على صفيح ساخن نادر التوم
تشكيلة
§ دخول: صلاة الله ما لمعت بروق من حمى نجد
o على طه وعترته وصحب سادة المجد
§ اليوم جمعة اكثروا من الصلاة والتسليم عليه وآله وصحبه
شوفوا عوجة رقابكم
§ صفوف من اللاعبين فى الهلال يطالبون باستحقاقاتهم
§ والرئيس كلما قدم إستئنافا زادوا له العقوبة كما الأسعار
§ إلى ان رست اخيرا فى اربع سنوات(كان ما يستانفوا تانى)
§ والبيت الازرق طلع مؤجر ياحبة عينى
§ والمدرب القديم ميشو يهاجم الرئيس ويقول انه اقل قامة من الفريق
§ ويطالب بحقه وكل مستحقاته
§ وسادومبا هناك يحاكم(بإفراط) ولا دخان بلا نار على ان البرئ متهم حتى يتخارج
§ او حتى تثبت إدانته ان كان متهما مع الجماعة التانين.. زيمبابوى كلها بايعة
§ واحتمال بلانتينيوم دا يكون فيهو ناس مع ناس سا سا ديل
§ ناس ساسا ناس ساسا المتهمين بالفضيحة العاملين فيها تفتيحه
§ ولو ثبتت عليهم زى حكام اليابان يبق هجوم الهلال انتهى وضعفه ح يبقى حديث(المدينة)
§ فهذا الرجل سجل اهدافا بإفراط للهلال محليا وخارجيا
§ سادومبا اصلا مشى يجيب وليداتو ويطمن على الحاجه وقال بالمره يشوف زملانو ديل ويشاركهم احزانهم
§ غريبة يعنى على ناس الهلال؟ موش بنية رجب اتفرقت بين الاهلة؟؟
§ والقيامة قايمه فى الهلال والدنيا مولعة(عمودى بس) ونار على نار
§ ويبدو ان دى تسخينه والقادم اخطر شديد بى الشايفنو دا
§ والغريبه بعد دا كلو الجماهير الزرقاء مشغوله بالمريخ
§ والمشجعين من الكتاب لا هم لهم سوى المريخ وكل اشيائهم هذه عاديه
§ وما فيها حاجة كمان شنو يعنى توقيف وبنية وفضيحة وفلس؟
§ وهكذا يتابعون المريخ وحين ينتبهون لفريقهم يكون طار بعد سلسلة فضائح جديدة
· سؤال وجيه
§ (حاكمنى بلا زعل) سادومبا ما لاعب الكورة الجايه اها الح يعمل ليكم ضربة جزاء ويجيبها منوووو؟
o توسطوا
§ على جماهير المريخ الا تفرط فى الاحباط ولا تفرط فى (الأمل) لان الإفراط نتائجه دايما وخيمه
· دبلوماسية غارزيتو
§ غارزيتو قال الهلال خطوطو كلها تعبانه(البلا)
§ وقال فى تلاتة من نجوم التسجيلات(موهن نافعين) ومو دايرهم
§ وقال الدفاع فيو ثغرات ثغرات؟؟ ظلمت الثغور والله
§ وكلامو دا بى صريح العبارة الفريق مو ماشى لا قدام
§ ودا كلام مابرضى الاهلة قالوا هو ذاتو كعب وما دايرنو
§ دحين الكعب دا ما طقاكم خمسة عند اهلكم اها كعب كيفن يعنى؟؟
§ قوووووووووول هو كعب إنتو الانطقيتو ديل تكونوا كعب (عالى) مثلا؟
§ غايتو غارزيتو شيتو البسو فوقو دا سواة زولا مودع ساااااكت
§ موش بقولوا المفارق عينو قووووويه الغريبة يفوت ساكت
§ لا سلام ترررم منو ولا منو تحيه وللهلال يخلى عايش فى الأسية
§ ما حراااام يا غارزيتو ما تجيب البطولة الإفريقية
§ كت مكضب كنت ناكر دااابى صدقت غارزيتو عينو قويه ترررم!
