بصراحه كاس العالم سخن شديد
وحتي انتهاء هذا العرس العالمي الكبير
مطلوب تأجيل كل الامراض الكرويه المحليه في بلادي
مطلوب تأجيل الحديث عن الانتخابات الهلاليه
مطلوب تأجيل اعلان اسم الرئيس الجديد للهلال
مطلوب تأجيل الحديث عن اعداد الهلال الافريقيه لانه لا اعداد هناك
مطلوب تآجيل الحديث عن كامبوس وهليفا
مطلوب تأجيل الحديث عن عمنا سيرجيو
مطلوب تأجيل الحديث عن معسكر الكنغو لان اصلا ما في معسكر
بصراحه كاس العالم سخن شديد
وما في زول فاضي لمنغصات الكرة السودانيه
والارباب والبرير والكاردينال والطعون
والانتخابات التي تشبه انتخابات السيسي الاخيره
والاحجام الشعبي المصري الكبير الذي كان ملفتا للجميع
والاصوات المزوره الكثيره ونسوان واطفال
والطعون وانت مقيم في السعوديه وانت مقيم في اديس
وبالكاد بقينا نلتفت الي احداث بلادي الكرويه
وبالكاد بقينا نلتفت الي انتخابات قيل انها ديمقراطيه
وبالكاد الواحد داير يعرف من سيفوز في انتخابات رئاسة الهلال
بس ادونا اسم الفائز وكفي
اصلا النهايه معروفه خروج من المربع الذهبي الافريقي
وانقسام ما بين انصار فلان وانصار علان
وممكن تجيب ليها اعتصام و بلنجات وسفرة للوزان
كاس العالم يا اخوانا سخن شديد
وما ممكن اسهر علي كورة المريخ والامل او الهلال والخرطوم
وعمنا سيرجيو الذي يلعب علي الواقف
وربما يقرر كامبوس باحضار سرير يختوا ليها في خط 18
وجيب قونك ونوم وما يهمك اعلام الهلال
مستحيل يا اخوانا افتح قناة النيلين واسيب قناة بين اسبورت
كاس العالم سخن شديد
والمانيا ولعت نار واوزيل قلبه حار
والبرازيل جمر عديل رغم اصابة نيمار الجميل
والارجنتين مسيي آخر جمال وديماريه عال العال
وهولندا روبن يجنن وكوستاريكا بقت تحنن
بالكاد عرفت ان هلال السودان فاز علي الخرطوم الوطني في الشوط التاني
وبالكاد عرفت ان اهلي شندي اتأهل
وبالكاد عرفت ان المريخ خايف شديد من هلال كوستي
وبالكاد عرفت ان لاعبي الهلال طلاب في جامعة الخرطوم
دعونا نمتع اعيننا المحرومه في السودان
[[[[]]]] مريخ العطاله والفضاوه :
جرسه واحتجاج وليه الهلال تغيروا ليهو البرمجه
نحن كمان دايرين تغيير برمجه
يا جماعة انتو مازي الهلال انتو محليين
والهلال ضمن الثمانيه العظام في افريقيا
ولازم نراعي كثرة مشاركاته المحليه والافريقيه
لا معتصم لازم تأجل لينا مباراة هلال كوستي
اطلبوا والطلب رخيص
وانا عندي مين غير المريخ وحبيبي جمال الوالي
اصدر انا معتصم بن جعفر بن سر الختم رئيس الاتحاد المريخي الاحمر
بيانا بتأجيل مباراة المريخ حتي تسجيل الثلاثي الاجنبي
صدر تحت توقيعي بقصر الاتحاد
وعلي الفور قام المريخ بإكمال إجراءات قيد الثلاثي الأجنبي ألان وانغا و أيمن سعيد و جمال عقب وصول بطاقاتهم لمباني الاتحاد العام و يتوقع أن يشارك الثلاثي مع المريخ في مباراته أمام هلال كوستي في بطولة كاس السودان يوم بعد غد الأحد و يجدر ذكره بان المدرب كان قد جهز الثلاثي خلال مبارياته التجريبية ووقف علي جاهزيتهم مما يؤكد الدفع بهم في أي وقت
وفعلا الفاضي يعمل قاضي
[[[[[]]]] معقول الزمالك يشطب 12 هم عبد الواحد السيد ومحمود فتح الله وأحمد سمير ونور السيد، ومحمد إبراهيم وأحمد جعفر وإسلام عوض ودومينيك دى سيلفا، وحمادة طلبة وعرفة السيد ومحمد أبو جبل سعيد محمد قطة ويتعاقد مع 13 لاعب حتى الآن هم خالد قمر مهاجم الشرطة وأحمد صبرى لاعب وسط حرس الحدود، وأيمن حفنى صانع ألعاب الطلائع وأحمد دويدار مدافع الشرطة، ومعروف يوسف لاعب وسط الشرطة ووليام جيبور مهاجم الطلائع، وباسم مرسى مهاجم الإنتاج الحربى وصالح موسى ظهير أيمن الإسماعيلى، وإبراهيم صلاح لاعب العروبة السعودى ومحمد بازوكا مدافع الشرقية، ومحمد كوفى لاعب دهوك العراقى، وأحمد سمير لاعب الداخلية ورضا العزب لاعب اتحاد الشرطة.
الحكايه شنو اكثر اعلام الهلال ما جايب خبر البطوله مع ان هذا الخبر اهم الف مره من اخبار الارباب والكاردينال
محمد حسن شوربجي
