• ×
السبت 19 يونيو 2021 | 06-19-2021
بابكر سلك

ﺧﺘﻮﺍ ﻓﻴﻬﻮ ﻃﻮﺑﺔ

بابكر سلك

 4  0  1353
بابكر سلك

* ﻋﺎﺩﺍﺕ ﺍﻟﻤﺠﺘﻤﻌﺎﺕ ﻭﺗﻘﺎﻟﻴﺪﻫﺎ ﺗﻌﺘﺒﺮ ﻣﻦ ﺍﻟﻤﺴﻠﻤﺎﺕ
* ﻭﻗﺪ ﻳﺼﻴﻎ ﺍﻟﻨﺎﺱ ﻣﻨﻬﺎ ﺣﻜﻤﺎ ﻭﺍﻣﺜﺎﻻ ﺗﺼﺒﺢ ﻣﺮﺟﻌﻴﺎﺕ ﻟﻼﻣﺔ
* ﻧﺤﻨﺎ ﺫﺍﺗﻨﺎ ﻛﺄﻣﺔ ﻟﻨﺎ ﻣﻦ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺍﻟﺘﻲ ﻧﻌﺮﻑ ﺑﻬﺎ ﻭﺗﻤﻴﺰﻧﺎ ﻋﻦ ﻏﻴﺮﻧﺎ
* ﻭﻟﻼﻣﻢ ﺍﻳﻀﺎ ﺍﺷﻴﺎﺀ ﺗﺘﺸﺎﺋﻢ ﺑﻬﺎ ﻭﺍﺧﺮﻱ ﺗﻌﺘﺒﺮ ﻓﺄﻝ ﺧﻴﺮ
* ﻭﻧﺤﻨﺎ ﺑﺮﺿﻮ ﻋﻨﺪﻧﺎ ﺍﻟﺤﺎﺟﺎﺕ ﺩﻱ
* ﻭﻣﻦ ﺍﻣﺜﻠﺔ ﺍﻟﺤﺎﺟﺎﺕ ﺩﻱ ﻋﻨﺪﻧﺎ
* ﻗﻠﻴﺐ ﺍﻟﺸﺒﺎﺷﺐ ﻋﺸﺎﻥ ﺗﻘﻮﻡ ﻣﺸﻜﻠﺔ
* ﻭﻣﻨﻬﺎ ﻗﻨﺎﻋﺔ ﺍﻟﻤﺠﺘﻤﻊ ﺑﺎﻥ ﺍﻟﻤﺮﺃﻩ ﻟﻮ ﻭﺍﺣﺪﻩ ﻭﺳﻂ ﺭﺟﺎﻝ ﺑﺘﻜﺠﻬﻢ
* ﻛﺎﻥ ﺭﺍﻛﺒﺔ ﻣﻌﺎﻫﻢ ﻋﺮﺑﻴﺔ ﺑﺘﻨﻘﻠﺐ
* ﻭﻛﺎﻥ ﺭﻛﺒﺖ ﻣﻌﺎﻫﻢ ﻣﺮﻛﺐ ﺑﺘﻐﺮﻕ
* ﻭﻟﻬﻢ ﻣﻦ ﺍﻟﺸﻮﺍﻫﺪ ﺍﻟﻜﺜﻴﺮ ﻣﻦ ﺍﻟﺤﻮﺍﺩﺙ
* ﻭﻻﻥ ﺍﻟﻨﺴﻮﺍﻥ ﻓﻴﻬﻦ ﺍﻟﺸﻠﻴﻘﺎﺕ ﺍﻟﺒﺨﺘﻔﻦ ﺗﻴﺎﺑﻦ ﻭﻳﻤﺮﻗﻮﺍ ﻗﺪﺍﻡ ﺍﻟﺮﺟﺎﻝ
* ﻭﺗﻜﻮﻥ ﺍﻟﻮﺍﺣﺪﺓ ﺑﺮﺍﻫﺎ ﻭﺳﻂ ﺫﻟﻚ ﺍﻟﺠﻤﻊ ﺍﻟﺬﻛﻮﺭﻱ
* ﻣﻤﺎ ﻳﻌﺮﺽ ﺫﻟﻚ ﺍﻟﺠﻤﻊ ﻟﻠﻐﺮﻕ ﺍﻥ ﻛﺎﻥ ﺟﻤﻌﻬﻢ ﻋﻠﻲ ﻣﺮﻛﺐ
* ﻭﻟﺤﺎﺩﺙ ﺍﻟﻴﻢ ﻳﺮﻭﺡ ﺍﻟﺠﻤﻴﻊ ﻓﻴﻪ ﺿﺤﻴﺔ ﻟﺬﻟﻚ ﺍﻟﺤﺎﺩﺙ ﺑﻤﺎ ﻓﻴﻬﻢ ﺍﻟﺸﻠﻴﻘﺔ ﺍﻟﺨﺘﻔﺖ ﺗﻮﺑﻬﺎ ﻭﻣﺮﻗﺖ ﻗﺪﺍﻡ ﺍﻟﺮﺟﺎﻝ
