* ايا كان قرار الكاف حول عودة الاندية السودانية للتنافس الافريقي ممثلة في الزعيم واسد شيكان
* فان الامر لا يعني من قريب او بعيد الا الناديان المتواجدان بالتنافس فعلا
* وهما الزعيمق واسد شيكان
* اما ناس قريعتي راحت فلا نري مبررا لمتابعتهم الدقيقة لقرار الكاف غير الحسد والاستبشار بالاصرار علي ابعاد الاندية السودانية وهم ليسوا من ضمنها اطلاقا
* اهتمام لدرجة مانشيت كبير
* فالذين يستبشرون ولا يخجلون لا يخجلون فعلا
* لان الكاف والفيفا ان اجتمعتا مع مجلس الامن وقوي التحالف لن يستطيعوا اخراج كرتي محمد بن عبد الرحمن آل نهيان من الشباك التي استقرت فيها
* وما تستغربوا من آل نهيان دي
* هي حقيقة
* موش محمد عبد الرحمن انهي جميع آمال الزناطير واخرجهم بامره من التنافس !
* يبقي محمد عبد الرحمن آل نهيان الخرجي كمان
* برغم الاسفاف و السقوط في مؤامرة ابعاد الزعيم
* الا ان الامر لن يؤلمنا كثيرا طالما قرارات والكاف والفيفا مابتهبش اقوان ود عبد الرحمن الفنان
* الاولي قالوا بتاعت طلاب
* والتانية غربال
* والتالته قلاب
* ايها الناس
* محمد عبدالرحمن ما عمل حاجة غير جدد الرغبة في الخروج منف الصفر ومفارقة لقب الزنطور للمرة التسعه وتمنين
* المؤامرة لن تنسينا الاحتفال والفرح بنصرنا الذي جعل الجماعه يبطبطوا
* قالوا بالتحكيم وشالوا الكوكي وتيتيه
* قالوا بالتحكيم وانتقدوا اخراج ابو عاقلة والابقاء علي اب ستة
* قالوا بالتحكيم وماشفنا الحكم شات كورة مع محمد آل نهيان
* قالوا بالتحكيم والحكم ماقال لمكسيم جليها
* هو اوتارا ما قدر يلحق ميدو يلحقو ليكم الحكم يا روشا ???
* ايها الناس
* يجب ان يساند جميع الشفوت حملة كردنة الانتخابية
* الراجل ده لازم يفوز
* ولن ننسي هداياه لنا
* ولكن نسأل
* وين ابراهومة الاتمنيتو يا اخوي ??
* وهل قعدت جابسون علي الكنبة متعتكم ??
* وماذا افادكم اوكرا ??
* في دي نحنا غلطانين ياكردنه
* شلنا منكم طمبل غلبكم
* شلنا منكم كليتشي غلبكم
* شلنا منكم العقرب غلبكم
* شلنا ميدو غربلكم قبل يغلبكم
* شلتوا مننا ابراهومة مغصكم
* شلتوا مننا جابسون كسر بالقعاد كنبتكم
* شلتوا مننا اوكرا جهجه رقبتو وجهجهكم
* شلتوا مننا الطاهر الحاج كمل فهمكم
* يعني تاني لو قلنا ليكم اتفضلوا جبنة تنطوا وتكشحوا قهوتكم
* ايها الناس
* بمناسبة مناصرة كردنة
* قرار المحكمة العليا دائرة المراجعة فيهو سطور وفيهو مابين السطور
* السطور قالت لا يحق لكردنة الترشح لعدم سقوط الادانة بالتقادم حسبما هو منصوص عليه في القانون
* اما مابين السطور فيبرز سؤال كبير
* النظام الاساسي بتاع الهلال يسقط عضوية العضو لادانته ام لايسقطها ?
* اذا بسقطها هل بتعود العضوية اتوماتكلي للعضو الذي سقطت عنه ام يتطلب الامر تقديم طلب جديد ?
* وفي حالة تقديم طلب جديد والموافقة عليه
* هل يحق للعضو ده ترشيح نفسو لمجلس الادارة طوالي ولا يشترط انقضاء فترة زمنية علي منح العضوية الجديد ?
* الحتة دي تؤرقنا كثيرا وبتجهجه افكارنا التي تتجه لمساندة كردنة في عمليته الانتخابيه
* لانو لو الارباب خت الحته دي في راسو بتبقي مششششششكلة
* ولو الخندقاوي مسكها وغمت ايدينو عليها
* بتتخندق ياروشا
* الشاف فطومة اختي مخندقة ماكضب
* افتونا يا اهل العلم حتي لو كنتم لاتعلمون
* ايها الناس
* اعدادنا عال العال واستعدادنا مية المية
للبطولة العربية
* لن نذهب لمجرد المشاركة
* بل نشارك من اجل بطولة نضيفها لي اخواتها الجويات
* ناس يستبشرون طبعا من اسي حايجهزوا حنك تبخيس البطولة
* نختها للهلال السعودي
* يقولوا جوكم بالرديف
* نختها للاهلي المصري
* يقولوا المنتجات المصرية ضاربة
* نختها للترجي
* يقولوا ده ما الترجي البنعرفوا
* فتحية
* شنافك ده هو المبورك لي الليله وخاليك قاشرة بالصفر والناس مع كل خطوة يطلع حجل وينزل حجل دهب صافي عيار 24
* فتحية
* امشي الدهب سيبي الضهب يا اختي
* ايها الناس
* ان تنصروا الله ينصركم
* اها
* نجي لي شمارات والي الخرتوم
* قلت لي دايرين تنضفوا الخرتوم يا والينا ?
* يادوب اقتنعتوا بانها اوسخ العواصم الحوالينا
* ومن كل الوسخ ام من بعض الوسخ المعشعش فينا
* الكباري برضك حاتتنضف يا والينا
سلك كهربا

ننساك كيف والكلب قال اهم حاجة في النضافة الكباري واهم حتة في الكباري الجقور البتاكل الكباري ديل لازم يتنضفوا شديييييد دايرين كرش جد بالليفة والصابون
والي لقاء