• ×
الثلاثاء 11 مايو 2021 | 05-11-2021
بابكر سلك

أحلامكم جزء من ماضينا(6)

بابكر سلك

 26  0  2648
بابكر سلك





وتستمر الاحلام والمحصلة وهم ساي وصفر كبير

حتي الطابق الذي يحلم الاهله بانتهائه هو جزء من ماضينا جزء من ماضينا مرحلة الطابق بالنسبة لينا ماضينا
وبالنسبة الاهله حلم ومستقبل
دائماً احلامكم جزء من ماضينا
حتى الاستاد
لما حلمو بي الاستاد
كانت احلامهم وقتها جزء من ماضينا في ذلك الحين
كانو بحلمو بي استاد وكنا نملك استاد ونفكر في خطوه اخري
استادكم يا فطومه زاتو جزء من ماضينا
المهم
ماشين معانا البطولة العربية نجيب ليكم معانا ملايات من مصر؟
اها
اكتب قبل لقاء الجماعه
اتمني من يخطئ لايخطئ
حتي يصعد لنهائي كاس السودان من يستحق التأهل
ومستشفي شندي ماظنيتو محتاج صيانة

ايها الناس

اليوم نلتقي باولاد التبلدي هي ثأرية
وعلي اولادنا ان يدركو جيداً انهم اصحاب الثار الحقيقين
قدر ما شاء الله يدينا اقون
نتوق للقاء اهلي شندي بودمدني
عشان يتفرج المدني والحضري
ومن ارض المحنه من قلب الجزيرة نعود بفصل الله بكأس السودان كما عدنا به من الدمازين والناس الفارين ودنقلا الابوها وضربو الخلا
شعارنا لكاس السودان من كل مدينة كاس سنينة
المهم
كلنا حضوراً مشرفا
ثارنا واجبنا كلنا
وعلي ابراهومة ان يجهز عفشو ويشوف قطر وين

ايها الناس

يعدون العدة لاصدار قرار كبير اثناء المباراة فترقبوه
كلو زول حر في الشركة البيتعامل معاها
وللشفوت رد محترم علي من تطاول وتهابل في تصريحه
انه يوم الشفوت الكبير

ايها الناس

سمعتو كلام يسرية محمد الحسن علي شاشة النيل الأزرق
فضيحة
المهم
الليله كلنا لناخذ ثارنا
نعول علي الجميع ونخص العقرب ورمضان واوكرا
وعلي شفوت المدرجات واجب الدعم ومنهم تبدأ مسيرة النصر الكبير

ايها الناس

زول مرق من ودهاشم بضربات الترجيح ما زول بطولة
ولا زول نهائي
الا كان وصل بخطأ من الاخطاء المعهوده والمتكرره والغير مبرره
شفوت صفا شفوووووت ايييينتبااااه
تقدم للأمام حتي الكأس معتدل مارش
ايها الناس

ان تنصروا الله ينصركم
اها
نجي لي شمارات والي الخرتوم
كان شفت يا والينا
في ناس كده خيرهم علينا
ينضفو الشارع ويكومو التراااب لينا
تاني يوم عربية تفرتق كوم التراب علينا
والهوا يعيد توزيعو علينا
المقصود شنو من القصة دي قول لينا
وهل دورهم بينتهي ب لم التراب وتكويمو علي حواف الشارع يا والينا
ولا ده استكراد لينا

