• ×
الخميس 23 سبتمبر 2021 | 09-23-2021
بابكر سلك

جو اوروبي

بابكر سلك

 2  0  1852
بابكر سلك
ماشاء الله
* اليومين دي جونا جو اوروبي
* الفريق في اوروبا
* و اوروبا فيها جو اوروبي
* برغم انو درجة الحرارة اليومين في اوروبا تختلف من منطقة لاخري
* الا ان الجو في اوروبا رغم تباينه جو اوروبي
* في مناطق درجة حرارتها في منتصف الطاشرات
* ومناطق اخري حرارتها تلج بس
* جليد
* وفي الجليد طبعا درجة الحراره بتكون مرات اربعه تحت الهلال اقصد تحت الصفر
* الفريق في جو اوروبي
* والمجلس برضك الجو عندو اوروبي
* ففكرة السيد عصام الحاج بتاعت مجلس الشرف قد اينعت
* وجعلت جونا جميعا اوروبي
* بعض الناس جوها (بأولك ايه ) وجبنه أريش وهانعيش ازاي يا سيسي
* صدقوني اليومين دي الشعب المصري ماطايق حتي نفسو
* ولا تستغربوا اذا واحد مصري قال لبعثة الهلال جايين ليه ! هي مصر ( طايئه ) اهلها
* نحمد الله علي الجو الاوروبي الذي ننعم به
* ولاننا نريد الخير لغيرنا
* ندعوا اخوتنا في القوة المالية (الضاربة) ان يشوفوا ليهم طريقة جو اوروبي
* ان شاء الله في الكلاكلة
* موش بقولوا الكلاكلة القبة اوروبا ???
* واتكلكلي
* ايها الناس
* شفوت السلة يفرتقون الكسكتات كسكتة كسكتة
* وشفوت مونس حولوا ليل مجمع طلعت فريد لي نار حمراء
* فكان النصر للمريخ علي الهلال
* حتي سلتنا جوها اوروبي
* ايها الناس
* ويستمر الجوي الاوروبي كي نبتهج
* عيد مانديلا قرب
* وكان قرار الشفوت هو الاحتفال بالمناسبة الضخمة
* والتي تميزنا دوما عن من هم دون مصافنا
* مكانة ميزتنا عن جميع اندية السودان والدول المجاورة
* اسي تشاد عندها جويه !
* سمعتوا بافريقيا الوسطي طلع ليها فريق علي منصات التتويج الافريقية !
* دولة الجنوب الوليده دي عندها فريق عندو بطولة افريقية
* برغم اننا نعذر دولة الجنوب لانها وليدة
* لكن الناس المولودين ليهم تمنية وتمنين سنة ديل من وين نجيب ليهم العذر ???
* ليبيا دي حصل صعد منها فريق علي منصات التتويج الافريقية ??
* اثيوبيا عملتها ???
* اريتريا حصل من زمن يوهانس طلع ليها فريق علي منصات التتويج الافريقية ??
* عشان كده بنقول مانديلا يميزنا عن جميع اندية السودان والدول المجاورة
* الدول المجاورة ياها المذكورة فوق دي
* و عشان تعم الفائدة نعرض عليكم امثلة من اندية السودان التي ميزنا مانديلا عنها
* وهي ما يطلق عليها العلماء الاندية الصفرية
* وهي اندية الهلال بدون فرز
* هلال الضعين هلال ام درمان هلال ام صفقا عراض هلال ام صفقا رقاق هلال جربوكس
* كلهم زي بعض يتفقون علي صفرية الانجاز الافريقي الذي ميزنا عن الصفرية بالصفوية
* المهم
* قرر الشفوت الاحتفال بدار النادي يوم تسعه اطناشر (يوم العيد الكبير )
* واقول العيد الكبير لاننا عندنا اعياد صغيرة
* سيكافا الاولي عيد صغير
* سيكافا التانية عيد صغير
* سيكافا التالتة عيد صغير
* دبي
* الشارقة
* جوبا
* التلاتة الاخيرات ديل عطلات وشم نسيم
* يعني اعياد رحلات كده ما اعتاد خبيز
* ناس روشا يا كافي البلا من ناحية الاعياد دي جمعة ساي ماعندهم
* المهم
* قرر الشفوت الاحتفال وتكريم جيل مانديلا لاعبين واداريين ومشجعين
* تكلفة الحفل علي الشفوت
* وعلي جميع المسميات الجماهيرية بما فيها الاولتراسات ان تحرص علي ارسال مندوبها اليوم مساءا للنادي للتفاكر حول الاحتفال وتوزيع الاعباء
* ده عيدنا ومابنقصر
* ايها الناس
* ان تنصروا الله ينصركم ويسدد خطاكم ويكفيكم شر الامراض وكان مرضتوا ييسر دواكم
اها
* نجي لي شمارات والي الخرتوم
* كان شفت يا والينا
* اخونا خالد الشيخ قص قصة علينا وقال لينا
* كان عندنا واحد مغترب من اهالينا
* كلوما يقول راجع البلد جايينا
* بنقول ليهو اعقل يا زول وما تجينا
* المهم الزول اصر يا والينا
* داير يجي يطمئن علي امو ويقشر بينا
* مسح الكريمات وجل الشعر نظام تظهر الروقة يا والينا واشتري الهديمات وطقم البدل عشان هو جايينا
* ووصل البلد بدلة فل سوت تراري فينا
* القميص ماركة يا والينا
* الحذاء ايطالي والشراب من ارجنتينا
* والداخليات زاتن ماركات غريبة علينا
* الكرفتة معاها منديل هدية يكمل الزينا
* والعطر كابيهو كب يا والينا
* لما نسانا ريحة المجاري الطافحة فينا
* ووصل البلد
* ودفعوهوا يا والينا
* قعد اسبوع في البلد قطفوهوا يا والينا
* جا يؤشر خروج
* نضفوهوا يا والينا
* ولي رسوم المغادرة انجبر باع البدلة والكرفتة والحذاء شراب ارجنتينا وحتي ديك الماركاتن غريبات علينا
* وركب الطيارة بالكرفتة بس يا والينا
سلك كهربا
ننساك كيف والكلب قال نحمد الله الخلوا ليهو كرفته تسترو
والي لقاء
سلك
امسح للحصول على الرابط
بواسطة : بابكر سلك
 2  0
التعليقات ( 2 )
الترتيب بـ
الأحدث
الأقدم
الملائم
  • #1
    بهاء الدين سعدالله 12-07-2016 02:0
    هل تعلم قة (جو اوربى)؟؟؟
    يحكى ان احد لاعبى المريخ كان فى طائرة مسافر مع الفريق لاداء مباراة فى ولة افريقية - وكان لابد ان تمر الطائرة بباريس والمكوث بها عدة ساعات - وعند نزول البعث وفى سلم الطائرة قال اللاعب الاحمر قولته المشهورة دا جو اوربى)
  • #2
    Hajjam 12-06-2016 09:0
    الجو جو هاي ياسلوكة.........هو المستفيد الوحيد من الجو الاوربي وصدقت حين قلت انتم وجوكم تحت الهلال ياضلنا......عواجيزكم ديل ما بستحملوا ليكم البرد ده...................
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019