فوز داخل الارض وفوز خارج الارض

((())) وشتان ما بين فوز وفوز :

فوز المريخ داخل الارض بطعم الخساره

وفوز الهلال خارج الارض بطعم التأهل

فوز المريخ داخل الارض بطعم الاستعانه بصديق

وفوز الهلال خارج الارض بطعم الجهد والعرق والاصرار

فوز المريخ داخل الارض بطعم الخوف والرجفه والاعتماد علي الجمهور

وفوز الهلال خارج الارض بطعم تحدي السحر والشعوذه واسكات جمهور الكنغو

فوز المريخ داخل الارض بطعم الحرمان من النوم والقلق ولابد من رادس

وفوز الهلال خارج الارض بطعم قوة الرسائل التي سيتلقاها كبار افريقيا

وكبك كمان هلالابي

وﺳﻴﺪ ﺍﻟﺪﻛﺎﻥ ﻫﻼﻻﺑﻲ

ﻫﻼﻻﺑﻲ ﺃﻧﺎ ﻫﻼﻻﺑﻲ ﻫﻼﻟﻲ ﺍﺫﺍ ﻧﺪﻫﻨﻲ ﺍﻗﻮﻡ ﻭﺑﺠﺮﻱ ﻋﻠﻰ ﺍﻟﻌﻠﻢ ﺣﺎﺑﻲ

ﻫﻼﻟﻲ ﺍﻟﺘﻴﻢ ﻫﻼﻟﻲ ﻋﻈﻴﻢ ﻫﻼﻟﻲ ﺍﻟﻤﺎﻟﻚ ﺍﻋﺠﺎﺑﻲ

ﻫﻼﻻﺑﻲ ﺍﻧﺘﻤﺎﺋﻲ ﻗﺪﻳﻢ ﺷﻌﺎﺭﻭ ﺑﺮﻩ ﻓﻲ ﺑﺎﺑﻲ ﻭﺟﺎﺭﻱ ﻛﻤﺎﻥ ﻫﻼﻻﺑﻲ

ﺳﻴﺪ ﺍﻟﺪﻛﺎﻥ ﻫﻼﻻﺑﻲ ﻭﺍﻱ ﺟﻤﻴﻞ ﻫﻼﻻﺑﻲ ﻛﺄﻧﻮ ﺍﻟﻨﻴﻞ ﻫﻼﻻﺑﻲ

ﻓﻲ ﻛﻢ ﻣﻠﻴﻮﻥ ﺳﻤﺎﻭﻱ ﺍﻟﻠﻮﻥ ﻳﺼﺮﺥ ﻳﻘﻮﻝ ﻫﻼﻻﺑﻲ ﻫﻼﻻﺑﻲ

ﻭ ﻫﻼﻻﺑﻲ ﻭﻟﺤﺪ ﻣﺎ ﺍﻣﻮﺕ ﻫﻼﻻﺑﻲ ﺑﺤﺒﻮ ﻭﻗﺖ ﻳﺮﻭﻗﻨﻲ ﻭﻭﻗﺖ ﻣﺎ ﻳﺘﻠﻒ ﺍﻋﺼﺎﺑﻲ

ﻋﺸﺎﻥ ﺟﺪﻱ ﺍﻟﻬﻼﻻﺑﻲ ﻋﺸﺎﻥ ﻭﻟﺪﻱ ﺍﻟﻬﻼﻻﺑﻲ ﻋﺸﺎﻥ ﺍﻟﻜﻞ ﻫﻼﻻﺑﻲ

ﻭﻭﺭﺩ ﺍﻟﻔﻞ ﻫﻼﻻﺑﻲ ﻭﻭﻳﻦ ﻣﺎ ﺍﺭﻭﺡ ﻫﻼﻟﻲ ﺍﻟﺮﻭﺡ ﻭﻻﺯﻡ ﺍﻛﻮﻥ ﻫﻼﻻﺑﻲ

ﻭﻟﻲ ﻣﺤﺒﻮﺏ ﻏﻠﺐ ﻣﻐﻠﻮﺏ ﻟﻴﻮ ﻣﺎ ﺑﺒﻘﺎ ﻣﺘﻐﺎﺑﻲ ﺍﻧﺎ ﻫﻼﻻﺑﻲ

ﻣﻮﺝ ﺍﺯﺭﻕ ﺃﺳﺪ ﻭﻛﺘﻴﺮﺓ ﺍﻟﻘﺎﺑﻲ ﻋﺪﺩﻧﺎ ﻛﺘﻴﺮ ﻫﻼﻻﺑﻲ ﻃﺒﻴﺐ

ﻭﻏﻔﻴﺮ ﻫﻼﻻﺑﻲ ﻭﻓﻲ ﺍﻻﺳﺘﺎﺫ ﻫﻼﻻﺑﻲ ﻭ ﺳﻴﺪ ﺍﻟﻐﺎﺯ ﻫﻼﻻﺑﻲ ﺍﻫﻮ

ﺍﻟﺠﻤﻬﻮﺭ ﻟﻤﺎ ﻳﺜﻮﺭ ﻳﺼﺮﺥ ﻳﻘﻮﻭﻭﻭﻝ ﻫﻼﻻﺑﻲ ﻫﻼﻟﻲ ﻫﻼﻝ ﻭﺭﺍﻫﻮ ﺭﺟﺎﻝ

ﻭﻓﻴﻬﻮ ﺑﻼﻗﻲ ﺍﺻﺤﺎﺑﻲ ﻳﻘﻴﻔﻮ ﻣﻌﺎﻩ ﻭﻳﻜﻮﻥ ﻭﺭﺍﻩ ﻭﺑﻴﻬﻢ ﻧﻮﺭﻭ ﻣﺎ ﺧﺎﺑﻲ

ﺳﻴﺪ ﺍﻟﺬﻭﻕ ﻫﻼﻻﺑﻲ ﻭﺩﺍﻳﻤﺎً ﻓﻮﻕ ﻫﻼﻻﺑﻲ ﻧﻘﻮﻟﻬﺎ ﺟﻤﻴﻊ ﻫﻼﻻﺑﻲ ﺣﻠﻮ

ﺍﻟﺘﺸﺠﻴﻊ ﻫﻼﻻﺑﻲ ﻫﻼﻟﻲ ﻋﻈﻴﻢ ﻫﻼﻟﻲ ﺍﻟﺘﻴﻢ ﺳﻌﻴﺪ ﺍﻟﺤﻆ ﻫﻼﻻﺑﻲ

* هلال الجمال كان هناك

* وهلال الجمال ابدع هناك

* وهلال الجمال امتع هناك

* والكوكي حيرنا بهلالين

* هلال في شوط وهلال في شوط

* ومره يدافع بتلاته ومره يهاجم باثنين

* ومره 2-4-4 ومره 4-3-3

* ومره بدون صانع العاب

* ويا روعة مكسيم

* وخلاص نزار ولدنا

* وكاريكا مزيكا

* وجربنا اطهر

* وجربنا جكسا

* وجربنا نيمار

* والهلال احلامه افريقيه

* والوصيف شوارعه شعبيه

* ومفتوحه علي بحري

* وخلونا فى هلال الجمال

* ونحن مالنا ومال الرشاوي والشغل البطال