سلك كهربا

ننساك كيف والكلب قال كريم التراب ولاصمة الخشم
والي اللقاء
امسح للحصول على الرابط
بواسطة : بابكر سلك
 26  0
التعليقات ( 26 )
الترتيب بـ
الأحدث
الأقدم
الملائم
  • #1
    المعتز الشيخ 10-25-2016 02:0
    والله ياسلك فعلا اسم علي مسمي عليك الله انت صحفي ام سخفي فعلا اثبت لي مقوله (المريخابي في ذمة الواعي) كلامك غير موزون كلام خارم بارم لو بتكسب المال من هذا المقال المابسر البال والكله احتيال في احتيال كسبك لو بي الهترشه بتاعتك دي ربنا يهديك الي الصواب ويكفيك شر اكل الحرام
  • #2
    الصاروخ 10-25-2016 01:0
    هههههههههههههههههه الزول ده فكت من صلعتوا ... تعال اتندل النتديك درس عصر اتفن و اقعد في الواطه ... لو دلاقينكم جابو كاس العالم للانديه برضوا الهلال ما بطلولوا مقاموا و لو مريخييبك قام و صنقع برضو قدام سيدكم اقزام تحبو في مهدها ... العب بعيد يا جني
  • #4
    سامي 10-25-2016 08:0
    يا سلك ، مرة واحد زيك كده داير يشتم نميري، قام قال ليه طيش حنتوب، نقد رد عليه لكن طيش حنتوب دا يعنية 120 السودان - أو واحد من فرق الولايات بياخد الدوري بتاع بلده كل سنة وما طلع الممتاز عمره ويضحك على فريق أهلي مدني لأنه بلعب ليه 30 سنة في الممتاز وما شال كاس الممتاز. دا حالكم مع الهلال - تجوا أول بطولة من الدرجة الثالثة مرة قبل 30 سنة وتضحكوا على طيش الأبطال. دا لو افترضنا إنه الهلال طيش الأبطال - مع إنه الهلال على مر السبعين سنة الماضية ما كان تصنيفه في أفريقيا خارج العشرة الأوائل - أي ماضي تتكلم عنه، مثلت السودان قبل الهلال، لو بنيت طابق تاني قبل الهلال فالهلال بنى استاده قبلك، شلت كاس الدوري أكثر منه، صنفت يوماً ما قبله على مدى ثمانين سنة إنت بتصارع عشان تحصله، ليك 60 سنة ما فت عتبة دور ال 16 لحد ما جراك الهلال معاه سنة 2007 وبرضه تتفاصحوا - قال طابق تاني - طيب يا عزيزي أهو الهلال شغال في الطابق الثالث قبلك شنو يعني - دي حاجة بتفاخروا بيها، الناس عندما تتفاخر تتفاخر بتاريخ حقيقي، يكون ليه قيمة ويكون أضاف للسودان وللبلد شيء يعتز به أهل هذا البلد وهذا ما لم يحققه المريخ في كل تاريخه، على الأقل كان لمشاركة الهلال أثر كبير إذ قاد إلى تمثيل البلد بأربعة ممثلين في بطولتي الكاف. علي فكرة لو كنتو فاكرين إنه كاس