• ×
الإثنين 27 سبتمبر 2021 | 09-26-2021
بابكر سلك

كتكيت كلاكيت تانى مرة

بابكر سلك

 1  0  1356
بابكر سلك

* كالعادة
* كما توقعنا
* خسر الإخوة الأهله تجربة النصر درجة ثانية المصرى
* وبرغم ان النصر قد أدى التجربة بأشباله وصغاره
* إلا أن الأهلة الشرفاء رفضوا النصر على النصر
* فقد عودنا إعلام الهلال عند خسارة الهلال أن يخرج علينا بالمانشيت التالى
* الهلال يرفض النصر
* المهم الهلال أمس أمام النصر رفض النصر
* وأول أمس أمام وادى دجله رفض الرجلة
* وخسر الجولة
* وقالوا بعد الكورة واحد مصرى داهبه وادى دجلابى قال للأهلة الشرفاء
* يا كتاكيت غلبناكم بالكتاكيت
* طبعاً أخوانا الفراعنه ما بقولوا كتاكيت زينا
* بقولوا كتكيت
* خشمهم صغير ما زى تلاليشنا
* ما بقدر ينفتح للعنقره عشان يطلع بالف كتاكيت زى حقتنا
* نحنا بنقول كتااااااااااكيت
* الكتكوت يكبر وينضبح والكتكوتة تكبر وتبيض ويكون خشمنا لسه ما رجع مكانو
* المهم
* خسارة ابوالهل من النصر كانت
* كتكيت كلاكيت تانى مرة
* وده مؤشر خطير لكلاكيت كبير
* كتكيت كلاكيت سبعه وتمنين مرة
* أيها الناس
* بخارى صخرة الصخور قاعد بلعب ولا لأ ؟؟
* لأنو ما ممكن يكون بلعب وشفع المصريين ديل يجيبوا فى الأقوان بالهبل
* وبعدين إزدادت أهمية بخارى لالذات بعد فتاق ابوستة مليار التحت الصرة البجى

بعد سن الأربعين عادى
* شد حيلك يا بخارى
* إنت شفت حاجة
* راجيك كتير ياولدى
* المهم
* كيس المدرب الفرنسى فى وضع الطيران
* لأنو كيس فاضى
* والهوا شديد
* والكيس الفاضى فى الهوا الشديد بطير
* نتوقع ان يكون ميشو هو الكيس رقم سبعه وعشرين فى عهد أب كسكته الإتوك بأب

سته
* لكن بصراحة الكيس الفاضى رقم 32 حايكون أخف كيس
* بطير قبال يصل
* غايتو أول مرة أشوف لى فريق بجيب مدربين أكتر من اللاعبين
* تجيبوا أكياس فاضية أكتر من اللحمة والخضار يا روشا !
* خاص صفحة الأحمر الوهاج
* تبقوا زى الراجل البوبار البجى خاشى البيت شايل إطناشر كيس ويدفر الباب بى

كراعو
* البيت كلو يجى جارى عليهو يساعدوا فى حمل الأكياس
* تطلع الإطناشر كيس فيها عشرة فاضيات يا رمضان ؟؟
* والإتنين الفضلن بصلة وجزرة يا روشا ؟؟
* صدمتوا أهل البيت يا أخوى
* أسى بى أكياسكم الفاضية دى فطومة أختى تودى وشها ويين بس ؟؟
* المهم
* والأهم
* يمضى إعدادنا
* نحمد الله لا معاين من الشباك ولا فتاق
* الشباب كلو ما شاء الله جارى
* واليوم موعدنا فى لقاء تأهيلى وإعدادى جديد
* ننشد منه قمة الفائدة
* ونتمنى ان يكون الشكل أجمل والإبداع أمتع من المباراة السابقة
* لكن نسيت أسألك يا روشا
* بتتذكر سموحه !
* سموحه يا راجل
* سموجة اللى إتغديتو معاهم يا راجل
* أهيييييييييييييي
* سموحه اللى لما اللى لما ينفردوا بالقون بضيعوها يا راجل
* خاص صفحة الأحمر الوهاج
* سموووووووووووحه
* سموحه اللى رئيسها بمشى فى الشارع يا راجل
* أهييييي يا راجل
* سموحه المصرية يا راجل
* سموحه المصرية البتلعب مباراة مصيرية بالصف الثانى يا راج
* أها سموحه دى يا روشا يا راجل من التمنين فى الميه ولا من العشرين يا رااااجل

!!!
* أهييييي !
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* واحد مشى الدكتور وجا علينا
* خير يا أخينا !
* الدكتور قال عندى ضغط وقعد يبكى فينا
* واحد مننا سألوا يا والينا
* الضغط العادى الكلنا فينا
* ولا ضغطاً تانى يا أخينا
* خاص صفحة الأحمر الوهاج

سلك كهرباء

** ننساك كيف والكلب قال السرقة بالنهار عرفناها كمان جابت ليها تليب ليل ؟؟!!
والي لقاء
سللللللللللك
امسح للحصول على الرابط
بواسطة : بابكر سلك
 1  0
التعليقات ( 1 )
الترتيب بـ
الأحدث
الأقدم
الملائم
  • #1
    محمد مصطفى 12-26-2016 06:0
    غايتو مرمط كرامة الكورة حتى قدام شفع النصر يعمل حركاتو عرفنا عودية مرعي ده منو
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019