• ×
الأربعاء 4 أغسطس 2021 | 08-03-2021
شوربجي

لماذا هدأ كبسور ؟

شوربجي

 8  0  1037
شوربجي

((())) استعينوا بالحبش :

**** اديس عمرها ما غرقت رغم ان امطار اثيوبيا غزيره

**** فلماذا تغرق الخرطوم كل عام

**** تواضعوا قليلا واستعينوا بخبراء حبش فهم افهم مننا بمية مره

**** نحن فاشلون بامتياز في حل مشكلة درء سيول الامطار

**** وكل سنه نغرق في شبر مويه

**** واكتر شيئ مزعلني حال اهلي في الامطار والدمار

**** قال لي ساخرا اكتر الناس شايلين هم جلاليبهم انها تتوسخ في موية المطره

**** كلمات المسئولين الكثيره والمسيخه لو كانت شوالات فاضيه وخيم كانت تكون احسن

**** هل سيصدق المواطنين اكاذيب المسئولين انهم مستعدون لخريف هذا العام او اي عام آخر

**** ماذا لو تهدم جسر النهضه الاثيوبي وغرقت الخرطوم نهائيا

**** لم يجد المواطن واليا حقيقيا يحل مشكلة معاناة المواطنين مع الامطار

**** وذهب عبد الرحمن الخضر وجاء عبد الرحيم حسين والحال هو الحال

**** وما فائدة تعيين والي جديد والناس غرقانه

**** في بلاد تانيه تستقيل حكومات ان هي فشلت في حل مشاكل المواطنين

**** في السودان يكرم المقصرون بالمزيد من الاموال والترقيات

**** الغريب ان لدينا وزارة للرياضه وما عندنا رياضه

**** ولدينا وزارة للكهرباء وما عندنا كهرباء

**** ولدينا وزارة للمواصلات والمواصلات تعبانه

**** ولدينا وزارة للزراعة والتقاوي والاقطان فاسده

**** ولدينا وزارة للداخليه وما عندنا امن

**** ولدينا وزارة للاعلام وصورة السودان مشوهه

**** ولدينا وزارة للعمل والعطاله بمئات الالاف

**** ولدينا وزارة للدفاع واسرائيل تضربنا والدفاع بالنظر

**** ولدينا وزارة للتعليم والخريجين في الشوارع


((())) الهلال هو السودان :

صدقوني يا اخوانا الهلال هو سودان مصغر

عشان كده اهل الهلال هم من يعانون اكتر

والحكومه ما بتساعد الهلال

وكل الدعم هو للمريخ وجمال الوالي الكوز المعروف

والفرنسيين قالوها بدري فالهلال هو صاحب اكبر قاعده شعبيه في السودان

وكل يوم تعاني جماهير الهلال شظف العيش

ومعاناة مع قفة الخضار

ومعاناة مع الرغيف والبوش

ومعاناة مع قطوعات المويه والكهرباء

ولا بوفيه مفتوح ولا باسطه ولا كوكتيل

وفوق ده كله فريق الحكومه يخسر الدوري

و ٥ نقاط واستر يا ستار

وتهديد وشكاوي زي النار

وده كله عشان الهلال حيشيل الدوري والكاس وحيشرف الاقمار

ويظل المريخ هو المريخ

وصيف ونائب عبر التاريخ

كبسور وجرسه وبكي وصريخ


((()))) الحياة قاسيه في بلادي :

- يقول جبران خليل جبران يا ايها الذين حاروا فى سبيل الاديان المتشعبة وهاموا فى اودية الاعتقادات المتباينة فرأوا حرية الجحود اوفى من قيود التسليم ومسارح النكران اسلم من معاقل الاتباع اتخذوا الجمال دينا واتقوه ربا فهو الطاهر فى كمال المخلوقات انبذوا الذين مثلوا التدين لهوا والفوا بين طمعهم بالمال وشغفهم بحسن المآل وياايها الذين ضاعوا فى ليل التقولات وغرقوا فى لجج الاوهام ان فى الجمال حقيقة نافية الريب مانعة الشك ونورا باهرا يقيكم ظلمة البطل تأملوا يقظة الربيع ومجئ الصبح ان الجمال نصيب المتأملين .