مانديلا هو كاس الكونفيدرالية سابقاً تكونوا غلطانين، دي كانت بطولة إسمها كاس الاتحاد تأتي في الترتيب بعد ما كان يسمى بكأس الكئوس - زي ما تقول بشتركوا فيها من ثالث الدوري ولتحت - واستغنى الكاف عنها وألغاها لأنها كانت بطولة ضعيفة ومرهقة مادياً للفرق المشاركة وما كان لها معنى واكتفي بالأبطال و كأس الكئوس الذي سمي بالكونفيدرالية -
  • #5
    معز حيدر 10-25-2016 07:0
    ماقلت سرقة اللافتات دة ملك ولا جديد
    عنوان عمودك اليوم طلع بدري بعد ضرب التبلدي(7)
    ورقم (7) دة ماتفتحه لان الماضي بوديك لشلباية
    كفاك ماضي الي رقم (6) انا بقولك اهو
    كرهتونا جاي تفتش الماضي
  • #6
    عبد الهادي عبد المطلب 10-25-2016 07:0
    الحبيب سلك صباح الفل والتبلدي عساك نمت تمام وعايزل تاخذ لك كباية تبلدي بارد وتورينا حتعملوا ايه في كاس الاندية العربية .... وهاك الثأر ده .... مع التحيةوكل سنةوانت طيب
  • #7
    alisheikh mohamed 10-25-2016 06:0
    دلقون مسكين لا دوري ولا كاس
    اهربوا اخرسوا ايها الدلاقين
    من انتم كما كان يقول القذافي
    انتم الجرذانات
  • #8
    صابر الحاج 10-25-2016 06:0
    خلاصة مقالك يا اهبل الصحافه الرياضيه كالآتي
    أوهامكم جزء من خيباتكم.........وبس
  • #9
    أبو 10-25-2016 06:0
    (
    زول مرق من ودهاشم بضربات الترجيح ما زول بطولة
    ولا زول نهائي
    الا كان وصل بخطأ من الاخطاء المعهوده والمتكرره والغير مبرره
    شفوت صفا شفوووووت ايييينتبااااه
    تقدم للأمام حتي الكأس معتدل مارش
    ايها الناس)
    هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
    قلت لي شنو ي أحمد بدير يا شفت سلم لي على كابو صديق الفنانات ناس سميره جاكات وتحية جلكسات ومزمل أبو القنابل الحارقات وأسماعيل بلنتات
  • #10
    أسامه إبراهيم عبداللطيف 10-25-2016 05:0
    ظهورك انت وهيثم كابو امس جزء من ثقافتكم وولولتكم وجرستكم علشان عارفين انه التبلدى ها يطرقعكم كان تصبروا شويةوتشوفوا نتيجة المباراة بن على هرب ياحليكم
  • #13
    صابر الحاج 10-25-2016 12:0
    انضرب المرخرخ والفضايح بانت
    ويالصاوي العنيد العشره كيفن هانت
    يالدلقون قدر مارفعوك تنتاحت
    رغم انو الحكم وريحة الملالين فاحت
    *************

