هات من عندك شيئ جديد و مفيد بدل اللقيمات و بول الحصاحيصا ... الجهل مصيبة.
  • #13
    محايد 11-02-2015 09:0
    انت واحد حاقد ليس إلا ، ولا تملك من المستوى ما يؤهلك لتكون كاتب.
    شفاك الله يا بتاع الشوربة.
  • #16
    santo 11-02-2015 08:0
    * فاز المريخ على الهلال 11 مرة بنتائج 1/صفر و 3/1 و 1/صفر و 1/صفر و 2/صفر و 1/صفر و 2/صفر و 3/1 إضافة لثلاث مرات بركلات الترجيح.

    * كسب الهلال 3 مباريات مرة واحدة بالفوز بنتيجة 2/1 إضافة إلى مباراتين بركلات الترجيح بعد انتهاء اللقائين بالتعادل السلبي.

    * سجل المريخ 15 هدفاً في مرمى الهلال وسجل الهلال 4 أهداف منها هدف عكسي لمدافع المريخ إدريس الجريف.

    * 13 من لاعبي المريخ هزوا شباك الهلال في مباريات الكاس وهم: النيجيري الراحل ايداهو وراجي عبدالعاطي (هدفان لكل منهما) وهدف لكل من عبدالسلام حميدة، جعفر محمد عباس، خالد احمد المصطفى، حمد الجريف، زيكو، أسامة بريش، فيصل العجب، كلتشي، محمد عثمان هنو، أحمد ضفر وأيمن سعيد.

    * أهداف الهلال الأربعة نال منها سادومبا هدفين وهدف لبكري المدينة وهدف عكسي أحرزه مدافع المريخ إدريس الجريف في مرماه.
    وبعد دا كلو الصفراب ممكن يتكلموا ...عجائب.
  • #17
    الأحمر النشوان 11-02-2015 08:0
    وإنتو ماقلتو منسحبين وما عندكم علاقة بالإتحاد .. والهلال سجل ستة لاعبين دفعة واحدة وهذا يدل على أن الهلال لم يكن مطمئنا للاعبيه السابقين حتى يدخل بهم نهاية الموسم يعني كلام النقر صاح الخوفة حاصلة . شايف فوز المريخ بالكأس حارقك شديد وكمان كأسين في ليلة واحدة .. إنسحاب الهلال لم يأت بأي نتيجة وذلك ظاهر في مقالات الصحفيين .. فالمنافسات مستمرة والأسبوع القادم التتويج بالممتاز في المناقل .. وعازمينك يا شوربة شاي باللقيمات بهذه المناسبة .. وأفراح المريخ مستمرة ... والحسرة الزرقاء مستمرة ..
  • #18
    سيد عابدون فضل 11-02-2015 07:0
    كاس جوبا لقيمات برضو وكل الكاسات المحمولة زلابية انت جيب خميرة مرة واحدة محمولة
  • #19
    على محمد على 11-02-2015 05:0
    لوكنت صحفي لتحولت الى سباك حتى لا اكون معك فى مهنه واحده وان كنت محسوب عليها ولاتشبهها من بعيد ولا من قريب ارجوك اترك هذه المساحه لمن هو احق منك القراء ملوا وكلوا من كتاباتك واخذت وقتهم المسلوب بالتفاهات .
  • #20
    Jo 11-02-2015 02:0
    هههههههههههههههه
    انه سر اللقيمات و الما عاجبوا يشرب من البحر
    وتاني ما اسمع لي زنطور يقول نحن اسياد البلد
    البلد سيدا واحد ومعروف
    إنه المريخ العظيم
    المريخ الذي جعلكم تولولون كالنساء الثكالى والأرامل
    أوصيكم بالبحث عن سر اللقيمات
    الصاج والزيت والفحم كردنة ما بتوصى
    هههههههههههههههه
  • #21
    بندق 11-02-2015 01:0
    الكاردينال الاهبل ده شكيناهو علي الله المسكن في كلمه اللقيمات دي وانت زاتك كما اهبل مابتمسك فيها كده
  • #22
    الدابروى 11-02-2015 01:0
    اللقيمات ناسو معروفين {لقاء الصفرداب× الذيل العطبراوى} اما نحنا اصحاب الجويات {الدمازين ودنقلا} سميناهم كاسات الهروب الكبير الجويه وعندنا {كاسات القارات الجويه} مع العلم كاس جوبا اترقه الى الاقليميات الكثيره
    بمناسبة تسمية الهروب اسأل ولدكم النقر ما بقصر بيفهمكم برواقه حكيم واحد منكم بيعرف دونيتكم كويس احسن من بتاع الاصلاحيه الداير يعلمكم الادب زى المثل العاجبو {رفسوحمار فى السوق}على قوله استلمكم من البرير شماشه
    ملحوظه .كل الالفاظ السوقيه دى الصفوه مابيعرفوها منقوله من رؤساءكم كخ كخ كخخخخخخخخخخخخخخخخخخخ
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019