• ×
السبت 23 أكتوبر 2021 | 10-22-2021
بلل

الدمعه التركية

بلل

 2  0  905
بلل

حصل سمعتوا بالدمعه التركية.
غايتو سمعنا الدمعه بالقراصة.
الدمعه الجاريه في الاغاني السودانيه.
الدمعه الحاره.
الدمعات كثيره علينا.
وغيرها من الدمعات الشهيرة.
لكن اول مرة نسمع بفريق اسمو الدمعه التركية.
الوصيف بعد ما واجه عمال الفندق.
وانتصر عليهم بنتيجة كبيرة
هذا الفوز ادخل سعادة كبيرة علي قلوب جماهيره المغلوبة علي أمرها.
ولا نستبعد ان يكون البعض منهم ذرف الدمع السخي لهذا الانتصار.
بعد ان فارقت الانتصارات ديار الوصيف لفترة طويلة.
بعد ان تسبب سيد البلد في مصادرة افراحهم وجعلهم يهربون من امامه داخل الملعب.
ولاستمرار الافراح قرر الوصيف خوض تجربة ثانية مع طباخي الدمعه التركية.
أفضل من يجيد صناعة الدمعه التركية.
بس ما عارفين الدمعه التركية بيأكلوها بشنو.
يا ربي بالعيش التركي.
ولا يمكن عندهم قراصة تركية .. جائز ما بعيد خاصة ما تبادل الثقافات الحاصلة بين العالم.
مش الرغيف التركي وصل لحدي بلدنا رغم المسافات الخيالية.
مافي حاجة تمنع من وصول القراصة والكسرة حقتنا لتركيا.
عليكم الله كدي اتخيلوا ناس مهند ونور بيأكلوا في القراصة السودانية بالدمعه التركية.
تبادل ثقافات عجيب.
نشكر الدمعه التي جعلت الجميع يلتف حولها بين شعبي البلدين الشقيقين.
وهاهو الوصيف يؤكد قوة تلك العلاقة سيواجه افضل من يجيد صناعة الدمعه.
بس في حاجة مهمة عايزين نتأكد منها.
الدمعه التركية دي زي الدمعه حقتنا ولا في اختلاف.
دمعتهم يا ربي فيها بصل وصلصة ولا لحمة.
اسي عليكم الله الاتراك ديل عندهم صبر عشان يعملوا الدمعه زي ناسنا هنا.
بالمناسبة الدمعه عايزه وقت طويل عشان يعملوها.
تركيا دولة أوروبية ويعيش شعبها علي الايقاع السريع.
يعني ديل متين ح يكون عندهم وقت عشان يتابعوا الجديد في عالم الموضة الاوروبية.
ولا ح يقعدوا يطبخوا لينا في الدمعه.
يمكن فريق الدمعه عندهم علاقه بالسودان من زمااااان.
كانوا معانا من زمان وإتعلموا الدمعه والعصيدة وبقية اكلاتنا الشعبية دي.
بالمناسبة عرفنا ليه الوصيف دا علاقتو قوية بعمال الفندق وأفضل طباخي الدمعه في التركي.
عشان البرد في تركيا بخلي الزول في حالة جوع دائم.
بالله الجماعه ديل حصلوا للمرحلة دي.
عايزين يكونوا قريبين من ناس الدمعه ديل.
تاني مباريات الوصيف ح تكون في السوق المركزي.
وسط الطماطم والأسود والفجل والدكوة.
تاني جماهير الوصيف تجي تتابع المباريات معاها (أكياس أو قفه) عشان الخضار في السوق المركزي بالليل برخص جدا.
حتي لاعبي الوصيف في تصريحاتهم للاعلام.
ح يقولوا الدمعه كانت جيدة جدا واستفدنا كثيرا من التجربة.
غايتو الدمعه عملت فينا عمايل.
***
معسكر الازرق يسير علي النحو المطلوب.
جدية وحماس وسط اللاعبين.
الفرنسي لافاني ذكر انه مبسوط من اللاعبين للغاية.
وذلك لدقة تنفيذ التدريبات.
كما اشاد باللياقة البدنية لجميع اللاعبين.
حيث قدم الغاني أنساه مدرب اللياقة عمل كبير مع الهلال في الفترة الماضية.
ننتظر المزيد من الجهاز الفني تجاه اللاعبين.
نحن الهلال بنريدو جد.
الهلال مفخرة داخل وخارج الجوهرة.
(صمت اخير) ..
الدمعه التركية.
صباح الورد
كيف يا حبوب
إنهاء الدردشة
امسح للحصول على الرابط
بواسطة : بلل
 2  0
التعليقات ( 2 )
الترتيب بـ
الأحدث
الأقدم
الملائم
  • #1
    النفطى 12-11-2016 07:0
    فى هذا العام اذا لم يصل الهلال والمريخ الى دور التمانيه على الاقل فالعام القادم سوف يمثل السودان بفريق واحد فى الأبطال وفريق واحد فى الكنفدراليه وبالتالي على مشعجى الفريقن الصمت على الاقل حتى يصل الفريقين الى تلك المرحله والكف عن الكتابة المبتذله اعلاه
  • #2
    سوداني شارب مؤية النيل 12-11-2016 04:0
    ياخسارة علي القلم ياخي عيب اهاكردنة قال 80% اعلام الهلال مرتشي خليك من القراصة
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019