* ﻋﺸﺎﻥ ﻛﺪﻩ ﻓﻜﺮ ﺍﻟﻤﺠﺘﻤﻊ ﻓﻲ ﺍﻳﺠﺎﺩ ﺣﻞ ﻻﺷﻜﺎﻟﻴﺔ ﺍﻟﻤﺮﺓ ﺍﻟﺸﻠﻴﻘﺔ ﺍﻟﺒﺘﺨﺘﻒ ﺗﻮﺑﻬﺎ ﻭﺗﻨﺮﻕ ﻗﺪﺍﻡ ﺍﻟﺮﺟﺎﻝ ﻭﺑﺘﻨﺤﺲ ﺍﻟﺠﻤﺎﻋﻪ ﻭ ﺗﺠﻴﺐ ﺧﺒﺮﻫﻢ
* ﻭﺍﺧﻴﺮﺍ ﺍﻫﺘﺪﻭﺍ ﻟﻮﺿﻊ ﻃﻮﺑﺔ ﻓﻲ ﺍﻟﻌﺮﺑﻴﺔ ﺗﻤﺘﺺ ﺫﻟﻚ ﺍﻟﻨﺤﺲ
* ﺍﻭ ﻭﺿﻌﻬﺎ ﻋﻠﻲ ﺍﻟﻤﺮﻛﺐ ﻟﺘﻔﻠﺘﺮ ﺍﻟﻨﺤﺲ ﻭﺗﻮﻛﺪ ﺳﻼﻣﺔ ﺍﻟﻤﺮﻛﺐ ﺣﺘﻲ ﻭﺻﻮﻟﻬﺎ ﻟﺒﺮ ﺍﻻﻣﺎﻥ
* ﺟﺮﺑﻮﺍ ﺍﻟﻤﻮﺿﻮﻉ ﻣﺮﺓ ﻭﻣﺮﺗﻴﻦ ﻭﺗﻼﺗﺔ ﻭﻧﺠﺢ
* ﻭﻣﻦ ﻳﻮﻣﻬﺎ ﻃﻮﺑﺔ ﺍﻟﻤﺠﺘﻤﻊ ﺍﻟﺴﻮﺩﺍﻧﻲ ﻻ ﺗﻔﺎﺭﻕ ﺍﻟﺠﻤﺎﻋﺔ
* ﺍﻳﻬﺎ ﺍﻻﻫﻠﺔ ﺍﻟﺸﺮﻓﺎﺀ
* ﺧﺘﻮﺍ ﻃﻮﺑﺔ ﻓﻲ ﻫﻼﻟﻜﻢ ﺗﻤﺘﺺ ﻫﻼﻛﻜﻢ
* ﻭﺍﻻ
* ﺟﻨﺎﺯﺓ ﺍﻟﺒﺤﺮ ﻣﺎﺑﺘﺘﺤﻤﻞ ﺍﻟﻐﺴﻴﻞ ﻭﺍﻟﻜﻔﻦ ﻭ ﺗﺄﺧﻴﺮ ﺍﻟﺪﻓﻦ
* ﺍﻟﻤﻬﻢ
* ﺍﻣﺲ ﺍﻣﺘﻌﻨﺎ ﻗﻄﺮ ﻛﻠﻬﺎ
* ﻭﻓﺰﻧﺎ ﺑﻬﺪﻑ ﻋﺎﺷﻮﺭ ﺻﻨﺎﻋﺔ ﺟﻜﺴﺎ
* ﻭﻫﺪﻑ ﻋﺠﺐ ﻟﺮﻣﻀﺎﻥ ﻋﺠﺐ
* ﻭ ﻏﻴﺮﻧﺎ ﻟﺴﺔ ﺑﻘﺎﺑﻞ ﻓﻲ ﺟﺒﻨﺔ ﺍﺭﻳﺶ ﻓﻲ ﻣﺼﺮ ﻭﻳﺨﺴﺮ ﻣﻦ ﺿﻜﺮ ﺍﻟﻮﺯ
* ﺧﺘﻮﺍ ﻓﻴﻬﻮ ﻃﻮﺑﺔ ﻳﺎ ﻣﺤﻤﺪ ﻋﺒﺪﺍﻟﻤﺎﺟﺪ
* ﻭﺗﻔﻴﺪ ﺍﻻﻧﺒﺎﺀ ﺑﺎﺳﺘﻐﻨﺎﺀ ﺍﻟﻜﻴﺲ ﺍﻟﻔﺎﺿﻲ ﻋﻦ ﺷﻴﺒﻮﺏ ﻭﻭﻟﻴﺪ ﻋﻼﺀ
* ﺍﻟﻤﺪﺭﺏ ﺩﻩ ﺧﺘﻮﺍ ﻓﻴﻬﻮ ﻃﻮﺑﺔ ﻳﺎ ﺭﻣﻀﺎﻥ
* ﻟﻜﻦ ﺍﻟﻤﺮﻳﺦ ﺑﺒﺎﻟﻎ
* ﺍﺳﺘﻌﻤﺎﻟﻮ ﻛﻌﺐ
* ﺍﻱ ﺯﻭﻝ ﻧﺴﺘﻐﻨﻲ ﻋﻨﻮ ﺗﺎﻧﻲ ﺍﺳﺒﻴﺮﺍﺕ ﺳﻜﻨﺪ ﻣﺎﺑﻨﻔﻊ