§ وبرضو تتكلموا عن ريكاردو؟؟ يا سلام ياااسلااااااااااام!
o (التلتلة)
§ كم كانت اى قناة ستدفع لطرفى القمة من جراء نقل مبارياتها مع الممتاز؟
§ هل العرض ضعيف لدرجة تجعل البعض يعرقل البث
§ ثم سؤال يتاورنى هل تضمن القمة والغتحاد والاندية الاخرى ان يستمر(الدخول) بهذه الكثافة حتلى نهاية الدورى
§ ولماذا لا يتدخل تلفزيوننا ليتعاقد بالقطعة لنقل المباريات المهمة
§ لكين تلفزيونا دا مع (تردداتو) الكتيره دى الله اعلم يعملها
§ مسكين جمهور الولايات وبالذات التى ليس لها فرق فى الممتاز
§ ومظلوم جمهور المغتربين الذى يود متابعة دوريه
§ بالمناسبة دا شنو خبر ما حلو دا؟؟ قناة الجزيرة مالها اتخارجت؟
· وبعديييين؟؟؟
§ اكرم الشجاع قال انا المسؤول مسؤولية مباشرة وانا الذى تسببت فى هدفى الموردة واخونا نجم الدين مالوش ذنب
§ اها الكلام دا تمهيد لى إعتذارات قادمة فى اقوان تانى ولا تمهيد لى انضباط وعهد جديد؟
§ انا خايف نجم الدين يقول كلو منى انا بس باسكال دا المباراة الجايه مافى زول اسالوا تحمل مسؤولية(مقدما)
§ خليك جادى يا اكرم قبل كدا فقدتنا الممتاز بعد اتقدمنا بى نقاااااط إيييك وقبل كدا خليت الهلالاب يتكلموا معانا وطيرتنا من البطولة الافريقية
§ وذلك بعد ان احرزنا اربعة اهداف خارج الديار فشل الوصيف فى احرازها فى المعبرة ومركزين على السبعة بس!
§ وناسين موبوتو وكديابا والعصير والزول الخفى ولفة الراس والدوشة.
o بره وجوه
§ اصبح من الاشياء المكشوفة شديد محلولات الاهلة المتكررة كل عام
§ لهدم ونخر الجسد المريخى (خارج الملعب) نفسيا وباساليب قميئة
§ وذلك يبرر عدم قدرتهم على مجاراتنا ومجريات مباراتنا
§ وعلى المريخاب ان يفطنوا لهذا ويفوتوا عليهم الفرص
§ لان آلتهم الإعلامية الهدامة تتمدد وتكسر كل ماهو مريخى وتحطمه حسد بس
§ لكن الغريب ان تشتعل البيانات والمواجهات بين بنى الاحمر انفسهم
§ ذاك ما يودون ان يسوقوننا اليه وانتم بهذا تسهلون لهم المهمة
§ المريخ يحتاجنا جميعا والاعداء يضربوننا جميعا(فى شخص مريخنا)
§ فهلا فطنتم لهذه النقطة يرحمكم الله وفطمتم تلك الافواه من ان ترضع من ثدى إثارتكم وإستفزازكم؟؟ انا وريتكم عشان تكونوا عارفين بس!
§ عاد الشغيل المنتظر وعاد الحماس لان الحماس يغطى على الغلط
§ الرابطة ما قصرت نهائى 4نقاط ما شاء الله من جوه وبره
§ تعبتو لازم تعملوا فاصل خفيف كدا بكره ان شاء الله وبعد داك تواصلوا
§ والاهلى الخرطوم محتاج فاصل برضو يتوقف فيو من حكاية الاحزان
§ ومن حظه انه سيقابل فريقا(منتهى فى كل خطوطه) بإعتراف مدربه
§ ويظل المريخ الحاضر والمستقبل والتأريخ
§ وكلنا مريخاب.. ويا مريخ شد حيلك قبل ما تكتلنا وتقعد
§ تخريمة سا سا دا اولادو فى المحكمة؟؟
§ آخر قطرة: إبتسامة الرجل العظيم قوة، ولو كانت دموعه على وشك السقوط (أديسون) ،وهكذا انتم يا صفوة فكونوا دوما أقوياء ومبتسمين!
