* اجمل شئ امس كان تلك اللافتة الرائعة التي رفعها الشفوت بعد ان خطوا عليها ابداعهم الخلاق
* احلامكم جزء من ماضينا
* لله درك ايها الشفت الذي نثر ابداعه على قطعة قماش لخصت اسباب احساس اخوتنا بالدونية امام سجلنا بلوح الشرف الافريقي
* ماهي احلام الزناطير ؟؟
* بالتأكيد احلامهم تتمحور في مفارقة الصفر الدولي الذي اعياه النضال
* بكل الاساليب فشلوا في مبارحة محطة الصفر
* تمنية وتمنين سنة يصفروا
* قطر بس
* اذن احلامهم هي الظفر ببطولة من بطولات الكاف
* تلك الاحلام الزنطورية الصفرية ما هي الا جزء من ماضينا
* مع جية الانقاذ حققنا ما يحلمون به
* والان الانقاذ وصلت مرحلة الحوار الوطني
* والاهلة لسه في زنطرتهم
* فعلا احلامكم جزء من ماضينا
* المهم
* تم رفض طلب الفحص
* ودي ما المشكلة
* تم ارسال القرار للمكتب التنفيذي للمريخ امس الساعه سبعة الا ربع مساء
* يعني قبل الكورة بساعة الا ربع
* فهل يوجد في التشريعات ما يلزم الاتحاد بابلاغ الفريق بمثل هكذا قرارات قبل وقت محدد ؟؟
*ايها الناس
* سمعنا انو الشركة الراعية اصرت علي التتويج امس
* لماذا لم تصر تلك الشركة المحترمة على التتويج في الموسم الماضي ونحن نكتب على لوحة استاد الخرطوم حضرنا ولم نجدكم ؟؟؟
* والسؤال
* مضت سنة يا شركة يا راعية فهل تم تتويج المريخ ولا رعايتك فيها خيار وصفور ؟؟؟
* المهم
* متابعة شكوانا في شيبوب ليس الغرض منها بطولة الممتاز ولكن الهدف نجيبها من فوق ونهدم هذا الاتحاد الذي يعمل بدون ما يعرف يقرأ برتغالي
* عشان تاني يعرف يقرأ برتغالي
* و عشان يبطل حكاية القراية البي القلم الازرق الكتيرة والمسيخة دي
* عليكم الله اي شئ خلوهوا
* تفتكروا لجنة التحكيم حققت مع الحكم الذي الغي هدف كوكو التعادلي الصحيح !!
* ايها الناس
* الممتاز ليس غاية بالذات في ظل نظام كروي منحاز بشدة
* ولكنه وسيلة للمشاركة في منافسات الكاف
* والمضطر بركب الصعاب
* ايها الناس
* بدعة قصة الانسحابات التي ابتدعها الهلال وكترها
* ولو كان اتحادنا يطبق القوانين بحيادية
* كان الهلال من زمن كورة نيل شندي في زمن الارباب عاد لدار الرياضة امدرمان وريحنا
* ولكن الجوديات وكسر رقبة القانون هي ما واصلت الامر عندنا لدرجة فظيعه من الانحطاط وتحدي الاندية للاتحاد المنظم
* ضعف شخصية الاتحاد و الخيار والصفور وعدم الالمام باللغة البرتغالية كلها اسباب جعلت من الاتحاد مسخ مشوه حيران لا يدري ماذا يفعل فيضطر لتعطيل الكثير من القوانين للخروج من الازمات التي ادخل فيها الاتحاد نفسه والاندية المشاركة بسبب التعطيل الاول للقانون محاباة وانحياز واضح
* ايها الناس
* ما وصلنا اليه سببه الاساسي ضعف الاتحاد المستمد من التدخل الغير رياضي في الشأن الرياضي
* فالرياضة لا تحتاج لحوار بقدر ما هي محتاجة لاهلها ليديروها
* فهل وعينا الدرس !!!!