* ﺷﻴﺒﻮﺏ ﺍﻟﻤﺮﻓﻮﺽ ﻭﻭﻟﻴﺪ ﻋﻼﺀ ﻭﺍﻟﺸﻐﻴﻞ ﻭﻓﻴﺼﻞ ﻣﻮﺳﻲ ﻭﻓﻲ ﺍﻟﻄﺮﻳﻖ ﺍﺑﺮﺍﻫﻮﻣﺔ
* ﻟﻮ ﺧﺘﻴﺘﻮﺍ ﻓﻴﻬﻢ ﻃﻮﺑﺔ ﻣﺎﺑﻨﻔﻌﻮﺍ
* ﻟﻜﻦ ﺍﻟﺒﻨﺠﻴﺒﻬﻢ ﻣﻦ ﺟﻨﻴﻨﺘﻨﺎ
* ﺍﻟﺒﻨﺠﻴﻬﻢ ﻣﻦ ﺍﻟﻬﻼﻝ
* ﺍﺳﺘﻌﻤﺎﻝ ﺑﺮﻩ
* ﺍﺳﺘﻌﻤﺎﻝ ﺩﺑﻠﻮﻣﺎﺳﻲ
* ﻛﺎﻟﺠﺪﻳﺪ
* ﺑﺪﻭﺭﻭﺍ ﻋﻨﺪﻧﺎ ﻗﻠﺒﺔ ﻣﻔﺘﺎﺡ
* ﺯﻱ ﺍﻟﻌﻘﺮﺏ ﻭﺟﻜﺴﺎ
* ﻳﺎ ﺍﺧﻮﺍﻧﺎ
* ﺍﻻﺳﺘﻔﺎﺩﺓ ﻣﻦ ﺍﻟﻼﻋﺐ ﺯﻱ ﺍﻛﻞ ﺍﻟﺴﻤﻚ
* ﺗﺎﻛﻞ
* ﺗﻘﺰﻗﺰ
* ﺗﺮﺍﺟﻊ
* ﺍﻣﺘﻊ ﺣﺎﺟﺔ ﻓﻲ ﺍﻟﺴﻤﻚ ﺍﻟﻤﺮﺍﺟﻌﺔ
* ﺑﻌﺪ ﺩﺍﻙ ﺍﻟﻜﻠﺐ ﻣﺎﺑﻠﻘﻲ ﻓﻴﻬﻮ ﺷﺊ
* ﺍﻣﺎ ﺍﻟﻨﺎﺱ ﺍﻟﻤﺎﺑﻌﺮﻓﻮﺍ ﺍﻛﻞ ﺍﻟﺴﻤﻚ
* ﺑﻘﻠﺒﻮﻫﺎ ﻗﺒﺎﻝ ﺗﻜﻤﻞ ﺑﺎﻟﺠﻬﺔ ﺍﻻﻭﻟﻲ
* ﻭﻳﺸﻮﻓﻮﺍ ﻏﻴﺮﻫﺎ
* ﻳﺠﻲ ﻣﻌﻠﻢ ﻳﺮﺍﺟﻊ ﻟﻴﻚ ﺍﻟﺴﻤﻜﺔ ﺩﻱ ﺑﻤﺰﺍﺍﺍﺍﺍﺍﺝ
* ﻳﺮﻓﻊ ﻟﻴﻚ ﺍﻟﺨﻴﺎﺷﻴﻢ ﻳﻤﺮﻕ ﻟﻴﻚ ﻛﻴﻠﻮ ﻟﺤﻢ ﺍﺑﻴﺾ
* ﻳﺮﺟﻊ ﻳﻘﺮﻣﺶ ﺍﻟﻀﻨﺐ
* ﻳﺪﻳﻬﺎ ﻟﻴﻤﻮﻧﺔ ﻭﻳﺨﺶ ﻟﻴﻚ ﺗﺤﺖ ﺯﻋﻨﻔﺔ ﺍﻟﻀﻬﺮ ﻳﻤﺮﻕ ﻟﻴﻚ ﺑﻲ ﻛﻴﻠﻮ ﻭﻧﺺ ﻟﺤﻢ ﺍﺑﻴﺾ ﻭﻳﻠﻬﻂ
* ﻭﻗﺮﻣﺸﺔ ﻟﻲ ﺯﻋﻨﻔﺔ ﺍﻟﺠﻨﺐ ﺍﻟﻴﻤﻴﻦ
* ﺩﻩ ﻛﻠﻮ ﻗﺒﻞ ﻳﻘﻠﺐ ﺍﻟﺴﻤﻜﺔ
* ﻋﺸﺎﻥ ﻛﺪﺓ ﺍﻟﻐﺸﻴﻢ ﺣﻘﻮ ﻣﺎﻳﺎﻛﻞ ﺳﻤﻚ
* ﺍﻟﻜﻴﺸﺔ ﻳﺎﻛﻞ ﻓﻮﻝ ﻭﻳﺨﺖ ﻓﻴﻬﻮ ﻃﻮﺑﺔ
* ﺍﻟﻤﻬﻢ
* ﺍﻟﻨﺼﺮ ﺍﻟﺴﻌﻮﺩﻱ ﻏﻠﺐ ﺍﻟﻬﻼﻝ ﺍﻟﺴﻌﻮﺩﻱ ﺍﺗﻨﻴﻦ
