((())) الانسحاب طيب :
هم يتوهمون ان المريخ هو الدجاجة التي تبيض ذهبا للاتحاد
وان انسحاب سيكون وبالا علي الاتحاد العام
بالله عليكم الله انسحبوا وستقيم حفلا عالميا في قناة النيل الازرق
ونحن هنا نجزم انه لن يضير السودان انسحاب المريخ من عدمه
بل نحمد الله كثيرا لان خارطة المنافسه ستنزل عليها البركات
وخاصة ان فريق اهلي شندي فريق ممتاز ورائع
وممكن يغطي فراغ المريخ بكل سهوله ويسر
بس كدي فارقونا بريحه طيبه
بشرط ان يعاقب الاتحاد المريخ عقابا شديدا جراء ما قام به من انسحاب غبي
يهدف من وراءه نسف دوري في نهاياته
ويلحقه غير مأسوف عليه بفريق المورده
او يكون مع فرق السنترليق حتي يقضي الله امرا كان مفعولا
لقد قدم المريخ شكواه علي لاعب الهلال شيبوب
والذي اقتلعه الهلال عبر كوبري شبيبة القيروان
وان تأخر الاتحاد او لجنة الاستئنافات في الرد
الا ان المريخ لم يتابع الاستئناف قبل فترة كافيه
وجاء الرد صاعقا للمريخ فماذا يفعل له الاتحاد
لجنة الاستئنافات قالت كلمتها الفصل
واصبح شيبوب لاعبا رسميا في كشوفات الهلال
والانسحاب طيب ان كان فيكم رجل رشيد
((())) ومازلنا مع الخايفين من الاسد والما قادرين ينوموا :
وان كنا نريد طمأنتهم بأن الاسد هو الملك
وما في زول يزعل الملك قبل مباراة القمه
واليكم روشته طبيه من اغنيتين واحده قبل الحريق والثانيه بعد الحريق
قبل الحريق اغنيه لفهيمه عبد الله
رقيق رقيق وحرق الناس حريق
وانا مالي ومال الزول ده
يا ود الغرب وجعت في القلب
قامت الحرب انا مالي ومال الزول ده
و اغنية حرقتني النار النار يا حبيبي لخضر بشير وهي اغنيه في غاية الروعه
وكم هي رائعة هذه الاغنيه الجميله بصوت الفنان الراحل خضر بشير وبطريقته الغريبه والعجيبه
حرقتني النار النار ياحبيبي
رشفنا الزلال والشهد
آنسني ما معانا احد
سجلنا يوم الاحد
للحب الماليهو حد
حرقتني النار النار ياحبيبي
غاب الحسود المريب
وياحبيبي جيتك قريب
ومن قبل ما ننطرب
حصل الشعور الغريب
حرقتني النار النار ياحبيبي
حبيبي المحب وقور
خليهو الحسود يغوور
بطلنا خمر القزاز وشرابنا بس مقطور
حرقتني النار النار ياحبيبي
حبيبي قوم بنا
عالج السهاد والضنا
نحنا الحسود ضدنا
وخلقونا لي بعضنا
حرقتني النار النار ياحبيبي
((())) اغبي مريخابي يقرأ لي :
هو شخص اسمه عثمان جميل من الدوحه قطر ولا اظن انه جميل بل قبيح جدا حتي في كلماته وتعليقاته وكم مره نصحناه ان لا يقرأ ما نكتب
ولكنه يتعذب كثيرا ان لم يقرأ ويشتم وينبذ ويسيئ
وكل مرة بنديهو علي دماغو وما يتوب
يا اخي ما في زول جابرك علي القراءة
ارتقي بعقلك العفن لاننا في زمان قد عفا عن نظريات حجر حريات الآخرين
واصبح الفضاء عالم لا حدود له
انا اكتب ما اريد وانت تقرأ ما تشاء
ما اغباك يا اخي وانت ترسم للآخرين الخطوط الحمراء
اقسم انك لا تستحق هذه السطور ايها الجاهل
محمد حسن شوربجي
يا شوربجي ! لأنني سبق لي ان قراته عدة مرات بحكم أنك هلالابي
حسب كتاباتك لكنني وجدت أسلوبك في الكتابه كله تجريح وإساءات
لاخوتنا المريخاب ! خاصة انك دائماً تستهزاء برئيسهم جمال الوالي !
هذه ليست صحافه بل سخافه . كنّا ذكر احد الاخوه في تعليقه اننا
لا نستفيد أبدا من كتاباتك أإنها من دون فايده ! الصحفي الناجح
هو الذي يجذبك بأسالوبه في الكتابه سواء كان هلالابيا او مريخابيا
هذا ليس تقليل من شانك بل عناب لك .
احترموا انفسكم وعلقوا باحترام في الموضوع وما تتدخلوا في الشئون الشخصيه
انتو اصلا بتفهموا كيف
عثمان جميل نكرة وانت علم من اعﻻم صحافتنا..
انت بحمد الله هﻻﻻبى..وجميل شفاه الله مريخابى..
يجب ان تحمد الله على نعمه ..وتدعو للجماعة بالتوبة والصحة والعافية..
الحمد لله الذى لم يبتلينا بما ابتﻻهم به..وفضلنا على كثير ممن خلق من عباده تفضيﻻ
البتعمل فيه ده كلام فارغ ومشاكل مع القراء ...كاننا شفع..
مع الأسف نسبة كبيرة من كتابنا هم على نفس الشاكلة دى.
حتى المكاواة يعنى ما طوالى مرات بنقعد نتناقش بعقل ونفيد بعض.
المشكلة انو الاخ شوربجى ما قادر يحدد الخطوط المانعه للتجاوز ومع الأسف عموده خالى من اى شئ مفيد...نرجو منه اعاده النظر فى أسلوبه وتطوير ذاته كصحفى..مع كامل احترامنا لشخصه.