٦ عقد مريخيه تاريخيه

((())) عقدة الترجي ورادس :

خوف وهضربه من ملعب رادس والترجي

و امنيات عبد الصمد بعودة تراوري

وغارزيتو والف سيف ولا لعودة تراوري

والترجي في ملعبه خطير ونار حمراء ومولعه

ولتسعين دقيقه تهتف جماهيره الشرسه وتقول :

ياو في البياج شفتو الحقيقة

قوي الرونفور يالحكومة

ولاد العاصمة راهم صادمين

ما نخافو مالموت ينعمبوها

و الرجوع لربي العالمين

أأأأألي أأأأألي الهوليقنز أأألي

أأأأألي أأأألي الهوليقنز أأأألي

وبصراحة انا ما فمهت حاجة من هذه القصيده التونسيه لكنها بالجد مخيفه

واكيد الكثير من اخوانا المريخاب قد سمعوا بتلك الهتافات الترجيه المتواصله والمجلجله

وعلي طريقة عادل امام انا يطلعلي اسد انا بخاف من



((())) عقدة الهلال :

وبعد ان تفوق الازرق علي كل فرق افريقيا باحرازه انتصارا خارج الارض

انقلبت احوال اهل المريخ رأسا علي عقب

واصيب محبوه بعقده نفسيه هلاليه

فريق يخطفوا منه بكري المدينه وعلاء الدين وهيثم والباشا واكرم والمعز والكثير من لاعبيه ويكون بهذه القوة في ادغال افريقيا

ويفوز علي سانغا (بانغا) بنيمار وجكسا واطهر

وذلك الشباب الغض النضير
ودعونا نحيي شبابنا مع الشاعر إبراهيم طوقان :

حيّ الشباب وقل سلاما أنكم أمل الغــــــــــــــد
صحت عزائكم علــــى دفع الأثيم المعتـــــــدي
والله مد لكم يــــــــــــدا تعلو على أقوى يــــــد
وطني أثرت لك الشباب كأنه الزهر النــــــــدي
لابدّ من ثمر لـــــــــــــه يوما و إن لم يعقـــــــد
ريحانة العلم الصحيـــح وروحه الخلق الحسـن
وطني و إن القلب يـــــا وطني بحبّك مرتهـــن
لا يطمئنّ فأن ظفـــرت بما يريد لك اطمـــــأن



(())) عقدة الجوهرة :

ومازالت الجوهرة الزرقاء تهرد القلوب الحمراء بكراكاتها وجراراتها وحفاراتها والزئير الازرق كل صباح

وقد اثرت سلبا عليهم فاصبحوا يبكون ويتمتمون

ويكذبون ويشتلون ويؤلفون

ولفاطمه الصادق يحقدون ويتمنون

وقالوا ان الهلال قد استغني عن الاخت المصون

لقد ملأت حياتهم حقدا علي كل ازرق ومفتون

الجوهرة الزرقاء عامله عمايلها العرضه جنوب والله يحفظهم من الجنون

وهم زعلانين شديد من نتيجة الفوز علي الترجي

والوالي رايح شهر خمسه وانا حر في حلالي

وناس مزمل وكابو زعلانين ومترمدين طوالي

وشيتن ما كان علي بالي

وممكن يعملوا ليهم مسيره وممكن يمشوا فداسي وعائد عائد يا والي

وحنتبهدل وفاتورة الكهربه تغلبنا وخليك معانا طوالي

واحد غتيت قال ان ( فكي) بتاع بخرات قال ليهو المريخ غالب في رادس وجمال حيرجع طوالي

مساكين جماهير المريخ جاها الضغط وجاها السكري ووجع الكرعين والدوالي

يلقوها من كراكات الجوهره والا من الترجي والا من الابداع الهلالي



((())) عقدة جمال الوالي :

قاعد ووووووب رايح وووووبين

جمال الوالي هو من قلب كل الواقع المريخي رأسا علي عقب

حكم المريخ كحكم الرؤساء العرب الذين اقتلعهم الربيع العربي

ما بين حسني وقذافي وبن علي وعلي عبد الله

وحتي الآن نراه يحكم المريخ قرابة ال ١٥ عاما

يدفع ويدفع ويدفع المبالغ الخرافيه

في تشييد طوابق شاخوريه

وحفلات مريخيه انصافيه

ورقصات فرفوريه

واستضافات شوبيريه

وتكريمات تحكيميه

وهدايا جلاكسيه

ولعل اجمل ما قرأت بالامس في المواقع العنكبوتيه

ان الجلاكسي الهديه قد سقط في النيل من يد الحكم البتسواني الذي كان في رحلة نيليه

وهي رحله ترفيهيه بعد المعركة الترجيه

وقد وعده المستضيف بجلاكسي جديد بشريحتين كأحلي هديه

والعهدة علي الراوي وخلو اخلاقكم رياضيه

المشكله ان جمال الوالي ماشي في مايو تاركا المريخ وحيدا

والمشكله في الوريث انه يفتقد كل صفات الرجل الرائع جمال الوالي

وبالجد دي عقدة كبيره يعاني منها المريخ



((())) عقدة الدوري الممتاز :

هي عقدة للمريخ وما ليها حل

وقد سيطر عليها الهلال طويلا

وحتي الآن الهلال هو من يتقدم كل الصفوف

والهلال هو من يسير نحو بطولة الدوري الممتاز

والهلال هو من سيحرز بطولة هذا العام

الاتحاد العام ومنذ الآن بدأ يخطط للمريخ طريقة الفوز بكأس السودان

وربما يتم اختيار حكام بالاسم لتحديد نتائج المريخ في كاس السودان

وفعلا الدوري عقدة للمريخ



((())) عقدة خطف لاعبي الهلال :

هي عقدة العقد للمريخ

ودوما ما تبدأ بالتمتمه والهزيان وشعار هذا ولدنا

التي ظل اعلام المريخ يرددها ليقنع بها جمال الوالي الذي يعتمد اعتمادا كليا علي بعض الصحفيين ودون اعضاء الادارة او الطاقم الفني الذي لا حول له ولا قوة

لقد تركوا افريقيا الغنية بالمواهب واللاعبين ليجلسوا امام بوابات نادي الهلال بحثا عن لاعبي الهلال

الآن نراهم مهرولين وراء نزار حامد وربما شباب الهلال من نيمار وجكسا واطهر

انها عقدة العقد المريخيه





محمد حسن شوربجي