* ولأننا نعرف الهلال وإعلامه والكاردينال جيداً قلنا لكم إنهم سيلحسون التهديد وينسون المقاطعة وسيغضون الطرف عن الوعيد ..!
* لم نكن نرجم بالغيب، ولكن معرفتنا بالهلال و(انسحاباته الوهمية) جعلتنا نراهن على حضوره لمكاتب الاتحاد العام عصراً والهروب من مقابلة المريخ مساءاً؛ و(فعلاً حبل الصفر قصير) ..!
* تم تتويج الزعيم في دنقلا أمس بكأسين في ليلة واحدة، و(الهارب جاء لمكاتب الاتحاد بلا خجل، وحردانين ولا شنو الحصل)..؟
* ساهم الوصايفة في تطوير كرة القدم التي كانت بالأمس (غالب ومتعادل ومغلوب) لتصبح الآن (هارب ومنسحب ومضروب) ..!
* مجئ الوصايفة للاتحاد (الذي يخفي ورق جمعة في الدرج، وبقول الإيميل ما وصل من الجنوب) تأكيد على أن الانسحاب كان حجة للهروب ..!
* حارم وصلي مالك وهارب صفري حالك ..!
* من يتخذ قراراً يجب عليه دراسة ما يترتب عليه من خطوات وتحمل التبعات و(كردنة زول جعجعة وتهديدات خنفشارية وخطب قذافية) .!
* أهلي شندي فريق كبير بمواقفه؛ و(شكراً يا أرباب كنتوا قمة فعلاً وانتهيتوا من جماعة الانسحاب) ..!
* كانت القمة بالأمس (مريخ هلال)، والآن أصبحت الندية (زعيم أرسنال) ..!
* غداً ندخل (كهوف القرون الوسطى) ونرد على الحبيب مزمل أبو القاسم حول ما أثاره عن تاريخ آخر مباراة هزم فيها الهلال المريخ، فالأمر يحتاج لبحث كثيف في الارشيف ..!
* من الارشيف ابت تطلع من (الأزرق) طلع خازوق ..!
* سؤال لقادة الاتحاد العام : الهلال المنسحب والهابط قريباً بإذن الله (وفقاً لغيابه المتوقع عن ثلاث مباريات) كيف دخل موسم التسجيلات، فإذا كان مصير النادي معلقاً فمن باب أولى ألا يتم (توريط لاعب جديد) وإدخاله دائرة التعليق ..!
* المنطق يقول إن الهلال المنسحب و(غير المعترف بالاتحاد العام) لن يأتي لمكاتب الاتحاد للتسحيلات، ولكن طالما أن (الانسحاب هروب من الزعيم) فطبيعي أن يأتي الهلال للاتحاد غير مهتم بما سيجده من هوان وإذلال ..!
* حضور الهلال أمس لشطب وتسجيل اللاعبين اعتراف كامل بشرعية الاتحاد، ودفع الوصايفة لرسوم الإجراءات وملء الأرانيك يمثل دعماً للفساد ..!
* إذا كان الاتحاد (غير نزيه) كما قال كردنة، فالهلال بتعامله معه يؤكد على شرعيته ويدعم الفساد، و(سلملي على أدعياء إصلاح حال الكورة بالبلاد) .!
* لو امتلك مجلس إدارة الهلال ذرة من الكرامة فإنه لما طرق أبواب الاتحاد للشطب والتسجيل حتى لو كلفه ذلك القرار (الاحتفاظ بأندرزينهو وجوليام وسيدي بيه وكل كوكبة المواسير) ..!
* يا عماد : بصراحة شديدة بعد شتيمتكم للاتحاد العام جيتوا للناس ديل في مكاتبهم عشان تسجلوا عندهم، فعلاً زي ما بقول الأرباب طلعت عماد (الطيب جداً) ..!
* (أديكم الزيت) : بعد جيتوا الاتحاد، محمد سيد أحمد ممكن عادي جداً يديكم أورنيك (مليان زيت) .. تقولوا ليهو يا جكومي دايرين أرانيك نضيفة للتسجيلات ، يرد عليكم بسخرية يقول ليكم : (لو ما عجبكم أمشوا .. كل الأرانيك العندنا كنا لافين بيها لقيمات) ..!
