*هلال منصور ومريخ مهزوم مدفور
*ووو ماذا حدث سادتي!
*وختامها مسك هكذا المقوله !
* وهلال واهلي نهائي كأس السودان والبلد فرحان يغني
*رغم التعب رغم الارهاق استطاع اشاوس الهلال تقديم مباراة جيدة انتصروا فيها لأنفسهم وللهلال وقدموا الفرح هدية في ثلاثة ايام بلياليها للجماهير الهلالية
*وثلاثية حارقة ختامها صاروخ ارض جو سكنت شباك جمال سالم وزادت الالم علي جارنا العزيز وندنا السابق وصيف الممتاز ورابع كأس السودان علي التوالي
*وحال اب ثلاثة يغني عن السؤال ولسان حال الجمهور الاحمر ((ﺻﺎﺑﺮ ﻣﻌﺎﻙ ﺻﺒﺮﺍ ﻃﻮﻳﻞ ﻛﺎﺗﻢ ﺍﻟﻌﻠﻰ...ﻭﺍﺻﻠﻮﺍ ﺍﻟﻌﻠﻰ ﻣﺎ ﻣﺮّ ﻳﻮﻡ ﺑﺨﻴﺎﻝ ﺑﺸﺮ))
*كان ندا سابقا ووصيفا ثابتا ! حليل المريخ .. وواحد هلالابي من ناس قوة الهلال في قوة المريخ قام يغني مواسيا المريخابي جاره قائلا:: ((اﺑﻨﻲ ﻋﺸﻚ ﻳﺎ(حمامي) ﻗﺸﺔ .. ﻗﺸﺔ ..واتعلمي يا(حمامه) ﻛﻴﻒ ﻋﻠﻰ ﺍﻟﺤﺐ هلالنا ﻳﻨﺸﺄ...ﺭﻏﻢ ﺍﻟﻌﻮﺍﺻﻒ .. ﺑﺮﺿﻮ ﻭﺍﻗﻒ .. ﻣﺎﺑﻴﻬﻮ ﺭﻋﺸﻪ))
*ولعل الصورة المقلوبة اتعدلت فعاد البدرالضاوي من بعيد فعدل الكفة ونال المراد ووضع طبيعي لبطل لا يموت بل ان المصائب تزيده قوة وجساره
*والحزن لاهل الوصيف بلغ مداه غطي مدنه وقراه فبات المريخي المكلوم يردد (( ﻣﻦ ﻛﻢ ﺳﻨﺔ ﻗﻠﺒﻰ ﺍﻟﺤﺰﻳﻦ ﺯﻯ ﺍﻟﻴﺘﻴﻢ...ﻻ ﺷﺎﻑ ﺣﻨﺎﻥ ﻻ ﺿﺎﻕ ﻫﻨﺎﺀ))
*والمعاناة تستمر وعام الرماده لاشال كاس لانال وصافه الايستحق ان يواسي وﻫـﺎﺕ ﻳﺎ ﺯﻣـﻦ..ﺟﻴــﺐ ﻛـﻞ ﺃﺣــﺰﺍﻧﻚ...ﺗـﻌـﺎﻝ ﺟﻴـﺐ ﺍﻟﻤﺤــﻦ..
*قدر الهلال وتعامل الكبار وابدا لم يكن للحظ نصيبا في هذا الاسبوع الشجي السار فمن فرح لفرح خطط له فكانت الحكاية في النهاية ياهلال ((ﻣﺎ ﺍﻧﺖ ﻧﻐﻢ ﺭﻧﺎﻥ ﻓﻲ ﺧﻴﺎﻟﻲ...ﻣﺎ ﺍﻧﺖ ﻋﺸﻢ ﻓﻨﺎﻥ ﺯﻱ ﺣﺎﻟﻲ...ﻋﺎﺭﻓﻚ ﺳﺎﺣﺮ ﺍﺯﻣﺎﻥ ﻗﺒﺎﻟﻲ
*وحال الجماعة يغني عن السؤال ((ﺍﺭﻳﺖ ﺍﻟﻨﻮﻡ ﻳﺰﻭﺭﻧﻲ ﺍﻟﻴﻮﻡ..ﺍﻧﻮﻡ ﻟﻮ ﻟﻴﻠﺔ ﻓﻲ ﻛﻞ ﻋﺎﻡ))
*صحيح ان مستوي الهلال شهد بدايات حزينة وانتصارات اسما لا لعبا لكن عندما حانت لحظة الحصاد وجاء الميعاد كان البذل والعطاء والجهد من كل المنظومة ادارية وفنية ولاعبين فكان التغيير للافضل وحصد الدهب وفعلا ياهلال ((ﺣﺒﻚ ﻟﻠﻨﺎﺱ ﺧﻼﻧﻲ ﺍﺣﺒﻚ ﺗﺎﻧﻲ...ﻓﻴﻚ ﺍﻻﺣﺴﺎﺱ ﻧﺴﺎﻧﻲ ﺍﻋﻴﺶ ﺍﺣﺰﺍﻧﻲ
ﻣﺎ ﺍﻧﺖ ﻧﻐﻢ ﺭﻧﺎﻥ ﻓﻲ ﺧﻴﺎﻟﻲ...ﻣﺎ ﺍﻧﺖ ﻋﺸﻢ ﻓﻨﺎﻥ ﺯﻱ ﺣﺎﻟﻲ...ﻋﺎﺭﻓﻚ ﺳﺎﺣﺮ ﺍﺯﻣﺎﻥ ﻗﺒﺎﻟﻲ))