* ﺣﻘﻮ ﻧﺎﺱ ﺍﻟﻬﻼﻝ ﺍﻟﺴﻌﻮﺩﻱ ﻳﺨﺘﻮﺍ ﻃﻮﺑﺔ
* ﻭ ﻣﺎﻓﻴﺶ ﻫﻼﻝ ﺍﺣﺴﻦ ﻣﻦ ﻫﻼﻝ
* ﺍﻟﻨﺼﺮ ﺍﻟﻤﺼﺮﻱ ﻏﻠﺐ ﺍﻟﻬﻼﻝ ﺍﻟﺴﻮﺩﺍﻧﻲ ﺑﺮﺿﻮ ﺍﺗﻨﻴﻦ
* ﺍﻳﻬﺎ ﺍﻟﻨﺎﺱ
* ﺍﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
* ﺍﻫﺎ
* ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
* ﻛﺎﻥ ﺷﻔﺖ ﻳﺎ ﻭﺍﻟﻴﻨﺎ
* ﻧﺨﺮﻳﻨﺎ ﺗﺎﻛﻞ ﻓﻴﻨﺎ
* ﻭﺍﻟﻌﻄﺴﺔ ﺍﺑﺖ ﺗﺠﻴﻨﺎ
* ﻣﺘﻴﻦ ﻧﻌﻄﺲ ﻭﻧﺤﻤﺪ ﺭﺑﻨﺎ ﻳﺎ ﻭﺍﻟﻴﻨﺎ !!!
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﺍﻟﻜﻠﺐ ﻗﺎﻝ ﻟﻮ ﺩﺍﻳﺮ ﺗﻌﻄﺲ ﺷﻢ ﺍﻟﺸﻄﺔ ﺻﺪﻗﻨﻲ ﺑﺘﻌﻄﺲ
ﻭﺍﻟﻲ ﻟﻘﺎﺀ
ﺳﻠﻚ

امسح للحصول على الرابط
بواسطة : بابكر سلك
 4  0
التعليقات ( 4 )
الترتيب بـ
الأحدث
الأقدم
الملائم
  • #1
    بكرى 12-28-2016 10:0
    شهادة حق اريد بها باطل شكرا لك على مدحك للهلال من غير قصد فالهلال فريق كبير لذلك كل ماينضح به جيد ومفيد حتى ولو كان لا اقول قمامته بل مايفيض منه يترك جيد ولايجد من يتحصل عليه كبير عناء للاستفادة منه دون تدخل منه . ولاكن لمن