لا اريد اخوتى ان ينطبق علينا قول الشاعر ايليا ابو الماضى : والذي نفسه بغير جمـــالٍ - لا يرى في الوجود شيئاً جميلا

بسمات اهلى الطيبين وكلماتهم الحنونه هو ما تبقي لنا - زيادات مهولة فى اسعار الخبز اليومى ورطل اللبن وربطة الجرير بل كل السلع الاساسية الذرة والسكر والصابون وزيوت الطعام وتذاكر البصات السفرية واللواري.

حقا لقد اكتسى الوطن قبحا فوق قبح واسواق بلادى ملؤها الفوضى وطرق بلادى قد ازدادت وعورة والعشرات يفترشون الارض ويلتحفون السماء

لقد فشلنا في حكم بلادنا

وجاز للآخرين ان يحكمونا

هى دعوة من القلب نطلقها حتى يكون الاصلاح الحقيقى جسرا نعبر به كل منغصات الحياة

وهى دعوة لكل مصاصى دماء الوطن ان اتقوا الله فى الغلابه

وهى دعوة لنبذ فقه التمكين الذي اكل الاخضر واليابس لأكثر من عشرين عاما وقد شرعوا له زورا بأسم فقه الضرورة

وهى دعوة لطلاق بائن بين كل الجمال وكل القبح الذى اكتسى الوجوه والانفس والثمرات

فأهلى جديرون بلقمة عيش تسد الرمق وبشربة ماء تذهب الظمأ وبحياة ملؤها الجمال

وأن الله جميل ويحب الجمال

((())) المريخ يهدي اللعب :

فبعد تهديدات مجدي للمريخ بالابعاد من البطولة الافريقيه - صمتت الاصوات التي كانت تهدد بالانسحاب

وتوقف كبسور عن تقديم الشكاوي

وناس ما تجي الا بالعين الحمراء


محمد حسن شوربجى
امسح للحصول على الرابط
بواسطة : شوربجي
 8  0
التعليقات ( 8 )
الترتيب بـ
الأحدث
الأقدم
الملائم
  • #1
    لبن الطير 09-17-2015 10:0
    لانقول كما قال كاتب المقل ( لقد فشلنا في حكم بلادنا

    وجاز للآخرين ان يحكمونا ) . بل نقول اعطوا فرصة للرجال الخلص . اعطوا فرصة للخبرات .والسودان للسودانيين
  • #2
    Jo 09-17-2015 11:0
    الراجل ده بكتب في الزمن الضايع.
    خطرفات من أمها!
    قال المريخ نسى أمر الشكاوي والانسحاب؟؟!!
  • #3
    ابو يوسف 09-17-2015 10:0
    غايتوو كتابتك على وزن الكحة و لا صمة الخشم ...تشبه الهليل فعلاً ..
  • #4
    roshdy55 09-17-2015 10:0
    اليوم مشاءالله سياسي ومعارض محنك وكمان أديب جبران خليل جبران وايليا ابو ماضي
    خليك في الحاجات دي بتعرف فيهاوسيب حاجة اسمها كورة ورياضة
    لكن برضو خرمجت شوية....................... المريخ الدخلو شنو في السياسة والمعارضة والادب ياخي قلنا ليك سيب المريخ واتفرغ لمواهبك التي لا تحصي ولا تعدمن شعر وادب وسياسة وافتاء وغيرها حاجات تغنيك كثيرا من الاسترزاق من الرياضة؟؟؟؟؟؟؟!!!!!!!!!
       الرد على زائر
    • 4 - 1
      نصرالله 09-17-2015 11:0
      ياخي اكرمتو موهبة شنو الكلام البقول فيهو ده ما حقو راسمو رسم وده كيسو فاضي
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019