* ومالنا ومال بلنتات الحرام

* ومالنا ومال الاعيب الحكام

انها حقا سوالف الكبار

وحياة الكبار

وروعة الكبار

وفن الكبار

وبين ليلة وضحاها فقد ينادى المنادى ان هلموا ايها الرائعون لعرش افريقيا

هلموا ايها الكبار الى مجد يعانق الآفاق

* هلموا الي اميرة سمراء

وهاهى صيحات الضعفاء وان افيضوا علينا من الماء

او مما رزقكم الله

ولسان حالهم يقول : ايها الهلاليون العين ما تعلى الحاجب

من اين لك بهذه القوه ايها الازرق الدفاق ؟

* فلولا البلنتي الذي كان لما انتصرنا

* ولولا الجلاكسى والايفونات لما فرحنا

* ولولا جمال الوالي لما كنا

* وفي رادس حنهزم الترجي بالعشره واتعلموا منا

قلنا ليهم شنو حكاية الجلاكسيات واللابتوبات البقت موضه اليومين ديل

الناس كلها دايره جلاكسيات ولابتوبات

* و الانتخابات كلها كانت جلاكسيات ولابتوبات

حتى ود اختى قال لى داير لابتوب عشان نجح وشرط يكون توشيبا

قلت ليهو تسجل قون سلفقه فى فريق الحله بجيب ليك لابتوب

* شرط تمثل علي الحكم وتقع في خط ١٨

وكده تضمن اللابتوب حتي تطلب الجلاكسي

* هلال الترجي يا مجدي وقع قبل ما بكري يقع

* وغمض عينك يا ابوشيبه وكأنك ما شفت حاجه

* وسيحه اكيد شاف البلنتي الكضاب لكنه سيغيب عن برنامج الرياضه

*ورضا اكيد سيعتذر لعدم حضور سيحه

* صناديق الانتخابات خلاص اتقفلت وانتصر المريخ بنسبة ٩٩،٩ ٪



(((()))) قالوا :

((())) قال لي صديقي :

الهلال وكأنه يطبق نظريه الملاكم الشهير محمد على كلاي والذي قال ( ارهق الخصم حتى يتعب والكمه بالضربه القاضيه )

((())) قال كبك :

قون مساوي نضيف

ومنه القيافه تقيف

ضربة جزاء المريخ : تشبه اغنيتي اشرط ليك هدومي واعمل فيها جافي

((())) قال المشجع المرخابي :

الله يجازي الكان السبب معقول نكون قلقانين وخايفين لاسبوعين وحتي لقاء الترجي القادم والذي سيكون صعبا جدا في ظل عودة نجوم الترجي الرهيبين بن شريفيه وغيره

((())) قال قطب الهلال ازهري الكنج :

ان نقل المباراة هي هديه لجماهير الهلال الوفيه

((())) قال سلك المريخ :

ان الترجي التونسي خايف شديد من بكري المدينه (ياراجل ) معقول







محمد حسن شوربجي