*واحلي مافي الامر ان جميع ابواب الاعذار اقفلت وسدت فلا شماعة تحكيم وجدوها ولا حقن تخدير اجدت فالهزائم توالت وحليل ايداهور والضرب بالدوروتباكي الزمان
*ومريخابي من تلك النوعية التي تحاججك تغالطك في مشيتك رمي احماله غلطاته وجلطات فريقة علي اتحاد الكرة قائلا: لم يكن من المفترض سفرالفريق لشندي كان يجب ان يضغط علي اتحاد شداد او ينسحب من البطولة بدلا عن هذه الرحلة التي سببت لنا ثلاثية اما كان بالامكان افضل من ماكان! (( لو ﺗﺴﺎﻓﺮ ﺩﻭﻥ ﺭﺿﺎﻧﺎ ﺑﻨﺸﻘﻰ ﻧﺤﻦ ﺍﻟﺪﻫﺮ ﻛﻠﻪ...ﻣﺎ ﺑﻨﻀﻮﻕ ﻓﻰ ﺍﻟﺪﻧﻴﺎ ﻣﺘﻌﺔ ﻭﻛﻞ ﺯﻭﻝ ﻏﻴﺮﻙ ﻧﻤﻠﻪ
ﺃﻗﻞ ﺣﺎﺟﺔ ﺗﺨﻠﻲ ﺳﻔﺮﻙ ﺣﺘﻰ ﻟﻮ ﺇﺳﺒﻮﻉ ﺃﻗﻠﻪ...ﻭﺇﻧﺖ ﻋﺎﺭﻑ ﻧﺤﻦ ﺑﻌﺪﻙ ﻟﻠﺼﺒﺎﺡ ﺩﺍﻳﻤﺎ ﻧﺴﺎﻫﺮ)) حليل شندي
*قلوبنا مع مريخ شاخور والطابق مستورماهكذا رضيناها رغبنا فيها وتمنيناها لكم !! وداع حزين وضياع تعب السنين فلا دوري ولا كاس ((ﻭﺩﺍﻋﺎً ﺭﻭﺿﺘﻲ ﺍﻟﻐﻨّﺎﺀ .. ﻭﺩﺍﻋﺎّ ﻣﻌﺒﺪﻱ ﺍﻟﻘﺪﺳﻲ))
*فعلها الهلال وانتصر في مباراة ماراثونية امتدت حتي الركلات الترجيحية امام هلال الابيض
*جاء الانتصار منصفا بفضل ما وجده فتية الهلال من دعم كبير ومؤازرة جماهيرية استحق لها وبها ان يفرح هذا الجمهور الخرافي
*وفي دار جعل كانت المتعة حيث لعب فتية اهلي شندي مباراة العمر وهم يتناقلون الكرة في خفة امام خصم غائب ومشتت ومحطم المعنويات جراء ما سببه صاروخ السمؤال وهدف شيبولا
*موعودون بمباراة نهائية بين هلال السودان واهلي شندي لها ما بعدها وما قبلها من احداث
*وختامها مسك بمشيئة المولي هلالية رغبة ومطلب
*وووو كونوا في الموعد خميس سعيد وفرح جديد
*وما احلاه من فرح عندما تتحقق الثنائية وتشهد الجوهرة الابية الاحتفالات الهلالية
*ووفرحانيين ومبسوطين
مقتطفات فيسبوكية واتسابية
*عاااااااااااجل بعثه المريخ تغادر الي كسلا للمشاركة في الدورة المدرسية!!وحكومه كسلا ترفض مشاركه المريخ حفاظا على ممتلكات الولاية
* دخل القش وما قال تش
*حرااااااااام ياناس لادوري لا كاس
*المريخ يطوي ملف الدوري و الكاس و يفتح و يفعل ملف ( نهواهو في كل الظروف )
*المباريات كانت عبر قنوات الكأس يعني أهداف الهلال والاهلي شندي محمولة جوا والكاسات المبيوعه سرا
*كلمة اخيرة.. يوم الخميس اتفرجوا بأدب
*غنية اخيرة ... أعذريني الدمعة ديّه ... حتبقى آخر دمعة ليّه
