> ده شنو الهببو المريخ في المناقل اول امس ده؟؟
> هل توجد بالمريخ مشكلات لدرجة تشكيل لجنة للاجتماع بالمدرب واللاعبين؟؟
> لماذا دعمت الدوله لجنة تسيير الهلال بالهبل بعد استقالة مجلس البرير ولم تقدم نفس الدوله في نفس المرحله الحرجه للمريخ؟؟
> هل دولتنا دي دولة خيار وفقوس؟؟
> ده شنو الهببو المريخ في المناقل ده؟؟
> ماذا يضير قدامى لاعبينا في تولي المدرب البلغاري للأمور الفنيه بالمراحل السنيه؟؟
> موش بستفيدوا منو برضو قدامى اللاعبين؟؟
> موش بطوروا انفسهم معرفياً منو؟؟
> موش ممكن يؤهل الكثير منهم؟؟
> ده شنو الهببو المريخ في المناقل ده؟؟
> الهلال زاغ من الممتاز ليه؟؟
> وهل يوجد سبب غير الهروب من لقاء المريخ؟؟
> وإذا كانت عندك قضيه في الممتاز كأس السودان دخلو شنو؟؟
> ولا عشان بلمك مع المريخ؟؟
> إذن هل يوجد سبب غير الهروب من اللقاء بالمريخ؟؟
> ده شنو الهببو المريخ في المناقل ده؟؟
> هل صدقتوا انو غارزيتو حرض اللاعبين على عدم اللعب عشان عندهم متأخرات؟؟
> وهل فعلاً جمال مشى وترك علينا حقوقاً لبعض اللاعبين؟؟
> ده شنو الهببو المريخ في المناقل ده؟؟
> يا لجنة التسيير
> هل حانعتمد في الموسم الجديد على مدافعين من شاكلة الباب البجيب الريح ده؟؟
> وهل عندكم لجنة تسجيلات قامت بالرصد وعارفه بتعمل في شنو؟؟
> وهل وفرتم الأموال لتنفيذ خطة الاحلال والابدال؟؟
> ده شنو الهببو المريخ في المناقل ده؟؟
> بعد ده هل سيعود الهلال للممتاز؟؟
> وهل اذا عاد بنضمن ناس يخطئ ولا يظلم ديل؟؟
> ولا الزوغان يا مان امان؟!
> ده شنو الهببو المريخ في المناقل ده؟؟
> لماذا يعمل البعض على ابعاد غارزيتو ويختلقون لذلك مشاكل؟
> وهل يضمن البعض ديل سلطات في عهد لجنة التسيير؟؟
> طيب بخرمجوا ليه؟؟
> ده شنو الهببو المريخ في المناقل ده؟؟
> هل هزيمة المناقل بتمسح الصفر الدولي؟؟
> متى يتخلص البعض من عقدة الصفر الدولي؟؟
> وهل ستنتهي عقدة الصفر الدولي؟؟
> ده شنو الهببو المريخ في المناقل ده؟؟
> قول الهلال رجع للممتاز
> هل سيقابله المريخ بدون اوكرا وعلاء وايمن وبكري وديديه؟؟
> طيب الرجعه ليه؟؟
> ده شنو الهببو المريخ في المناقل ده؟؟
> متى سيطبق القانون؟؟
> وهل نحتاج جوديه في ظل القانون؟؟
> وهل المنسحب جادي ما بقدم خطاب انسحاب؟؟
> وموش القانون قال ينزل لو قدم خطاب؟؟
> وقال اذا انسحب من تلاته مباريات بدون ما يقدم خطاب للاتحاد حق العقاب؟؟
> وموش قال حق العقاب فيهو خيارات الهبوط او ما يراه الاتحاد مناسباً؟؟
> يبقي وينها الازمه؟؟
> موش ممكن ما يراه مناسباً يفككم من لي عنق القانون وعمل الجوديه؟؟
> ده شنو الهببو المريخ في المناقل ده؟؟
> ما هي العلاقه بين اموال الهلال وسعر ابو قنفت في سوق ليبيا؟؟
> وهل سيسجل الهلال كل الناس الرصدهم؟؟
> طيب الهلال ده عندو كشف ولا بص راصد ليهو خمسة واربعين راكب اقصد لاعب؟؟؟
> والرصد لي شنو؟؟
> للأولى؟؟
> اسي الاولى دايره ليها رصد؟؟
> ده شنو الهببو المريخ في المناقل ده؟؟؟
> ما جاوبتوا لينا
> متى سينتهي مسلسل الصفر الدولي؟؟؟
> ده مسلسل مكسيكي ده؟؟
> مكسيكي دي موش بتجي مع كسكته؟؟
> ده شنو الهببو المريخ في المناقل ده؟؟
> جيتوا شفتوا المدرب البلغاري شغال؟؟
> طيب بتتكلموا ساكت ليه؟؟
> ده شنو البهبب فيهو المريخ ده؟؟
> ايها الناس
> موش عارفين انو ان تنصروا الله ينصركم؟؟
> طيب ما بتنصروهوا ليه؟؟
> اها
> نجي لي شمارات والي الخرتوم
> شفت يا والينا الحاله البقت علينا؟؟
> شفت كيف ابو القنفت بتباع بالملايين فينا؟؟
> دي شنو الاحداث دي يا والينا؟؟
> خبر الشوم يفكوها ليه لينا؟؟
> عشان تشغلنا يا والينا؟؟
> وقبلها ليه كتروا الاشاعات لينا؟؟
> وبعدها كمان جابت ليها ابو قنفت وضكر يا والينا؟؟
سلك كهربا
ننساك كيف وبنسأل: ده شنو الهببو المريخ في المناقل ده.. وده شنو الهببو ابو القنفت فينا
وإلى لقاء.
سلك