* المهم
* ولد اخوي صغيروني
* قال لي امو (عمو) ليه الشلتة (الشركة) اللاعية (الراعية) ما بتتوت (مابتتوج) المليخ (المريخ) لما يسيل (يشيل) الدولي (الدوري) وبتسل (تصر) علي تتويت (تتويج) الهنال (الهلال) ؟؟
* قلت ليهو يا ولدي اظنها اشتاقت لي شرائحها العندنا وما عارفة اننا في خمسة دقائق ممكن نجمع ليها شرائحها في مخلايات في النادي ما عليها الا تجيب دفارها وتجي تشيل شرائحها
* وانا شخصيا يا ولدي من الليله لا بستعمل تلفون ماببدأ بي 09 ولا بستقبل مكالمة من تلفون ما ببدأ بي 09 ولا بتصل علي تلفون ما ببدأ بي 09
* ود اخوي ضحك وقال لي
* بالتليدة (بالطريقة) دي الشلتة (الشركة) اللاعية (الراعية) الا تسوف ليها لاعي (راعي) يديهم مرتبات
* لاعي (راعي) الدان (الضان) في الخلا فاهم الحتة دي تالت(..) ده ما فاهما !!!
* قلت ليهو الفهم قسم يا ولدي
* ايها الناس
* الود ده نبهني لمواضيع كتيرة تتعلق بالشركة الراعية وحياديتها المفترضة وواقع كيلها بعدد من المكاييل
* انا اتحادنا الهمام فهو يحتاج لكشف الكثير من ممارساته ومبرراته المضحكة جدا
* اما لجنة يخطئ فهي البطل الحقيقي لان نقاطها فاقت النقاط التي حصل عليها القحطاني بعرق جبينة
* ايها الناس
* سوداني وقحطاني !!!!!
* اصبروا
* ايها الناس
* ان تنصروا الله ينصركم
* انصروهوا عشان ربنا يخارجنا
* اها
* نجي لي شمارات والي الخرتوم
*كان شفت يا والينا
* اشتهينا الموية تجينا
* ولو بي طينها
سلك كهربا
ننساك كيف والكلب قال التتويج بقي زي حفلة ايهاب توفيق ملح ملح
وإلى لقاء
سلك
عيب عليك و انت في العقد السادس تسئ لاكثر من 20 مليون سودانى ، انت عارف معنى زنطور ايه، الهلال فيه الزعيم و العالم و الوزير و الطبيب و المهندس و الاقتصادى و كل اصحاب المهن و الحرف الاخرى، فيه التقى و الورع و العابد و فيه الشريف و العفيف، كيف تصفهم بهذه الكلمة السيئة
انت اجرمت في حق ابرياء و اسأت لهم و كمان نشرت الاساءة بين جماهير الفريقين اصبحت الاساءة متداولة بين الجمهور، كيف تقابل ربك؟
نحمد الله بانه الصفر دولى وما بقى محلى وتعرفوا ان
البلد دى ماهامله ولا وكالة من غير بواب البلد دى بى سيدا وسيدا منو ؟؟؟... الله ينور عليك الهلااااال وبس
والباقى كمبارس
شركة سوداني هي الداعم الاول للمريخ من جمهور الهلال لان ماتدفعه سوداني للحكومه كضرائب اهدرته لجنة التسييير المنقوصة من المواقف
اذا كان المريخ لايخشي الهلال كان عليه ان يلعب ويواصل في فرية الشكوي والتي اتحدي فيها المريخ ان يصل بها للكاس
شركة سوداني هي الداعم الاول للمريخ من جمهور الهلال لان ماتدفعه سوداني للحكومه كضرائب اهدرته لجنة التسييير المنقوصة من المواقف
اذا كان المريخ لايخشي الهلال كان عليه ان يلعب ويواصل في فرية الشكوي والتي اتحدي فيها المريخ ان يصل بها للكاس