وهذه بصمتى
تشكيلة
§ دخول: صلاة الله ما لمعت بروق من حمى نجد
o على طه وعترته وصحب سادة المجد
§ اليوم جمعة اكثروا من الصلاة والتسليم عليه وآله وصحبه
شوفوا عوجة رقابكم
§ صفوف من اللاعبين فى الهلال يطالبون باستحقاقاتهم
§ والرئيس كلما قدم إستئنافا زادوا له العقوبة كما الأسعار
§ إلى ان رست اخيرا فى اربع سنوات(كان ما يستانفوا تانى)
§ والبيت الازرق طلع مؤجر ياحبة عينى
§ والمدرب القديم ميشو يهاجم الرئيس ويقول انه اقل قامة من الفريق
§ ويطالب بحقه وكل مستحقاته
§ وسادومبا هناك يحاكم(بإفراط) ولا دخان بلا نار على ان البرئ متهم حتى يتخارج
§ او حتى تثبت إدانته ان كان متهما مع الجماعة التانين.. زيمبابوى كلها بايعة
§ واحتمال بلانتينيوم دا يكون فيهو ناس مع ناس سا سا ديل
§ ناس ساسا ناس ساسا المتهمين بالفضيحة العاملين فيها تفتيحه
§ ولو ثبتت عليهم زى حكام اليابان يبق هجوم الهلال انتهى وضعفه ح يبقى حديث(المدينة)
§ فهذا الرجل سجل اهدافا بإفراط للهلال محليا وخارجيا
§ سادومبا اصلا مشى يجيب وليداتو ويطمن على الحاجه وقال بالمره يشوف زملانو ديل ويشاركهم احزانهم
§ غريبة يعنى على ناس الهلال؟ موش بنية رجب اتفرقت بين الاهلة؟؟
§ والقيامة قايمه فى الهلال والدنيا مولعة(عمودى بس) ونار على نار
§ ويبدو ان دى تسخينه والقادم اخطر شديد بى الشايفنو دا
§ والغريبه بعد دا كلو الجماهير الزرقاء مشغوله بالمريخ
§ والمشجعين من الكتاب لا هم لهم سوى المريخ وكل اشيائهم هذه عاديه
§ وما فيها حاجة كمان شنو يعنى توقيف وبنية وفضيحة وفلس؟
§ وهكذا يتابعون المريخ وحين ينتبهون لفريقهم يكون طار بعد سلسلة فضائح جديدة
· سؤال وجيه
§ (حاكمنى بلا زعل) سادومبا ما لاعب الكورة الجايه اها الح يعمل ليكم ضربة جزاء ويجيبها منوووو؟
o توسطوا
§ على جماهير المريخ الا تفرط فى الاحباط ولا تفرط فى (الأمل) لان الإفراط نتائجه دايما وخيمه
· دبلوماسية غارزيتو
§ غارزيتو قال الهلال خطوطو كلها تعبانه(البلا)
§ وقال فى تلاتة من نجوم التسجيلات(موهن نافعين) ومو دايرهم
§ وقال الدفاع فيو ثغرات ثغرات؟؟ ظلمت الثغور والله
§ وكلامو دا بى صريح العبارة الفريق مو ماشى لا قدام
§ ودا كلام مابرضى الاهلة قالوا هو ذاتو كعب وما دايرنو
§ دحين الكعب دا ما طقاكم خمسة عند اهلكم اها كعب كيفن يعنى؟؟
§ قوووووووووول هو كعب إنتو الانطقيتو ديل تكونوا كعب (عالى) مثلا؟
§ غايتو غارزيتو شيتو البسو فوقو دا سواة زولا مودع ساااااكت
§ موش بقولوا المفارق عينو قووووويه الغريبة يفوت ساكت
§ لا سلام ترررم منو ولا منو تحيه وللهلال يخلى عايش فى الأسية
§ ما حراااام يا غارزيتو ما تجيب البطولة الإفريقية
§ كت مكضب كنت ناكر دااابى صدقت غارزيتو عينو قويه ترررم!