    مبروك الهلال رغم انو ماشفناكا
    لايبقي الكلام ومرض اللقيمات جاكا
    ناس يجري الغشيم ادوهن الكنداكا
    اصلا مافي تيم بس ضلنا واتحاكا

    ****************
    يامزمز تعال الليله كيف الشوره
    لافي صحافه لا اخلاق ومافيش كوره
    جهز شكوتك اجري المكاتب دوره
    ياحليل ناس سمير كان سمكرو الماسوره

    ****************
    حق الناس ظهر وحق الحرام مابودي
    والشلتوهو دس الليله ماخود زندي
    التيم المهلهل ضمه راقد عدي
    واصلا مو مقامكم الا مسجون شندي

    ***************
    افرح ياهلال ابنك طلع موعاق
    شبعوا لي المرخرخ والحناضل ضاق
    دلقانا قديم مابخيتو اللتاق
    ومابيسترلو عوره هو في الكراع ماحاق
    ودالسندس شريف
  • #14
    بكرى 10-24-2016 11:0
    سلوك ربنا استجاب لامانيك وفعلا تاهل للنهائى من يستحق يااصلع ماترحم نفسك انت وبتاع الرقاصات والله من ماتظهروا انا بتفائل بيكم كج انتوا السبب الرئيسى فى دمار المرخرخ
  • #15
    بكرى 10-24-2016 11:0
    سلوك ربنا استجاب لامانيك وفعلا تاهل للنهائى من يستحق يااصلع ماترحم نفسك انت وبتاع الرقاصات والله من ماتظهروا انا بتفائل بيكم كج انتوا السبب الرئيسى فى دمار المرخرخ
  • #16
    IBRAHHIM 10-24-2016 10:0
    و الله اعمى و مسكوه عكاز نسيت ريحة المطار و مسكت فى أحلامكم جزء من ما ضينا
    و الله تقول ماضيكم ماضى ريال مدريد ز كأس واحد درجة تانية و اعور و الله بضحكو العالم فينا. الهلال حقق و صافة الأبطال مرتين أنتو ولا مرة طول تاريخكم . و أذكرك أنو السودان حقق لقب افريقيا مرة واحدة هل تحس له شىء يذكر على صعيد القارة . يا ناس أختشو . انتم دائما تيرمومتركم هلال العز و الدليل واليكم بتاع المؤتمر الوثنى قال شنو يعنى المريخ ينضرب خمسة تبلديات ما غلب الهلال بالأربعة شفت كيف يا ابو قرعة يا ابو كيسا فاضى
  • #17
    Hajjam 10-24-2016 10:0
    مبروك العلقة التبلدية ياسلوكة.............عجبتني ليكم والله وعقبال السباعيات في البطولة العربية التي اغتصبها اتحاد الدلاقين من اسيادها اسياد البلد.......
  • #18
    ابوعبدالله 10-24-2016 06:0
    ﻭﺩ ﺍﻟﺒﺸﺮﻯ :
    ﺑﺪﻝ ﺍﻟﻴﺎﻓﻄﺔ ،،،، ﻛﺎﻥ ﺍﺣﺴﻦ ﺗﺠﻮ ،، ﺗﻼﻗﻮﻭﻧﺎ
    ﺗﻠﻌﺒﻮ ﻛﻮﻭﻭﺭﺓ ،،، ﺍﺣﺴﺎﺱ ﺍﻟﻔﺮﺡ ،،، ﺗﺪﻭﻭﻭﻧﺎ
    ﺍﻻ ﺍﻟﺴﺮﻗﺔ ﺷﻴﻴﻨﺔ ،،، ﻭﺑﻴﻬﺎ ، ﺍﺣﺮﺟﺘﻮﻭﻭﻧﺎ
    ﻧﺎﺱ ﺗﻮﻧﺲ ﺑﻴﻀﺤﻜﻮﺍ ،،،، ﻗﺎﻟﻮﺍ ﻣﺎ ﺗﺤﺎﻛﻮﻧﺎ
  • #20
    Hajjam 10-24-2016 04:0
    وأحلامهم في التشرف بلملمة بواقي الهلال ياأصحاب الصعود الوحيد لدوري الأربعة الكبار. حتي شعارات التوانسة التي استخدمت ضدكم لم تسلم من همبتتكم.
  • #21
    محمد زمراوي 10-24-2016 03:0
    رجعت تاني بعد الهروب الكبير والحريق المنتظر ما في حريق جاي كان تاخر ظهورك شوية اثر هروبك لسة باين
    ياخي الفصاحة في شنو حلوة ما زول بطولة انت ما عارف البطولة الحقيقية حسموها الرجال بدري
  • #23
    جون سينا 10-24-2016 03:0
    هبالتك جزء من عوارتك - وخرمجتك تعكس ثقافتك ومابداخلك وهروبك جزء من خيبات فريقك - ياحاج تنقو الزول بعد يتقدم فى السن مفروض يكون محترم.
  • #24
    alisheikh mohamed 10-24-2016 03:0
    هل لكم ماضي ايها الدلاقين المقلدين
    حتي سرقاتكم من التوانسة
    الدلاقين لا ابداع لهم حتي الشعارات مسروقة
  • #25
    النورس 10-24-2016 02:0
    الاسياد حلمهم كاس ابطال افريقيا وكاس العالم للاندية وهذه جزء من ماضي الاهلي المصري - الرجاء البيضاوي - مازمبي الكونغولي وليس الدلاقييييييييييييييييييييييين
  • #26
    ياسر الأمين ابراهيم 10-24-2016 02:0
    سلام يا سلك
    والله أحب كتابتك جداً ، معي العلم أنا هلالابي ،
    مرات يا سلك بتحلم ، بأمانه والحلم حق مكفول للجميع .
    المريخ في اضعف أوقاته ،من الاحسن الإصلاح من الحلم ، وهذا في كل شيء ليس الرياضه. It calls the realty
    معي الشكر
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019