تاتى وتاخذ من السكراب ماهو قديم ومستهلك تجد كثير عناء حتى تعيده لسيرته الاول وعناء مضاعف ليصبح على شاكلتك او كما تريد له ان يكون حموده بشير وباكمبا وشيخ ادريس . الكبير لاينضح الاكبير والصغير ينضح بالاثن و... ولك شكرى لعدم ادراكك بماتكتب .
  • #2
    ود الشرق ود دوكة شرق 12-28-2016 08:0
    دي الا كان عطسه 27 نوفمبر و 19 ديسمبر ابت تمرق لكن التالته بتعطس انشاء الله وترتاح من الجيوب الانفيه الخاويه
  • #3
    ود الشرق ود دوكة شرق 12-28-2016 08:0
    دي الا كان عطسه 27 نوفمبر و 19 ديسمبر ابت تمرق لكن التالته بتعطس انشاء الله وترتاح من الجيوب الانفيه الخاويه
  • #4
    سيد البلد 12-27-2016 07:0
    * ﺑﻌﺪ ﺩﺍﻙ ﺍﻟﻜﻠﺐ ﻣﺎﺑﻠﻘﻲ ﻓﻴﻬﻮ ﺷﺊ.

    *********************************

    ياخي انت زول بخيل خلاس.

    سلك اسعد الله اوقاتك ... لكن ردمتنا ردم صاح.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019