§ وبرضو تتكلموا عن ريكاردو؟؟ يا سلام ياااسلااااااااااام!
o (التلتلة)
§ كم كانت اى قناة ستدفع لطرفى القمة من جراء نقل مبارياتها مع الممتاز؟
§ هل العرض ضعيف لدرجة تجعل البعض يعرقل البث
§ ثم سؤال يتاورنى هل تضمن القمة والغتحاد والاندية الاخرى ان يستمر(الدخول) بهذه الكثافة حتلى نهاية الدورى
§ ولماذا لا يتدخل تلفزيوننا ليتعاقد بالقطعة لنقل المباريات المهمة
§ لكين تلفزيونا دا مع (تردداتو) الكتيره دى الله اعلم يعملها
§ مسكين جمهور الولايات وبالذات التى ليس لها فرق فى الممتاز
§ ومظلوم جمهور المغتربين الذى يود متابعة دوريه
§ بالمناسبة دا شنو خبر ما حلو دا؟؟ قناة الجزيرة مالها اتخارجت؟
· وبعديييين؟؟؟
§ اكرم الشجاع قال انا المسؤول مسؤولية مباشرة وانا الذى تسببت فى هدفى الموردة واخونا نجم الدين مالوش ذنب
§ اها الكلام دا تمهيد لى إعتذارات قادمة فى اقوان تانى ولا تمهيد لى انضباط وعهد جديد؟
§ انا خايف نجم الدين يقول كلو منى انا بس باسكال دا المباراة الجايه مافى زول اسالوا تحمل مسؤولية(مقدما)
§ خليك جادى يا اكرم قبل كدا فقدتنا الممتاز بعد اتقدمنا بى نقاااااط إيييك وقبل كدا خليت الهلالاب يتكلموا معانا وطيرتنا من البطولة الافريقية
§ وذلك بعد ان احرزنا اربعة اهداف خارج الديار فشل الوصيف فى احرازها فى المعبرة ومركزين على السبعة بس!
§ وناسين موبوتو وكديابا والعصير والزول الخفى ولفة الراس والدوشة.
o بره وجوه
§ اصبح من الاشياء المكشوفة شديد محلولات الاهلة المتكررة كل عام
§ لهدم ونخر الجسد المريخى (خارج الملعب) نفسيا وباساليب قميئة
§ وذلك يبرر عدم قدرتهم على مجاراتنا ومجريات مباراتنا
§ وعلى المريخاب ان يفطنوا لهذا ويفوتوا عليهم الفرص
§ لان آلتهم الإعلامية الهدامة تتمدد وتكسر كل ماهو مريخى وتحطمه حسد بس
§ لكن الغريب ان تشتعل البيانات والمواجهات بين بنى الاحمر انفسهم
§ ذاك ما يودون ان يسوقوننا اليه وانتم بهذا تسهلون لهم المهمة
§ المريخ يحتاجنا جميعا والاعداء يضربوننا جميعا(فى شخص مريخنا)
§ فهلا فطنتم لهذه النقطة يرحمكم الله وفطمتم تلك الافواه من ان ترضع من ثدى إثارتكم وإستفزازكم؟؟ انا وريتكم عشان تكونوا عارفين بس!
§ عاد الشغيل المنتظر وعاد الحماس لان الحماس يغطى على الغلط
§ الرابطة ما قصرت نهائى 4نقاط ما شاء الله من جوه وبره
§ تعبتو لازم تعملوا فاصل خفيف كدا بكره ان شاء الله وبعد داك تواصلوا
§ والاهلى الخرطوم محتاج فاصل برضو يتوقف فيو من حكاية الاحزان
§ ومن حظه انه سيقابل فريقا(منتهى فى كل خطوطه) بإعتراف مدربه
§ ويظل المريخ الحاضر والمستقبل والتأريخ
§ وكلنا مريخاب.. ويا مريخ شد حيلك قبل ما تكتلنا وتقعد
§ تخريمة سا سا دا اولادو فى المحكمة؟؟
§ آخر قطرة: إبتسامة الرجل العظيم قوة، ولو كانت دموعه على وشك السقوط (أديسون) ،وهكذا انتم يا صفوة فكونوا دوما أقوياء ومبتسمين!
وهذه بصمتى