* يا كردنة : كان تحفظوا كرامتكم وتمشوا تسجلوا لعيبتكم ديل في اي حتة أصلاً انتوا برا التنافس وزيكم وزي أي فريق حِله عشان كدا أحفظوا (زيت) وجوهكم وما في داعي تعرضوا ناس عماد للإهانة والذلة ..!
* طالما كردنة بقول : (اتحاد ناس مجدي شمس الدين فاسد ونحنا منسحبين) البجيبو شنو لناس الإتحاد المُزيتين ..!
* تصريحاتكم طلعت كلام فارغ و(شوية ضجة في الرادي)، وفعلاً يا أرباب : (الناس ديل ما قدر الكلام دا وكيسهم فاضي) ..!
* جيتكم يا كردنة لاتحاد (اللقيمات) أكدت حقيقة أنكم ناس بتقولوا أي كلام وفعلاً (هانت الزلابيا) ..
* غادر سيدي بيه كشوفات الهلال وظلت فضيحة تسجيله باقية، و(تجاوز الوصايفة عادي يكتلو الأخلاق والقانون ويمشوا في جنازة التشريع والمبادئ) ..!
* بمغادرته للكشوفات لن تموت قضية محترف الهلال سيدي بيه الذي حصل على (الجواز) قبل (الجنسية)، وستظل وصمة عار في جبين الاتحاد وسبة لمن يديرون شؤون الكرة بالبلاد ..!!
* في (الشردة) موج أزرق (هرب) ..!
نقش أخير
* (شردة) وبتزول ..!
اتحاد قلتو بتاع لقيمات وما معترفين بيهو جيتو تسجلو فيهو لى شنو
خوفكم من الزعيم يازناطير
قال منسحبين قال
الزﻻبية ما هانت..هانت الصحافة البتكتب فيها انت السجمان الرمدان..
هانت واهينت الصحافة الانت محسوب عليها..
هان المريخ واهين وانت تعتقد انك تدافع عنه بكﻻمك السمج هذا..
النسى قديمو تاه..وانت تائه..ده ما مجالك.
ارجع لى اهلك..اهل الغناء والرقص والدلوكة والحنة..
فﻻنة كشوها امبارح..وفﻻنة طلقوها..وولد فﻻنه طهروهو..
الليلة السماية بتاعة فﻻنة..والزار بتاع عﻻنة..
يخص هلى امثالك..كفر ووتر ﻻ تشبهك..
ارحمونا..
غايتو يومي بتشرطنى من الضحك عملت لى ورم فى ( الفشفاش)وبطريقتك دى بتكتل ليك زول يا بالضحك يا بالغيظ 0000ربنا يخليك لينا
الذين زوروووووا
ومن الذى اوصل المعلوم للجيب ومن الذى عناه السكرتير الزعلان والهلالالالال
سيظل عظيما وعصيا على أمثالك والتسجيل لا يعنى العدول عن الإنسحاب يافهم
هل تعلم لماذا إستقال الوالى ؟؟؟؟من كترة الطباليييييييين !!!!! ومن ناس ديل وااااااأسفاى
( القلم مابزيل بلم )
عشنا وشفنا الصحافة والصحفيين امثالك والاخرين
نسأل الله ان يريحنا منكم جميعا ويخلف لنا صحافة نستفد منها ولو القليل
( انشاء الله طريقة عمل الزلابية ياصحافة الزلابية )
اما بخصوص التسجيلات فلا انت ولا الاتحاد المريخى يستطيع ان يمنع الهلال من تسجيل اى لاعب فالاتحاد ليس ملك لك او لاسامة وانسحاب الهلال من الدورى ليس خوفاً كما تدعى انت وعرابك .انسحابنا كان من اجل نظافة الاتحاد من الفساد والمفسدين الذين دمروا الرياضة !!!!!!
يحدثوك عن الاخلاق !! وهم اخلاق رياضيه الحبه ما عندهم !!
فريق لا يحترم القانون لا يحترم !!
فريق يتزنق زنقه زنقه يهرب !! ما تسبتوا !! بطلو جرس !!
هل تظن بانك حينما فقدت فرصتك في مهنتك الاصلية و ذلك من خلال متابعة اخبار الحنانات و الدلاكات و فنانات نيجيريا لانهن عودهن قوى و اصبح لديهن بوديقارد ممكن يجيهك تمام، يمكن ان تشتهر و ذلك بالاساءة للهلال و لكن هيهات.