محسن وبرهان وبرضه المريخ تعبان

وباسكال وايمن وكلو تمثيل باحكام

والحكم صبري طبق القانون ويا سلام

وما في ضربات جزاء او اهداف تحكيميه مجانيه او افلام

المريخ في المباراة كان خائف تمام

يرتعش من الاهلي شندي بالله ده كلام

وده كله من سيكافا وبطولات البط العائم والحمام

وانا جمال الوالي روحي طلعت ودولاراتي راحت من زمان

اصرف في فريق بلا فائده وتعبان

لا نافع فيه مجدي لا باسكال لا تراوري لا برهان

وينكم يا لاعبي الهلال ما ترحمونا

ويا ناس بكري خلاص ما تجونا

ويا كاريكا ما تريحونا

المريخ هو بطل ابطال سيكافا

وحفلاته كلها قيافه في قيافه

فريق يشتت في الكوره يمين وشمال ويا حسافه

وفريق اتبهدل شديد قدام الشنداويه وكانوا رجافه

وفعلا ناس الهلال كان ليهم حق لامن قالوا سيكافا ضعيفه

وانها ما بطوله ايها الهتيفه

ونفس القون اليتيم في كل مباراة

ومدربين اتنين قاعدين زي المصارعين مارك هنري وبوكر تي

وهتافات ضد الحكم صبري المسكين

وصفافير واستهجان لعدم مناصرة المريخ او استمالة التحكيم

مريخ ما بعد سيكافا هو مريخ حفلات

وفرفور وانصاف مدني وقضيتوها لينا رقصات

وجمال الوالي يدفع ويدفع ويرش في الدولارات

ومزمل وابوشيبه شاطرين في النفخ الشديد والصفارات

وود الجنيد فالح في الطبله والكوراك

بس في النهايه فت قون وآهآت

ده هو مريخ سيكافا ايها الحضرات

والله يجازي ناس عزام والبنادير والحفلات

واكيد مع ناس بكري المدينه وبشه حتفرشوا و البكيات

لكن حكام صلاح ما دايرين يحكموها

وسرعة بكري وكاريكا كيف يظبطوها

سرعة بكري براها حيرت سيحه ورضا واكدوها

يمسكوه كيف وهو اسرع من غاريث بيل

كم احب ان يلعب باسكال ضد الهلال

وبكري مع باسكال مشروع فوز مضمون للهلال

عليكم الله لعبوا لينا باسكال وايمن في الوسط

ديل ممتازين خالص مع الهلال ومرفوع عنهم الغلط



[[[]]] هل حقا عدد ستات الشاهي يفوق نصف سكان الخرطوم

هي بالتأكيد مهنه شريفه امتهنتها حواء السودانيه قسرا

وهي في ازدياد مضطرد

وكل ركن في الخرطوم او مدن السودان احتلته ست شاهي

و ست الشاي اصبحت من المعالم المميزة للمدن السودانية

الفقر الشديد في السودان و الحروب الأهلية و الهجرة غير الشرعية إلى السودان من دول الجوار خاصة إثيوبيا و إريتريا حولت مهنة بيع الشاي إلى ظاهرة يلاحظها كل الناس

واكثر الاماكن تواجدا لستات الشاهي هي الحدائق العامة والشوارع المكتظة،

ويتحلق الأصحاب والأقارب حول "ست الشاي"،

إذ يجلس الزبائن على مقاعد صغيرة وتوضع الأكواب أمامهم،

يحتسون المشروبات الساخنة كالشاي والقهوة والكركدي والحلبة،

فلنحي اخوتي ست الشاي تلك المرأة الكادحة التي تحدت ظروف الحياة والمجتمع السوداني المحافظ لتتمكن من الحصول على قوت يومها عبر هذه المهنة التي يرى السودانيون أنها أصبحت جزءا من حياتهم

ولكن شرط ان تبتعد عنهن تلك الست التي شوهت المهنة الشريفه بترويج المخدرات والدعارة



[[[]] سؤال من ذهب من اخونا الحبيب اسامه دهب

افيدونا يا علماء إقتصاد الحكومة!!!

اي نظرية تبرر انخفاض قيمة الخروف السوداني في السعودية عن قيمته في شوارع الخرطوم؟؟؟

مفكر ارسل لأهلي خروف سوداني من السعودية رأيكم شنووووو؟؟؟

انها قمة المآساة

ان يعطش قوم والنيل يجري في بلادهم

وان يجوع قوم وارض بلادهم بكر

وان تكون اسعار الخراف خرافيه والسودان يملك اكبر ثروة حيوانيه في العالم

تصدقوا بيتنا في الكلاكله القلعه جنب النيل والمويه قاطعه

هل تصدقوا ان اسطوانه الغاز قد بلغت مبلغ 35 جنيه .

و ارتفعت اسعار الفواكه ارتفاعا جنونيا

وبلغ سعر دستة المانجو 70 جنية ، بينما بلغ سعر دستة القريب فروت 55 بدلا من 60 جنية، اما دستة التفاح السكرى 45 جنية ، كيلو الموز 4 جنية ، الكمثري33 جنية ، الجوافة 8 جنيهات ، البرتقال المستورد ارتفع من 24 جنية الى الى 33 جنية ، كيلو البطاطس 8 جنية ، الطماطم 25 جنية ، الاسود 20 جنية ، سلطة كاملة 20 جنية .

فيما واصلت اللحوم ارتفاعها اسعار (الخراف) حيث سعر الضان من 60 الى 70 جنية والعجالي من 40 الى 50 جنية .

كما ارتفعت اسعار الخراف فى سوق اللفة والسوق الشعبي فوصل سعر الخروف المتوسط (850) اما الخروف الكبير(1500-1300) جنية ،

اما اسعار المحاصيل فوصل سعر قنطار السمسم بالقضارف الى (780)جنيه

فبما ارتفعت تعرفه المواصلات الداخليه بنسبه 40% مع العلم بان التعرفه الجديده ﻻتتعدي نسبه 25% .

اسعار الخراف في كل الدول التي حول السودان ارخص من السودان



ولا حول ولا قوة الا بالله



محمد حسن شوربجي